UDEA xalqaro hamkorlikni kengaytirmoqda: Shinjon qishloq xo‘jaligi universiteti bilan strategik memorandum imzolandi

Raqamli iqtisodiyot va agrotexnologiyalar universiteti (UDEA) xalqaro hamkorlikni yangi bosqichga olib chiqmoqda.

Mazkur hamkorlik O‘zbekiston Respublikasi Prezidentining 2026-yil 13-martdagi PQ-99-son qarori ijrosini ta’minlash doirasida amalga oshirilmoqda. Ushbu qarorda Agrobank ishtirokida Xitoyning yetakchi agrar universitetlari bilan qo‘shma ta’lim dasturlarini yo‘lga qo‘yish ustuvor vazifa sifatida belgilangan.

Joriy hafta davomida universitet rahbariyatining Xitoy Xalq Respublikasiga amalga oshirgan amaliy tashrifi doirasida agrosanoat va zamonaviy qishloq xo‘jaligi texnologiyalari yo‘nalishida yetakchi ilmiy-ta’lim muassasalaridan biri bo‘lgan Shinjon qishloq xo‘jaligi universiteti bilan o‘zaro anglashuv memorandumi imzolandi.

Mazkur hujjat O‘zbekiston agrar sohasini texnologik modernizatsiya qilish, zamonaviy bilim va ilg‘or tajribalarni joriy etishga xizmat qiladi.

Hamkorlikning asosiy yoʻnalishlari:
1. Oʻzbek fermerlari uchun amaliy taʼlim dasturlari
Xitoy tajribasi asosida fermerlar va agrosanoat kompleksi mutaxassislari uchun amaliy oʻquv mashgʻulotlari tashkil etiladi.
2. UDEA talabalari uchun xalqaro yozgi maktablar
Talabalar Xitoyda real ishlab chiqarish jarayonlari, laboratoriya amaliyotlari va dala tadqiqotlarida bevosita ishtirok etish imkoniyatiga ega boʻladilar. Bu nazariy bilimlarning amaliy davomiga aylanadi.
3. Qoʻshma taʼlim va ilmiy dasturlar
Ikki davlat oʻrtasida qoʻshma oʻquv rejalari, ilmiy tadqiqot loyihalari va uzoq muddatli akademik hamkorlik infratuzilmasi yoʻlga qoʻyiladi.

Ayni paytda ishchi tashrif davom etmoqda.
Navbatdagi uchrashuv ARWU va U.S. News & World Report reytinglari bo‘yicha "Agricultural Sciences" yo‘nalishidagi dunyoning eng yaxshi universiteti sifatida tan olingan Xitoy qishloq xoʻjaligi universiteti bilan oʻtkazilishi rejalashtirilgan.

🎓 Jahon darajasidagi Britaniya diplomiga ega bo’ling!

Batafsil ma’lumot uchun:
📞 +998 78 888 08 00
📧 info@udea.uz
📍 Boshliq ko’chasi 3, Toshkent

UDEA delegatsiyasining Xitoy Xalq Respublikasiga amalga oshirgan amaliy tashrifi muvaffaqiyatli yakunlandi

Tashrif doirasida muhim xalqaro hamkorlik aloqalarini kengaytirish yo‘lida qator samarali uchrashuvlar o‘tkazildi. Jumladan, Shinjon qishloq xo‘jaligi universiteti bilan o‘zaro anglashuv memorandumi imzolangach, “Agrobank” ATB vakillari ishtirokida Xitoyning yetakchi oliy ta’lim muassasalaridan biri — Xitoy Qishloq Xo'jaligi Universiteti (CAU) bilan muzokaralar olib borildi.

Xitoy Qishloq Xo'jaligi Universiteti (CAU) bugungi kunda nafaqat Xitoy, balki global miqyosda agrar ta’lim va ilmiy tadqiqotlar sohasida yetakchi o‘rinlarni egallab kelmoqda. Xususan, nufuzli ARWU hamda U.S. News & World Report xalqaro reytinglariga ko‘ra, universitet qishloq xo‘jaligi fanlari yo‘nalishida dunyoda yuqori pog‘onalardan joy olgan.

