🇺🇿 Poytaxt YHXB rahbar xodimlari tomonidan skuter, elektromoped, elektrosamokat hamda boshqa individual harakat vositalari haydovchilari bilan profilaktik uchrashuv o‘tkazildi.

🅰 Uchrashuv davomida haydovchilarga yo‘l harakati qoidalariga qat’iy rioya qilish, himoya vositalaridan foydalanish, piyodalar va boshqa yo‘l harakati ishtirokchilariga xalaqit bermaslik, shuningdek, tungi vaqtda ko‘rinishni ta’minlovchi nur qaytaruvchi vositalardan foydalanish muhimligi tushuntirildi.

⚠️ Shuningdek, yo‘l-transport hodisalarining oldini olish, harakat xavfsizligini ta’minlash va fuqarolar orasida yo‘l harakati madaniyatini oshirish yuzasidan tegishli tavsiyalar berilib, aynan individual harakat vositalari ishtirokidagi YTHlari namoyish etildi va haydovchilar hushyorlikka chaqirildi. Uchrashuv davomida yig`ilganlar o`zlarini qiziqtirgan savollar bilan mutassadilarga murojaat qilib tegishli tartibda javoblar olishti.

🚔 Bu kabi profilaktik tadbirlar poytaxt yo‘llarida xavfsiz harakatlanish muhitini yaratishga xizmat qiladi.

🚨Toshkent shahar IIBB YHXB Axborot xizmati.

🅰 Toshkent shahar IIBB YPXBda xodimlar ishtirokida navbatdagi xizmat oldi yo‘riqnomasi o‘tkazildi.

🛡 Yo‘riqnoma davomida shaxsiy tarkibga xizmat intizomiga qat’iy rioya qilish, fuqarolar bilan muomala madaniyatini yuksak darajada olib borish hamda belgilangan vazifalarni mas’uliyat bilan bajarish yuzasidan tegishli ko‘rsatmalar berildi.

Shuningdek, tadbir doirasida uzoq yillar davomida sidqidildan xizmat qilib, nafaqaga kuzatilayotgan xodimlarga hurmat-ehtirom ko‘rsatildi. Shu bilan birga, xizmat faoliyati davomida yuqori natijalarga erishib, o‘zining namunali ish ko‘rsatkichlari, tashabbuskorligi va fidoyiligi bilan safdoshlaridan ajralib turgan xodimlar munosib taqdirlandi.

🎉 Taqdirlash marosimi shaxsiy tarkib uchun o‘ziga xos rag‘bat bo‘lib, kelgusida ham xizmat vazifalarini vijdonan va mas’uliyat bilan bajarishga undashi alohida ta’kidlandi.

🔴 Toshkent shahar IIBB YHXB Axborot xizmati.