💡📆📆📆📆📆 20 наурыз

🔥20 наурыз – Ұлттық спорт күні. Қазақ халқы ерте заманнан бері мерекелерде түрлі сайыс ұйымдастырып, өздерінің ептілігі мен шеберлігін көрсеткен. Қазіргі таңда бәйге, көкпар, аударыспақ, жамбы ату, теңге ілу, құсбегілік секілді ұлттық спорт түрлеріне қызығушылық қайта жанданып, қарқынды дамып келеді. Сонымен қатар тоғызқұмалақ, асық ату, садақ тарту бойынша турнирлер де кең таралуда. Бұл жарыстар тек спорттық бәсеке ғана емес, халқымыздың салт-дәстүрімен терең танысуға мүмкіндік береді.

Ал сіз спорттың қай түрімен айналысасыз?

☀️Бүгін Біріккен Ұлттар Ұйымының бастамасымен Халықаралық бақыт күні аталып өтеді. Бұл күннің мақсаты – бақытқа ұмтылу жер бетіндегі барлық адамға ортақ құндылық екенін еске салу. Ұйымдастырушылардың пікірінше, бұл мереке адамзат үшін бақыт ең басты мақсаттардың бірі екенін көрсетеді. Осыған орай, БҰҰ барлық елдерді азаматтардың әл-ауқатын жақсартуға күш салуға шақырады.

Барлық оқырманға шынайы бақыт тілейміз!

🌍Бүгін — Халықаралық Жер күні. Соғыс пен адамдар тарапынан жасалып жатқан антропогендік әрекеттер топырақ пен ауаны, суды зиянды әрі радиоактивті заттармен ластап, тіршілік иелерінің денсаулығы мен әл-ауқатына кері әсерін тигізіп жатыр. Бұл күннің басты мақсаты – бәріміздің ортақ үйіміз Жер бетінің жай күйіне назар аударту. Сонымен қатар халықты табиғатты аялауға, оған қамқорлық жасауға шақыру. Мерекенің арнайы осы күнге белгіленуі де кездейсоқ емес. Себебі 20 наурызда күн мен түн теңеліп, тіршілік иелері оянып, дамудың жаңа кезеңі басталады.

Сіз осындай бастамаларды қолдайсыз ба?

👥20 наурыз — әйгілі екі тұлғаның туған күні. 156 жыл бұрын музыка сыншысы, этнограф, композитор, Қазақстанның халық әртісі Александр Затаевич (1869-1936) дүниеге келді. Ол қазақ халқының музыкалық мұрасын жинап, “Қазақ халқының 1000 әні” және “Қазақтың 500 күйі мен әні” атты еңбектерін жарыққа шығарды. Бұл жинақтар қазақ музыкасының ғасырлар бойғы тарихын қамтитын құнды антологияға айналды. Сонымен қатар қазақтың кәсіби фортепиано музыкасының негізін қалаушылардың бірі ретінде “Қазақ әндері” атты фортепианоға арналған миниатюралар жинағын жазды. Сонымен қатар 90 жыл бұрын ақын, Қазақстанның халық жазушысы Тұманбай Молдағалиев (1935-2011) өмірге келді. Ол 40-тан астам поэтикалық жинақтың авторы. Оның өлеңдері әлемнің көптеген тіліне аударылған. Ақынның “Құстар әні”, “Құстар қайтып барады”, “Бақыт құшағында”, “Әнім сен едің” сынды лирикалық әндері халық арасында ерекше танымал. Бұл әндер белгілі композиторлар Нұрғиса Тілендиев, Шәмші Қалдаяқов және Ескендір Хасанғалиевпен бірлесе жазылған. 1992 жылы Тұманбай Молдағалиевке түркі әлемінің Физули атындағы халықаралық сыйлығы берілді.

#Күнтізбе #Мереке #Ерекшекүн #Ұлттықспорткүні #Бақыткүні #Жеркүні #Туғанкүндер #Танымаладамдар #АлександрЗатаевич #ТұманбайМолдағалиев

💡😎😎😎😎😎

Өмір сынағынан сүрінбей өткен ТОП-5 актер

◾️ Өмір жолы ауыр сынаққа толы болғанымен, жүрек көзіндегі отын сөндірмей, биік белестерді бағындырған тұлғалар аз емес. Бірі балалық шағындағы қиындықтарға төтеп берсе, енді бірі үлкен кедергілерді жеңіп, мақсатына жете білді. Егер еңсеңіз түсіп, өмірге деген құлшынысыңызды жоғалтып алсаңыз, төмендегі өнер иелерінің тағдырына назар аударыңыз! ✔️

1️⃣ Киану Ривз

• Ол балалық шағында көп ауыртпалық көрді: әкесі отбасын тастап кетсе, анасы бірнеше мәрте тұрмысқа шыққан.
• Киану мектеп кезінде дислексиямен (оқудағы қиындық) күресіп, білім алуда көптеген қиындыққа тап болды.
• Ең жақын досы Ривер Феникстің қайтыс болуы, сүйікті адамы мен баласынан айырылуы оны қатты күйзеліске түсірді.
• Соған қарамастан, ол Голливудтың ең қарапайым әрі мейірімді жұлдыздарының біріне айналды.

💬 Мотивациялық сөзі:

Өмірде қиындықтар міндетті түрде болады, бірақ ол сіздің кім екеніңізді анықтамайды. Жасаған әрекеттеріңіз ғана сізді айшықтайды.

2️⃣ Кіші Роберт Дауни

• Әкесі оны есірткіге ерте жастан баулыған, бұл актердің өміріне айтарлықтай әсер етті.
• Нашақорлықтың салдарынан бірнеше рет түрмеге түсіп, мансабы құлдырауға ұшырады.
• Бірақ өз-өзімен күресе отырып, актерлік дарынын қайта дәлелдеді. “Темір адам” рөлінен кейін ол әлемдік деңгейдегі жұлдызға айналды.

💬 Мотивациялық сөзі:

Құлдырау – ұят емес. Бастысы – қайта тұрып, өз жолыңды табу.

