💡📆📆📆📆📆 4 сәуір

📱Бүгін – Халықаралық интернет күні. Бұл күн VII ғасырда өмір сүрген, алғаш рет “Этимология” энциклопедиясын жасаған және студенттердің қамқоршысы саналатын Севильялық Исидордың қайтыс болған күнімен байланысты. Католик шіркеуі оны интернеттің қамқоршысы етіп таңдаған, себебі интернет әлемі – адамзаттың практикалық және теориялық білімінің кең қазынас. Бүгін сондай-ақ веб-мастерлер мен интернет-әзірлеушілердің кәсіби мерекесі аталып өтеді. 4.04. күнінің цифрлары 404 қателігін (“Бет табылмады”) еске түсіреді, бұл олардың жұмысына тікелей қатысты.

Егер таныстарыңыз арасында веб-мастерлер болса, оларды мерекесімен құттықтап қойыңыз!

🐾4 сәуірде дүниежүзілік қаңғыбас жануарлар күні аталып өтеді. Әлемде шамамен 600 миллионға жуық мысық пен ит және басқа да үй жануарлары бар. Бұл күн адамдарды үйсіз-күйсіз қалған жануарлардың қайғылы тағдырына назар аударуға және қараусыз қалған тіршілік иелерінің ауыр жағдайына бей-жай қарамауға шақырады. Оларға көрсетілетін көмек адамгершілік пен имандылық тұрғысынан саналы адамның маңызды белгісі екенін есте ұстаған жөн.

Сіз осындай бастамаларды қолдайсыз ба?


🐇Бүгін тағы бір қызық мереке — Халықаралық сәбіз күні. Бұл күн көкөністің адам ағзасына пайдасы туралы ақпарат таратуға бағытталады. Қызғылт сары, қызыл, сары, ақ және басқа түстердегі көкөніс тек тамақ дайындауда ғана емес, сонымен қатар халықтық медицинада, косметологияда және диетологияда қолданылады. Сәбіз А,В, С, Е және К дәрумендеріне, микроэлементтерге, флавоноидтар мен эфир майына бай. Сол себепті бұл көкөніске мыңдаған жыл бойы сұраныс жоғары болып келген.

Сізге қай көкөніс ұнайды: сәбіз немесе қызылша?


🫂4 сәуір — қазақтың үш чемпионының туған күні. Бүгін боксшы, 1996 жылғы Олимпиада ойындарының чемпионы Василий Жиров 51 жасын атап өтеді. 1999 жылы ол бірнеше рет қорғаған IBF әлем чемпионы атағын жеңіп алды. Танымал USA Today басылымы Василийді 2001 жылдың барлық салмақ дәрежесі бойынша ең үздік кәсіпқой боксшысы деп атады. 45 жыл бұрын бокстан 2000 жылғы Олимпиада чемпионы Бекзат Саттарханов (1980-2000) дүниеге келді. Ол 2000 жылы 31 желтоқсанда жол апатына ұшырап, қыршынынан қиылды. 2020 жылы чемпионды еске алу мақсатында “Бекзат” фильмі түсірілді. Сонымен қатар бүгін жүзуден 2016 жылғы Олимпиада чемпионы Дмитрий Баландин 30 жасқа толды. Ол аталған спорт түрінен Олимпиада алтынын иеленген тұңғыш қазақстандық атанды. 2017 жылы “Халық сүйіктісі” сыйлығы аясында Қазақстандағы жылдың спортшысы деп танылды.

Барлық спортшымызға тек жеңіс тілейміз! Жақсы жаңалықтарымен қуанта берсін!

#Күнтізбе #Мереке #Ерекшекүн #интернеткүні #веб-мастерлермерекесі #көшпеліжануарлар #Пайдалытағамдар #Туғанкүндер #Белгіліадамдар #ВасилийЖиров #БекзатСаттарханов #ДмитрийБаландин

