💡📆📆📆📆📆 7 сәуір

👩‍⚕️Бүгін — Дүниежүзілік денсаулық күні. 1948 жылы 7 сәуірде Дүниежүзілік денсаулық сақтау ұйымы құрылды. Бұл күн денсаулығыңызға өз бетіңізше қамқорлық танытуға шақырады. Өйткені кейде мейірбикелер дәл уақытында көмек беріп үлгермеуі мүмкін. Дәрігер толық емдеп, бастапқы денсаулығымды қалыпқа келтіреді деген жансақ пікірден арылған жөн. Есіңізде болсын, денсаулық — адамның ең үлкен байлығы. Сол себепті оған күтім жасау – өмір сапасына жасалған маңызды инвестиция.

Баршаңызға зор денсаулық тілейміз!



👀7 сәуірде жануар жанашырлары халықаралық құндыз күнін атап өтеді. Бір ғасыр бұрын құндыз жойылып кетудің аз-ақ алдында тұрған еді. Өйткені Еуропа мен Ресейдің көптеген елі оның бездері мен құнды терісін емдік мақсатында жаппай қолданды. Құндыз – ерекше тіршілік иесі. Ол адам секілді қоршаған ортаны өз қажетіне қарай өзгерте алады: бөгет салады, жерді батпаққа айналдырады, ін қазады. Әлемдегі ең үлкен құндыз бөгеті Канаданың ұлттық парктерінің бірінде орналасқан, ұзындығы — 850 метр.

Құндыз Қазақстанның қай аймақтарында кездеседі?


👤2021 жылы 7 сәуірде ұлы дала жыршысы Жамбыл Жабаевтың өлеңдері алғаш рет венгр тілінде жеке жинақ болып жарық көрді. «Жамбыл жырлары — Dzsambul muvei» атты жинақ қазақ халқының рухани мұрасын шет елге таныстыруға бағытталған жоба аясында, Жамбылдың 175 жылдығына орай басылып шыққан. Онда ақынның қазақ тіліндегі түпнұсқа жырларымен қатар, венгр тіліне тәржімаланған нұсқалары мен терең зерттеулер қамтылған. Айта кетейік, Венгрия — Түркі мемлекеттері ұйымына бақылаушы ел ретінде енген, алдағы уақытта ұйымның толыққанды мүшесі болуға ниетті.

Түркі мемлекеттерінің ұйымына қай елдер кіреді?



👥7 сәуір — қос тұлғаның туған күні. 154 жыл бұрын шетелде кең танымалдыққа ие болған тұңғыш қазақ балуаны Қажымұқан Мұңайтпасұлы (1871-1948) дүниеге келді. Аты аңызға айналған балуан классикалық күрестен кәсіпқойлар арасындағы әлем чемпионатында 5 рет жеңіске жетіп, француз күресінен әлем чемпионы атанды. Ол Қазақстанда күрестің қалыптасуы мен дамуына, оның ішінде қазақ күресін насихаттауға зор үлес қосты. Спортшы туралы фильмдер түсірілді. Жыл сайын оны еске алу мақсатында турнирлер өтеді.
Сонымен қатар бүгін фильмнің атыс-шабыс бағытында танымал болған кейіпкерлердің бірі Джеки Чан 71 жасқа толды. Ол 100-ден астам фильмде ойнады. Өнер иесі әлемдегі ең атақты азиялық актерлердің бірі. Ол киноға түсуден бөлек, ән айтумен де айналысады. Киноға қосқан үлесі үшін “Оскар” сыйлығын иеленіп, MBE және ЮНИСЕФ ізгі ниет елшісі атанды.

Қалаңызда Қажымұқан Мұңайтпасұлының есімімен аталған қандай көшелер мен ғимараттар бар?

#Күнтізбе #Мереке #Ерекшекүн #Денсаулықкүні #Жануарлардықорғау #Түркіынтымақтастығы #Туғанкүндер #Танымалтұлғалар #ҚажымұқанМұңайтпасұлы #ДжекиЧан

💡💡💡💡💡💡💡

Тайм-менеджмент: Уақытты қалай тиімді басқаруға болады?