3️⃣ Дуэйн Джонсон

• Бала кезінде кедейлікті бастан кешіріп, анасымен бірге үйсіз қалған кездері болған.
• Футбол мансабы сәтсіздікке ұшыраған соң, спорттағы бағытын өзгертіп, WWE жұлдызы атанды.
• Кейіннен өзін актерлік салада дәлелдеп, Голливудтың ең жоғары жалақы алатын актерлерінің біріне айналды.

💬 Мотивациялық сөзі:

Кедейлікте өстім, бірақ бір нәрсені түсіндім: мен ешқашан сол жағдайда қалмауым керек.

4️⃣ Сильвестр Сталлоне

• Бала кезінде сөйлеу қабілетінің бұзылуына байланысты үлкен қиындықтарға тап болды.
• Өмірінің бастапқы кезеңінде кедейшілікте өмір сүріп, тіпті өз итіне тамақ таба алмағандықтан сатуға мәжбүр болған.
• Өзінің “Рокки” фильміне сценарий жазып, басты рөлді өзі сомдағаннан кейін ғана нағыз жетістікке жетті.

💬 Мотивациялық сөзі:

Жеңіс – бұл күшті соққы жасай білу емес. Ол – қанша соққы алсаң да, қайта тұрып, алға жылжи білу. (“Рокки” фильміндегі әйгілі цитатасы)

5️⃣ Джим Керри

• Отбасы қаржылай қиындықтарға тап болып, тіпті біраз уақыт фургонда тұруға мәжбүр болған.
• Ата-анасына көмектесу үшін жас кезінен жұмыс істеп, кейіннен актерлік мансабын бастады.
• Ол Голливудтың ең танымал комик актерлерінің біріне айналды.

💬 Мотивациялық сөзі:

Егер сәтсіздікке ұшырау ықтималдығы бар болса, онда өзің жақсы көретін іспен айналыса жүріп сәтсіздікке ұшыраған әлдеқайда дұрыс.

💡 Қорытынды:
Бұл актерлердің өмір жолы күрделі болғанымен, олар қиындықтарды жеңіп, діттеген мақсаттарына жете білді. Олардың табандылығы мен ерік-жігері – бізге үлгі. Сондықтан өмір қандай сынақ әкелсе де, оған мойымай, алға ұмтылу маңызды!

#мотивация #актер #кино

💡📆📆📆📆📆 21 наурыз

👍21 наурыз — түркі және иран халықтары үшін күнтізбелік жаңа жылдың бастауы. Бұл мереке астрономиялық күнтізбе бойынша күн мен түннің теңелуіне сәйкес келеді. Бүгінде Наурыз Қазақстаннан бөлек, Әзербайжан, Албания, Үндістан, Қырғызстан, Түркия, Солтүстік Македония, Өзбекстан, Тәжікстан және Түрікменстан елдерінде мемлекеттік деңгейде аталып өтеді. Сонымен қатар Ирактағы күрдтер мекендейтін аймақтарда, Татарстан, Башқұртстан және Дағыстанда кеңінен тойланады. Наурыз – адамзаттың материалдық емес мәдени мұрасы ретінде ЮНЕСКО тізіміне енгізілген және БҰҰ-мен ресми танылған мереке. Әр халық бұл күнді өз тілінде түрліше атаса да – Навруз, Новруз, Невруз, Нооруз – оның мәні бәрімізге ортақ. Яғни, қыстың аяқталып, табиғаттың жаңаруын білдіреді. Ерте заманда қыстан аман шығу үлкен жетістік деп саналған, сондықтан Наурыз – үміт пен жаңа бастамалардың белгісі.

☀️Сондай-ақ 21 наурызда Ынтымақ күні аталып өтеді. Бұл мереке – қазақ халқының көп ғасырлық дәстүрлері мен мәдени құндылықтарының көрінісі. Ынтымақ күні – халықтың бірлігі мен ұлттық мұраны дәріптейтін мейрам. Аталған күн барша азаматты өзара сыйластыққа, бейбітшілік пен келісімді нығайтуға, әділ және гүлденген қоғам құру жолында бірлесе жұмыс істеуге үндейді.

Барша оқырмандарымызды Наурыз мейрамымен құттықтаймыз! Жаңа жыл берекелі болсын!

😍21 наурыз – Дүниежүзілік поэзия күні. Поэзия – ғасырлар бойы халық жүрегінен орын алған әрі түрлі мәдениетті тоғыстыратын ерекше өнер. Ең көне поэзиялық шығармалар біздің дәуірімізге дейінгі XXIII ғасырда жазылған деп саналады. Олардың авторы – аккад ханшайымы Эн-хеду-ана. Бүгінде поэзия елдер мен халықтарды жақындастырып, әртүрлі мәдениетті байланыстырушы күшке айналды. Өлең арқылы ақындар адамзаттың ортақ сезімдері мен ойларын жеткізіп, бізге бір-бірімізді тереңірек түсінуге мүмкіндік береді. Ұлтымыз бен болмысымыз бөлек болса да, бәріміз бір үлкен отбасы екенімізді еске салады.

👥21 наурыз – Халықаралық Даун синдромы бар адамдардың күні. Бұл күн ерекше жандарға қолдау білдіруге және қоғамдағы инклюзивтілікті дамытуға арналған. Даун синдромы – 21-ші хромосоманың артық көшірмесімен байланысты генетикалық ерекшелік. Ол бүкіл әлемде кездеседі және адамның моторикасына, денсаулығына белгілі бір деңгейде әсер етеді. Жыл сайын әлемде 3000-5000-ға жуық бала осы синдроммен дүниеге келеді. Қазақстанда да мұндай ерекше жандар бар, олардың саны шамамен 3 мың. Олар ашықтығы мен мейірімділігі үшін “күн балалары” деп аталады.

Бұл күн – қоғамның әрбір мүшесінің бірегейлігі мен құндылығын еске салатын маңызды мереке.