💡🎬🎬🎬🎬🎬🎬🎬🎬🎬🎞

🎬"Азартник" қылмыстық драмасы. Бұрынғы карташы Нурик күнкөріс үшін жүкші болып жұмыс істеп, бос уақытында такси жүргізеді. Алайда тағдыр оны қайтадан картаға әкеледі. Ол үй, көлік сатып алып, өмірі реттелгендей көрінеді. Бірақ бұл ұзаққа созылмайды. Қалаға Түркиядан келген кәсіби ойыншы Нурикті жеңіп, барынан айырады – ақшасы, үйі, көлігі, тіпті жары да сол ойыншының қолында кетеді. Басты рөлдерде: Нұрсұлтан Мейірбек ,ании Беркінбай, Индира Меңдібаев, Ұлықбек Қадыров. Жас рейтингі: 18+
Трейлер мына жерде: https://www.youtube.com/watch?v=S-zDo2Bo0OI

🎬"Қызыл көйлек" драмасы. Ыстықкөл жағасында жас отбасы ескі кафені қалпына келтіруге кіріседі. Алайда олардың арманы қорқынышты түске айналады – ғимараттың қабырғаларында өткеннің қараңғы құпиялары қайта тіріледі. Тылсым құбылыстар мен түсініксіз үрей әр түнді өмір үшін күреске айналдырады. Армандаған мекен енді қашып құтылу мүмкін емес орынға айналады. Басты рөлдерде: Айжан Сыдықова, Саламат Қалыбек уұлу. Жас рейтингі: 18+
Трейлер мына жерде: https://www.youtube.com/watch?v=Fyd-N7GH5WI

🎬"Ғашығым" мелодрамасы. Мақсат Айсұлуға алғаш көргеннен-ақ ғашық болады. Алайда көп ұзамай ол Айсұлудың Тілек атты “жігіті” бар екенін біледі. Тілек — оның ата-анасының достарының ұлы. Ата-анасы Мақсатты қолдамай, Тілекті қызына лайық деп санайды. Мақсат Айсұлудың жүрегін жаулап алу үшін, өз отбасын құру үшін актерлерді жалдайды, бірақ бұл жоспары сәтсіз болады. Басты рөлдерде: Мадалена Абдрахманова, Бакболот Қоңырбаев.
Трейлер мына жерде: https://www.youtube.com/watch?v=TsPX47u6RO4

🎬"Minecraft в кино" фантастикасы. Сәтсіздікке тап болған төрт адам кенеттен құпия порталға тартылып, оларды қиял күшімен жасалған ерекше кубикалық әлемге алып барады. Үйіне қайта оралу үшін, олар осы әлемнің заңдарын меңгеріп, тәжірибелі шебермен қызық саяхатқа шығуға мәжбүр болады. Басты рөлдерде: Джек Блэк, Джейсон Момоа.
Трейлер мына жерде: https://www.youtube.com/watch?v=c_uiTcuqa7I

🎬"Падение короны" тарихи драмасы. 18-ші ғасыр, Француз революциясының орталығы. Король мен оның отбасы тұтқындалып, түрмеге жабылады. Әлеуметтік өмірдің әсемдігі оқшауланумен және дәрменсіздікпен ауысады. Қымбатшылыққа үйренген патшайым алғаш рет өз болашағынан және балаларының тағдырынан қорқып, осал күйге түседі. Басты рөлдерде: Гийом Кане, Мелани Лоран. Жас рейтингі: 18+
Трейлер мына жерде: https://www.youtube.com/watch?v=6pu-vYCCiZw

🎬"Смерть единорога" фантастикасы. Ридли әкесімен бірге демалыс өткізуге мәжбүр болады. Әкесімен қарым-қатынасы тек ғажайып арқылы ғана түзеледі деп ойлаған сәтте, олар… нағыз бір мүйізді құлыншақты қағып алады. Әкесінің жұмыс істейтін ашкөз отбасы оның емдік қасиеттерін пайдаланып ақша табуды шешеді. Алайда, құлыншақтың ашулы ата-аналары пайда болып, байларды аулауға кіріседі. Басты рөлдерде: Пол Радд, Дженна Ортега. Жас рейтингі: 18+
Трейлер мына жерде: https://www.youtube.com/watch?v=r0eKbYttj64

🎬"Последний охотник на демонов" триллері. Ескі қақпалар ашылып, біздің әлемге жеңілмейтін титанның басшылығымен жындар легі шабуыл жасады. Шабуылдың эпицентрінде қалған полицей Джейк жерді қараңғылық армиясы жұтпай тұрып, порталдың жабылу жолын табуға тырысады. Басты рөлдерде: Мишель Моррон, Уильям Моусли. Жас рейтингі: 18+
Трейлер мына жерде: https://www.youtube.com/watch?v=FAd-zFJ4e7A