O‘tkazilgan muzokaralar yakunida tomonlar quyidagi ustuvor yo‘nalishlarda hamkorlikni rivojlantirishga kelishib oldilar:

— o‘zaro anglashuv memorandumini joriy yilning may oyida Toshkent shahrida imzolashga kelishib olindi;
— CAUning tadqiqotlar markazini UDEAda ochishga kelishib olindi;
— qo‘shma ta’lim dasturlarini yo‘lga qo‘yish;
— UDEA talabalari uchun CAU bazasida yozgi maktablar tashkil etish;
— talabalar almashinuvi dasturlarini yo‘lga qo‘yish;
— CAUda o‘zbekistonlik fermerlar uchun maxsus o‘quv dasturlarini tashkil etish.

Mazkur kelishuvlarning eng muhim yo‘nalishlaridan biri — fermerlar salohiyatini oshirishga qaratilgan tashabbusdir. UDEA bugungi kunda nafaqat zamonaviy ta’lim maskani, balki mamlakat qishloq xo‘jaligini innovatsion rivojlantirishga xizmat qiluvchi ilmiy-amaliy platforma sifatida faoliyat yuritmoqda.

IFRS 9 standarti bo'yicha navbatdagi professional o'quv seminari Jizzax viloyatida tashkil etildi.

Jizzax viloyatida o'tkazilgan IFRS 9 o'quv seminari bank xodimlarining moliyaviy hisobotning xalqaro standartlarini amaliyotda qo'llash bo'yicha bilim va ko'nikmalarini yanada mustahkamlashga qaratildi.

Seminar davomida moliyaviy aktivlarni tasniflash, kutilayotgan kredit yo'qotishlarini baholash hamda IFRS 9 standartining bank faoliyatiga tatbiqi masalalari atroflicha muhokama qilindi. Mashg'ulotlar real ish jarayonlariga asoslangan amaliy misollar orqali olib borildi.

🎓 Jahon darajasidagi Britaniya diplomiga ega bo’ling!

Batafsil ma’lumot uchun:
📞 +998 78 888 08 00
📧 info@udea.uz
📍 Boshliq ko’chasi 3, Toshkent

📢 UDEA’da Respublika ilmiy-amaliy anjumani!

Bugun, 23-aprel kuni, UDEA’da “Milliy iqtisodiyotni rivojlantirishda raqamli texnologiyalardan foydalanish masalalari” mavzusidagi Respublika ilmiy-amaliy anjumani bo‘lib o‘tdi.

Tadbirda Citibank, Agrobank, Openbank hamda O‘zbekiston Respublikasi Iqtisodiyot va moliya vazirligi rahbarlari, shuningdek, sohaning yetakchi olimlari, ilmiy tadqiqotchilar va faol talabalar ishtirok etdi.

Konferensiya davomida sun’iy intellekt va big data texnologiyalarini iqtisodiyot tarmoqlariga joriy etish, raqamli to‘lov tizimlarini kengaytirish, shuningdek, kibertahdidlarga qarshi samarali himoya mexanizmlarining iqtisodiy o‘sishga ta’siri kabi dolzarb masalalar muhokama qilindi.

Anjuman O‘zbekiston Respublikasi Oliy ta’lim, fan va innovatsiyalar vazirligi, UDEA hamda “Agrobank” ATB hamkorligida tashkil etildi.

Mazkur anjuman ilmiy hamkorlikni kengaytirish, innovatsion yondashuvlarni rivojlantirish hamda iqtisodiyotning raqamli transformatsiyasini jadallashtirishga xizmat qiluvchi muhim platforma bo‘ldi.

🎓 UDEA — Biz yorqin kelajakka yo‘llanma beramiz!

Batafsil ma’lumot uchun:
📞 +998 78 888 08 00
📧 info@udea.uz
📍 Boshliq ko’chasi 3, Toshkent