#Күнтізбе #Мереке #Ерекшекүн #Наурызмейрамы #Ынтымақкүні #Поэзиякүні #Даунсиндромы

💡🎟🎟🎟🎟🎟🎟🎟🎟🎟📆

Құрметті оқырман! #Үйдежатпа ұжымы арнайы сіздер үшін осы демалыс күндері Алматы, Шымкент, Түркістан және Астана қалаларында тегін баруға болатын іс-шаралар топтамасын дайындады. Ал басқа қалалардан ақпарат болмағандықтан, сіз өз өңіріңізде болатын қызық көрмелер мен іс-шараларды пікірге жазып кете аласыз.


АЛМАТЫ:

🫂Асқар Есдәулеттің "көктемгі об'сракт " көрмесі

Қайталанбас қолтаңбасы бар қазақ суретшісі өз жұмыстарын алғаш рет кең ауқымды көрерменге ұсынады. Көрмеге автордың он жылдан астам уақыт бойы жасаған 50-ге жуық картинасы мен 15 мүсіні қойылады.

Өтетін орны: Almaty Gallery, Достық даңғылы, 44
Күні: 21, 22, 23, 24 және 15 наурыз, 11:00 – 19:00

🫲Juldyzdy Almaty фестивалі

Қонақтар танымал өнерпаздардың қатысуымен өтетін концертті тамашалай алады. Сондай-ақ спорттық сайыстар, қолөнер жәрмеңкесі мен отбасылық шаралар ұйымдастырылады. Көрермендер үшін көз тартарлық фотозоналар мен өнер нысандары орнатылады.

Орны: Астана алаңы
Күні: 21 және 22 наурыз, 18:00

💃"Шуақты қаладан жеткен отбасылық мұралар” көрмесі

Бұл көрмеде белгілі суретшілер Григорий мен Олег Пономаренконың жеке коллекциялары мен MPL Sarl қорының жинағынан алынған картиналары ұсынылады.

Өтетін орны: Ular Gallery, Панфилов көшесі, 92.
Күні: 24 және 25 наурыз, 12:00 – 18:00

👀"Наурыз тойы — мерекем, салт-дәстүрім — берекем" кітап жәрмеңкесі

Қонақтар жазушылармен және публицистермен жүздесіп, ақындар мен дәстүрлі өнер өкілдерінің өнерін тамашалай алады.

Орны: Арбат
Күні: 21, 22, 23 және 24 наурыз, 11: 00 – 15:00

🫰"Костюм киген адам” көрмесі

Қазақстандық суретші Басма өз еңбектерінде қарапайым адамның саясаткер, шенеунік не кәсіпкер болған сәтінен бастап қалай өзгеретінін бейнелейді. Костюм, жейде не галстук киген сәттен бастап, адам ақырындап өзге күйге ене бастайды. Уақыт өте келе, костюм адамға толық билік жүргізіп, оның санасын қарапайым халықтың мұң-мұқтажынан алшақтатады.

Өтетін орны: “Өнер” арт-кеңістігі, Шевченко көшесі, 51
Күні: 24 және 25 наурыз, 10:00 – 19:00

👏Nauryz Fest фестивалі

Бұл шара мәдени мұра мен заманауи технологияларды тоғыстырады.

Орны: Абай Алаңы
Күні: 21, 22, 23 және 24 наурыз, 10:00 – 16:00


АСТАНА:

😻"Портреттер емес" көрмесі

Белгілі грузин фотографы Гио Кардаваның жұмыстары көрерменді адам мен өнерге, тіпті өзіне де өзгеше қырынан қарауға шақырады. Бұл – өткен мен болашақтың, дәстүр мен жаңашылдықтың тоғысқан тұсы. Онда әрбір сурет терең ойға батырып, жүректен орын алады. Сондай-ақ өз алдына бөлек бір сыр шертеді.

Өтетін орны: Forte Kulanshi Art Space, Достық көшесі, 8/1
Күні: 21, 22, 23, 24 және 25 наурыз, 10:00 - 20:00


ШЫМКЕНТ:

🗣Гала-концерт

Эстрада жұлдыздарының қатысуымен өтетін мерекелік концерт.

Орны: Астана Алаңы
Күні: 21 наурыз, 19:00


Түркістан:

🤝"Көне түркі мұрасы” ұлттық қолөнер көрмесі.

Орны:"Этноауыл" кешені
Күні: 21 наурыз, 13:00

👍"Ән мен әнші” концерті

Түркістан қаласына ерекше мәртебе берілуіне орай өтетін мерекелік концерт.

Орны: "Керуен Сарай" алаңы
Күні: 21 наурыз, 19:30

Естеріңізге сала кетейік, арнамызда пікір жазып, белсенділік танытқан 5 оқырманға Қазақстанның кез келген қаласынан кино немесе театрға 2 билет (сеанс, күн мен уақытты таңдайсыз) сыйлаймыз немесе кітап сатып алу үшін 10 мың теңгелік сертификат табыстаймыз. Сондай-ақ айдың “ең үздік пікірі” номинациясы да бар. Пікірлер саны мен сапасы бойынша қорытынды әр айдың 1-інде шығарылады. Демалыс күндеріңіз сәтті өтсін!

#Алматыафишасы #Астанаафишасы #Шымкент #Түркістан #қайдабарукерек #тегін #көрмелер #мейрам

💡🎬🎬🎬🎬🎬🎬🎬🎬🎬🎞

🎬"Ақшақар" отбасылық мелодрамасы. Бұл — 1937 жылдың Disney анимациялық фильмі негізінде түсірілген көркем фильм. Зұлым патшайым өзінің өгей қызы – ханшайым Ақшақарды өлтіруге бұйрық береді. Алайда Ақшақар қашып, жеті ергежейлі тұратын үйді паналайды. Басты рөлдерде: Гал Гадот, Рейчел Зеглер.
Трейлер мына жерде: https://www.youtube.com/watch?v=flZN8FQv5ik