🎬"Проклятие матери. Одержимая" қорқынышты фильмі. Жалғызбасты ана қараңғылық күштерімен байланыс орнатып, өзінің балаларының ештеңеден мұқтаж болмауын қамтамасыз ету үшін бақсыдан көмек алады. Басты рөлдерде: Шариф Дааниш, Дафф Вардхана. Жас рейтингі: 18+
Трейлер мына жерде: https://www.youtube.com/watch?v=bhRMDt1Dilc

🎬"Астрал. Спуск к дьяволу" қорқынышты фильмі. Эвелин күтпеген жерден әпкесінен үлкен үйді мұраға алады.Басты рөлдерде: Алекс Палладино, Шон Бриджерс. Жас рейтингі: 18+

Трейлер мына жерде: https://www.youtube.com/watch?v=dRJL5TpTTbM

#киножаңалықтары #аптаныңпремьерасы #Алматыафишасы #Қазақстанафишасы #Азартник #қызылкөйлек #ғашығым

💡📆📆📆📆📆 5 сәуір

😼Бүгін Қазақстанда көші-қон полициясы күні аталып өтеді. 1993 жылы 5 сәуірде Министрлер кабинеті “Қазақстан Республикасындағы төлқұжат жүйесі туралы ережені” қабылдады. Соның нәтижесінде мемлекеттің паспорттық-визалық қызметі қайта құрылды. Бұл жаңалық Республикаға шетел азаматтарының көптеп келуінен, азаматтық алу, уақытша тіркеу, төлқұжат беру, тұрғылықты жерін тіркеу және басқа да маңызды мәселелерді шешу негізінде туындады.

Көші-қон полициясының қызметкерлерін білсеңіз, мерекесімен құттықтап қойыңыз!


👏5 сәуірде Біріккен Ұлттар Ұйымының бастамасымен Халықаралық адамгершілік күні аталып өтеді. Негізгі адамгершілік қағидаттары “Алтын ережеге” сүйенеді, ол басқа адамдарға өзің қалай қарым-қатынас жасағанын қаласаң, дәл солай қарау керегін үйретеді. Бұл қағида – өзгенің құқығына, сезіміне, сеніміне құрметпен қарау, бейбітшілік пен келісімге негізделген қарым-қатынас орнату деген сөз.

Сіз осындай бастамаларды қолдайсыз ба?



🤩1920 жылы 5 сәуірде Қазақстанның түкпір-түкпірінен әрі көршілес елдерден он мыңдаған адам келетін Бурабай курорты ашылды. Табиғатымен, көлдерімен, өсімдігі мен жануарлар әлемінің алуан түрлілігімен танымал Бурабай «Қазақстанның інжу-маржаны» және «Қазақтың Швейцариясы» деген атауларға ие. Бурабай ұлттық паркінде 14 ірі көл бар, олардың ішінде Бурабай, Шортан, Қатаркөл және басқа да көптеген ұсақ көлдер орналасқан. Бурабайдың негізгі әрі ерекше белгісі – Көкшетау тауы. Оның биіктігі — 947 метр.

Сізге қай мекенде демалған ұнайды: Бурабай әлде Алакөл?


🫂5 сәуір — атақты екі тұлғаның туған күні. Бүгін америкалық рэпер, продюсер және сәнгер Фаррелл Уильямс 52 жасқа толды. Ол 4 мәрте Грэмми сыйлығын және басқа да беделді марапаттарды иеленді. 2023 жылы Уильямс Louis Vuitton ерлер киімі желісінің креативті директоры болды. Сонымен қатар бүгін “777” лақап атымен белгілі қазақстандық кәсіпқой боксшы Батыржан Жүкембаев 34 жасқа толды. Ол кәсіпқой рингте 22 мәрте жеңіске жетті. Оның 16-ысын нокаутқа жіберді. Ал әуесқой ретінде 225 жекпе-жек өткізіп, оның 200-інде есе жібермеді.

Батыржаннан әлем чемпионы атағын күтеміз!

