ЙЎЛ ҲАРАКАТИ ХАВФСИЗЛИГИНИ ТАЪМИНЛАШ БЎЙИЧА МАҲОРАТ ДАРСИ ЎТКАЗИЛДИ
 
Жорий йилнинг 24 октябрь куни Ўзбекистон Республикаси Жамоат хавфсизлиги университетида Жамоат хавфсизлигини таъминлаш кафедраси профессор-ўқитувчилари томонидан 264-ўқув гуруҳи курсантлари иштирокида Тошкент шаҳар ИИББ ЙҲХБ ЙПХБ 3-батальон катта инспектори майор М.Туляганов билан ҳамкорликда аҳорат дарси ўтказилди. Машғулотдан кўзланган асосий мақсад курсантларнинг назарий билимларини амалиёт билан уйғунлаштириш, касбий компетенция ва амалий кўникмаларини мустаҳкамлашдан иборат бўлди.

Бу ёндашув Жамоат хавфсизлиги университетида профессионал кадрлар тайёрлашни такомиллаштиришга қаратилган Ўзбекистон Республикаси Президентининг 2026 йил 26 августдаги PQ–302-сон қарорида белгиланган вазифалар билан ҳамоҳангдир. Қарорда, хусусан, йўл ҳаракати хавфсизлиги соҳасида профессионал кадрлар тайёрлаш йўналишига алоҳида эътибор қаратилган.
Маҳорат дарси давомида йўл ҳаракати хавфсизлигини таъминлаш, ҳаракат иштирокчиларининг ҳуқуқ ва мажбуриятлари, тирбандликлар вақтида ҳаракатни тартибга солиш, махсус йўналишдаги транспорт воситалари ҳаракатида ЙПХ ходимининг тартибга солиш ишораларидан фойдаланиш, махсус кузатувларни ташкил этиш ҳамда зиддиятли вазиятларда ЙПХ ходимининг ўзини тутиш, фуқаролар билан мулоқот компетенциясини шакллантириш масалалари амалий мисоллар асосида кўриб чиқилди.

Шунингдек, Ҳуқуқбузарликлар профилактикаси фаолияти кафедраси бошлиғи полковник С.М.Селиманова бошчилигида Университет худудида бунёд этилиши режалаштирилаётган “Хавфсиз маҳалла” ўқув – амалий шаҳарчасини “Йўл ҳаракати хавфсизлиги фаолияти” таъминлаш йўналишига мос жихозлаш борасидаги ишлар билан танишилди.
Машғулот якунида курсантлар билан савол-жавоб ва фикр алмашиш ташкил этилиб, хизмат фаолиятида учраши мумкин бўлган вазиятлар юзасидан амалий тавсиялар берилди.
Шу тариқа, машғулот курсантларнинг олган назарий билимларини реал хизмат вазиятлари билан боғлаш, мустақил қарор қабул қилиш, йўл ҳаракатини тартибга солиш ва жамоат хавфсизлигини таъминлаш бўйича касбий компетенцияларини шакллантиришга хизмат қилади.

➡️🔘 Bizni ijtimoiy tarmoqlarda kuzatib boring!
✅Telegram I📹 Youtube I✅ Facebook I 🌐Instagram I 🌐Web-site

DAHŞATLI AVTOHALOKAT