🎬"Super курьер" комедиясы. Тимур – жүрегі кең, мейірімді курьер. Өзгелерге көмектесуде алдына жан салмайды. Бірде ол сот төрешісін қарақшылардан құтқарып, күтпеген ұсыныс алады. Енді ол сот төрешісінің қызы — Сабинаның жүргізушісі болуға тиіс. Алайда қызды белгісіз біреулер ұрлап кеткенде, Тимурға қорқынышын жеңіп, оны құтқару үшін батыл қадамға баруына тура келеді. Сонымен қатар қылмыскерлерге қыздың не себепті соншалықты қажет болғанын да анықтауы керек. Басты рөлдерде: Тимур Бақтыбаев, Дулыға Ақмолда, Еркебұлан Дайыров, Құттыбай Сағындықов.
Трейлер мына жерде: https://www.youtube.com/watch?v=-WKXz-Dcvho

🎬"Жошы хан" тарихи драмасы. Алтын Орданың негізін қалаушы, Шыңғыс ханның тұңғыш ұлы – Жошы ханның өмір жолы аңыз бен құпияға толы. Оның дүниеге келуі жайлы сан алуан жорамал бар, ал өлімі әлі күнге дейін жұмбақ. Ол – тарихтағы ең тылсым тұлғалардың бірі. Жошы хан – біз үшін кім? Жаулап алушы ма, әлде ұлы мемлекетке негіз қалаған кемеңгер билеуші ме? Оны түсіну арқылы біз өзімізді де тереңірек танып, тарихтағы орнымызды айқындай аламыз. Басты рөлдерде: Шыңғыс Бейбітұлы, Болат Ұзақов.
Трейлер мына жерде: https://www.youtube.com/watch?v=k0uOQXKogXs

🎬"Шоқан. Қашқария сапар" мультфильмі. Шоқан Уәлихановтың 190 жылдығына орай әзірленген бұл мультфильм көрермендерді ғалымның ең маңызды экспедицияларының бірі – “Қашқарияға саяхат” негізінде жасалған қызық оқиғамен таныстырады. Балаларға түсінікті әрі тартымды тілде баяндалған тарих 8 жасар Азат есімді баланың күтпеген жерден 1858 жылға тап болуымен басталады.
Трейлер мына жерде: https://www.youtube.com/watch?v=1R7UCmYVDxE

🎬"Западня" триллері. Эдди қымбат көлікті ұрламақ болады, бірақ оның иесі Уильям заңды өз қолына алады. Осылайша Эдди аса қауіпті адамның тұтқынына түсіп, қатыгез “мысық пен тышқан” ойыны басталады. Бұл қанды текетірестің шарықтау шегі Лос-Анджелестің қақ ортасында өтпек. Басты рөлдерде: Билл Скарсгард, Энтони Хопкинс. Жас рейтингі: 18+
Трейлер мына жерде: https://www.youtube.com/watch?v=7jjilh6DBw8

🎬"Киллер в отставке" комедиясы. Зейнетке шыққан киллер Дэнниге ерекше тапсырма жүктеледі – ол жас қылмыскер Вильборгқа жетекшілік етуі тиіс. Жігіттің мергендігі мықты болғанымен, ол тек нысананы ғана емес, жазықсыз адамдарды да атып тастайды. Екеуіне қылмыстық топтың басшысын жою міндеттеледі. Алайда көп ұзамай олар қақпанға түскендерін түсінеді – қарсыластары екеуінің де көзін жоюды көздейді. Басты рөлдерде: Кристоф Вальц, Люси Лью. Жас рейтингі: 16+
Трейлер мына жерде: https://www.youtube.com/watch?v=wE3SfCLRdS0

🎬"Новокаин" боевигі. Нейтан Кейн – қарапайым жігіт, бірақ сирек кездесетін генетикалық ерекшелігінің арқасында физикалық ауырсынуды сезінбейді. Алайда оның сүйікті қызы банк тонаушылардың тұтқынына түскенде, Нейтан осы ерекшелігін қаруға айналдыруға мәжбүр болады. Басты рөлдерде: Джек Куэйд, Эмбер Мидфандер. Жас рейтингі: 18+
Трейлер мына жерде: https://www.youtube.com/watch?v=02mwGJ6eBuA

🎬"Опус" триллері. Журналист қызға отыз жыл бұрын жұмбақ жағдайда жоғалып кеткен аты аңызға айналған әншінің алыстағы зәулім үйінен шақырту келеді. Жұлдызға табынушылар мен есінен танған қонақтардың ортасында қалған ол көп ұзамай өзіне жасырын жоспар құрылғанын аңғарады. Басты рөлдерде: Айо Эдебири, Джон Малкович. Жас рейтингі: 18+
Трейлер мына жерде: https://www.youtube.com/watch?v=Sc54np58Ans

#киножаңалықтары #аптаныңпремьералары #Алматыафишасы #Қазақстанафишасы #Ақшақар #Superкурьер #Жошыхан #Қашқариясапары

💡📆📆📆📆📆 22 наурыз

💐22 наурыз – Жыл басы. Бұл күн – халқымыздың байырғы дәстүрлеріне, ұлттық мәдениетінің терең тамырларына сүйенген жаңа кезеңнің бастауын білдіреді. Еліміздің түкпір-түкпірінде этноауылдар бой көтеріп, қазақ халқының салт-дәстүрлері мен әдет-ғұрыптары кеңінен таныстырылады. Ата-бабалар рухын сезініп, көненің көзіне айналған құндылықтарды жаңғыртуға мүмкіндік беріледі. Сондай-ақ, бұл күні Наурыз мерекесіне орай көше безендіру мен ұлттық нақыштағы көркем безендірулерге арналған байқаулардың қорытындысы шығарылады.

👀Бүгін — Халықаралық таксистер күні. 1907 жылы 22 наурызда Лондон көшелерінде алғашқы таксометр орнатылған автокөліктер пайда болды. Лондондық жүргізушілер құрылғыны француздың “такс” (“төлем”) және гректің “метрон” (“өлшеу”) сөздерінен құралған “таксометр” деп атады. Содан бері жеке қалалық көлік “такси” деп аталып, жүргізушілер “таксист” деген атауға ие болды. Бүгінде Қазақстанда шамамен 150 мыңға жуық адам такси қызметімен айналысады. Егер таныс таксистеріңіз болса, олардың кәсіби мерекесімен құттықтауды ұмытпаңыз!