#Күнтізбе #Мереке #Ерекшекүн #миграциялықполиция #адамгершілік #Қазақстанныңінжумаржаны #Туғанкүндер #Танымаладамдар #ФарреллУильямс #БатыржанЖүкембаев

💡🎟🎟🎟🎟🎟🎟🎟🎟🎟📆

Құрметті оқырман! #Үйдежатпа ұжымы арнайы сіздер үшін осы демалыс күндері Алматы мен Астана қалаларында тегін баруға болатын іс-шаралар топтамасын дайындады. Ал басқа қалалардан ақпарат болмағандықтан, сіз өз өңіріңізде болатын қызық көрмелер мен іс-шараларды пікірге жазып кете аласыз.

АЛМАТЫ:

🌝"Қарағым-ай" көрмесінің ашылуы

Индира Элиф Бадамбаева мен оның ең үздік жиырма шәкіртінің туындыларынан нәзіктік пен жылылықтың лебі еседі. Бұл – бүгінде сілкіністер мен жоғалтуларды бастан кешіп жатқан әлемге аса қажет қасиет. “Қарағым-ай” көрмесі – шығармашылықтың өмірді жаңғыртатын құдіретін дәлелдейтін оқиға. Мұнда қазақтың терең тамырлы мұрасы заманауи мазмұнмен үйлесіп, дәстүр әр суретшінің жүрек көзінен өткен дара көзқараспен толықтырылады.
Кіру тегін, тек ашылу күнінде.

Өтетін орны: ҚР Орталық мемлекеттік музейі, Самал-1 ықшамауданы, 44-үй
Күні: 5 сәуір, 14:00

🔥Gorilla Winter Jungle

Спорт пен музыканы тоғыстырған ерекше фестиваль қайта оралады. Сізді Қазақстанның үздік райдерлерінің экстремалды трюктары мен таза тау ауасындағы жанды концерттер күтеді. Шаңғы тебуді қалайтындар үшін арнайы пакет ұсыныстар қарастырылған.

Өтетін орны: Шымбұлақ тау-шаңғы курорты, Керей мен Жәнібек хандар көшесі, 558/1.
Күні: 5 және 6 сәуір, 11:00 – 19:00

🧠"06+BAIQOÑYR: ой кеңістігі”
көрмесі

Бұл жоба алты жыл қатарынан Адамзаттың ғарышты бағындыруына арналған Ғарышкерлер күнін қарсы алудың бастауы болып келеді. Көрме-байқаудың басты мақсаты – Жүргенов атындағы өнер академиясының студенттері мен магистранттарының, сондай-ақ Б. Тұрғынбай шеберханасының жас оқытушылары мен түлектерінің шығармашылық шабытын оятып, олардың көркемдік қабілетін дамыту.

Өтетін орны: Almaty Gallery, Достық даңғылы, 44
Күні: 5 және 6 сәуір, 11:00 – 19:00

👀Георгий Макаровтың “Бір Тау жайлы хикая” көрмесінің ашылуы

Суретшінің туындылары сізге бірегей әлемнің есігін ашады – мұнда Тау бейнелі баяндаудың басты кейіпкеріне айналып, абстракция мен фигуративтік үндесіп, терең мағыналы көркем образдар тудырады. Сізді мәтін, дыбыс пен бейнелер тоғысқан ерекше атмосфера күтеді.
Арнайы қонақ — Bye, Ella музыкалық жобасы.

Өтетін орны: Ular Gallery, Панфилов көшесі, 92-үй.
Күні: 5 сәуір, 14:00

💃Би терапиясы

Мұнда денеңізді еркін сезініп, өз орныңызға бой үйретуге, тәніңізбен байланыс орнатуға көмектесетін би техникасы көрсетіледі. Осыдан кейін сізді шипалы би ағынына жетелейді. Рухыңызды бидің тілімен жеткізіп, денеңізге ерік беріңіз – сонда жаныңыз жаңа кеңістіктерге жол ашады.

Өтетін орны: Egin Art Space, Нұрмақов көшесі, 79-үй.
Орны: Egin Art Space, Нұрмақов көшесі, 79
Күні: 6 сәуір, 15:00

🤫"30-дан 30-ға дейін” көрме-жәрмеңкесі

Бұл мәдени жоба Алматы қаласының ең үздік 30 жас суретшісін таныстыруды мақсат етеді. Қатысушылардың жасы 30-дан аспауы тиіс. Жоба аясында жас дарындарды қолдау мақсатында бірқатар көрме ұйымдастырылады.

Өтетін орны: “Өнер” арт-кеңістігі, Шевченко көшесі, 51 30-дан 30-ға дейін" көрме-жәрмеңкесі
Күні: 5 және 6 сәуір, 10:00 – 19:00

🤩Катерина Никонорованың «lovinnale» көрмесі

Суретшінің жаңа коллаждар топтамасы – оның шығармашылық өмірінің бір сәтін бейнелейді.

Өтетін орны: Egin Art Space, Нұрмақов көшесі, 79
Күні: 5 және 6 сәуір, 12:00 – 17:00


АСТАНА:

👏"Портреттер емес" көрмесі

Белгілі грузин фотографы Гио Кардаваның жұмыстары көрерменді адам мен өнерге, тіпті өзіне де өзгеше қырынан қарауға шақырады.

Өтетін орны: Forte Kulanshi Art Space, Достық көшесі, 8/1
Күні: 5 және 6 сәуір, 10:00 - 20:00

Естеріңізге сала кетейік, арнамызда пікір жазып, белсенділік танытқан 5 оқырманға Қазақстанның кез келген қаласынан кино немесе театрға 2 билет (сеанс, күн мен уақытты таңдайсыз) сыйлаймыз немесе кітап сатып алу үшін 10 мың теңгелік сертификат табыстаймыз. Сондай-ақ айдың “ең үздік пікірі” номинациясы да бар. Пікірлер саны мен сапасы бойынша қорытынды әр айдың 1-інде шығарылады. Демалыс күндеріңіз сәтті өтсін!

#Алматыафишасы #Астанаафишасы #қайдабарукерек #тегінкөрмелер #GorillaWinterJungle #битерапиясы

💡🎞🎞🎞🎞🎞

Бүгінгі кино шолуымыз “Азартник” атты фильміне арналады.

Жіберіп алмаңыз!

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау көрсетіңіз❤

https://youtube.com/shorts/Wc11smrUmBg

#Азартник #драма #кино #үйдежатпа #фильм #кинообзор #криминал

💡📆📆📆📆📆6 сәуір

🌛6 сәуірде БҰҰ бастамасымен Халықаралық спорт күні аталып өтеді. Ойындар, спорттық жарыстар мен дене шынықтыру сабақтары — адамзат дамуына айрықша үлес қосып келеді және әлі де өз маңызын жоғалтқан емес. Спорт – білім беру, даму мен бейбітшіліктің бір құралына айналып, жергілікті, ұлттық және халықаралық деңгейлерде ынтымақтастықты, татулықты, төзімділікті, түсіністік пен әлеуметтік интеграцияны нығайтуға ықпал етеді.

Сізге қай спорт түрі көбірек ұнайды?


🕺6 сәуірде тағы бір спортқа қатысты күн – Дүниежүзілік үстел теннисі күні аталып өтеді. Пинг-понг атауымен де танымал бұл спорт түрі тек кәсіби спортшылардың ғана емес, қарапайым халықтың да арасында кең танымал. Қолжетімді ойын ретінде үстел теннисі жасы, жынысы, дайындығы немесе физикалық жағдайы әртүрлі адамды – тіпті мемлекет басшыларын да – өзіне тартып, жанкүйерлер қатарын көбейтіп келеді.

🧠2022 жылғы 6 сәуірде қазақстандық шахматшы қыз Бибісара Асаубаева алғаш рет Гиннестің рекордтар кітабына енді.
Ол әйелдер арасындағы блиц шахматтан әлем чемпионы атанған ең жас шахматшы ретінде танылып, тарихқа енді. Гиннестің дүниежүзілік рекордтар ұйымы Бибісараға 2021 жылдың желтоқсанында Польшада өткен шахматтан әлем чемпионатындағы жеңісі үшін арнайы сертификат табыстады.

👥6 сәуір – қос бірдей суретшінің туған күні.
542 жыл бұрын әйгілі италиялық суретші әрі сәулетші Рафаэль Санти (1483–1520) дүниеге келді. Қысқа ғұмырында ол әлемге танымал суретшілердің біріне айналды. Оның “Сикстин мадоннасы” картинасы – әлемдегі ең танымал туындылардың бірі саналады және баға жетпес өнер туындысы болып есептеледі. Сондай-ақ бүгін қазақтың белгілі суретшісі, этнограф-қарутанушы ғалым Қалиолла Ахметжан 76 жасқа толды. Оның картиналары Қазақстанда ғана емес, Англия, АҚШ, Швеция, Пәкістан, Германия сияқты елдердің мұражайлары мен жеке коллекцияларында сақтаулы. Ол «Жараған темір кигендер (батырлардың қару-жарағы, әскери өнері, салт-дәстүрлері)» атты әйгілі монографияның және 70-тен астам ғылыми мақаланың авторы.

