💡🎬🎬🎬🎬🎬🎬🎬🎬🎬🎞

🎬"Жеті гүл" лирикалық комедиясы. Жұлдыз – алты қыздың анасы, қазір жетінші сәбиіне аяғы ауыр. Күйеуі көптен бері ұл аңсап жүргендіктен, оның көңілін құлазытқысы келмейді. Сөйтіп ол тағы да қыз босанған соң, күтпеген қадамға барады — өз нәрестесін көршісінің жаңа туған ұлына жасырын ауыстырып жібереді.

Басты рөлдерде: Олжас Абай, Ұлбосын Шалқарова, Мадина Оспан, Нұрсұлтан Үсенов.
Трейлер мына жерде: https://www.youtube.com/watch?v=MeOH2rRPo6E

🎬"Онда біреуден туып ал" мелодрамасы. Салтанат – білімді, табысты, тәуелсіз әйел, бірақ… жалғыз. 38 жасқа толған кезде ол жалғыздықты жеңуге бел буады. Жан жарын табу – ұзақ әрі белгісіз жол, ал бала сүю – әлдеқайда нақты шешім болып көрінеді. Оның үстіне, жақын құрбысы заманға сай ұрықтандыру әдістерін ұсынса, анасы мен әжесі “өзі үшін” бала сүюдің еш әбестігі жоқ екенін ашық айтады. Басты рөлдерде: Тәуекел Мүсілім, Жұлдыз Әбдукаримова, Мағауия Хамзин, Күннұр Қалмырза. Жас рейтингі: 16+
Трейлер мына жерде: https://www.youtube.com/watch?v=7ioMRKCewO8

🎬"В потерянных землях" фантастикасы. Адамзат өркениеті жойылғаннан кейін жер бетіне қайтадан сиқыр мен жын-перілер оралады. Құдіретті сиқыршы Сұр Элис патшайымның құпия тапсырмасымен Жердің соңғы қаласынан шығып, қатерге толы Жоғалған өлкелерге аттанады. Оған жұмбақ жолсерік Бойс серік болады. Екеуінің мақсаты – толған айға дейін адамды айуанға айналдыра алатын тылсым күштің көзін табу. Алайда олардың ізіне қатігез кресшілер әскері түседі, ал әрбір бұрылысында қараңғылық тудырған жаратылыстар тосып тұр. Бірақ кері шегінуге жол жоқ. Өйткені Сұр Элис бір ғана нәрсені біледі: оның орындаған әрбір тілегінің салдары сұмдық болады. Басты рөлдерде: Милла Йовович, Дэйв Батиста. Жас рейтингі: 18+
Трейлер мына жерде: https://www.youtube.com/watch?v=CBhKztVy1HQ

🎬"Мики 17" фантастикасы. “Бір рет қолданылатын қызметкер” Микки мұзды әлемді отарлауға қатысады. Ол қайтыс болған сайын санасы жаңа денеге жүктеледі.
Басты рөлдерде: Роберт Паттинсон, Марк Руффало. Жас рейтингі: 16+
Трейлер мына жерде: https://www.youtube.com/watch?v=A9qLQ7zCJTc

🎬"Особо опасный пассажир" триллері. Авиамаршал қылмыскерді шағын ұшақпен алып бара жатып, тұзаққа түседі. Ол ұшқыштың өзін басқа адам ретінде көрсетіп жүргеніне күмәндана бастайды. Басты рөлдерде: Марк Уолберг, Мишель Докери. Жас рейтингі: 18+
Трейлер мына жерде: https://www.youtube.com/watch?v=Tvh5QqM9jrM

🎬"Чокнутые" қылмыстық комедиясы. Бұрынғы қылмыскер Винсент тыныш өмір сүруді армандайды. Ол Жаңа жылды отбасымен атап өтуді жоспарлайды, алайда есігін қаққандар тек туыстары ғана емес, сондай-ақ бұрынғы “әріптестері” де болып шығады. Басты рөлдерде: Эд Харрис, Билл Мюррей. Жас рейтингі: 18+
Трейлер мына жерде: https://www.youtube.com/watch?v=18-LFxMlu58

🎬"Бабушка на миллион" драмасы. М атты жігіттің өміріндегі жалғыз қызығушылығы – видеойындар, бірақ стрим арқылы ақша табу оңай шаруа емес. Әкесі жағынан қайтыс болған атасы үйін оған күтім жасаған немересіне мирас еткенін білгенде, М шешесі жағынан әжесіне қамқор болуға бел буады. Себебі жақында оның қатерлі ісіктің төртінші сатысына шалдыққаны анықталған еді.
Жігіт әжесінің жанына көшіп барып, оның сүйікті мұрагері атанып, үйді иеленуге мықтап бекінеді. Басты рөлдерде: Путтипонг Ассаратанакул, Уша Сеамхум. Жас рейтингі: 16+
Трейлер мына жерде: https://www.youtube.com/watch?v=F9HlNQffFVY

🎬"Королевские приключения" мультфильмі. Ертегі әлеміндегі бір патшалықта жас, бірақ өте қыңыр ханшайым Злата өмір сүреді. Оның дүниедегі ең қатты сүйетін нәрсесі – өзі еді, ал айлакер сарай шонжарлары мұны өз пайдасына асыратын. Алайда бір күні оның бағында бағбан Мирослав пайда болады. Ол ханшайымға көмектесуді ұйғарып, оны сарайдан ұрлап әкетеді. Олар бірге қызық, бірақ қауіпті сапарға аттанады. Бұл жолда Злата тек айналасындағы әлемді сүюді үйреніп қана қоймай, бағбанның сұмдық құпиясын да ашуы керек.