🕗 Тайм-менеджмент — бұл уақытты дұрыс басқара отырып, әр күніңізді өнімді өткізу. Бұл әдісті күнделікті өмірде тұрақты түрде қолдансаңыз, көптеген мақсатқа қол жеткізуге болады.

Жұмысқа барып-келумен 🕺 ғана шектеліп қалмай, денсаулығыңызға, демалысыңызға🧘🏻‍♂️, спортқа🏋🏻🏊🏻‍♀️, отбасыңызға👨‍👩‍👦‍👦 және рухани дамуыңызға 🤹🏻‍♀️🎨 да уақыт таба аласыз.

Тайм-менеджменттің түрлі әдіс-тәсілдері бар. Сондықтан, осы әдістерге назар аударайық.⬇️

📌 Жоспар құрыңыз. Мақсаттарыңызды және міндеттеріңізді нақты анықтап алыңыз.

📌 Жоспарлау — уақытты тиімді басқарудың маңызды бөлігі. Қысқа және ұзақ мерзімді мақсаттарды жазып, күнделікті, апталық, айлық және жылдық жоспарлар жасап шығуыңыз, күнделікті уақытыңыздың бос өтпеуіне көмектеседі.

📌 Әр жоспарға қажетті уақытты анықтап, нақтылап қойыңыз. Бұл сіздің жауапкершілігіңізді арттырады. Күнделік, стикерлер немесе электронды құралдар (мысалы, Trello, Mind Map) арқылы бұл процессті тиімді ұйымдастыруға болады.

✅ Сонымен қатар, уақытты басқаруда Эйзенхауэр матрицасын қолдануды ұсынамыз.

📌 Бұл әдіс АҚШ президенті Дуайт Эйзенхауэрдің есімімен танымал. Ол көптеген тапсырмаларды түрлі санаттарға бөліп, тиімді басқарған.

1️⃣ Жедел және маңызды тапсырмалар.
2️⃣ Маңызды, бірақ жедел емес тапсырмалар.
3️⃣ Жедел, бірақ маңызды емес тапсырмалар.
4️⃣ Маңызды емес және жедел емес тапсырмалар.

📌 Ақ параққа төрт санатқа бөліп жазып, тапсырмаларыңызды ұйымдастырыңыз.

📌 Алдымен жедел әрі маңызды тапсырмаларды орындаңыз, себебі бұл сіздің болашағыңыз үшін ең маңызды істер. Оларды кейінге қалдыруға болмайды.

📌 Маңызды, бірақ жедел емес тапсырмаларды өз ыңғайыңызға қарай орындайсыз.

📌 Жедел, бірақ маңызды емес тапсырмаларды орындауға көп күш жұмсамай, қажет болған жағдайда басқа адамға тапсырған жөн.

📌 Шұғыл емес және маңызды емес тапсырмаларды тізімнен алып тастауға болады.

Бұл әдіс уақытты тиімді пайдалану үшін өте маңызды.

#қазынакеңес #лайфхак #менеджмент #уақыт

💡🐴🐴🐴🐴🐴🐴🐴🐴🐴🐴

Қаңлылардың көшпенді экономикасына енгізген жаңалықтары

📍Қаңлылар – Қазақстанның оңтүстігіндегі ежелгі көшпенді және отырықшы халықтардың бірі, олардың экономикасы өз кезеңінде жоғары дамыған әрі әртүрлі салаға негізделген болатын. Қаңлы тайпаларының экономикасын зерттеу олардың мәдениетінің тереңдігін, сондай-ақ көшпенді және отырықшы өмір салтының үйлесімділігін көрсетеді.

1️⃣ Көшпенді мал шаруашылығы

Қаңлылардың экономикасының негізін мал шаруашылығы құраған. Олар негізінен жылқы, сиыр, түйе, қой мен ешкі өсірген. Бұл малдар тек азық-түлік көзі ғана емес, сонымен қатар көлік, киім және тұрмысқа қажетті басқа да заттар өндіруде пайдаланылған.

