#Live #Konferensiya

Bugun Chirchiq davlat pedagogika universitetida “Turkiy tillarda ilmiy-qiyosiy tadqiqotlar va metodologiya” mavzusida xalqaro ilmiy-amaliy anjuman o‘z ishini boshladi.

Anjumanda 10 dan ortiq turkiy davlatlardan olimlar va til ekspertlari onlayn hamda oflayn formatda ishtirok etmoqda.

Yalpi majlisda universitet rektori G‘ofurjon Muxamedov ishtirok etib, anjuman tashkilotchilari va qatnashchilariga minnatdorlik bildirdi hamda turkiy tillar, ilm-fan va madaniy hamkorlikni rivojlantirishda bunday ilmiy muloqotlarning ahamiyatini ta’kidladi.


📷Universitet Axborot xizmati

#Live #Konferensiya

Chirchiq davlat pedagogika universitetida “Ommaviy jismoniy tarbiya tizimida uzluksiz ta’limning zamonaviy yondashuvlari” mavzusidagi xalqaro ilmiy-amaliy anjuman o‘z ishini boshladi.

Sport ta’limi olimlari, xalqaro ekspertlar va sport ustalarini birlashtirgan anjuman jismoniy tarbiya tizimini takomillashtirish, ilg‘or tajribalarni ommalashtirish va uzluksiz ta’lim istiqbollarini muhokama qilish uchun muhim ilmiy muloqot maydoniga aylandi.

Ertaga anjuman ishi sho‘balarda davom etib, dolzarb ilmiy masalalar va istiqbolli takliflar muhokama qilinadi.


📷Universitet Axborot xizmati

Xorijiy hamkorlar ishtirokida ta’lim sifatini ta’minlash bo‘yicha amaliy seminar tashkil etildi

Buyuk Britaniyaning Association of MBAs va Business Graduates Association (AMBA & BGA) xalqaro tashkilotlari hamkorligida “O‘zbekiston oliy ta’limida sifatni ta’minlashni mustahkamlash” mavzusida amaliy seminar (workshop) o‘tkazildi.

Mazkur seminar oliy ta’lim muassasalarida ta’lim sifatini ta’minlash tizimini takomillashtirish, xalqaro standartlar asosida sifatni baholash mexanizmlarini rivojlantirish, shuningdek, xalqaro akkreditatsiya jarayonlariga tayyorgarlik ko‘rish bo‘yicha amaliy tajriba almashish va hamkorlikni mustahkamlash maqsadida tashkil etildi.

Amaliy seminarda Chirchiq davlat pedagogika universitetining ta’lim sifatini ta’minlash bo‘yicha mas’ul vakillari faol ishtirok etdilar. Seminar davomida universitet vakillari ta’lim sifatini ta’minlash borasida amalga oshirilayotgan ishlar va to‘plangan tajriba bilan tanishtirib, oliy ta’limda sifatni ta’minlash tizimini rivojlantirishga qaratilgan muhokamalarda universitetning hissasini namoyon etdilar.

Universitet vakillarining ishtiroki ta’lim sifatini oshirish, ilg‘or xalqaro tajribalarni o‘rganish, ularni universitet faoliyatiga tatbiq etish hamda xalqaro hamkorlikni mustahkamlash nuqtayi nazaridan muhim ahamiyat kasb etadi.

Seminar doirasida oliy ta’lim muassasalarida sifatni ta’minlashning samarali mexanizmlari, xalqaro akkreditatsiya talablariga muvofiq faoliyatni tashkil etish hamda ta’lim sifatini uzluksiz takomillashtirish masalalari yuzasidan amaliy tajriba almashildi.

Ma’lumot uchun, AMBA & BGA biznes va boshqaruv ta’limi sifatini ta’minlash sohasida faoliyat yurituvchi xalqaro tashkilot bo‘lib, bugungi kunda 460 dan ortiq biznes maktabini birlashtirgan xalqaro tarmoqqa ega.

🕊Telegram 📱Instagram 📱Facebook 📺YouTube