Трейлер мына жерде: https://www.youtube.com/watch?v=7fl6krbT0aA

💡📆📆📆📆📆 8 наурыз

🥀Бүгін — Халықаралық әйелдер күні. Бұл күн әйелдердің қоғамдағы рөлі мен еңбегін дәріптеуге арналған. 1908 жылы 8 наурызда Нью-Йоркте зауытта жұмыс істейтін әйелдер жалақыларын көтеруді талап етіп, жаппай шеру өткізген еді. Сол кезде әйелдердің еңбегі өте төмен бағаланып, теңсіздік айқын сезілетін. Ал 1910 жылы әйгілі қоғам қайраткері, феминист Клара Цеткин 8 наурызды әйелдердің құқықтары үшін күрес күні ретінде атап өтуді ұсынды. Бүгінде бұл күн халықаралық деңгейде аталып өтеді.

Оқырмандарымызды осы айтулы мерекемен шын жүректен құттықтаймыз!



📺Бүгін Қазақ телевизиясының құрылғанына 67 жыл толды. 1958 жылдың 8 наурызында Алматы студиясында алғашқы сынама телехабар эфирге шықты. Бұл – Қазақ телевизиясының негізі қаланған күн. Сол жылы Қарағанды ​​мен Өскеменде, ал бір жылдан кейін Жезқазғанда, екі жылдан кейін Петропавлда, одан әрі бүкіл Қазақстанда телестудиялар ашыла бастады. Бүгінде елімізде 14 ұлттық телеарна бар. Жалпы, қазақстандық телеарналардың саны 30-дан асады, ал олардың үшеуі шетелге хабар таратады.

Сіз қай телеарнаны жиі қарайсыз?



✍️1010 жылдың 8 наурызында атақты парсы ақыны Әбілқасым Фирдоуси 35 жыл бойы жазған ұлы шығармасы – “Шахнаме” (“Патшалар кітабы”) дастанын аяқтады. Бұл – бір автордың қолынан шыққан ең ұзақ поэма, көлемі жағынан Гомердің “Илиадасынан” үш есе үлкен. Дастан 62 оқиғадан, 990 тараудан және шамамен 50 000 ұйқасқан қос жолдан тұрады. Оның негізгі бөлігі батырлар дәуіріне арналған, яғни Манучехр патшаның билігінен бастап, Александр Македонскийдің жорықтарына дейінгі кезеңді қамтиды. Фирдоусидің мақсаты – ежелгі Персияның “алтын дәуірі” туралы тарихи жадыны сақтап, оны кейінгі ұрпаққа жеткізу болды. Ол жаңа буын өткеннен сабақ алып, болашақта әділетті және кемел қоғам құру үшін қажетті білім алсын деп үміттенді.

👥8 наурыз — қазақтың атақты қос тұлғасының туған күні. 136 жыл бұрын Алаш қозғалысының қайраткері, жазушы, ұстаз Жүсіпбек Аймауытов (1889-1930) дүниеге келді. Ол қазақ тіліндегі драма мен романның негізін қалаушылардың бірі. Ал Мұхтар Әуезов оны ұстазым деп атаған. Сондай-ақ педагогика, психология, этика бойынша оннан астам кітаптың, жүздеген ғылыми басылымдардың, оқулықтар мен оқу құралдарының авторы. 1930 жылы кеңес билігі оны контрреволюциялық әрекет жасады деген айыппен ату жазасына кесіп, шығармаларын ұзақ жылдар бойы жариялауға тыйым салды. Тек 1988 жылы ғана ақталып, еңбектері қайта жарық көре бастады. 79 жыл бұрын кинорежиссер, сценарист және жазушы Сатыбалды Нарымбетов (1946-2021) дүниеге келді. Оның “Аманат” фильмі 2015 жылы “Оскар” сыйлығына “Үздік шетелдік фильм” номинациясы бойынша ұсынылған. Нарымбетов бірнеше көркем және деректі фильм түсіріп, бірнеше проза жинағын шығарды. Ол – көптеген мемлекеттік және кәсіби марапаттардың иегері.

#Күнтізбе #Мереке #Ерекшекүн #Халықаралықәйелдеркүні #Қазақтелевизиясы #Еңұзақпоэма #Туғанкүндер #Танымалтұлғалар #ЖүсіпбекАймауытов #СатыбалдыНарымбетов

💡🐴🐴🐴🐴🐴🐴🐴🐴🐴🐴

🌷 Әйелдердің өнертабыстары болмаса, өміріміз қандай болар еді?

