Qonun yuzasidan ayrim izohlar:

⏳Bugun imzolangan qonun rasmiy e’lon qilingan kundan e’tiboran olti oy ötgaç kuçga kiradi. Bugun yoki ertadan hammayoq özgarishi şart emas.

⌨️ Bu davrda takomillaşgan harflarni amaliyotga joriy etiş choralari köriladi. Masalan, texnologik kompaniyalar bilan hamkorlikda kompyuter hamda telefon qurilmalariga özbek alifbosiga mos terilmalarni örnatiş işlari olib boriladi. Ya’ni ortiqça dastur yoki ilova yuklab olişga hojat qolmaydi.

✅ Şuningdek, Qonun kuçga kirguniga qadar lotin yozuviga asoslangan özbek alifbosida rasmiylaştirilgan hujjatlarda, milliy valyutada va qimmatli qoğozlarda uşbu Qonun tahriri asosida takomillaştirilgan harflarning avvalgi şakli mavjud bölişi ularning amal qilişiga va muomalada bölişiga monelik qilmaydi.

Davlat organlari va taşkilotlarining uşbu Qonun tahriri asosida takomillaştirilgan harflarning avvalgi şakli mavjud bölgan ramziy belgilari va boşqa atributlaridan, ularning binolarida aks ettirilgan davlat gerbining börtma tasviridan, şuningdek geografik obyektlarning nomlari tuşirilgan peşlavha va körsatkiçlardan hamda Hukumat tomonidan belgilanadigan boşqa aşyolar va manbalardan ular yaroqsiz holatga kelib qolguniga yoxud uşbu Qonunning ijrosini amalga oşirişga doir çora-tadbirlar dasturida belgilangan muddatga qadar foydalaniladi.
 

👉 @xushnudbek 👈

"Олмалик КМК" АЖ У́кув марказида "Концепция" буйича мутахассисларнинг таклифлари такдимоти ташкил этилди