👋130 жыл бұрын тарихта алғашқы көпшілікке арналған киносеанс өтті. 1895 жылы 22 наурызда Парижде француз фотоөнеркәсібінің дамуына арналған конференцияда ағайынды Жан Луи мен Огюст Люмьерлер алғаш рет көпшілікке кинофильм көрсетті. «Фабрикадан шыққан жұмысшылар» атты бұл бір минуттық қара-ақ, дыбыссыз фильмде зауыт жұмысшыларының еңбек күнінен кейін ғимараттан шығып келе жатқан сәті бейнеленген. Бүгінде мұндай сюжет бізге қарапайым көрінуі мүмкін, алайда сол заманда бұл нағыз таңғажайып жаңалық еді.

Фильмді мына сілтеме арқылы көре аласыз: https://www.youtube.com/watch?v=Zhw78tlCWgk


👥22 наурыз – қазақтың қос тұлғасының туған күні. 123 жыл бұрын ұлттық драматургияның негізін қалаушылардың бірі, Қазақстан Жазушылар одағының төрағасы болған Ғабит Мүсірепов (1902-1985) дүниеге келді. Ол “Қыз Жібек” музыкалық драмасының, “Қозы Көрпеш – Баян сұлу” пьесасының, “Ұлпан” романының және басқа да атақты шығармалардың авторы. Жазушының шығармалары әлемнің 34 тіліне аударылып, қазақ әдебиетінің даңқын асқақтатты. Сонымен қатар 76 жыл бұрын әнші, жазушы, Қазақстанның еңбек сіңірген әртісі Жәнібек Кәрменов (1949-1992) дүниеге келді. Ол Құрманғазы атындағы консерваторияда халық әні кафедрасын құруға бастамашы болып, оның алғашқы меңгерушісі атанды. Жәнібек Кәрменовтің орындауында Ақтамберді, Бұқар жырау және Шәкәрімнің шығармалары алғаш рет көпшілікке ұсынылған. Сонымен бірге ол “Ақылбайдың әні”, “Ғашықтың тілі”, “Махаббат әні” кітаптарының авторы.

Сіздің қалаңызда Ғабит Мүсіреповтің есімімен аталған қандай ғимараттар бар?

#Күнтізбе #Мереке #Ерекшекүн #Жылбасы #Таксистеркүні #Алғашқыкинофильм #Туғанкүндер #Танымалтұлғалар #ҒабитМүсірепов #ЖәнібекКәрменов

💡📚📚📚📚📚📚🐴

Наурызға қатысты ұмыт болған салт-дәстүрлер 🌷

Қызықты болса, біздің видеомызды соңына дейін қарап, лайк басып, парақшамызға тіркеліңіз👍

https://youtube.com/shorts/RamGqk2Z0EY

#наурыз #жаңалықтар #новости #традиция #үйдежатпа
#рек #обычаи #девушки #любовь #парень #ұйқыашар #дәстүр

💡📆📆📆📆📆 23 наурыз

💐23 наурыз – Тазару күні. Бұл күннің басты мәні – жан мен тәнді тазарту, жаңару. Ел аумағында сенбіліктер, экологиялық акциялар өткізіліп, қоғам табиғатпен үйлесімді өмір сүру қажеттігін еске салады. Табиғат заңдарын бұзбай, оны ысырап етпей, керісінше, ұқыпты пайдаланып, қоршаған ортаны қорғау – әр азаматтың міндеті
 


👀Бүгін ерлер қауымы арасындағы ынтымақтастық күні тойланады. Олардың арасындағы бауырмалдық пен мызғымас достық жасына әрі мүддесіне қарамастан қалыптасады. Джек Лондон, Эрих Мария Ремарк сынды жазушылар өз шығармаларында ерлер арасындағы берік достықты жырлаған. Алайда бұл құбылыс тек әдебиетте ғана емес, өмірде де жиі кездеседі: дер кезінде созылған достың қолы талай жанды құтқарып, қиын сәттерде тірек бола білген.

Сіздің ойыңызша, достыққа кімдер берік? Ерлер немесе әйелдер?


👋Бүгін “ОК” таңбасының пайда болған күні. Ең танымал нұсқа бойынша, бұл аббревиатура алғаш рет 1839 жылы 23 наурызда америкалық Morning Post газетінде жарияланған. Ол “all correct” сөзінің әдейі бұрмаланған “all korrect” нұсқасының әзіл түріндегі қысқартуы ретінде пайда болған. Айта кетерлігі, “OK” сөзінің шығу тегі туралы 40-тан астам теория бар. Бүгінде бұл сөз бүкіл әлемде келісімді білдіру немесе “қалайсың?” деген сұраққа жауап беру үшін қолданылады.

👥23 наурыз — екі атақты ер адамның туған күні. 115 жыл бұрын жапондық режиссер, сценарист және продюсер Акира Куросава (1910-1998) дүниеге келді. Ол — кино тарихында ең ықпалды режиссерлердің бірі. Өнер иесі үш мәрте “Оскар” сыйлығын жеңіп алды және басқа да көптеген беделді марапаттардың иегері атанды. Оның 7 жұмысы әлемдегі ең үздік фильмдер тізіміне енді. Сонымен қатар 100 жыл бұрын қазақ химик-металлург, халькогендер мен халькогенидтердің химиясы мен технологиясы бойынша жаңа бағыттың негізін қалаушы Евней Бөкетов (1925-1983) өмірге келді. Сондай-ақ 50-ден астам өнертабыстың, 10 патенттің, ғылым мен мәдениет туралы бірқатар әңгіменің авторы. 1992 жылы Қарағанды ​​мемлекеттік университетіне Евней Бөкетовтың есімі берілді.

#Күнтізбе #Мереке #ЕрекшеКүн #ТазаруКүні #ЕрлерЫнтымақтастығы #OKсөзініңПайдаболғанКүні #ТуғанКүндер #ТанымалТұлғалар #АкираКуросава #ЕвнейБөкетов

💡📚📚📚📚📚📚🐴

Наурыз көже дайындау үшін қанша ақша керек?