Сіздерді 8 наурыз, Халықаралық әйелдер күнімен шын жүректен құттықтаймыз🌸

Қызықты болса, біздің видеомызды соңына дейін қарап, лайк басып, парақшамызға тіркеліңіз👍

https://youtube.com/shorts/t8b3bFbsOAg

#8марта #жаңалықтар #новости #женщины #үйдежатпа
#рек #девушки #девушка #изобретения #праздник

💡📆📆📆📆📆 9 наурыз

🧠9 наурыз — Ерекше ойлайтын адамдар күні. Көп жағдайда, белгілі бір стандарттар мен қалыптасқан көзқарастардан тыс ойлайтын адамдар жиі сынға ұшырап жатады. Сондықтан оларға қоғам көп жағдайда салмақты қарамайды. Алайда дәл осындай жандар адамзатқа ең ірі жаңалықтар мен маңызды ашылулар сыйлап, есімдерін тарихқа мәңгі қалдырды. Ерекше ойлайтын адамдарды біріктіретін басты қасиет – олардың кең дүниетанымы. Сол себепті жаңалықтардың жаршысы болуыңыз үшін әрдайым ізденіс пен даму үстінде болуыңыз қажет.



🕺Сонымен қатар бүгін — халықаралық ди-джейлер күні. Бұл күннің мақсаты – қайырымдылық шараларына назар аудара отырып, диджей жұмысының маңыздылығын атап өту. 2002 жылы ЮНЕСКО аталғаү мерекені тойлауға рұқсат берді. Яғни, жыл сайын мереке қарсаңында концерттерден түскен қаржы қайырымдылыққа жұмсалып отырады. Қазақстанда бұл мамандық 20 жыл бұрын пайда болып, жас ұрпақтың ерекше символының біріне айналды.

Егер таныстарыңыздың арасында ди-диджейлер болса, мерекесімен құттықтап қойыңыз!

🌸Бүгін әлемге әйгілі Барби шуыршағының туған күні. 1959 жылы 9 наурызда Нью-Йорктегі көрмеде барлық қыздың арманы мен сүйікті қуыршағы алғаш рет таныстырылды. Ең бірінші шыққан Барби ересек әйелге ұқсады. Себебі оның шашы қара, ал макияжы бет-әлпетін үлкен көрсетті. Сондай-ақ үстіне ақ-қара аралас купальник киген болатын. Осылайша Барби уақыт өте келе аққұба сұлуға айналды. Оның киімінің дизайнын Ив Сен Лоран мен Жан Пол Готье тікті. Ал зергерлер арнайы бұйымдарын жасады.

Сізде қуыршақ Барби болды ма?



👥9 наурыз — атақты екі адамның туған күні. 91 жыл бұрын әлем тарихында ғарыш кеңістігіне тұңғыш рет ұшқан адам Юрий Гагарин (1934-1968) дүниеге келді. 1961 жылы 12 сәуірде Байқоңыр ғарыш айлағынан “Восток-1” ғарыш кемесі ұшырылды. Оның бортында Гагарин болды. Ұшу уақыты 108 минутты құрады. Ол әлемнің көптеген қаласының құрметті азаматы атанды. Сонымен қатар бүгін монумент суретшісі, гобелен киізінен жасалған көптеген картинаның авторы Әлімбай Бапанов 72 жасқа толды. Оның туындылары Қазақстан, Ресей, Украина, Польша, Дания, Испания музейлерінде, сонымен қатар Франция, Америка, Лихтенштейн, Түркия, Германия, Швеция, Швейцария елдерінің жеке коллекцияларында сақтаулы тұр. Сондай-ақ ол бірнеше кәсіби және мемлекеттік марапаттардың иегері.

#Күнтізбе #Мереке #Ерекшекүн #ерекшеойлайтынадамдар #диджейкүні #Барбиқуыршағы #Туғанкүндер #Танымалтұлғалар #ӘлімбайБапанов #алғашқығарышкер

💡🎟🎟🎟🎟🎟🎟🎟🎟🎟📆

Құрметті оқырман! #Үйдежатпа ұжымы арнайы сіздер үшін осы демалыс күндері Алматы мен Астана қалаларында тегін баруға болатын іс-шаралар топтамасын дайындады. Ал басқа қалалардан ақпарат болмағандықтан, сіз өз өңіріңізде болатын қызық көрмелер мен іс-шараларды пікірге қалдыра аласыз.


АЛМАТЫ:

🌻Асқар Есдәулеттің "көктемі об'сракт " көрмесі

Жарқын, қайталанбас, ерекше қолтаңбасы бар қазақ суретшісі өз жұмыстарын алғаш рет кең ауқымды көрерменге ұсынады. Көрмеде автордың он жылдан астам уақыт бойы жасаған 50-ге жуық картинасы мен 15 мүсіні қойылады.

Өтетін орны: Almaty Gallery, Достық даңғылы, 44
Күні: 9 және 10 наурыз, 11:00 – 19:00

🥀Саид Атабековтың “Мың салт аттының дұғасы” көрмесі

Қазақстанның заманауи өнерінде жетекші орын алатын суретшілердің бірі дәстүр мен заманауи құндылықтардың өзара байланысын зерттейді. Оның туындылары ұлттық бірегейлік, мәдени кодтар және жаһандық өзгерістер аясындағы ойларға жетелейді.