Жылқы шаруашылығы қаңлылар үшін ерекше маңызды болды, өйткені жылқының терісі мен еті тамақ ретінде, ал жүні мен терісі киім мен төсеніштер жасау үшін пайдаланылған. Жылқыларды олар көбіне әскери мақсаттарда, әсіресе жорықтарда қолданған.

Түйе мен сиыр қаңлы экономикасында маңызды рөл атқарды, әсіресе олар сауда мен көлік үшін қолданылды.

2️⃣ Отырықшы шаруашылық пен егіншілік

Қаңлылардың кейбірі отырықшы өмір салтын ұстанған және егіншілікпен айналысқан. Олар ауыл шаруашылығында егістік жерлерін пайдалану арқылы астық, тары, арпа, бидай және сұлы өсірген. Отырықшы тұрғындар жер өңдеумен қатар, күріш пен бұршақ сияқты өнімдер де өндірген.

Егіншілікпен айналысатын қаңлылар үшін өзендер мен арық жүйелері өте маңызды болды, өйткені олар суару мақсатында осы жүйелерді пайдаланып, жаздың ыстық кезінде егіншілікті тиімді жүргізген.

3️⃣ Сауда және қолөнер

Қаңлы қоғамының маңызды ерекшелігі – сауда мен қолөнердің дамуы. Қаңлылар өздерінің мал өнімдерін, астықтарын, тұрмыстық заттарын басқа халықтармен саудалаған. Сауда олардың экономикалық жағдайын нығайтып, байлық жинауға мүмкіндік берген.

Қаңлы тайпаларының қолөнер өнімдері де жоғары бағаланған. Олар металл бұйымдар, әсіресе қола мен темірден жасалған құралдар мен әшекейлерді шебер жасаған. Қаңлылардың өздеріне тән қыш ыдыстар, тоқыма өнімдері, зергерлік бұйымдар саудада үлкен сұранысқа ие болған.

Қаңлы қоғамы көне заманның сауда жолдарында маңызды роль атқарды. Олар Жібек жолы арқылы Қытай, Орта Азия, Иран және басқа да елдермен сауда жасаған. Қаңлылар көптеген тауарларды – жібек, қолөнер бұйымдары, асыл тастар, жеміс-жидектер мен дәмдеуіштерді алмасқан.

4️⃣ Ауыл шаруашылығының жаңашылдығы

Қаңлылардың экономикасында жаңашылдық пен прогресшіл көзқарас айқын көрінді. Олар алғашқы ирригациялық жүйелерді жасап, оларды егіншілікке пайдаланған. Бұл жүйелерді, сондай-ақ жер өңдеу әдістерін жетілдіру арқылы, қаңлылар жоғары өнімділікке қол жеткізді.

5️⃣ Әскери экономика

Қаңлылардың әскери экономикасы да маңызды аспект болды. Көшпенді қоғам болғандықтан, олардың әскерінің күш-қуаты мал шаруашылығымен тығыз байланысты болды. Жылқы мен түйе сияқты көлік құралдары әскери жорықтарда басты рөл атқарды. Қаңлы әскерлері әскери тактикасы мен жылқыларының жылдамдығы арқасында көптеген жеңістерге жетті.

Қаңлының әскери қуаты тек қорғанысқа ғана емес, сонымен қатар олардың көрші мемлекеттермен сауда-саттық жүргізу кезінде маңызды болды.

#көшпенділерэкономикасы

💡📆📆📆📆📆 9 сәуір

🤩1870 жылы 9 сәуірде Адай көтерілісін басу үшін Маңғыстауға Ресей әскерлері енгізілді. Кіші жүздегі халық толқуларының басты себептері – патша үкіметінің жаңа салық түрлерін енгізуі және қазақтардың ата-қоныстарының шекараларын өзгертуі болды. Шамамен 10 мың адам қатысқан бұл көтеріліс қатал түрде басып-жаншылды. Дегенмен Ресей билігі белгілі бір дәрежеде ымыраға баруға мәжбүр болды. Қуғын-сүргіннен қауіптенген көтеріліс басшылары мен көптеген адайлықтар Хиуа хандығының аумағына кетіп қалды. Бұл оқиға – ХІХ ғасырда қазақ халқының патша билігіне қарсы соңғы қанды көтерілісі ретінде тарихта қалды.

