Umar roziyallohu anhu:

«Odamlar bilan ularning zohiriga qarab muomala qilinglar. Ularning qalbidagi narsaga esa Allohning O‘zi hukmrondir», dedilar.

So‘zning ortiqchasini tark qil, hikmatga erishasan!

Nazarning ortiqchasini tark qil, huzu’-xushu’ga erishasan!

Kulgining ortiqchasini tark qil, haybat va viqorga erishasan!

Dunyoning muhabbatini tark qil, oxirat muhabbatiga erishasan!

Boshqalarning ayblarini tark qil, ayblaringni isloh qilishga erishasan!

Mol-dunyo rizqning bir bo‘lagidir.

Yana sog‘lik rizqi, farzand rizqi, taom rizqi, barakadagi rizq ham bor.

Rizq faqat mol-dunyoning o‘zi emas. Alloh subhanahu va taoloning har bir ne’mati rizqdir.

Shayx Mutavalliy Sha’roviy

RASULULLOH RAMAZONDA

Oysha roziyallohu anho rivoyat qiladi: “Nabiy alayhissalom qachon (oxirgi) o‘nlik kirsa, belni mahkam bog‘lab, kechani bedor o‘tkazar va ahllarini uyg‘otar edilar” (Beshovlari rivoyat qilishgan).

Imom Termiziy rahimahulloh lafzida: “Oxirgi o‘nlikda undan boshqada qilmagan ijtihodni qilar edilar”, deyilgan.

Nabiy alayhissalom Qadr kechasida ko‘p duo qilishni yaxshi ko‘rar edilar.

Imom Termiziyning “Sunan”ida Oysha roziyallohu anho rivoyat qiladi: “Ey Allohning Rasuli, Qadr kechasini topsam, qanday duo qilay?” dedim. U zot: “Allohumma innaka ’afuvvun karimun, tuhibbul ’afva fa’fu ’annii” (Allohim, albatta, Sen kechirguvchi, Karim zotsan. Kechirishni yaxshi ko‘rasan, meni afv et), deb ayt”, dedilar.

Imom G‘azzoliy rohimahulloh aytdilar:

“Allohning sendan dunyoni to‘sib, senga shiddat va balolarni ko‘paytirayotganini ko‘rsang, bilginki, Uning huzurida azizu mukarram ekansan, U Zotning huzurida o‘rning bor ekan. U Zot seni O‘zining do‘stlari va saylagan bandalari yo‘liga yo‘llamoqda. U Zot seni ko‘rib turibdi. Axir U Zotning: «Robbingning hukmiga sabr qil. Albatta, sen ko‘z o‘ngimizdasan», degan so‘zini eshitmaganmisiz?”
(Tur surasi, 48-oyat)