Орналасқан жері: Aspan Gallery, Әл-Фараби даңғылы, 140 а/3
Күні: 9 және 10 наурыз, 12:00 – 18:00

💐"Әлемнің бір негізі” көрмесі

Катерина Никонорованың туындылары көрерменді уақыт кеңістігіне саяхатқа жетелеп, табиғат пен өркениет арасындағы байланысты зерттейді. Қазақстандық суретші Қатипа апай есімімен де танымал. Оның шығармашылығы ежелгі тәңіршілдік пен заманауи дүниетанымды тоғыстырып, рухани өткен мен бүгінгі өмірді астастырады.

Орналасқан жері: Esentai галереясы, Әл-Фараби даңғылы, 77/8 (Esentai Mall, 3 қабат)
Күні: 9 және 10 наурыз, 10:00 – 20:00

🌝"Күн шуақты қаладан жеткен отбасылық мұралар” көрмесі

Бұл көрмеде белгілі суретшілер Григорий мен Олег Пономаренконың жеке коллекциялар мен MPL Sarl қорының жинағынан алынған картиналары ұсынылады.

Өтетін орны: Ular Gallery, Панфилов көшесі, 92.
Күні: 10 наурыз, 12:00 – 18:00

👤"Костюм киген адам” көрмесі

Қазақстандық суретші Басма өз еңбектерінде қарапайым адамның саясаткер, шенеунік не кәсіпкер болған сәтінен бастап қалай өзгеретінін бейнелейді. Костюм, жейде мен галстук киген сәттен бастап, адам ақырындап өзге күйге ене бастайды. Уақыт өте келе, костюм адамға толық билік жүргізіп, оның санасын қарапайым халықтың мұң-мұқтажынан алшақтатады.

Өтетін орны: “Өнер” арт-кеңістігі, Шевченко көшесі, 51.
Күні: 10 наурыз, 10:00 – 19:00

🫶Виолетта Богданованың “Махаббат, өлім және бір бөлке нан” жеке көрмесі

Бұл көрме бар-жоғы үш туындыдан тұрады: бірі – махаббат, екіншісі – өлім, үшіншісі – тыныш ұйқыға арналған. Өлімнен қашып құтылу мүмкін емес, ал махаббаттан – мүмкін. Нанға тыныш ұйқы мен берекелі таң қажет.

Өтетін орны: Egin Art Space, Нұрмақов көшесі, 79.
Күні: 9 және 10 наурыз, 12:00 – 17:00


АСТАНА:

😻ANAU MYNAU көрмесі

Бұл көрме Қазақстанның түкпір-түкпірінен жиналған 35 дарынды суретшіні біріктіреді. Олар кескіндеме мен графика бағытында жұмыс істейді. Жас авторлардың еңбектерінен әлемді тануға, өз орнын табуға және өнер арқылы үнін жеткізуге деген ұмтылыстарын сезінуге болады.

Орны: Forte Kulanshi Art Space, Достық көшесі 8/1
Күні: 9 және 10 наурыз, 10:00 - 20:00

👏Мерекелік ауыл шаруашылығы жәрмеңкесі

Елорда тұрғындары мен қонақтары Қазақстанның түрлі өңірінен келген жергілікті фермерлер мен өндірушілердің өнімдерін сатып ала алады.

Өтетін орны: ТРЦ Koktal, Нұрғиса Тілендиев даңғылы, 12а.
Күні: 9 наурыз, 10:00 - 22:00

Естеріңізге сала кетейік, арнамызда пікір жазып, белсенділік танытқан 5 оқырманға Қазақстанның кез келген қаласынан кино немесе театрға 2 билет (сеанс, күн мен уақытты таңдайсыз) сыйлаймыз немесе кітап сатып алу үшін 10 мың теңгелік сертификат табыстаймыз. Сондай-ақ айдың “ең үздік пікірі” номинациясы да бар. Пікірлер саны мен сапасы бойынша қорытынды әр айдың 1-інде шығарылады. Демалыс күндеріңіз сәтті өтсін!

#Алматыафишасы #Астанаафишасы #қайдабарукерек #тегінкөрмелер #Коньки #мұзайдыны

💡🎞🎞🎞🎞🎞

Бүгінгі кино шолуымыз “Онда біреуден туып ал” атты фильміне арналады.

Жіберіп алмаңыз!

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау көрсетіңіз❤

https://youtube.com/shorts/QUyIInByrBw

#Ондабіреудентуыпал #комедия #мелодрама #кино #үйдежатпа #фильм #кинообзор #женщина #дети

💡📆📆📆📆📆 10 наурыз

🙏1932 жылы 10 наурызда Түркістан және Ақтөбе облыстары құрылды. Түркістан облысы бастапқыда Оңтүстік Қазақстан деп аталып, 1962 жылы Шымкент деп өзгертілді. 1992 жылы оған қайтадан алғашқы аиауя берілді. 2018 жылы облыс орталығы Түркістанға көшіріліп, атауы да Түркістан облысы болып өзгертілді. Ал Шымкент республикалық маңызы бар қала мәртебесін алды. Ақтөбе облысы Қазақстан аумағының 11 пайызын алып жатыр және елдегі ең үлкен облыс саналады.