Қызықты болса, біздің видеомызды соңына дейін қарап, лайк басып, парақшамызға тіркеліңіз👍

https://youtube.com/shorts/lHTggWtoOvo

#наурыз #жаңалықтар #новости #традиция #үйдежатпа
#рек #обычаи #цены #наурызкөже #наурызкоже

💡💫💫💫💫💫💫💫

24–30 наурызға арналған қаржылай жұлдыз жорамал

♈️Бұл апта Тоқтылар үшін нағыз қаржылай сынаққа толы болмақ! Ең бастысы – банкоматқа өкпелемеңіз, ол сізге ештеңе қарыз емес. Ақша есепті жақсы көреді, ашуды емес. Шығындарыңызды мұқият бақылаңыз, әйтпесе жұма күні “ерекше диетаға” көшіп, нан мен өмір жайлы терең ойлар ғана серігіңіз болуы мүмкін.

♉️Егер ақша – зұлымдық болса, онда сіз әулиелікке бір табан жақындадыңыз! Бірақ өзіңізді сәл еркелететін уақыт та келген шығар? Мәселен, жинаған қаржыңызды сақтайтын тағы бір жастық сатып алыңыз. Апта соңында күтпеген табысқа кенелуіңіз мүмкін, сондықтан ұсақ шығындардан қорықпаңыз – Ғалам сізге міндетті түрде қайтарып береді (тым болмаса, ұсақ ақшамен болса да).

♊️Сіз әдеттегідей “үнемдеу керек” пен “көзді жұмып жұмсайын” деген екіұдай сезімде жүрсіз. Жұлдыздар бұл аптада бірінші нұсқаны таңдауға кеңес береді, әйтпесе сенбі күні әмиян орнына күртешеңіздің қалтасын пайдалануға тура келеді. Күтпеген жерден табыс түсуі мүмкін, бірақ табыс көзі заңды ма, соны тексеруді ұмытпаңыз.

♋️Бұл аптада сізді түрлі қаржылай сынақтар күтіп тұр: жеңілдіктер, науқандар, “соңғы мүмкіндік” деген жарнамалар белең алуы мүмкін… Бірақ әмияныңыз бұл құлшынысыңызды қолдамайтын секілді. Маркетологтар сіздің осал тұстарыңызды жақсы біледі, сол себепті сақ болыңыз. Ақшаңызды ақылмен жұмсаңыз, кем дегенде жалақыға дейін шыдауға тырысыңыз.

♌️Сіздің қаржылай жағдайыңыз патша көңіліңізге сай болмауы мүмкін. Апта ортасында шығындарыңызды реттемесеңіз, демалыс күндері кассада “Қаражатыңыз жеткіліксіз” деген жазумен бетпе-бет келуіңіз ғажап емес. Дегенмен сәрсенбі күні күтпеген сый болуы мүмкін – бәлкім, біреу бұрынғы қарызын қайтарып берер.

♍️Сізге “өз-өзіңіздің бас есепшісі” деген лауазым керемет жарасар еді! Әрбір тиыныңыз есепте, алайда қаржыны тым қатты қысып ұстаудың қажеті жоқ – ақша қозғалысты жақсы көреді. Апта соңында тиімді ұсыныс түсуі мүмкін, бірақ егер біреу “ақшаңызды екі есе көбейткіңіз келе ме?” деп сұраса, асықпаңыз. Бұл байып кетудің жолы емес, күмәнді қақпан болуы мүмкін.

♎️Таразылар — үнемшілдік пен сауда жасауға деген құмарлықтың арасында теңгерімді ұстап үйренген. Алайда бұл аптада жұлдыздар бір жағын таңдауға кеңес береді. Әйтпесе аптаның соңында банк шотыңызды көріп, таңданыстан бас шайқайтын боласыз. Апта ортасында күтпеген табыс түсуі мүмкін, бірақ оны оңды-солды шашпай, ақылмен жұмсаңыз. “Керек секілді, бірақ қазір емес” деген заттарға ақша шығындамасаңыз, ұтылмайсыз.

♏️Сарышаяндар, егер біреу сізге “жеңіл ақша” ұсынса, әмияныңызды қатаң бақылауда ұстаңыз! Осы аптада сізді қаржылық тұзақтар күтіп тұр. Тек сенімді табыс көздеріне жүгініп, күмәнді ұсыныстардан бірден бас тартқаныңыз абзал. Жұма күні күтпеген шығындар болуы мүмкін, бірақ ол қажет нәрсеге жұмсалмақ, сондықтан алаңдамаңыз.

♐️Сіздің осы аптаның ұраныңыз: “Кең өмір сүру керек, тіпті қалта тесік болса да!”. Бірақ жұлдыздар сәл сабыр сақтауға шақырады. Ақшаны жөн-жосықсыз шашсаңыз, жексенбі күні “жомарт” достарыңыздың асханасына көз тігетін боласыз.

♑️Тауешкілер, сіз әдетте ақшаны есеппен жұмсайсыз. Бірақ бұл аптада “қажет емес, бірақ көңілге жағымды” бір нәрсеге қызығуыңыз мүмкін. Өзіңізді тым қатты тежемеңіз – өмір тек үнемдеуден тұрмайды.

♒️Бұл аптада қаржылай тәжірибелерден аулақ болған жөн. Биткойн, акциялар, стартаптар – қазір мұндай инвестициялар үшін оңтайлы уақыт емес. Бейсенбі күні кенеттен ақша түсуі мүмкін, бірақ бұл өзіңіз ұмытып кеткен жалақыңыз болуы да ғажап емес.

♓️Балықтар, ақша қолда тұрақтамай, жылдам жұтылып кетеді. Әсіресе, “керемет мүмкіндік” деп жар салған жарнамаларға сеніп, асығыс шешім қабылдамаңыз. Жексенбі – қаржылай жоспар құруға қолайлы күн.