🤝9 сәуір – Автономды сенсорлы меридиан реакциясы халықаралық күні. Бұл құбылыс – адамның таныс әрі жағымды дыбыстарға (сыбырлау, сықырлау, қытырлау секілді) жауап ретінде бастың желке тұсынан бастап бүкіл денені жайлап өтетін шымырлауды сезінуімен байланысты. Мәселен, жаңа затты орауышынан шешкен кездегі дыбыс немесе қағаздың сытырлаған үні көпшіліктің есінде ерекше әсер қалдырады. Осындай қарапайым бейнероликтер миллиондаған қаралым жинайды, себебі олар адамның бойында тыныштық пен ләззат сезімін оятады.

Ал сізде қандай дыбыстан денеңіз шымырлайды?

👍9 сәуір – Халықаралық Топ-менеджер күні. Бұл күні компанияның даму бағытын айқындайтын, маңызды стратегиялық шешімдер қабылдайтын жоғары деңгейлі басшылардың кәсіби мерекесі аталып өтеді. Топ-менеджерлер — ірі кәсіпорындардың коммерциялық және әкімшілік қызметін басқарушылар. Олардың жетістікке жетуі көбіне сәтті жобаларды жүзеге асырумен байланысты. Бұл – жоғары жалақы мен беделге ие мамандық. Алайда ол үлкен жауапкершілік пен күйзеліске толы қызмет екенін де ескерген жөн.

Біздің арнаға жазылыңыз, дамыңыз, топ-менеджер болуға талпыныңыз!

👥9 сәуір – танымал екі тұлғаның туған күні. 689 жыл бұрын атақты қолбасшы Темір (Темірлан) дүниеге келді. Ол Осман империясымен, Алтын Ордамен, Моғолстанмен, Үндістанмен және өзге де көптеген мемлекетпен соғысып, ірі жеңіліс көрмеген. Темір Самарқандты астана еткен Әмір Темір империясын құрды. Оның әскери жорықтары Азия, Кавказ және Ресей тарихына зор ықпал етті. Темір Қожа Ахмет Ясауи кесенесін салуға тікелей қатысып, құрылысшыларға нақты нұсқаулар бергені белгілі. Бұл кесене кейін қазақ хандары мен билері, батырлары мәңгі дамыл тапқан киелі мекенге айналды. 92 жыл бұрын әйгілі француз театр және кино актері Жан-Поль Бельмондо (1933-2021) дүниеге келді. “Профессионал”, “Әйел – ол әйел”, “Мұрагер” секілді фильмдерімен танымал актер аға буын көрермендердің сүйікті тұлғасына айналды. Ол Францияның жоғары марапаттары мен кәсіби сыйлықтарына ие болған.

Ал сіз Қожа Ахмет Ясауи кесенесіне барып көрдіңіз бе?

#күнтізбе #9сәуір #кесене #Маңғыстау

💡📰📰📰📰📰📰

Декреттік төлем сәуірден бастап өзгереді. Енді жүкті әйелдер қанша ақша алады?

📌 2025 жылдың 8 сәуірінен бастап жүктілік, босану бойынша төлемдер, сондай-ақ баланы бағып-қағуға қарастырылатын жәрдемақыны есептеу тәсіліне енгізілген өзгерістер өз күшіне енді. Бұл өзгерісті енгізуге декреттік демалыс төлемдері көлемін жасанды жолмен көтермелеу жағдайларының анықталуы, осыған байланысты қылмыстық істердің қозғалуы түрткі болған. «Үйде жатпа» сайты енді жүкті келіншектер қанша алатынын жаңа тәсілмен есептеп көрмек.