Ақтөбе және Түркістан облыстарының тұрғындарын бүгінгі күнмен шын жүректен құттықтаймыз!


👋10 наурыз – Халықаралық мәрттік күні. 2007 жылы АҚШ-тың веб-қосымша жасаушысы Кевин Ловер бұл күнді әзіл ретінде белгілеуді ұсынған еді. Алайда Твиттердің арқасында бастама қолдау тауып, бүкіл әлемге тарап кетті. Бұл күннің таңдалуы да тегін емес: 10 наурыз – нағыз мәрттіктің символына айналған Чак Норристің туған күні. Америкалық актер интернет мемдеріндегі ең атақты қаһарман ретінде танымал.

Ал сіз үшін ең мәрт, ең керемет адам кім?


👀 Бүгін бейнеойын әуесқойлары Марио күнін атап өтеді. Қызыл кепкасы мен көк комбинезонын киген пысық мұртты сантехник Nintendo жанкүйерлерінің сүйікті кейіпкеріне айналды. Ал Super Mario ойыны Гиннестің рекордтар кітабына әлемдегі ең көп сатылған ойын ретінде енген. Бұл күннің таңдалуы да қызық: ағылшын тілінде 10 наурыз – MAR10 деп қысқартылып жазылады, ал бұл атау атақты кейіпкердің есіміне ұқсас. Nintendo да бұл дәстүрді қолдап, мереке құрметіне ойыншыларға әдеттегіден екі есе көп алтын ұпай сыйлайды.

Сіз Super Mario ойнап көрдіңіз бе?



👥Бүгін қазақ өнерінің қос саңлағының туған күні. 102 жыл бұрын режиссер, сценарист, Қазақстанның еңбек сіңірген өнер қайраткері Сұлтанахмет Қожықов (1923-1988) дүниеге келді. Оның шығармашылық шыңы – аңызға айналған “Қыз Жібек” фильмі болды. Бұл туынды Тбилисиде өткен Бүкілодақтық кинофестивальде үш бірдей марапатқа ие болды. Қожықов заман тынысын терең сезініп, қазақ халқының шынайы тұрмысын, салт-дәстүрін экранда шебер бейнелей білді. 80 жыл бұрын кино және театр актері, Қазақстанның халық әртісі Құман Тастанбеков (1945-2017) дүниеге келді. Ол “Қыз Жібек” фильмінде Төлегеннің рөлін сомдап, нағыз халық жұлдызына айналды. Көрермендер оны “Қазақтың Төлегені” деп атап кетті. Ал оның экрандағы қосағы, Жібектің бейнесін жасаған Меруерт Өтекешова “Қазақтың Қыз Жібегі” атанды. Бұл – өнер тарихында қалған шынайы махаббат оқиғасы.

"Қыз Жібек" фильмін көрдіңіз бе?


#Күнтізбе #Мереке #Ерекшекүн #Қазақстаноблыстары #Еңмәртадам #Бейнеойындар #Туғанкүндер #Танымалтұлғалар #СұлтанахметҚожықов #ҚазақтыңТөлегені

💡💫💫💫💫💫💫💫

10–16 наурызға арналған қаржылай жұлдыз жорамал

♈️Ақшаға келгенде есептен жаңылыспаған дұрыс. Бірақ сіздің жағдайыңызда олар шытырман оқиғаны ұнататындай көрінеді. Осы аптада әмияныңыз “жоқшылық пен тоқшылықтың” арасында жүруі мүмкін. Жарқыраған әр затқа қызығып, лотерея билетінен үміт күтудің қажеті жоқ.

♉️Сіздің үнемшілдігіңіз көпке үлгі. Дегенмен ақша жинаймын деп, өзіңізді ұмытып кетпеңіз. Сондай-ақ дүкен аралап жүріп, ақшаны судай шашуға да жол бермеңіз. Қаржыны үнемі қадағалап отырған жөн.

♊️Қолыңызға ақша түссе, лезде жоқ болады. Бұл аптада да солай – қайда, неге жұмсау керегі туралы ой көп, бірақ оны қайдан табамын деген сұрақ екінші кезекте қалып қояды. Бәрін рет-ретімен жасаңыз, әйтпесе айдың соңын тез дайындалатын кеспемен қарсы алуыңыз мүмкін.

♋️Ақша туралы ойласаңыз, басыңыз ауыра ма? Түсінеміз, кейде қолыңызға тиген ақша лезде ғайып болып жатады. Бірақ жағдайды ушықтырмаңыз! Үйде, сөмкеңізде, қалтаңызда бұрыннан қалған тиын-тебеніңіз болуы мүмкін. Іздеп көріңіз – бір шыны кофе алуға жетіп қалар.