Сіз білетін қазақ суретшілерінен кімдерді атай аласыз?

#Күнтізбе #Мереке #Ерекшекүн #спорткүні #үстелтеннисі #БибісараАсаубаева #Туғанкүндер #Танымалтұлғалар #РафаэльСанти #ҚалиоллаАхметжан

💡🎞🎞🎞🎞🎞

Бүгінгі кино шолуымыз “Ғашығым” атты фильміне арналады.

Жіберіп алмаңыз!

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау көрсетіңіз❤

https://youtube.com/shorts/rI-04vIHmI0

#Ғашығым #мелодрама #кино #үйдежатпа #фильм #кинообзор #любовь

💡💫💫💫💫💫💫💫

7-13 сәуірге арналған қаржылай жұлдыз жорамал

♈️Бұл аптада қаржы жағынан өзіңізді нағыз батыр сезінуіңіз мүмкін. Бірақ бірден мантияңызды киіп, аспанға ұшуға асықпаңыз! Сіздің күшіңіз тек диванның астынан ақша табуға ғана жететін болуы мүмкін. Сондықтан қалтаңызды жақсылап тексеріп шығыңыз!

♉️Торпақтар, сіздің ақшаға деген махаббатыңыз, тамаққа деген сүйіспеншілігіңізбен тең түседі. Апта соңында өзіңізге “қаржылай той” жасап жіберуіңіз әбден мүмкін. Бірақ сақ болыңыз — барлық жиған-тергеніңізді бір отырғанда “жеп” қоймаңыз!

♊️Бұл аптада сіз қаржы әлемінің жұлдызына айналуыңыз ғажап емес. Идеяларыңыз күлкі шақыруы мүмкін, бірақ бұл олардың жаман екенін білдірмейді. Ең бастысы – өз “керемет” жоспарларыңызды достарыңызбен бөлісіңіз, олар қолдап та, күліп те алады!

♋️Қаржылай ахуал теңіздей болады — кейде тыныш, кейде бұрқанып, толқып кетуі мүмкін. Бірақ дағдарыс кезінде де табыс табуға болатынын ұмытпаңыз. Осы аптада сізге бұрынғы бір қарыз қайтып келуі мүмкін.

♌️Арыстандар, сіздің патша мінезіңіз басқалардың назарын өзіңізге аудартады, бұл қаржыңызға әсер етуі мүмкін. Бірақ ұмытпаңыз: патшалар да кейде өз шығындарын қысқартуға мәжбүр болады. Мүмкін, үлкен ас орнына қарапайым кешкі ас таңдаған дұрыс болар.

♍️Бикештер, сіздің жоспар құрып, бәрін ретке келтіруге деген бейімділігіңіз осы аптада әбден кәдеге жарайды. Бірақ кейде есеп-қисапты шетке ысырып қойып, бір сәтке болсын өмірдің қызығына берілген де дұрыс. Аптасына тым болмаса бір рет демалып, өмірдің рахатын сезініңіз.

♎️Қаржылай шешімдеріңіз той дастарқанындағы тәтті тағам секілді — алғашқыда дәмді, кейін сәл өкініш туғызуы мүмкін. Кейде қымбат қызықтардан бас тартып, өзіңізге пайдалы дүниеге көңіл бөлген жөн. Мысалы, көктемге жаңа аяқ киім алыңыз.

♏️Осы аптада сіз нағыз қаржы ізіне түсетін сарапшыға айналасыз. Ішкі түйсігіңіз ақшаны қайда сақтап, қайда жұмсамау керегін айтып тұрады. Бірақ әр ұсынысты күдікпен қабылдаудың қажеті жоқ — бәрі бірдей тұзақ емес.

♐️Мергендер, сіздің көтеріңкі көңіл күйіңіз күтпеген шығындарға апаруы мүмкін. Бірақ уайымдамаңыз! Осы аптада сіз тіпті әзіл-қалжыңыңыз арқылы да табыс таба аласыз. Қаржылай “жоспарларыңызды” достарыңызға айтсаңыз, олар күлкіден көздеріне жас алады!

♑️Тауешкілер, қаржы мәселелеріндегі табандылығыңыз көпшілікті тәнті етеді. Дегенмен кейде демалып, өзіңізге кішкене қуаныш сыйлаған да артықтық етпейді. Ең қатал есепші де кейде балмұздақ жеп, көңіл серпілтуді ұмытпауы керек.

♒️Осы аптада сіз қаржы саласында нағыз жаңалық ашатын өнертапқышқа айналасыз. Бірақ абай болыңыз: барлық идея бірдей жемісті бола бермейді. Кейде сенімді, бұрыннан таныс тәсілдерді қолданған әлдеқайда тиімді болуы мүмкін.

♓️Балықтар, бұл аптада түйсігіңіз керемет жұмыс істейді. Қайда табыс бар, соны дөп басасыз. Бірақ армандарға терең сүңгіп кетпеңіз — қиялды шындыққа айналдыру үшін нақты жоспар мен есеп қажет. Қиялыңыз қанат жайсын, бірақ күнделікті шығынды да ұмытпаңыз.

Апталарыңыз сәтті өтсін, қаржыларыңыз әрқашан тұрақты болсын!

Ескерту: Есіңізде болсын, жұлдыз жорамал ойын-сауық және кеңес беру мақсатында жасалады. Қаржылай шешімдерді ақылға салып, нақты жағдайларға байланысты қабылдаңыз.

#Жұлдызжорамал #Апталықжұлдызжорамал #Қаржы #Болжам

💡📆📆📆📆📆 7 сәуір

👩‍⚕️Бүгін — Дүниежүзілік денсаулық күні. 1948 жылы 7 сәуірде Дүниежүзілік денсаулық сақтау ұйымы құрылды. Бұл күн денсаулығыңызға өз бетіңізше қамқорлық танытуға шақырады. Өйткені кейде мейірбикелер дәл уақытында көмек беріп үлгермеуі мүмкін. Дәрігер толық емдеп, бастапқы денсаулығымды қалыпқа келтіреді деген жансақ пікірден арылған жөн. Есіңізде болсын, денсаулық — адамның ең үлкен байлығы. Сол себепті оған күтім жасау – өмір сапасына жасалған маңызды инвестиция.

Баршаңызға зор денсаулық тілейміз!



👀7 сәуірде жануар жанашырлары халықаралық құндыз күнін атап өтеді. Бір ғасыр бұрын құндыз жойылып кетудің аз-ақ алдында тұрған еді. Өйткені Еуропа мен Ресейдің көптеген елі оның бездері мен құнды терісін емдік мақсатында жаппай қолданды. Құндыз – ерекше тіршілік иесі. Ол адам секілді қоршаған ортаны өз қажетіне қарай өзгерте алады: бөгет салады, жерді батпаққа айналдырады, ін қазады. Әлемдегі ең үлкен құндыз бөгеті Канаданың ұлттық парктерінің бірінде орналасқан, ұзындығы — 850 метр.

Құндыз Қазақстанның қай аймақтарында кездеседі?


👤2021 жылы 7 сәуірде ұлы дала жыршысы Жамбыл Жабаевтың өлеңдері алғаш рет венгр тілінде жеке жинақ болып жарық көрді. «Жамбыл жырлары — Dzsambul muvei» атты жинақ қазақ халқының рухани мұрасын шет елге таныстыруға бағытталған жоба аясында, Жамбылдың 175 жылдығына орай басылып шыққан. Онда ақынның қазақ тіліндегі түпнұсқа жырларымен қатар, венгр тіліне тәржімаланған нұсқалары мен терең зерттеулер қамтылған. Айта кетейік, Венгрия — Түркі мемлекеттері ұйымына бақылаушы ел ретінде енген, алдағы уақытта ұйымның толыққанды мүшесі болуға ниетті.

Түркі мемлекеттерінің ұйымына қай елдер кіреді?



👥7 сәуір — қос тұлғаның туған күні. 154 жыл бұрын шетелде кең танымалдыққа ие болған тұңғыш қазақ балуаны Қажымұқан Мұңайтпасұлы (1871-1948) дүниеге келді. Аты аңызға айналған балуан классикалық күрестен кәсіпқойлар арасындағы әлем чемпионатында 5 рет жеңіске жетіп, француз күресінен әлем чемпионы атанды. Ол Қазақстанда күрестің қалыптасуы мен дамуына, оның ішінде қазақ күресін насихаттауға зор үлес қосты. Спортшы туралы фильмдер түсірілді. Жыл сайын оны еске алу мақсатында турнирлер өтеді.
Сонымен қатар бүгін фильмнің атыс-шабыс бағытында танымал болған кейіпкерлердің бірі Джеки Чан 71 жасқа толды. Ол 100-ден астам фильмде ойнады. Өнер иесі әлемдегі ең атақты азиялық актерлердің бірі. Ол киноға түсуден бөлек, ән айтумен де айналысады. Киноға қосқан үлесі үшін “Оскар” сыйлығын иеленіп, MBE және ЮНИСЕФ ізгі ниет елшісі атанды.

Қалаңызда Қажымұқан Мұңайтпасұлының есімімен аталған қандай көшелер мен ғимараттар бар?

#Күнтізбе #Мереке #Ерекшекүн #Денсаулықкүні #Жануарлардықорғау #Түркіынтымақтастығы #Туғанкүндер #Танымалтұлғалар #ҚажымұқанМұңайтпасұлы #ДжекиЧан

💡💡💡💡💡💡💡

Тайм-менеджмент: Уақытты қалай тиімді басқаруға болады?

🕗 Тайм-менеджмент — бұл уақытты дұрыс басқара отырып, әр күніңізді өнімді өткізу. Бұл әдісті күнделікті өмірде тұрақты түрде қолдансаңыз, көптеген мақсатқа қол жеткізуге болады.

Жұмысқа барып-келумен 🕺 ғана шектеліп қалмай, денсаулығыңызға, демалысыңызға🧘🏻‍♂️, спортқа🏋🏻🏊🏻‍♀️, отбасыңызға👨‍👩‍👦‍👦 және рухани дамуыңызға 🤹🏻‍♀️🎨 да уақыт таба аласыз.

Тайм-менеджменттің түрлі әдіс-тәсілдері бар. Сондықтан, осы әдістерге назар аударайық.⬇️

📌 Жоспар құрыңыз. Мақсаттарыңызды және міндеттеріңізді нақты анықтап алыңыз.

📌 Жоспарлау — уақытты тиімді басқарудың маңызды бөлігі. Қысқа және ұзақ мерзімді мақсаттарды жазып, күнделікті, апталық, айлық және жылдық жоспарлар жасап шығуыңыз, күнделікті уақытыңыздың бос өтпеуіне көмектеседі.

📌 Әр жоспарға қажетті уақытты анықтап, нақтылап қойыңыз. Бұл сіздің жауапкершілігіңізді арттырады. Күнделік, стикерлер немесе электронды құралдар (мысалы, Trello, Mind Map) арқылы бұл процессті тиімді ұйымдастыруға болады.

✅ Сонымен қатар, уақытты басқаруда Эйзенхауэр матрицасын қолдануды ұсынамыз.

📌 Бұл әдіс АҚШ президенті Дуайт Эйзенхауэрдің есімімен танымал. Ол көптеген тапсырмаларды түрлі санаттарға бөліп, тиімді басқарған.

1️⃣ Жедел және маңызды тапсырмалар.
2️⃣ Маңызды, бірақ жедел емес тапсырмалар.
3️⃣ Жедел, бірақ маңызды емес тапсырмалар.
4️⃣ Маңызды емес және жедел емес тапсырмалар.

📌 Ақ параққа төрт санатқа бөліп жазып, тапсырмаларыңызды ұйымдастырыңыз.

📌 Алдымен жедел әрі маңызды тапсырмаларды орындаңыз, себебі бұл сіздің болашағыңыз үшін ең маңызды істер. Оларды кейінге қалдыруға болмайды.

📌 Маңызды, бірақ жедел емес тапсырмаларды өз ыңғайыңызға қарай орындайсыз.

📌 Жедел, бірақ маңызды емес тапсырмаларды орындауға көп күш жұмсамай, қажет болған жағдайда басқа адамға тапсырған жөн.

📌 Шұғыл емес және маңызды емес тапсырмаларды тізімнен алып тастауға болады.

Бұл әдіс уақытты тиімді пайдалану үшін өте маңызды.

#қазынакеңес #лайфхак #менеджмент #уақыт