UDEAda Ochiq eshiklar kuni qizg‘in davom etmoqda 🎓

2023-24 o’quv yili uchun bag’ishlangan ushbu tadbirda universitetimizda mavjud bo’lgan barcha o’quv dasturlar taqdimoti va talabalarning ijtimoiy hayoti bilan tanishish imkoniyatiga egasiz 🙌

Maktab va litseylardan tashrif buyurayotgan abiturientlarimiz uchun ajoyib sovg’alar tayyorlangan 🎁

Ochiq eshiklar kuni soat 16:00 gacha davom etadi 🕓

UDEA talabalari Poytaxtimizdagi "Adiblar xiyoboni" – ma’naviyat maskaniga tashrif buyurishdi.

Tashrif davomida talabalar 20 dan ziyod atoqli shoir va adiblarning ijodi hamda yaxlit me’moriy va badiiy kompozitsiyalari bilan tanishdilar.

Hiyobonda qad ko'targan Toshkent muzeyi talabalarda iliq taassurot qoldirdi. Muzey ekspozitsiyalarida toshkentliklarning qadimiy o‘tmishi, urf-odatlari, qadimiy mintaqa san’at va madaniyati namunalari namoyish etilgan 😊

Аgrobank АTB hamda Raqamli iqtisodiyot va agrotexnologiyalar universiteti o‘rtasida samarali hamkorlikni yo‘lga qo‘yish bo‘yicha 2023-yil uchun tasdiqlangan Yo‘l xaritasiga muvofiq UDEA talabalari 5-may kuni Аgrobank АTB bosh ofisiga tashrif buyurishdi.

Tashrif davomida, bankning Ijtimoiy loyihalar departamenti direktori o'rinbosari Ozodbek Saydiyev hamda Kreditlarni boshqarish departamenti, bo‘lim boshlig‘i Farxod Ubaydullaevlar tomonidan departamentlarning ish faoliyati, ijtimoiy loyihalar va ularning vazifalari to‘g‘risida ma’lumotlar berildi. Shuningdek, talabalar bosh ofisda bank xodimlariga yaratilgan sharoitlar va qulayliklar bilan tanishdilar.

Tashrif davomida talabalar o‘zlarini qiziqtirgan barcha savollarga bank xodimlari tomonidan javob oldilar.