♌️Сіздің әмияныңыз – үлкен сахна, ал ақшаңыз – көрермен көзінен жасырынуды жақсы көретін актер. Осы аптада жұлдыздар өзгелердің көңілін бағып, оларға демеуші болудан бас тартуды ұсынады. Достарыңыз кофе ақшасын өздері төлесін, ал сіз болашағыңызға инвестиция жасаңыз (немесе, ең болмағанда, жаңа шұлық сатып алыңыз).

♍️Сіз ақшаны есеппен жұмсайсыз, бұл – керемет қасиет. Бірақ кейде өзіңізді де еркелеткен дұрыс. Осы аптада қаржыңызды пайдаңызға жұмсаудың оңтайлы сәті туады – жақсы кітап алыңыз, біліміңізді толықтырыңыз. Ал жеңілдікке бола несие алудың қажеті жоқ.

♎️Сіздің қаржыңыз – құбылмалы ауа райы секілді: бірде көп, бірде аз. Бюджетті дұрыс басқаруды үйренетін уақыт келді. Егер бірдеңе алғыңыз келсе, алдымен “Маған бұл шынымен керек пе?” деп ойланыңыз. Бес минуттан кейін де сол пікірде болсаңыз, онда алуыңызға болады.

♏️Ақша көбейтудің жолын жақсы білесіз. Алайда күмәнді ұсыныстарға еріп кетуден сақ болыңыз. Егер “ештеңе салмай-ақ табыс табуыңызға мүмкіндік бар” деген әңгімені құлағыңыз шалса, бірден ат басын бұрыңыз. Есіңізде болғай, тиімді инвестиция – өзіңізді дамыту.

♐️Ақша есеп білетіндерде жиналады. Ал “Жалақы қайда кетті?” деген сұраққа “Қайдан білейін, бірақ жақсы көңіл көтердік!“ деп жауап беретіндерде тұрақтамайды. Осы аптада эмоцияға еріп, қажетсіз зат алудан аулақ болыңыз. Әсіресе, мынау “керемет мүмкіндік” деп сендіруге тырысатын адамдарға еріп кетпеңіз.

♑️Сіз қаржыңызды дұрыс басқара аласыз. Бірақ кейде өзіңізге еркіндік беруді де ұмытпаңыз. Мәселен, 3000 теңгені әдеттегі түскі асқа емес, көңіліңізді көтеретін бір ұсақ-түйекке жұмсап көріңіз. Ақша тек болашаққа емес, бүгінгі жайлылығыңызға да қызмет етуі керек.

♒️Сіздің қаржыға қатысты ойларыңыз тым ерекше. Сондықтан сіз көп жағдайда не байып кетесіз, не үлкен қарызға батасыз. Осы аптада “кепілді пайда” ұсынатын күмәнді бастамалардан аулақ болыңыз. Қалтаның жайына бір қарап, асығыс шешім қабылдаудан аулақ болыңыз.

♓️Жұлдыздар ескертеді: интернет-дүкеніндегі “соңғы мүмкіндік”, “ең тиімді жеңілдік” деген жарнамалар көбіне сіздің әмияныңызға ғана салмақ түсіреді. Осы аптада ойланбай сауда жасаудан бас тартып, қаржыңызды жүйелеуге тырысыңыз. Ең болмаса, ақшаңыздың қайда кетіп жатқанын ойша бақылап отырыңыз.

Қорытынды:

Бұл апта қаржы тұрғысынан қызыққа толы болмақ. Бірақ әмиянға қол салмас бұрын ақылға жүгінуге кеңес береміз! Сонда бәрі ойдағыдай өтетіні сөзсіз.

Ескерту: Есіңізде болсын, жұлдыз жорамал ойын-сауық және кеңес беру мақсатында жасалады. Қаржылай шешімдерді ақылға салып, нақты жағдайларға байланысты қабылдаңыз.

#Жұлдызжорамал #Апталықжұлдызжорамал #Қаржы #Болжам

💡💡💡💡💡💡💡

Soft skills vs. Hard skills: Әр маман үшін қай дағды маңызды?

Бүгінде кез келген маманның жетістігі тек кәсіби біліктілікке ғана байланысты емес. XXI ғасырда технология дамып, жұмыс күші автоматтандырылып жатқанда, табысты болу үшін тек техникалық білім жеткіліксіз. Сондықтан дағдылар екіге бөлінеді:

✅ Hard skills – белгілі бір саладағы техникалық білім мен кәсіби дағдылар. Олар нақты міндеттерді орындауға қажет және оқу арқылы меңгеріледі. Мысалы, бағдарламалау, қаржылық есеп немесе жобалау қабілеті.

✅ Soft skills – коммуникация, креативтілік, эмоциялық интеллект, командада жұмыс істеу сияқты тұлғалық қасиеттер. Бұл дағдылар адамның жұмысқа деген көзқарасын, шешім қабылдауын және ортаға бейімделуін анықтайды.

💡 Жасанды интеллект дәуірінде Soft skills неге маңызды?