Қорытынды:Бұл апта қаржылай тұрғыда қызықты болмақ, бірақ есіңізде болсын: ақша – мақсат емес, құрал. Оны ақылмен жұмсап, ұқыпты жинаңыз, сонда әмияныңыз әрдайым толы болады!

Есіңізде болсын, жұлдыз жорамал ойын-сауық және кеңес беру мақсатында жасалады. Қаржылай шешімдерді ақылға салып, нақты жағдайларға байланысты қабылдағаныңыз жөн.

#Жұлдызжорамал #Апталықжұлдызжорамал #Қаржы #Болжамдар

💡📆📆📆📆📆 24 наурыз

👃Бүгін — Дүниежүзілік туберкулезге қарсы күрес күні. 1882 жылы 24 наурызда неміс ғалымы Роберт Кох туберкулез ауруын тудыратын бактерияны анықтап, бұл жаңалығы үшін Нобель сыйлығын алды. Қазіргі таңда туберкулез әлемдегі ең көп адам өліміне әкелетін инфекциялық аурулардың бірі болып қалып отыр. Жыл сайын бұл дерттен шамамен 1,5 миллион адам көз жұмады. Туберкулездің дамуына дұрыс тамақтанбау, темекі мен алкоголь өнімдерін тұтыну, есірткі қолдану, еңбек және тұрмыс жағдайының нашарлығы, сондай-ақ кейбір созылмалы аурулар әсер етеді. Дегенмен, Қазақстанда соңғы 20 жыл ішінде туберкулезге шалдығу көрсеткіші 4 есеге төмендеді.

Денсаулығыңызды күтіңіз және салауатты өмір салтын ұстаныңыз!

🧠24 наурыз — Халықаралық депрессиямен күрес күні. Депрессия алғаш рет ежелгі дәрігер Гиппократтың еңбектерінде сипатталған. Ол бұл ауруды “меланхолия” деп атап, оның басты белгілері ретінде көңіл күйдің түсуі, ұйқысыздық, тәбеттің жоғалуы, алаңдаушылық пен ашушаңдықты көрсеткен.
Депрессияның негізгі себебі – ағзадағы “бақыт гормондары” саналатын серотонин мен дофаминнің жетіспеушілігі. Бұл дертке шалдыққан адамдар үшін жақындарының қолдауы аса маңызды. Жылы сөз, шынайы жанашырлық пен қолдау кейде кәсіби терапиядан да күшті әсер етуі мүмкін.

Көңіл күйіңіз көтеріңкі болсын, ұсақ-түйекке бола уайымдамаңыз!



💅Бүгін — маникюр шеберлерінің кәсіби мерекесі. Бір қарағанда қарапайым көрінетін бұл кәсіп түрі шын мәнінде табандылықты, ұқыптылықты және шығармашылықты талап етеді. Ежелгі Римде, Греция мен Мысырда маникюр адамның әлеуметтік мәртебесі мен байлығын білдіретін. Ал бүгінде оны кез келген адам жасата алады. Есіңізде болсын, жақсы күтім көрсетілген қолдар мен әдемі тырнақтар — ұқыптылық пен сенімділік беріп қана қоймай, айналадағы адамдарға эстетикалық ләззат сыйлайды.

Егер бүгін маникюр жасатуға барсаңыз, өз шеберіңізді мерекесімен құттықтауды ұмытпаңыз!



👥24 наурыз — қазақтың екі атақты тұлғасының туған күні. Бүгін суретші, сәулетші, Қазақстан Мемлекеттік Елтаңбасының авторы Жандарбек Мәлібеков 83 жасқа толды. 1992 жылы Қазақстанның мемлекеттік рәміздеріне арналған байқауда оның жобасы 245 жұмыстың ішінен жеңімпаз атанды. Ол – Өзбекстанның еңбек сіңірген сәулетшісі және Қазақстанның еңбек сіңірген қайраткері. Сонымен қатар 82 жыл бұрын ақын-жазушы Рафаэль Ниязбеков (1943-2021) дүниеге келді. Ол көптеген поэзиялық жинақтың авторы. Одан бөлек проза да жазған. Бауыржан Момышұлының 90 жылдығына арналған республикалық мүшәйраның жеңімпазы, “Алаш” халықаралық әдеби сыйлығының лауреаты. Сонымен қатар ол көптеген кәсіби және мемлекеттік наградалардың иегері, Шешен Республикасының ең жоғары мемлекеттік марапаты – “Ұлт намысы” орденінің иегері.

Рафаэль Ниязбековтің қай шығармасы ұнайды?

#Күнтізбе #Мереке #Ерекшекүн #Туберкулезбенкүрес #Депрессияменкүрес #Маникюршебері #Туғанкүндер #Танымалтұлғалар #ЖандарбекМәлібеков #РафаэльНиязбек

💡🎞🎞🎞🎞🎞

Бүгінгі кино шолуымыз “Шоқан. Қашқария сапары” атты фильміне арналады.

Жіберіп алмаңыз!

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау көрсетіңіз❤

https://youtube.com/shorts/gTouoRQo2nE

#ШоқанҚашқариясапары #приключения #история #кино #үйдежатпа #фильм #кинообзор #тарих

💡📆📆📆📆📆 25 наурыз

🙁25 наурыз – Біріккен Ұлттар Ұйымының бастамасымен Халықаралық құлдық құрбандарын еске алу және трансатлантикалық құл саудасының күні. Бұл дата 2007 жылы, трансатлантикалық құл саудасының жойылуына 200 жыл толуына орай белгіленді. Оның мақсаты – құлдықтың азабын тартқан және азаттық жолында қаза тапқан жандарды еске алу. Әлемде құлдық ең соңғы болып 1981 жылы Мавританияда жойылды. Алайда 2021 жылдың деректеріне сәйкес, қазіргі заманда құлдық құрбандарының саны 50 миллионға жеткен. Олардың 28 миллионы – мәжбүрлі еңбекке жегілгендер, ал 22 миллионы – еркінен тыс некеге тұрғандар.