Негізінен, Қазақстандағы жүкті келіншектердің мына төлемдерді алуға құқығы бар:

1) Жұмыс істейтін әйелдер:

• Жүктілік және босануға байланысты әлеуметтік төлем, бұл - декреттік демалысқа арналған ақы. Қазақстанда декреттік демалысқа қалыпты босану жағдайында 126 күн беріледі. Оның ішінде 70 күн жүктілік және 56 күн босанғаннан кейін кезеңге қарастырылады. Төлем сомасы соңғы 12 айдағы орташа табысының көлеміне қарай есептеледі.
• Бала тууға байланысты біржолғы жәрдемақы. Бұл – мемлекетпен белгіленген сома әрі бала санына қарай ол сәл-пәл өзгеріп отырады.
• Баланы 1,5 жасқа дейін күтуге арналған жәрдемақы. Төлем сомасы соңғы 24 айдағы орташа табысының көлеміне қарай есептеледі.

2) Жұмыс істемейтін әйелдер:

• Бала тууға байланысты біржолғы жәрдемақы.
• Баланы 1,5 жасқа дейін күтуге арналған жәрдемақы.

🔺Өзгеріске ұшыраған не нәрсе?

1)Бұрын әйел адамның табысы қанша болса, соның 12 немесе 24 ай көлемін алып есептей беретін, ешқандай шектеу болмайтын. Ал енді декреттік демалыс кезеңіндегі әлеуметтік төлем мен босануға байланысты жәрдемақыны есептеу кезінде жұмыс беруші санына қарамастан, ең төменгі жалақының (ЕТЖ) 7 еседен аспайтын көлемін қамтитын орташа айлық табыс қарастырылады. Яғни, бірнеше жерде жұмыс істеп, айына 595 мың теңге тапқан әйелдің декреттік демалыс төлемі 2 249 000 теңгені қамтымақ (бір реттік). Ал әйелдің ай сайынғы табысы 595 мыңнан асып, 600 мың, 700 мың немесе 1 млн теңгені құраса, белгіленген сомадан (595 мың теңгеден) асқан бөлігі есепке алынбайды.

Мұндай шектеу, негізінен бұрыннан бар-тұғын. Бірақ ол тек бір жұмыспен қамтушыға қатысты қарастырылып келген. Яғни, бірнеше жерде жұмыс істеу арқылы әйел адам бұл шекті әр жұмысында сақтай алатын. Мәселен, жинақталған бір айлық табысы 1 млн теңге болатын әйелдің декреттік демалыс төлемі 4-5 млн теңгеге дейін шығып кететін. Енді мұндайға жол жоқ.

2)Декреттік демалысқа шыққаннан кейінгі әлеуметтік аударымдар есепке алынбайды

Жүктілік және босану бойынша төлемдер есебінен енді сақтандыру жағдайы туындаған кезеңнен кейінгі әлеуметтік аударымдар алынып тасталып отыр (яғни, декреттік демалысқа шыққаннан кейінгі). Ал декреттік демалыс кезеңінде есепке алынбаған аударымдар бала күтімі бойынша төлемді есептегенде де қарастырылмайтын болады.

Айта кетсек, бұрын декреттік демалысқа шыққаннан кейін де әйел адамдар әлеуметтік аударымдар жасата беретін, сөйтіп бала күтіміне есептелетін жәрдемақы сомасын арттыруға мүмкін алатын.

Жұмыс істемейтін әйелдерге қатысты ешқандай өзгеріс жоқ.

‼️ Олар мемлекет белгілеген төлемдерді алады.