Алдағы 5-10 жылда көптеген техникалық мамандықтарды автоматтандыру мүмкін. Бірақ адамдар роботтармен бәсекеге түсу үшін soft skills жоғары болуы қажет. Яғни, эмоциялық интеллект, шығармашылық ойлау, тиімді қарым-қатынас орнату – болашақта еңбек нарығында сұранысқа ие басты дағдылар.

Кез келген маманға қажет 4 басты Soft skills («4 C» моделі)

1️⃣ Сыни ойлау (Critical thinking) – ақпаратты сараптау, логикалық шешім қабылдау және кез келген жағдайды жан-жақты талдау қабілеті.

2️⃣ Шығармашылық (Creativity) – стандартты емес ойлау, жаңа идеялар ұсыну және өзгерістерге икемді болу дағдысы.

3️⃣ Координация (Coordinating with others) – топтық жұмысты ұйымдастыру, әріптестермен өзара әрекеттесу және ортақ мақсатқа жетуге бағытталған жұмыс.

4️⃣ Коммуникация (Communication) – келіссөз жүргізу, ойды нақты жеткізу және тиімді байланыс орнату қабілеті.

🔹 Қорытынды: Бәсекеге қабілетті болу үшін техникалық білімді ғана емес, тұлғалық қасиеттер мен Soft skills дағдыларын дамыту маңызды. XXI ғасырдың табысты маманы – тек өз саласының шебері емес, сонымен қатар, өз ойын еркін жеткізе алатын, креативті және икемді тұлға.

#қазынакеңес #лайхак #мамандық #кәсіп

💡📆📆📆📆📆 12 наурыз

✍️2012 жылдың 12 наурызында Қазақстан Болон білім беру декларациясына қосылып, 47-ші қатысушысы атанды. Осылайша, Қазақстан Орталық Азия мемлекеттері арасында алғаш болып еуропалық білім беру кеңістігінің толыққанды мүшесі ретінде танылды. Бұл оқиғадан бұрын еліміздегі 145 жоғары оқу орнының 30-ы Болон декларациясының негізі болып табылатын Ұлы университеттік хартияға қол қойған еді. Осы қадам қазақстандық жоғары оқу орындары түлектерінің халықаралық еңбек нарығында бәсекеге қабілетті болуына мүмкіндік берді.



👩‍💻12 наурыз — Дүниежүзілік кибер-цензураға қарсы күрес күні. Адамзат тарихында билік иелері әрдайым адамдар мен БАҚ өкілдерінің ой еркіндігін шектеуге тырысты. Бүгінде тоталитарлық мемлекеттерде цензура билік басындағылардың өз идеологиясын таратуы мен басқару тетігін сақтап қалуының бір құралына айналған. Қазіргі заманауи технологиялар дәуірінде интернет арқылы ақпарат тарату еркіндігіне шектеу қойылып жатыр. Кейбір елдерде билік өкілдері ғаламтордағы мазмұнға түрлі тыйымдар салу арқылы ақпарат ағынын бақылауға тырысып келеді.

😢12 наурыз — Мұңаюға тыйым салу күні. Қыстың ұзаққа созылған суығы мен күн сәулесінің жетіспеушілігінен көктемнің алғашқы айында көптеген адам жабырқаңқы көңіл күйге түседі. Психологтар депрессияға бейім жандарға өз сезімдерін талдап, көктемгі күйзелістің нақты себебін анықтауға кеңес береді. Көбіне мұндай күйдің ешқандай күрделі себептері болмайды. Ол негізінен көктемде ағзадағы гормоналды өзгерістерге, дәрумендер мен минералдардың тапшылығына және басқа да объективті факторларға байланысты болады. Бірақ бұлардың барлығымен оңай күресуге мүмкіндік бар.

Барша оқырманымызға көтеріңкі көңіл күй тілейміз!

😋Бүгін жеміс жақсы көретін жандар Дүниежүзілік ананас күнін тойлайды. 1970 жылы 12 наурызда DEN MONTE GOLD деп аталатын ананастың ең дәмді сорты шығарылды. Аталған жеміс көпшілікке ерекше дәмі мен ағзаға тигізетін пайдасы арқылы танымал болды. Бұл жеміс дәрумендер мен минералдарға бай, сондай-ақ асқорыту жүйесіне оң әсер етеді. Ананасты жиі тұтынатын адамдар асқазан-ішек жолы проблемасынан алдын алады. Сонымен қатар ананас салмақ тастауға да зор әсерін тигізеді. Өйткені ананас — диеталық өнім. Оның құрамында ағзаны тазартатын жасұнық бар.

Сізге қай жеміс көбірек ұнайды: ананас әлде банан?

#Күнтізбе #Мереке #Ерекшекүн #Болондекларациясы #кибер-цензура #Психология #ананаскүні

💡📰📰📰📰📰📰

Экономикалық соғыс: Сирек кездесетін металдардың Дональд Трампқа не қажеті бар
 
‼️ Менделеевтің периодтық жүйесіндегі 17 элемент бүгіндері геосаяси шиеленістің көзіне айналғанына біраз болды. Онысы, әсіресе әлемдегі екі ірі держава – АҚШ пен Қытай текетіресі барысында ушыға түсуде. Қытайға жол бергісі жоқ АҚШ-тың тура осы сирек кездесетін металдарға келгенде аспан асты еліне күні түсіп тұрған жайы бар. Өйткені Америка тұтынатын бұл шикізаттың 70 пайызы Қытайдан келеді. Экономикалық соғыс жағдайында Бейжің мұндай ықпал тетігін ұтымды пайдаланып бағуда. Сол себепті АҚШ ах ұрып, жан-жақтан сирек кездесетін металдарды жанталаса іздеуге кіріскен.

