Oliy ta’lim, fan va innovatsiya vazirligi tomonidan tashkil etilgan "Ma’rifat maydoni" tanlovida UDEA talabalari munosib bellashdilar 🏆

Ushbu tanlov talaba-yoshlar o‘rtasida atoqli adiblar va mutafakkirlarimiz ijodiy merosini keng targ‘ib qilish, ularning adabiyotga bo‘lgan qiziqishlarini yanada oshirish va ularga o‘z iqtidorlarini namoyish etish uchun imkoniyat yaratdi.

Tadbirning tashkilotchilarga o‘z minnatdorchiligimizni bildiramiz 😊

Raqamli iqtisodiyot va agrotexnologiyalar universiteti joriy yilning 4-5-fevral kunlari barcha xodimlar uchun “Layner Mountain Resort” dam olish maskanida “Teambuilding” an'anaviy tadbirini tashkil qildi 🏔️

Ushbu tadbir liderlik mahoratlarini mustahkamlash, jamoaviy ruhni ko‘tarish, yagona maqsad sari birlashish, istiqbolli, shu jumladan 2023-yil uchun, rejalarni e’lon qilish, xodimlarning yutuqlarini e’tirof etish kabi bir qancha qismlardan iborat bo‘ldi 🙌

2023-yil 20-fevral kuni Raqamli iqtisodiyot va agrotexnologiyalar universiteti rektori — iqtisodiyot fanlari doktori, professor Rustam Abduraupov boshchiligidagi delegatsiyasi akademik hamkorlik imkoniyatlarini o‘rganish maqsadida Vengriyaning Debretsen universitetiga tashrif buyurdi.

Muhokamalar, talabalar va professor-o‘qituvchilar almashinuv dasturlari, qo‘shma tadqiqot tashabbuslari va hamkorlikdagi o‘quv dasturlariga qaratildi ✍️

Tashrif doirasida o‘zaro anglashuv memorandumi imzolandi hamda delegatsiya Debretsen universiteti kampusi bilan tanishib chiqdi. Ikkala universitet ham xalqaro hamkorlik va global ta’limni rivojlantirishga qat’iy ishonch bildirdi 🤝