🚌🚌 AVTOBUSLARNING TEXNIK HOLATI NAZORATDAN O‘TKAZILMOQDA

📌 Toshkent shahridagi avtobus saroylarida IIBB YHXB Texnika nazorati bo‘limi xodimlari tomonidan avtobuslarning yo‘nalishga chiqishidan oldin texnik holati sinchiklab ko‘zdan kechirilmoqda.

🔧 Jarayon davomida avtobuslarning tormoz tizimi, rul boshqaruvi, yoritish chiroqlari, shinalari, tashqi yoritish moslamalari, oynalari, eshiklari hamda boshqa muhim texnik qismlarining sozligi nazorat qilinmoqda.

👮‍♂️ Shuningdek, haydovchilarga kuz-qish mavsumida transport vositalarining texnik sozligiga alohida e’tibor qaratish, aniqlangan nosozliklarni o‘z vaqtida bartaraf etish hamda yo‘lovchilar xavfsizligini ta’minlash yuzasidan tushuntirishlar berilmoqda.

❗️ Maqsad — avtobuslarning texnik jihatdan soz holatda yo‘nalishga chiqishini ta’minlash hamda yo‘lovchilarga xavfsiz, sifatli va qulay xizmat ko‘rsatish.

🚨 Toshkent shahar IIBB YHXB Axborot xizmati.

🚸 Toshkent shahar IIBB YHXB xodimlari tomonidan Yunusobod tumanidagi 247-sonli umumta'lim maktabining boshlang'ich sinf o‘quvchilari ishtirokida "Yo'l harakati qoidalari bilimdoni" mavzusida qiziqarli va mazmunli viktorina tashkil etildi.

⁉️ Tadbir davomida o‘quvchilar yo‘l harakati qoidalari bo‘yicha berilgan savollarga faol javob berib, o‘z bilimlarini namoyon etdilar. O‘quvchilarga yo‘l harakati qoidalariga doimo amal qilish, piyodalar yo‘laklaridan foydalanish hamda o‘z xavfsizligiga befarq bo‘lmaslik yuzasidan zarur tavsiyalar berildi.

🇺🇿 Toshkent shahar IIBB YHXB Axborot xizmati