◾️ АҚШ пен Қытайдың экономикалық соғысындағы басты «қару»

Бүгіндері Украинаға қолқа салып отырған Дональд Трамп алғашқы президенттік мерзімінде де бұл мәселені тереңнен қаузаған. Ол кезде АҚШ президенті ұлттық қауіпсіздік қызметіне қандай шикізат маңызды екенін зерттеуге бұйрық береді. 2018 жылдың күзінде Қорғаныс министрлігі осы бұйрыққа жауап ретінде «өнеркәсіп дәрумендері» деп аталатын сирек кездесетін металдар көптеген қару-жарақ жүйелері, жаңа техологиялар үшін маңызды элемент болып табылатынын айтып, есеп береді. Осы есепте бұл шикізатты басты сатушы ел – Қытай екені айтылады. Сондықтан осы тараптан қауіп бары да ескертіледі. Трамп әкімшілігінің алаңдаушылығы бекер болған жоқ: сирек кездесетін металдар АҚШ пен Қытайдың сауда соғысында «қаруға»айналды. 2019 жылдың мамырында Қытай тауарларына салынатын баж салығының өсуіне және телекоммуникациялық жабдық өндірушісі - Huawei-дің қара тізімге енуіне жауап ретінде Қытайдың мемлекеттік медиасы АҚШ-қа сирек кездесетін металдарды жеткізуге тыйым салу идеясын алға тартты. Бұл сөз жүзінде доқ көрсету болғанымен, АҚШ осы сәтте орнынан қозғалып кетті. Сөйтіп Ақ үй сирек кездесетін металдарды жеткізу тізбегін әртараптандыруға жанталаса ұмтылды. 2019 жылдың маусымында Трамп әкімшілігі маңызды минералдармен қамтамасыз ету жөніндегі стратегияны жариялады, ал қараша айында АҚШ Австралиямен осы шикізатты жеткізудің жаңа көздерін әзірлеу бойынша тұрақты серіктестік туралы келісімге қол қойды. 2022 жылы Lynas атты австралиялық компания Қытайдан тыс сирек кездесетін металдарды әлемдегі ең ірі қайта өңдеушізауытты Техаста салу үшін 120 миллион доллар болатын Пентагонмен арадағы келісімшартқа қол жеткізді.
 
◾️ Украинада қанша қор бар?

Бірақ, Украина аумағындағы пайдалы қазбалар кен орындарының көп бөлігі КСРО ыдырағанға дейінгі уақытқа жатады және қазір елде сирек кездесетін металдардың нақты қоры туралы мәлімет жоқтың қасы. Ашық дереккөздерде болмағанымен, Украинаның өзінде ол бар даболар.  Алайда сарапшылар АҚШ көз тігіп отырған 500 млрд долларлық көлемді бір Украинаның қамтамасыз етуі екіталай екенін айтады.

Ресей АҚШ-қа сирек кездесетін металдарды беруге дайын

Трамптың Украинамен арадағы келіссөздерде аталған шикізат түрі сөз бола салысымен, Владимир Путин 24 ақпанда Кремльде шұғыл жиын өткізді.

Келесі күні оның баспасөз хатшысы Ресейде сирек кездесетін металдар көп екенін және бұл АҚШ-пен арада "ынтымақтастықтың кең перспективаларын ашатынын» айтып, баспасөз мәслихатын ұйымдастырды. Путин Трампен осы мәселеге қатысты телефон арқылы да сөйлесті. Әрине, бұл Ресей мен Украина арасындағы қарулы қақтығысты бейбіт жолмен шешу келіссөздері болғанымен, оның арғы жағындай осындай сипатта сауда жүруде. Ресейдің бұлай алға ұмтылатындай жөні бар. Өйткені сирек кездесетін металдар қоры бойынша Ресей әлемде Қытайдан кейінгі екінші орында тұр. Осылайша АҚШ көңілінен шықса, Ресей санкциялар құрсауынан сытылып шығамын ба деп дәмеленеді, әрине. Сарапшылар осындай айқын мүддедегі Ресей өз қорын зорайтып көрсету үшін Қазақстанға да қол салуы мүмкін деген қауіпті айтып қалуда.

«Қазақмыс» кен орындарын Ресейге сатып жатқаны рас па?

Сирек кездесетін металдар қайда қолданылады?

Ақпараттың жалғасын төмендегі сілтемеден оқи аласыздар✔️

https://zhatpa.kz/ujde-zhatpa/ekonomikaly-so-ys-sirek-kezdesetin-metaldardy-donald-tramp-a-ne-azheti-bar/

Авторы: Кәмшат Тілеуханқызы