😇1930 жылы 25 наурызда Алматы облысының Балқаш ауданына қарасты Бақалы ауылында Бәрібаев көтерілісі өтті. Ол кеңестік биліктің ұжымдастыру саясаты мен репрессияларына қарсы бағытталған еді. Көтерілісшілер Бақалы коммунасын басып алып, ауылдық кеңесті таратып, халыққа тәркіленген астықты, малды және өзге де мүлікті таратып берді. Алайда бұл көтеріліс көп ұзамай қарулы кеңес әскері тарапынан басып-жаншылды. Нәтижесінде 29 адам ату жазасына кесілді.


🤩Бүгін тәтті әуесқойлары халықаралық вафли күнін атап өтеді. Көпшілікке белгілі әрі неміс тілінде “ұяшық, бал ұясы” деген мағынаны білдіретін алғашқы вафлилер Германияда XIII ғасырда дайындала бастады. Бүгінде дүкен сөрелерінде тек тәтті вафлилер ғана емес, сондай-ақ ірімшік қосылған немесе түрлі дәмдеуіштермен толықтырылған тұзды түрлері де ұсынылады. Әлемдегі ең танымал вафлилердің бірі – бельгиялық вафли. Олар классикалық десертті дайындау дәстүріне сүйене отырып, өзінің теңдесі жоқ дәмімен ерекшеленеді.

Сізге вафлидің қай дәмі ұнайды?



😻25 наурыз — әлемдегі ең әсем қалалардың бірі Венецияның туған күні. 421 жылы Солтүстік Италия тұрғындары басқыншылардан қашып, батпақты аралдарға қала салуды бастады. Венеция 100-ден астам шағын аралдан тұрады және Адриатика теңізінің жылымында орналасқан. Бұл қалада жолдар мүлдем жоқ – барлық қозғалыс тек қайықтар арқылы каналдар бойымен жүреді. Қазіргі таңда Венеция – ірі туристік және ғылыми-білім беру орталығы. Оның бірегей сәулеттік келбеті мен Венеция жылымы ЮНЕСКО-ның Бүкіләлемдік мұралар тізіміне енгізілген.

Сіз әлемнің қай қалаларына барғыңыз келеді?

#Күнтізбе #Мереке #Ерекшекүн #құлдыққұрбандары #Бәрібаевкөтерілісі #вафликүні #әсемқалалар

💡🎞🎞🎞🎞🎞

Бүгінгі кино шолуымыз “Ақшақар” атты фильміне арналады.

Жіберіп алмаңыз!

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау көрсетіңіз❤

https://youtube.com/shorts/QAnmGmgvL78

#Ақшақар #белоснежка #мюзикл #кино #үйдежатпа #фильм #кинообзор #disney #принцесса #приключения

💡📆📆📆📆📆 26 наурыз

🤩1993 жылы 26 наурызда Қазақстан, Қырғызстан, Тәжікстан және Өзбекстан басшылары “Аралды құтқару халықаралық қоры туралы ережеге” қол қойып, Арал теңізі мен Арал маңы аймағының мәселелерін шешу, экологиялық жағдайды жақсарту және әлеуметтік-экономикалық дамуды қамтамасыз ету жөніндегі бірлескен іс-қимылдар туралы келісімді бекітті. Кеуіп кету процесі басталғанға дейін Арал теңізі әлемдегі төртінші ірі көл болған. Онда 34 түрлі балық түрі тіршілік етті.

Сіз қалай ойлайсыз, Арал теңізі қайта қалпына келуі мүмкін бе?

😮‍💨26 наурыз – Халықаралық эпилепсиямен ауыратын адамдар күні. Бұл күннің белгіленуі қоғамның эпилепсия туралы түсінігін арттырып, ауруға қатысты түрлі мифтерді жоққа шығаруға бағытталған. Эпилепсия жұқпалы ауру емес, ал оның тұқым қуалау ықтималдығы өте төмен – небәрі 8%. Бұл дертке шалдыққан жандар дені сау, көрікті балалардың ата-анасы бола алады. 2022 жылы Қазақстанда 76 мың эпилепсия диагнозы қойылған науқас тіркелген, олардың 27 мыңы – балалар.

👏26 наурызда медитация әуесқойлары жалғыздық күнін атап өтеді. Адам – әлеуметтік жаратылыс, бірақ ең ашық, көпшіл жандардың өзіне кейде жалғыздық қажет болып жатады. Медитация жанды мазалайтын ойлар мен эмоциялардан арылуға, ми қызметін жақсартуға және психологиялық тепе-теңдікті сақтауға көмектеседі. Ал бұл өз кезегінде адамның қоғаммен қарым-қатынасын жақсартуға оң әсерін тигізеді.

Сіз бір күніңізді ешкіммен сөйлеспей өткізе алар ма едіңіз? :)

🫂26 наурыз – танымал қос тұлғаның туған күні. 135 жыл бұрын қазақтың ақыны, композиторы, Қазақстанның еңбек сіңірген өнер қайраткері Нартай Бекежанов (1890–1954) дүниеге келді. Бекежановтың “Толқын”, “Нартай сазы”, “Ахау, жалған”, “Нартайдың әні” сынды әндері қазақ халық музыкасының алтын қорына енді. Оның “Домбыра сазы”, “Өлеңдер мен айтыстары”, “Өсиет”, “Аманат” атты шығармалары кітап болып жарық көрген. Бүгінде Қызылорда облыстық қазақ драма театры ақынның есімімен аталады. Сонымен қатар бүгін британдық кино және театр актрисасы Кира Найтли өзінің 40 жас мерейтойын атап өтеді. Кира Найтли 50-ге жуық фильмге түсіп, олардың көбі блокбастерлерге айналды. Өзінің мансабы барысында ол әйелдер құқығын қорғау ұйымдары мен қайырымдылық қорларға тұрақты түрде қаражат аударып келеді.

Сізге Кира Найтлидің қай фильмі көбірек ұнайды?

#Күнтізбе #Мереке #Ерекшекүн #Аралдықалпынакелтіру #Медитация #Қазақстандағыэпилепсия #Туғанкүндер #Танымалтұлғалар #НартайБекежанов #КираНайтли