• Бала босанғанда берілетін жәрдемақы: бірінші, екінші және үшінші балаға - 38 АЕК, яғни 2025 жылғы есеп бойынша 149 416 теңге.
• Төртінші және одан көп балаға – 63 АЕК, яғни 2025 жылғы көлеммен есептегенде 247 716 теңге.
1,5 жыл бойындағы бала күтіміне байланысты ай сайынғы жәрдемақы:

• бірінші балаға – 5,76 АЕК (2025 жылы - 22 649 теңге).
• екінші балаға – 6,81 АЕК (2025 жылы - 26 777 теңге).
• үшінші балаға – 7,85 АЕК (2025 жылы - 30 867 теңге).
• төртінші және одан көп балаға – 8,90 АЕК (2025 жылы - 34 995 теңге).
Бұл арада жұмыс істемейтін әйел алғашқы сәбиін дүниеге әкелгенде жалпы сомасы 557 мың теңге көлемінде мемлекеттік төлем (бір реттік) алады (22 ай барысында).

(дереккөз – Еңбек және әлеуметтік қорғау министрлігінің 2025 жылғы 18 наурыздағы бұйрығы, ол 2025 жылдың 8 сәуірінен бастап өз күшіне енді)

👇Толығырақ сайттан оқыңыз👇

https://zhatpa.kz/kyn-zhanalyktary/dekrettik-t-lem-s-uirden-bastap-zgeredi-endi-zh-kti-jelder-ansha-a-sha-alady/

Авторы: Кәмшат Тілеухан

💡📆📆📆📆📆 10 сәуір

👥10 сәуірде халықаралық аға-әпке, іні-қарындас күні аталып өтеді. Олар өмірдің қиын-қыстау кезеңі мен қуанышты сәттерінде әрдайым жанымыздан табылып, жетістіктерімізге шынайы ризашылық білдіре алады. Ал сәтсіздікпен бетпе-бет келген уақытта қолдау білдіруге дайын екендерін жеткізеді. Сонымен қатар табысқа жетуімізге шабыт сыйлап, түрлі келеңсіз жайттан арылуға көмектесе алады. Бір сөзбен айтқанда, бауырларға қай кезде де арқа сүйеп, сенім артуға болады. Біз олармен бірге өсіп, бір мәселені бастан өткеріп, бір жағдайға қуана аламыз. Мұның жеке тұлға болып қалыптасуда ықпалы зор екені сөзсіз.

Бауырларыңызды бүгінгі айтулы күнмен құттықтап қойыңыз!


⚡️Бүгін — Дүниежүзілік гомеопатия күні. 1755 жылы 10 сәуірде неміс дәрігері, баламалы медицинаның осы түрінің негізін қалаушы Самуэль Ганеман дүниеге келді. Гомеопатия 2 принципке негізделген. Біріншісі - ауруды ауру арқылы емдеу, екіншісі - шағын немесе ультра төмен дозада дәрілік заттарды қолдану. Дүниежүзілік денсаулық сақтау ұйымының сарапшылары оны қолданудың дәлелді базасы жоқ екенін және денсаулық пен өмірге қауіп төндіретінін атап өтеді. Осыған қарамастан, оны Үндістан халқының жарты бөлігі, француздардың 1/3 және немістердің 45%-ы пайдаланады. Ал Англияда ол корольдік отбасының қамқорлығында тұр.

Өзіңізге қамқор болыңыз және ауырмаңыз!

🍌Бүгін тағы бір мереке — “банан күні” аталып өтеді. Әлемде өнім саны бойынша банандар апельсиннен кейін екінші орында тұр. Тағамдық құндылығы бойынша банан картопты 1,5 есе басып озады. Бір бананда жүрек бұлшықетінің қалыпты жұмыс істеуі үшін қажетті калийдің тәуліктік дозасының 10%-ы бар. Сонымен қатар ол каротинге, ферменттерге, органикалық қышқылдарға, С, РР, Е, В1, В2 витаминдеріне бай. Көңіл күйіңіз болмаса, банан жеуге кеңес береміз. В6 дәрумені мен триптофан амин қышқылы табиғи антидепрессант серотонинді өндіруге ықпал етеді.

Сізге қай жеміс ұнайды: банан немесе апельсин?

🗣113 жыл бұрын атауы ұзақ жылдар бойы теңіз апатының символына айналған “Титаник” кемесі алғашқы әрі соңғы сапарына аттанды. Бұл өз уақытындағы ең ірі жолаушылар кемесі еді. Ол 14 сәуірден 15 сәуірге қараған түні Солтүстік Атлантикада айсбергпен соқтығысып, суға батып кетеді. Мұнда 2200 жолаушының 1490-нан 1635-ке дейінгісі қайтыс болды. Титаник оқиғасы 1997 жылы Джеймс Кэмеронның әйгілі фильмінде жаңа бағытта кең көрініс тауып, түрлі-түсті бояуға ие болды.

“Титаник” фильмін тамашалаған кезде көз жасыңызға ерік бердіңіз бе?

#Күнтізбе #Мереке #Ерекшекүн #Отбасылықмерекелер #Гомеопатия #Дұрыстамақтану #Титаник #апат

💡💡💡💡💡💡💡

Табандылық — жетістікке жетудің басты құпиясы

📍Табандылық – таланттан да жоғары қасиет. Осыған байланысты халқымызда табандылық пен төзімділіктің сан үлгісі бар. Мәселен, Алаш арыстарының өмірін алыңыз: қуғын-сүргінге ұшыраса да, идеясынан таймаған, жолынан жаңылмаған. Әлихан Бөкейхан өз сөзінде: “Ұлтқа қызмет ету – білімнен емес, мінезден” деген. Демек кез келген жетістіктің кілті адамның ерік-жігерімен ұштасып жатыр.

📍Қазір көптеген жастар “қолымнан келмейді”, “уақытым жоқ”, “мүмкіндігім аз” деп шаршап, мойып қалады. Ал шын мәнінде табыс – тек еңбекпен келетін нәтиже. Қанша рет құласаң да, қайта тұру – нағыз батырлық.

Себебі адамның бойындағы ең құнды қасиеттердің бірі – табандылық. Бұл – өзіңе, арманыңа, мақсатыңа адал болу. Ал табандылықты қалай дамытуға болады?

1️⃣ Мақсатың анық болсын

Анық мақсат – бағыт береді. Қайда бара жатқаныңды білсең, жол жүргенде адаспайсың. Мақсатсыз адам жел қай жақтан соқса, солай жығылатын қаңбақ секілді. Ал мақсаты айқын адам – желге қарсы жүретін кемедей.

2️⃣ Кедергіні жау емес, ұстаз деп біл

Кез келген табанды адамның өмірінде жеңілістер болған. Бірақ олар тоқтап қалмады. Қиындықты – шынығу, қатені – сабақ, сын-ескертпені – өсудің жолы деп қабылдады. Есіңізде болсын, кедергілердің артында қашан да мүмкіндік жасырынып тұрады.

3️⃣ Күнде бір қадам жаса

Үлкен жетістік бір күнде келмейді. Күн сайын бір қадам жасасаңыз, уақыт өте биік тауларды да бағындырасыз. Бүгін бір бет кітап оқыңыз, ертең бір жаттығу жасаңыз – бұл ұсақ қадамдар емес, табандылықтың тастарын қалап жатқан ісіңіз.

4️⃣ Ең қиын сәтте – өзіңе уәде бер

Адам ең әлсіреген, ең үмітсіз күйінде нағыз шешім қабылдайды. Сол кезде өз-өзіңізге: “Мен тоқтамаймын. Себебі арманыма лайықпын” деп серт беріңіз. Ол серт сізге алға жылжуға күш береді.

5️⃣ Қайта-қайта құласаң да, қайта тұр

Әлемдегі ең табысты адамдар – жүз мәрте сүрініп, жүз бір рет тұрғандар. Табандылық – сүрінгеніңде емес, қайта тұрғаныңда көрініс табады.

✅ Қорытынды

Табандылық – туа бітпейді, қалыптасады. Егер сіз күнде өзіңізді шыңдап отырсаңыз, бір күні арманыңыздың шыңында тұратыныңыз анық.

Өмір – бәйге. Ал табандылықпен соңына дейін барған адамның міндетті түрде бағы жанады.

#қазынакеңес #бәйге #табандылық