✔️✅✅✅✅
“O‘CHMAS, SO‘NMAS — ONA TILIM!”

O‘ZBEK TILI BAYRAMI NISHONLANDI
Toshkent to‘qimachilik va yengil sanoat institutining “Yashil transformatsiya va sanoat xavfsizligi” kafedrasida 21-oktabr — O‘zbek tili bayrami munosabati bilan “O‘chmas, so‘nmas — ona tilim!” mavzusida ma’rifiy tadbir tashkil etildi.

🗣Ona tilimiz — milliy o‘zligimiz, ma’naviy boyligimiz va xalqimizning bebaho merosidir. 1989-yil 21-oktabrda o‘zbek tiliga davlat tili maqomi berilishi tariximizdagi muhim voqealardan biri bo‘lib, milliy qadriyatlarimizni asrab-avaylash va rivojlantirishda alohida ahamiyat kasb etadi.

⏺Tadbir davomida o‘zbek tilining boy tarixi, uning ilmiy va amaliy sohalardagi o‘rni hamda rivojlanish bosqichlari haqida ma’ruzalar tinglandi. Shuningdek, tilimiz sofligini saqlash, uni zamonaviy texnologiyalar va sanoat sohasiga keng joriy etish masalalari muhokama qilindi.

⏺Ishtirokchilar tomonidan Alisher Navoiy va boshqa buyuk allomalarimizning til haqidagi hikmatli so‘zlari hamda she’riy chiqishlar namoyish etildi.

⏺Til — millat ruhi, ma’naviyat ko‘zgusi va kelajak avlodga qoldiriladigan bebaho merosdir. Uni asrab-avaylash, qadrlash va kelajak avlodga sof holda yetkazish barchamizning muqaddas burchimizdir.

💬Barchangizni 21-oktabr — O‘zbek tili bayrami bilan muborakbod etamiz!

🌍🌍🌍🌍🌍🌍
✈️TELEGRAM 🟣INSTAGRAM

✔️🟦🟦🟦
“ONA TILIM — FAXRIM, G‘URURIM!”

Toshkent to‘qimachilik va yengil sanoat institutida Ijtimoiy fanlar va jismoniy madaniyat kafedrasi tashabbusi bilan “Ona tilim — faxrim, g‘ururim” mavzusida ma’naviy-ma’rifiy tadbir tashkil etildi.

Tadbirda fakultet dekanlari, professor-o‘qituvchilar hamda talaba-yoshlar ishtirok etdilar.

Unda ona tilimizning milliy o‘zligimizni ifodalashdagi o‘rni, uning boyligi va sofligini asrab-avaylash, yoshlar qalbida ona tiliga hurmat va ehtirom tuyg‘ularini mustahkamlash masalalariga e’tibor qaratildi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
“O‘ZBEK TILI BILIMDONI” TANLOVI G‘OLIBLARI ANIQLANDI

Toshkent to‘qimachilik va yengil sanoat institutida O‘zbekiston Respublikasi davlat mustaqilligining 35 yilligi hamda O‘zbek tiliga davlat tili maqomi berilganining 37 yilligi munosabati bilan O‘zbek va xorijiy tillar kafedrasi tashabbusi bilan talaba-yoshlar o‘rtasida “O‘zbek tili bilimdoni” tanlovi tashkil etildi.

Tanlovdan ko‘zlangan maqsad talabalarning davlat tiliga hurmatini oshirish, o‘zbek tili bo‘yicha bilim va savodxonligini mustahkamlash hamda milliy qadriyatlarimizga sadoqat ruhida tarbiyalashdan iborat bo'ldi.

Ishtirokchilar og‘zaki nutq va matn bilan ishlash hamda ona tili bo‘yicha test sinovlarida o‘z bilimlarini namoyish etdilar.

Tanlov ishtirokchilarining bilimlarini O‘zbek va xorijiy tillar kafedrasi professor-o'qituvchilari baholab bordilar. Tanlov natijalariga ko'ra:

🥇1-o‘rin — Safarboyev Shahriyor (Iqtisodiyot fakulteti);
🥈2-o‘rin — Abdusattarova Malika (Dizayn va texnologiyalar fakulteti);
🥉3-o‘rin — Yo‘ldasheva Dilara (To‘qimachilik muhandisligi fakulteti);
🥉 3-o‘rin — Umarova Gulmira (Sanoat texnologiyalari va mexanika fakulteti).

G‘oliblarni muborakbod etamiz va barcha ishtirokchilarga kelgusi o‘qishlari hamda izlanishlarida muvaffaqiyatlar tilaymiz!

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube