✔️✅✅✅✅
“MA’RIFAT ULASHIB” — ADIBLAR BILAN MAKTABLARDA UCHRASHUVLAR TASHKIL ETILDI

Toshkent shahri Sergeli tumanidagi 322- va 237-sonli umumta’lim maktablarida “Ma’rifat ulashib” loyihasi doirasida taniqli adiblar, Toshkent to‘qimachilik va yengil sanoat instituti birinchi prorektori, professor Baxtiyor Nasimov hamda institut professor-o‘qituvchilari ishtirokida maktab o‘quvchilari bilan ijodiy uchrashuvlar tashkil etildi.

Uchrashuvlarda O‘zbekiston Yozuvchilar uyushmasi a’zosi, “Do‘stlik” ordeni sohibi, “Sharq yulduzi” jurnali bosh muharriri o‘rinbosari Aziz Said, O‘zbekiston xalq yozuvchisi, O‘zbekistonda xizmat ko‘rsatgan madaniyat xodimi Isajon Sulton hamda Zulfiya nomidagi Davlat mukofoti sohibasi Guli Nigor ishtirok etdilar.

Muloqotlar davomida o‘quvchilarning kitobxonlikka bo‘lgan qiziqishini oshirish, adabiyotga mehr uyg‘otish va yoshlarni ma’rifatli, vatanparvar insonlar etib tarbiyalash masalalariga e’tibor qaratildi.

Uchrashuvlar yakunida adiblarning dastxati tushirilgan kitoblari maktablarning faol o‘quvchilari hamda mahallaning tashabbuskor yoshlariga taqdim etildi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
ADIBLAR BILAN IJODIY UCHRASHUV: TALABALARGA E’TIROF VA ESDALIK SOVG‘ALARI TOPSHIRILDI

Toshkent to‘qimachilik va yengil sanoat instituti birinchi prorektori, professor Baxtiyor Nasimov hamda institut professor-o‘qituvchilari ishtirokida talaba-yoshlar uchun taniqli adiblar bilan ijodiy uchrashuv tashkil etildi.

Uchrashuvda O‘zbekiston Yozuvchilar uyushmasi a’zosi, “Do‘stlik” ordeni sohibi, “Sharq yulduzi” jurnali bosh muharriri o‘rinbosari Aziz Said, O‘zbekiston xalq yozuvchisi, O‘zbekistonda xizmat ko‘rsatgan madaniyat xodimi Isajon Sulton hamda Zulfiya nomidagi Davlat mukofoti sohibasi Guli Nigor ishtirok etdi.

Samimiy muloqot davomida talabalar adiblar bilan ijod, adabiyot va kitobxonlik haqida suhbatlashish imkoniga ega bo‘ldilar.

Shuningdek, adiblar institutning esdalik sovg‘alari bilan taqdirlandi.

Bunday ijodiy uchrashuvlar talaba-yoshlarning ma’naviy dunyosini boyitish, kitobxonlik madaniyatini yuksaltirish hamda adabiyotga bo‘lgan qiziqishini oshirishga xizmat qiladi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
“MA’RIFAT ULASHIB” TADBIRLARI “YASHIL MAKON” LOYIHASI BILAN UZVIY DAVOM ETDI

“Ma’rifat ulashib” tadbirlari doirasida umumta’lim maktabida hamda Toshkent to‘qimachilik va yengil sanoat institutida tashkil etilgan davra suhbatlari ezgu tashabbus — “Yashil makon” loyihasi bilan uzviy davom etdi.

Tadbirlarda O‘zbekiston Yozuvchilar uyushmasi a’zosi, “Do‘stlik” ordeni sohibi, “Sharq yulduzi” jurnali bosh muharriri o‘rinbosari Aziz Said, O‘zbekiston xalq yozuvchisi, O‘zbekistonda xizmat ko‘rsatgan madaniyat xodimi Isajon Sulton, Zulfiya nomidagi Davlat mukofoti sohibasi Guli Nigor, institut birinchi prorektori, professor Baxtiyor Nasimov, professor-o‘qituvchilar hamda talaba-yoshlar ishtirok etdi.

Uchrashuvlar davomida ma’rifat, adabiyot va kitobxonlikning inson kamolotidagi o‘rni bilan bir qatorda, tabiatni asrash, atrof-muhitga mas’uliyat bilan munosabatda bo‘lish va ekologik madaniyatni yuksaltirishning ahamiyati ham e’tirof etildi.

Tadbirning ramziy davomi sifatida institut hududida adiblar va talabalar ishtirokida ko‘chat ekish marosimi tashkil etildi. Ushbu ezgu tashabbus ma’rifat va tabiatga mehr, ezgulik va bunyodkorlik g‘oyalarini o‘zida mujassam etdi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube