💡📆📆📆📆📆 14 наурыз

👥Бүгін — Көрісу күні. Бастапқыда бұл күн еліміздің тек батыс өңірінде ерекше мәнге ие болды. Ал қазір Қазақстанның барлық аймағында танылып келеді. Көрісу күні (қауышу күні, Амал мерекесі) – үлкендердің батасын алып, ұзақ ғұмыр тілеуге негізделген көне дәстүр. Наурыз мейрамына бір апта қалғанда, жұртшылық жаңа, сәнді киімдерін киіп, бір-бірімен көрісіп, қол алысады. Бұл күні адамдар: “Бір жасың құтты болсын!” деп жылы лебіздерін білдіреді.



👀Бүгін математиктер халықаралық π күнін атап өтеді. Бұл мейрамды алғаш рет америкалық физик Ларри Шоу ойлап тапқан. Ол 14 наурыз күнінің (3/14) π санының алғашқы сандарымен сәйкес келетінін байқаған. Көпшілік π санын мектеп бағдарламасынан 3.14159 деп білсе, қазіргі математиктер оны триллионға дейінгі дәлдікпен есептеп шығарған. Көптеген адам π туралы алғашқы түсінікті орта мектепте қалыптастырды. Оны 3,14159 деп біледі. Ал π санының ең көп цифрын жатқа айту бойынша әлемдік рекорд 67890 санды құрайды.


🥪14 наурызда фастфуд әуесқойлары бутерброд күнін атап өтеді. Әр халық аталмыш өнертабысты өзіне иемденуге тырысып бағады. Тіпті “бутерброд заңы” деген ұғым бар – яғни, бутерброд жерге құласа, міндетті түрде май жағылған бетімен түседі. Сол себепті көпшілік бұл тағамды әйгілі ғалым Николай Коперник ойлап тапқан деп санайды. Аңызға сүйенсек, ол бір кезде қамал коменданты болып тұрған кезде, қамалға індет тарайды. Сонда Коперник нанның үстіне май жағып жеуді ұсынады. Өйткені майы бар жағы еденге түссе, ондағы кірді бірден байқауға болады.

Сіздің сүйікті бутербродыңыз қандай?


👥14 наурызда дүниеге келген танымал адамдар. 146 жыл бұрын салыстырмалылық теориясының авторы, қазіргі теориялық физиканың негізін салушылардың бірі, Нобель сыйлығының лауреаты Альберт Эйнштейн (1879-1955) дүниеге келді. Ол әлемнің 20-ға жуық жетекші университетінің құрметті докторы әрі көптеген ғылым академиясының мүшесі. Эйнштейн физика бойынша 300-ден астам ғылыми еңбектердің, сондай-ақ тарих, философия, журналистика және басқа да ғылымдар саласындағы 150-ге жуық кітаптар мен мақалалардың авторы. Сонымен қатар бүгін 2004 жылы бокстан Олимпиада чемпионы Бақтияр Артаев 42 жасқа толды. Олимпиаданың соңғы күні Бақтияр Афиныда өткен ойында Қазақстан қоржынына жалғыз алтын медаль салып үлгерді. Ерекше техникасының арқасында ол үздік спортшы ретінде Вал Баркер кубогын жеңіп алды. Сондай-ақ Әлем чемпионаттарының қола жүлдегері, ал Азия ойындарының күміс жүлдегері атанды.

#Күнтізбе #Мереке #Ерекшекүн #Көрісукүні #πсаны #Бутербродзаңы #Туғанкүндер #Танымалтұлғалар #Салыстырмалытеория #Олимпиадачемпионы

💡🎬🎬🎬🎬🎬🎬🎬🎬🎬🎞

🎬"Қожа: Жаңа саяхат" драмасы. Фильмде аңызға айналған достар Қожа мен Сұлтан қайта қауышып, қызық оқиғаларды бастан өткереді. Басты рөлдерде: Айқын Елубай, Олжас Қалғаппар, Ильяр Егінбай, Айым Құлымхан.
Трейлер мына жерде: https://www.youtube.com/watch?v=btV-Ybj1TNY

🎬"Малай" мелодрамасы. Байдың баласы Чина сән-салтанатты өмірдің жетегінде кетіп, есіре бастайды. Оны дұрыс жолға салудың амалын таппаған олигарх әкесі үлкен бір қадамға барады. Ол психологпен бірлесіп, XIX ғасырдағы қазақ ауылының дәл көшірмесін кең далада тұрғызады. Ауылға тап болған Чина өткен ғасырға өтіп кеткендей күй кешеді. Басты рөлдерде: Жеңіс Омаров, Аида Құрманғалиева, Дулыға Ақмолда, Лаура
Трейлер мына жерде: https://www.youtube.com/watch?v=SmIhC6B7qak

🎬"Чёрный чемодан – Двойная игра" драмасы. Барлау қызметінің ерлі-зайыпты агенттері ұзақ жылдар бойы бақытты өмір сүріп келеді. Олар өзара сенім мен кәсіби адалдықты сақтай отырып, жұмыс пен жеке өмірдің арасындағы тепе-теңдікті таба білді. Алайда бір күні ер адам күрделі таңдау жасауға мәжбүр болады: ол өз отбасына адал бола ма, әлде Отан алдындағы парызын бәрінен жоғары қоя ма? Басты рөлдерде: Майкл Фассбендер, Кейт Бланшетт. Жас рейтингі: 18+
Трейлер мына жерде: https://www.youtube.com/watch?v=csuf3OzxSYM

🎬"Крушение мира" фантастикасы. Кенеттен әлемнің ең ықпалды адамдары қауіпке тап болады – олар бірінен соң бірі тек байларды зақымдайтын белгісіз вирустың құрбанына айналады. Миллиардерлер бар байлығынан құтылуға тырысса, қарапайым адамдар да жаңа мүмкіндіктерді пайдаланып қалғысы келеді. Бірақ бұл қауіпті ойын. Әлем хаосқа ұшырап жатқанда, жас кәсіпқой Лора аяқ астынан байып кетеді. Ол енді өз өмірін сақтап қалу үшін шындықты анықтауы тиіс.
Басты рөлдерде: Мэри Элизабет Уинстад, Рейф Спалл. Жас рейтингі: 18+
Трейлер мына жерде: https://www.youtube.com/watch?v=RTwdOa4DwKA

🎬"Мелочи жизни" драмасы. Ирландия, 1985 жыл. Рождество қарсаңында көмір тасушы Билл Ферлонг жергілікті католик шіркеуінде үрейлі оқиғаның куәсі болады. Ол әділдік іздеп, қоғамға қарсы шығуға бел буады. Басты рөлдерде: Киллиан Мерфи, Эмили Уотсон. Жас рейтингі: 18+
Трейлер мына жерде: https://www.youtube.com/watch?v=JmDOZQx20MA

🎬"Зверопоиск" мультфильмі. Мысқылға бейім аңшы-шошқа түрлі жануарды ұстаумен күн көреді. Бірақ оған аңшылық жасауға берілген жаңа тапсырма күтпеген достыққа ұласады.
Трейлер мына жерде: https://www.youtube.com/watch?v=HGmt7inp2Es

🎬"Пигси: Путешествие сквозь время" мультфильмі. Қол жетпейтін болашақ. Жалқау әрі өзімшіл торай — капитан Пигси жақсы өмірге қол жеткізу үшін қауіпті оқиғаларға толы сапарға аттанады… Алайда нағыз бақыт оның ойлағанынан әлдеқайда жақын болып шығады.
Трейлер мына жерде: https://www.youtube.com/watch?v=2g9J8q_nN7U

💡📆📆📆📆📆 15 наурыз

🫠Бүгін Қазақстанда Қайырымдылық күні аталып өтеді. Бұл күн мейірімділік, ізгілік және көршімен тату қарым-қатынас сынды ізгі құндылықтарды насихаттауға арналған. Қазақстанның түкпір-түкпірінде өтетін түрлі қайырымдылық шаралары мен игі істер қоғамға жанашырлық пен өзара қолдаудың маңыздылығын ұғындыруға септігін тигізеді.

Баршаңызды осы мерекемен құттықтаймыз!

🥳Бүгін — Дүниежүзілік тұтынушылар құқығын қорғау күні. 1961 жылы 15 наурызда АҚШ президенті Джон Кеннеди сөз сөйлеп, “тұтынушы” түсінігіне анықтама берді. Ол аталған ұғымды 4 негізгі құқыққа бөліп қарастырды. Нақтырақ айтсақ, қауіпсіздік, ақпарат, таңдау және тыңдау құқығы. Осы жүйе арқылы әлемнің көптеген елінде тұтынушылар құқығын қорғау туралы заңдар бекітілген. Қазақстанда да Тұтынушылардың құқықтарын қорғау комитеті мен Тұтынушылардың Ұлттық лигасы бар. Егер қандай да бір өнімге немесе қызметке көңіліңіз толмаса, кез келген уақытта осы ұйымдарға жүгінуіңізге болады.



🤗Бүгін – Халықаралық полицейлердің зорлық-зомбылығына қарсы күрес күні. Алғаш рет бұл күн 1997 жылы 15 наурызда аталып өтті. Оған швейцариялық полицейлердің екі баланы соққыға жыққан оқиғасы түрткі болған. Құқық қорғаушылардың айтуынша, полиция тарапынан негізсіз күш көрсету, психологиялық қысым жасау және сөзбен кемсіту көптеген адамның моральдық және физикалық жарақат алуына, мүгедектікке ұшырауына, тіпті өлімге алып келуі мүмкін. Бұл күн – қоғамның полиция қызметкерлерінің жауапкершілігіне назар аударуына және зорлық-зомбылықтың алдын алу шараларын күшейтуіне бағытталған.


👥15 наурызда қазақтың екі көрнекті скрипкашысы туған күндерін атап өтеді. Бүгін Қазақстанның халық әртісі, Қазақ ұлттық өнер университетінің ректоры Айман Мұсақожаева 66 жасқа толды. Ол көптеген халықаралық байқаулардың лауреаты, дипломанты және қазылар алқасының мүшесі. Халық әртісі “ХХ ғасырдың көрнекті 2000 музыканты” атты IBC Дүниежүзілік құрметті тізіміне енгізілген. Сонымен қатар Астана қаласының Құрметті тұрғыны. Сонымен қатар бүгін виртуоз скрипкашы, дирижер және Бирмингем консерваториясының профессоры Марат Бисенғалиев 62 жасқа толды. Ол Азия-Тынық мұхиты оркестрлері Альянсының директорларының бірі. 2010 жылы Марат Бисенғалиев тәуелсіз сауалнама бойынша Қазақстанда "онжылдықтың музыкалық символы" болып таңдалды. Ол өмірінің көп бөлігін шетелде өткізсе де, Қазақстан азаматы болып қала береді.

Туған күн иелеріне ұзақ өмір және шығармашылық табыс тілейміз!


#Күнтізбе #Мереке #Ерекшекүн #Қайырымдылықкүні #Тұтынушықұқықтары #Полицейлікзорлық-зомбылық #Туғанкүндер #Танымалтұлғалар #Қазақскрипкашылары

💡🎟🎟🎟🎟🎟🎟🎟🎟🎟📆

Құрметті оқырман! #Үйдежатпа ұжымы арнайы сіздер үшін осы демалыс күндері Алматы мен Астана қалаларында тегін баруға болатын іс-шаралар топтамасын дайындады. Ал басқа қалалардан ақпарат болмағандықтан, сіз өз өңіріңізде болатын қызық көрмелер мен іс-шараларды пікірге жазып кете аласыз.


АЛМАТЫ:

🦋Асқар Есдәулеттің "көктемгі об'сракт " көрмесі

Қайталанбас қолтаңбасы бар қазақ суретшісі өз жұмыстарын алғаш рет кең ауқымды көрерменге ұсынады. Көрмеге автордың он жылдан астам уақыт бойы жасаған 50-ге жуық картинасы мен 15 мүсіні қойылады.

Өтетін орны: Almaty Gallery, Достық даңғылы, 44
Күні: 15 және 16 наурыз, 11:00 – 19:00

💪STANDUP – Еркін микрофон

Мұнда кез келген адамның өнер көрсетуіне мүмкіндік бар. Стендап-комик ретінде бақ сынап көргіңіз келе ме? Айтуға тұрарлық қызық оқиғаларыңыз бар ма? Ендеше осы кеште кәсіби комиктермен бір сахнада өнер көрсетуге асығыңыз! Сахнаға шығу үшін шоу басталардан жарты сағат бұрын есіміңізді жазып, сахнадағы жәшікке салсаңыз жеткілікті. Қаншалықты күлдірсеңіз, соншалықты ұзақ уақыт беріледі! Шоу соңғы комик өнер көрсеткенше жалғасады.

Жас шектеуі: 18+
Өтетін орны: Cheers, Шевченко көшесі, 100
Күні: 16 наурыз, 17:00

✌️"Әлемнің бір негізі” көрмесі

Катерина Никонорованың туындылары көрерменді уақыт кеңістігіне саяхатқа жетелеп, табиғат пен өркениет арасындағы байланысты зерттейді. Қазақстандық суретші Қатипа апай есімімен де танымал. Оның шығармашылығы ежелгі тәңіршілдік пен заманауи дүниетанымды тоғыстырып, рухани өткен мен бүгінгі өмірді астастырады.

Орналасқан жері: Esentai галереясы, Әл-Фараби даңғылы, 77/8 (Esentai Mall, 3 қабат)
Күні: 15 және 16 наурыз, 10:00 – 20:00

🤝"Шуақты қаладан жеткен отбасылық мұралар” көрмесі

Бұл көрмеде белгілі суретшілер Григорий мен Олег Пономаренконың жеке коллекциялары мен MPL Sarl қорының жинағынан алынған картиналары ұсынылады.

Өтетін орны: Ular Gallery, Панфилов көшесі, 92.
Күні: 15 наурыз, 12:00 – 18:00

🥸"Костюм киген адам” көрмесі

Қазақстандық суретші Басма өз еңбектерінде қарапайым адамның саясаткер, шенеунік не кәсіпкер болған сәтінен бастап қалай өзгеретінін бейнелейді. Костюм, жейде не галстук киген сәттен бастап, адам ақырындап өзге күйге ене бастайды. Уақыт өте келе, костюм адамға толық билік жүргізіп, оның санасын қарапайым халықтың мұң-мұқтажынан алшақтатады.

Өтетін орны: “Өнер” арт-кеңістігі, Шевченко көшесі, 51.
Күні: 15 наурыз, 10:00 – 19:00

🤗Виолетта Богданованың “Махаббат, өлім және бір бөлке нан” жеке көрмесі

Бұл көрме бар-жоғы үш туындыдан тұрады: бірі – махаббат, екіншісі – өлім, үшіншісі – жайлы ұйқы. Өлімнен қашып құтылу мүмкін емес, ал махаббаттан – мүмкін. Нан үшін жайлы ұйқы мен берекелі таң қажет.

Өтетін орны: Egin Art Space, Нұрмақов көшесі, 79.
Күні: 15 және 16 наурыз, 12:00 – 17:00


АСТАНА:

👥"Портреттер емес" көрмесі

Белгілі грузин фотографы Гио Кардаваның жұмыстары көрерменді адам мен өнерге, тіпті өзіне де өзгеше қырынан қарауға шақырады. Бұл – өткен мен болашақтың, дәстүр мен жаңашылдықтың тоғысқан тұсы. Онда әрбір сурет терең ойға батырып, жүректен орын алады. Сондай-ақ өз алдына бөлек бір сыр шертеді.

Өтетін орны: Forte Kulanshi Art Space, Достық көшесі, 8/1
Күні: 15 және 16 наурыз, 10:00 - 20:00

Естеріңізге сала кетейік, арнамызда пікір жазып, белсенділік танытқан 5 оқырманға Қазақстанның кез келген қаласынан кино немесе театрға 2 билет (сеанс, күн мен уақытты таңдайсыз) сыйлаймыз немесе кітап сатып алу үшін 10 мың теңгелік сертификат табыстаймыз. Сондай-ақ айдың “ең үздік пікірі” номинациясы да бар. Пікірлер саны мен сапасы бойынша қорытынды әр айдың 1-інде шығарылады. Демалыс күндеріңіз сәтті өтсін!

#Алматыафишасы #Астанаафишасы #Қайдабарукерек #тегін #көрмелер #STANDUP #стендап

💡🎞🎞🎞🎞🎞

Бүгінгі кино шолуымыз “Қожа: Жаңа саяхат” атты фильміне арналады.

Жіберіп алмаңыз!

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау көрсетіңіз❤

https://youtube.com/shorts/0G27_SdPeGc

#Қожажаңасаяхат #драма #қожа #кино #үйдежатпа #фильм #кинообзор #меніңатымқожа

💡📆📆📆📆📆 16 наурыз

😻16 наурызда Қазақстанда Мәдениет және ұлттық салт-дәстүр күні аталып өтеді. Әсіресе, жаһандану жағдайында ұлттың ең басты айрықша белгілерінің бірі – оның мәдениеті мен өнері. Бүгінде егемендік сананы нығайту жолында қазақ халқы ұлттық дәстүрлерді қайта жаңғыртуға ерекше көңіл бөлуде. Осыған орай, бұл күн мәдениетіміз бен өнерімізді, ұлттық құндылықтарымызды дәріптеуге арналып, ата-бабамыздан қалған рухани және мәдени мұраны терең сезінуге мүмкіндік береді.

Баршаңызды Мәдениет және ұлттық салт-дәстүр күнімен құттықтаймыз!

👏Бүгін, 16 наурыз – Қазақстанның Республикалық гвардиясы күні. 1992 жылы дәл осы күні құрылған бұл әскери құрылым елдің беткеұстар айбынына айналды. Гвардия сарбаздары мемлекет басшысы мен жоғары билік органдарының қауіпсіздігін қамтамасыз етіп, салтанатты рәсімдерге қатысады. Сонымен қатар олар Мемлекеттік Ту мен Елтаңбаны күзетіп, стратегиялық маңызы бар нысандарды қорғайды. Төтенше жағдай кезінде заңда белгіленген тәртіппен арнайы іс-шараларға қатысуға міндетті. Гвардия қатарына кіру – үлкен мәртебе әрі зор жауапкершілік. Үміткерлерді іріктеу — шақыру мерзімінен әлдеқайда ерте басталады. Үміткердің бойы 178 сантиметрден төмен болмауы, орта білімі болуы және толық отбасында тәрбиеленуі – басты талаптардың бірі.

Егер таныстарыңыздың арасында Республикалық гвардия сарбаздары болса, оларды кәсіби мерекесімен құттықтауды ұмытпаңыз!



💪16 наурызда сурет салғанды ұнататындар түрлі-түсті қарындаш күнін атап өтеді. Қарапайым графит өзегі бар қарындаштар XVII ғасырда пайда болса, түрлі-түсті қарындаштар кейінірек пайда болды. Бастапқыда олар тек заттарды белгілеу үшін қолданылды. Ал ХХ ғасырдың басында түрлі-түсті қарындаштар көркем шығармашылық үшін таптырмас құрал болды. Бүгінде балаларға арналған сурет сабақтары, арт-терапия мен ересектерге арналған психологиялық оңалту курстары осы қарындаштарды пайдаланады.

Егер таныстарыңыздың арасында суретшілер бар болса, оларды мерекесімен құттықтап қойыңыз!


👀Бүгін әйелдер қауымы тушь күнін атап өтеді. 1917 жылы дәл осы күні “Maybelline” компаниясы жаңа косметикалық өнім – кірпікке арналған тушьты нарыққа шығарды. Бұл өнімнің пайда болуы қызық оқиғамен байланысты. Нью-Йорк фармацевті Т.Л. Уильямс қарындасы Мэйбел кірпігін көмір ұнтағы мен вазелиннің қоспасымен бояйтынын байқайды. Осы әдістен шабыт алған ол заманауи тушьтың алғашқы нұсқасын жасап, оны қарындасының құрметіне “Maybelline” деп атайды.

Сізге қандай тушь ұнайды?


#Күнтізбе #Мереке #Ерекшекүн #Мәдениетжәнеұлттықсалт-дәстүркүні #Республикалықгвардия #Алғашқықарындаш #Алғашқыкірпіккеарналғантушь

💡🎞🎞🎞🎞🎞

Бүгінгі кино шолуымыз “Малай” атты фильміне арналады.

Жіберіп алмаңыз!

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау көрсетіңіз❤

https://youtube.com/shorts/xU5dKQ8SVM0?feature=share

#малай #комедия #семейный #кино #үйдежатпа #фильм #кинообзор #холоп

💡💫💫💫💫💫💫💫

17-23 наурызға арналған қаржылай жұлдыз жорамал

♈️Бұл аптадағы қаржылай жағдайыңыз “америкалық әткеншек” секілді құбылмалы болмақ: бірде биікке көтеріліп, бірде күрт төмендеп, әбігерге салуы мүмкін. Сол себепті асығыс шешімдерден және күмәнді инвестициялардан аулақ болыңыз. Әсіресе, “кепілді пайда” уәде еткен ұсыныстарға алданбаңыз – тегін ірімшік тек қақпанда болатынын ұмытпаңыз.

♉️Қаржыңыз үздіксіз шығыннан шаршағандай… Әмияныңызға біраз демалыс беріп, шығындарыңызға қайта көз жүгіртіңіз. Жоспарлы түрде қаржыңызды басқарсаңыз, күтпеген қиындықтардан аман өтесіз. Есіңізде болсын, ең құнды инвестиция – өзіңізге салынған инвестиция.

♊️Бұл аптада қаржы мәселесі сіз үшін басты тақырыпқа айналуы мүмкін. Сыртқы қысымға еріп, қымбат көлік немесе жылжымайтын мүлік алу үшін несие алуға асықпаңыз. Оның орнына, нақты мақсаттарыңызды айқындап, қаражатыңызды ақылмен басқарыңыз. Депозитке ақша жинауды да ұмытпаңыз.

♋️Жұлдыздар қаржылай тәуекелдерден аулақ болуға кеңес береді. Егер біреу сізге “ерекше табысты” жобаға ақша салуды ұсынса, мұқият ойланған жөн. Ұшатын велосипед немесе күннен қуат алатын қолшатыр сынды “керемет” идеялар қаржылай қиындықтарға әкелуі мүмкін. Оның орнына, жинаған қаражатыңызды нақты әрі пайдалы мақсаттарға бағыттаңыз.

♌️Сән-салтанатқа деген құштарлығыңыз қаржылай қиындықтарға әкелуі мүмкін. Алтын жалатылған дәретхана немесе соңғы үлгідегі смартфон – инвестиция емес. Қалауыңызды бақылауда ұстап, қаражатыңызды пайдалы әрі ұзақ мерзімді мақсаттарға бағыттаңыз.

♍️Сіз бәрінің мінсіз болғанын қалайсыз, бірақ осы ұмтылыс кейде артық шығынға ұрындыруы мүмкін. Сондықтан мінсіздікке емес, сапа мен қажеттілікке мән беріңіз. Нақты жоспар құрып, соған сәйкес әрекет етсеңіз, қаржыңыз да, көңіл күйіңіз де тұрақты болады.

♎️Айналаңыздағы адамдарға ұнауға тырысып, қаржылай жағдайыңызды қиындатып алуыңыз мүмкін. Дүкенге кірген сайын таныстарыңызға сыйлық ала беруді доғарыңыз. “Жоқ” деп айтуды үйреніп, қаржыңызды үнемдеуге тырысыңыз.

♏️Бәрін өз бақылауыңызда ұстау – қаржылай шығындарға әкелуі мүмкін. Бәрін басқаруға тырыспай, ақшаны ақылмен жұмсаған жөн. Кейде қаржы ағымына ерік беріп, оның сіз үшін жұмыс істеуіне мүмкіндік жасау әлдеқайда тиімді.

♐️Саяхатқа деген құштарлығыңыз күтпеген шығындарға әкелуі ықтимал. Экзотикалық бағытқа билет сатып аларда бюджетіңізді бір қарап шығыңыз. Әр теңгені саналы түрде жұмсап, қаржылай қауіпсіздігіңізді қамтамасыз етіңіз.

♑️Табысқа жетуге деген талпынысыңыз — шамадан тыс шығындалуға итермелеуі мүмкін. Әсер қалдыру үшін қымбат заттар алуға асықпаңыз – шынайы құндылықтар материалдық игіліктерден әлдеқайда маңызды. Ақшаны жүйелі түрде жұмсап, болашаққа инвестиция жасаңыз.

♒️Жаңалыққа және ерекше нәрселерге деген қызығушылығыңыз күтпеген шығындарға әкелуі мүмкін. Кезекті гаджет сатып аларда немесе жаңа қызметке жазыларда оның расымен қажет екеніне көз жеткізіңіз. Қалауыңыз бен қажеттілігіңізді ажыратып, ақшаны саналы түрде басқаруды үйреніңіз.

♓️Қиялға бейім болуыңыз — шынайы қаржылай жағдайыңызды елеусіз қалдыруы мүмкін. Бұл аптада армандардан гөрі нақты есепке мән беріңіз. Бюджет құрып, шығындарыңызды жоспарласаңыз, қаржылай тұрақтылығыңызды сақтай аласыз.

Ендеше, аптаңыз сәтті, қардыңыз тұрақты болсын!

Ескерту: Есіңізде болсын, жұлдыз жорамал ойын-сауық және кеңес беру мақсатында жасалады. Қаржылай шешімдерді ақылға салып, нақты жағдайларға байланысты қабылдаңыз.

#Жұлдызжорамал #Апталықжұлдызжорамал #Қаржы #Болжам

💡📆📆📆📆📆 17 наурыз

🙌17 наурызда қазақстандықтар Шаңырақ күнін атап өтеді. Шаңырақ – қазақ халқының материалдық әрі рухани мұрасының ажырамас бөлігі. Сонымен қатар берекелі отбасының, берік шаңырақтың, ұрпақтар сабақтастығының және отбасы құндылықтарының белгісі. Бұл мереке ұрпақ тәрбиесіндегі ұлттық мәдениеттің маңыздылығын еске салады. Жастар патриотизм, ізгілік және еңбекқорлық – өмірдің басты қағидалары екенін өмірдің басты құндылықтары екенін әрдайым есте ұстауы қажет.

 
🌜Бүгін — Дүниежүзілік ұйқы күні. Түнде ұйқының дұрыс болмауы денемізге, соның ішінде миымыз бен ақыл-ойымызға кері әсерін тигізеді. Түнде күш-қуатты жеткілікті мөлшерде жинап, таңертеңгі шаршау сезімінен алдын алу үшін ұйықтар алдында тамақ пен құрамында алкогольі бар сусындарды ішпеңіз. Түнде ересек адамдар 7-8 сағат, ал балалар 10 сағат ұйықтағаны жөн. Есіңізде болсын, күніңіздің сәтті өтуі әрі көңіл күйіңіздің көтеріңкі болуы тікелей ұйқыға байланысты.


💃2019 жылдың 17 наурызында Самал Еслямова Азияның үздік актрисасы атанды. Бұл марапат оған “Айка” фильміндегі басты рөлі үшін берілді. Осы рөлдің арқасында ол 2018 жылдың мамырында Қазақстан тарихында алғаш рет 71-Канн кинофестивалінде “Үздік актриса” атағына ие болды.

Самал Еслямова түскен қандай фильмді тамашаладыңыз?


👥17 наурызда дүниеге келген атақты адамдар. 104 жыл бұрын қазақтың тұңғыш кәсіби кинорежиссеры Дариға Тналина (1921-2011) дүниеге келді. Сол кезеңде аталған салада тек ер адамдар төбе көрсетіп жүргенде, ол әйел адамдардың да қалыс қалмайтынын дәлелдеп, көпшілікті кәсіби біліктілігімен тәнті етті. Осылайша, Қазақстанның еңбек сіңірген өнер қайраткері атанды. Сонымен қатар 87 жыл бұрын XX ғасырдағы ең танымал балет әртістерінің бірі Рудольф Нуреев (1938-1993) өмірге келді. Ол 1961 жылы Ленинград театрының солисі ретінде Париждегі гастрольдік сапардан кейін Кеңес Одағына қайтудан бас тартып, Батысқа қоныс аударған ең танымал өнер адамдарының бірі болды. Нуреев аты аңызға айналған балерина Марго Фонтейнмен бірге 17 жыл бойы әлемдік сахналарда өнер көрсетті. Кейін Париж операсының балет труппасын басқарды.

#Күнтізбе #Мереке #ЕрекшеКүн #ШаңырақКүні #СапалыҰйқы #АзияныңҮздікАктрисасы #ТуғанКүн #ТанымалАдамдар #ДариғаТналина #РудольфНуреев

💡💡💡💡💡💡💡

Аптаны дұрыс жоспарлау: уақытты тиімді басқарудың 6 әдісі

📌 Жоспарлау - дұрыс әрекеттердің жүзеге асуын тездетеді және қателіктердің алдын алады. Алайда бұл нәтижелі тәсілді өз ісінің өнімділігін арттыру үшін санаулы адам ғана қолданады.

☝🏻Есіңізде болсын, уақыт пен алда болатын іс-әрекетті жоспарлау әдеті өмір сүру формасын өзгерте отырып, қалаған нәтижеге жетуге көмектеседі.

📌 Олай болса, аптаны жоспарлауға байланысты біз ұсынған кеңестерді қажетіңізге жаратыңыз.

1️⃣ Апталық жоспардың сәтті болуы күндік жоспарды қалай орындағаныңызға байланысты. Сондықтан әр жексенбі келер аптаның жұмыс тәртібін жазып шығыңыз. Сондай-ақ міндетті түрде уақытын белгілеңіз.

2️⃣Апталық жоспарды жазуда google күнтізбесін пайдалану ең тиімді әдістердің бірі. Әр күніңізді арнайы бағандарға жазып, ескертпеге белгілеп қоя аласыз. Бұл қосымшаның тағы бір ерекшелігі, тізім бойынша істелу керек жұмыстарды 30 минут сайын есіңізге салып отырады.

3️⃣ Егер телефон қолдану тиімсіз десеңіз, қағазға жазуыңызға болады. Себебі қағазға түспеген мақсат пен жоспардың орындалмай қалу ықтималдылығы жоғары.

4️⃣Күндік жоспар бойынша алдымен ең маңызды әрі энергияны талап ететін жұмыстарды орындауға тырысыңыз. Мұндай істерді түскі уақытқа дейін істеуіңізге болады. Ал түстен кейін айтарлықтай күшті талап етпейтін, жеңіл істерге көңіл аударасыз. Сонымен қатар маңызды істердің бәрін бір күнге қоймаңыз. Өйткені орындалмай қалса, өзіңізге деген сенімділік жоғалуы мүмкін.

5️⃣ Егер өзектілігін жоғалтпаған, бірақ орындалмай қалған тапсырмалар болса, кейінгі күнге ауыстыра аласыз. Бірақ ауыстырған күні орындауға тырысыңыз.

6️⃣ Бастаған ісіңізді аяқтамай жатып, келесі іске көшпеңіз. Бұл жұмыс өнімділігіне кері әсерін тигізеді.

Ал сен апталық жоспар құрасың ба?

#қазынакеңес #апта #жоспар #лайфхак

💡📆📆📆📆📆 18 наурыз

💃18 наурыз – Ұлттық киім күні. Қазіргі заманғы жаңғыру дәуірінде ұлттық киім өзінің маңыздылығын жоғалтпай, керісінше, жаңа интерпретацияларда көрініс табуда. Ол өткен дәстүрлер мен заманауи үрдістерді үйлестіре отырып, ұлттық мәдениеттің ажырамас бөлігіне айналып келеді. Бұл күні өзіңіздің киіміңіз арқылы жеке ерекшелігіңізді көрсетіп, мәдени мұраңызға деген мақтаныш сезімін сезініп, ата-бабаларымызға құрмет білдіруге және олардың дәстүрін бүгінгі қоғамда жалғастыруға мүмкіндік аласыз.
 

😻1965 жылы 18 наурызда адамзат алғаш рет ғарышқа ұшты. Кеңес ұшқыш-ғарышкері Алексей Леонов “Восход-2” ғарыш кемесінің бортынан шығып, 12 минут 9 секунд бойы ашық ғарышта болды. Борттық телевизиялық жүйенің көмегімен адамның ғарыш кеңістігіне шығу процесі, ғарыш кемесінен тыс жұмысы, ғарыш кемесіне қайта оралуы жердегі станциялар желісі арқылы бақыланып отырды.

Қазақ ғарышкерлерінің қайсысы ашық ғарыш кеңістігіне шықты?

👏1662 жылы 18 наурызда әлемдегі тұңғыш қоғамдық көлік қызметі Парижде іске қосылды. Алғашқыда олар сегіз орындығы бар ат арба болып жасалды. Оны «омнибус» деп атады. Бұл «барлығы үшін» деген мағынаны білдіреді. Иә, бүгінде қоғамдық көліксіз адам өмірін елестету мүмкін емес. Өйткені жеке көлік сатып алып, онымен жүруге әркімнің қалтасы көтере бермейді. Сол себепті осы идеяны ойлап тапқан әйгілі француз ғалымы — Блез Паскаль дүниежүзіндегі халық тарапынан үлкен құрметке лайық.

Қоғамдық көлікті жиі пайдаланасыз ба?

👥18 наурызда өмірге келген танымал тұлғалар. Бүгін сатирик, Қазақстан Журналистер одағы сыйлығының лауреаты Толымбек Әлімбекұлы 71 жасқа толды. Ол «Лам-мим» әңгімелер жинағының және «Қарлығаш», «Алтыбақан», «Күлеміз-ау», «Тамаша», «Күлеміз бе, қайтеміз?», «О несі-ей» сынды сатиралық шығармалардың авторы. Сондай-ақ бүгін француз режиссері, сценарист, продюсер әрі жазушы Люк Бессон 66 жасқа толды. Ол «Еуропалық Голливуд» деп аталатын «EuropaCorp» кинокорпорациясының негізін қалаушы. Өнер иесі 100-ден астам фильм түсірді. Олардың көпшілігі блокбастерге айналды. Оның арқасында Жан Рено, Мила Йовович, Натали Портман, Джейсон Стэтхэм және басқа да көптеген актер танымал болды.

Люк Бессонның қай фильмі ұнайды?

#Күнтізбе #Мереке #Ерекшекүн #Ұлттықкиімкүні #Ашықғарыш #Алғашқыкөлік #Туғанкүндер #Танымалтұлғалар #ТолымбекӘлімбекұлы #ЛюкБессон

💡💡💡💡💡💡💡

Көшпелі қазақтың отырықшылыққа көшуі: оның салдары мен ережесі

1924 жылы 17 сәуірде Бүкілресейлік ОАК мен РКФСР Халық Комиссарлары Кеңесі көшпелі, жартылай көшпелі және отырықшылана бастаған қазақ шаруаларын жерге орналастыру тәртібін анықтайтын арнайы ереже қабылдады. Бұл құжат қазақтардың жерге қоныстануын заңдастырып, олардың мал шаруашылығына қажетті жайылымдар мен сақтық пішен учаскелерін белгілеуді көздеді.

📌 Ереженің негізгі міндеттері:

✔️ Қазақ шаруаларын жаппай жерге орналастыру;
✔️ Отырықшылыққа көшкен қожалықтарға 10 жылдық мерзімге несие беру;
✔️ Олардан 5 жылға дейін салық алынбауын қамтамасыз ету;
✔️ Ауыл шаруашылығы құрал-саймандары мен құрылыс материалдарын тегін беру.

Алайда бұл ереже іс жүзінде бұрмаланып, қазақ халқы үшін ауыр зардаптарға әкелді. 1925 жылдан бастап ауыл ішіндегі таптық жіктелуді күшейту, “Кіші Қазан” төңкерісін жүргізу бағыты қолға алынды. Осы саясат аясында байлар жаппай тәркіленіп, кедей-кепшіктер ұжымдастырылды. Бұл мәжбүрлеу сипатындағы науқан халықтың қарсылығын туғызды, ал Кеңес билігі оған күшпен жауап берді.

Қазақ халқының дәстүрлі шаруашылық жүйесінің жойылуы 1931-33 жылдардағы алапат ашаршылыққа әкеліп, миллиондаған адамның өмірін қиды. Кеңестік биліктің бұрмалаулары мен асыра сілтеулерін жою мақсатында кейін түрлі әлеуметтік-экономикалық шаралар қолға алынғанымен, көшпелі қазақтардың отырықшылыққа көшуі ауыр да қайғылы тарихи кезең болды. 1924 жылғы ереже осы күрделі процестің бастауында тұрған маңызды құжаттардың бірі ретінде қалды.

#Қазақ #Қазақстантарихы #көшпеліқазақ #отырықшылық