💡📆📆📆📆📆 1 мамыр

🗣1 мамыр – Ұлттық бірлік күні. Қазіргі таңда Қазақстан 100-ден астам ұлт пен ұлыс өкілінің жылы қонысына айналды. Ел аумағында тұратын түрлі этностар өздерінің ұлттық салт-дәстүрін, мәдениеті мен рухани болмысын сақтауға толық мүмкіндік алды. Ұлт мәселесін даналықпен шешу – елімізді ірі қақтығыстар мен алауыздықтан аман алып қалды. Бүгінде Қазақстанда ұлттар мен ұлыстар арасында өзара құрметке, сенім мен түсіністікке негізделген берік қарым-қатынас қалыптасты.

Бірлік күні құтты болсын!



💪1 мамырда емдік массаж күні аталып өтеді. Қазіргі таңда адам өмірі күйзеліске толы. Осы тұста, емдік массаж түрлі физиологиялық ауыртпалық пен денедегі психологиялық блоктарды жоюға көмектеседі. Сол себепті бүгін арнайы массажға жазылып, денеңізге күтім жасап үлгеріңіз!

Егер массаж жасайтын таныстарыңыз болса, оларды кәсіби мерекесімен құттықтап қойыңыз!



🤝2019 жылдың 1 мамырында “Әміре” фильмі АҚШ-та өткен халықаралық фестивальде "Үздік көркем фильм" және “Үздік актер” аталымдары бойынша қос жүлдеге ие болды. Аты аңызға айналған қазақ әншісі Әміре Қашаубаев (1988-1934) — Еуропа жұртшылығына домбыраны және қазақтың ұлттық вокалдық өнерін алғаш болып таныстырған тұлға. Ол 1925 жылы Парижде өткен Бүкіләлемдік музыка байқауында өнер көрсетіп, күміс медаль иеленген. Әміренің сахнадағы бейнесін шебер сомдаған — актер Санжар Мади.
Айта кетейік, 2018 жылы бұл фильм Голливуд кинофестивалінде Silver Screen Award жүлдесін де жеңіп алған болатын.

Фильмнің трейлерін мына жерден көре аласыз: https://www.youtube.com/watch?v=3gIqu_PfigQ




👏Бүгін пошталық марканың пайда болған күні. 1840 жылдың 1 мамырында Лондон поштасында патшайым Викторияның бейнесі бейнеленген алғашқы пошта маркалары сатылымға шықты. Кейін бұл ерекше пошта ақысының белгісі әлемнің барлық елінде қолданысқа енді.
Тәуелсіз Қазақстанның алғашқы пошта маркасы 1992 жылдың 20 наурызында жарық көрді. Онда “Алтын адам” бейнеленді.

#Күнтізбе #Қазақстанмерекелері #Ерекшекүн #емдікмассаж #қазақкиносы #поштамаркалары #филателист

💡🎞🎞🎞🎞🎞

Бүгінгі кино шолуымыз “Қайын ата – Күйеу бала” атты комедия фильміне арналады

Жіберіп алмаңыз!

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау көрсетіңіз❤

https://youtube.com/shorts/pbkO1KbZiVU

#Қайыната–Күйеубала #комедия #зять #кино #үйдежатпа #фильм #кинообзор #семья

💡📆📆📆📆📆 2 мамыр

🔥ЮНЕСКО 2019 жылдың 2 мамырында 2020 жылды барша түркі жұртының ұлы ойшылы Тоныкөкке арнау туралы шешім қабылдады. Түркілердің руна жазбасы мен ескерткіштері айғақтағандай, Тоныкөк есімі Шығыс Түрік қағанатының құрылуымен, Қытаймен күресте тәуелсіздікті қайта алуымен тығыз байланысты. Ол — жауларымен болған шайқастарды құлыптасқа (Орхон-Енисей) жазба ретінде қалдырған жалғыз қолбасшы. Бұл арқылы тарихшылар жау күштерінің құрамын, қарулану деңгейін, шайқас өткен жер мен уақытын нақты анықтай алады. Тоныкөктің ең асқақ арманы — түркі халқының тәуелсіз, еркін өмір сүруі, ішкі-сыртқы дұшпандарға бағынбай, азат ел болуы еді.



📚Бүгін кітап сүйер қауым халықаралық Хәрри Поттер күнін атап өтеді. 2 мамырда сиқыршылар әлемінде аты аңызға айналған Хогвартс үшін шайқас өтіп, Екінші сиқыршылар соғысы аяқталды. Дәл осы күні Хәрри Поттер өмірінде ең көп азап әкелген — лорд Волан-де-Мортты жеңіп, зұлымдыққа қарсы тұра білді. Джоан Роулингтің бұл туындысы — оқырманға махаббат пен батылдықты, мейірімділік пен табандылықты, жақынға жәрдемдесуді, рухани беріктік пен қайсар мінезді ұғындырады. Бір қызығы, зерттеулерге сүйенсек, оқырмандардың 61 пайызынан астамы аталған роман олардың өмірлік көзқарасы мен дүниетанымына әсер еткенін айтқан.

Хәрри Поттер кітабының жанкүйерлерін осы күнмен құттықтаймыз!



👀2 мамырда БҰҰ бастамасымен дүниежүзілік тунец күні аталып өтеді. Бұл күн ғаламшардағы балық көзін қорғауға және сақтауға шақырады. Бүгінде табиғатта тунецтің шамамен 40 түрі бар, ал оның етін әлем халқы ең құнды ас ретінде тұтынады. Жыл сайын шамамен 7 миллион тонна тунец ауланады. Ең қымбат тунец 2019 жылы Жапониядағы аукционда 278 келі салмақта $3,1 миллионға сатылған. Бұл — адамзаттың теңіз байлығын бағалауы мен тұтынуының нақты көрінісі.


👥2 мамыр — қос тұлғаның туған күні. 113 жыл бұрын қазақтың тұңғыш опера әншісі, драмалық актриса Күләш Байсейітова (1912-1957) дүниеге келді. 1933 жылдан өмірінің соңына дейін Қазақ опера және балет театрының сахнасында өнер көрсетті. Талант иесі 24 жасында-ақ КСРО халық әртісі атағына ие болды. Оның есімі шетелдік сахналарда да құрметке бөленді. Бүгінде Күләш Байсейітованы еске алу мақсатында республикалық вокалшылар байқауы тұрақты өткізіліп келеді. Сонымен қатар бүгін атақты ағылшын футболшысы Дэвид Бекхэм 50 жас мерейтойын атап өтеді. Ол “Манчестер Юнайтед”, “Реал Мадрид”, “Милан”, “Пари Сен-Жермен” клубтарының құрамында өнер көрсеткен спортшы Англия құрамасы сапында Алматыға да келген. Бекхэмнің есімі бір кездері Google жүйесінде ең жиі ізделген спорттық тұлға ретінде тіркеліп, сән әлемінде де беделді брендке айналды.

Сіздің қалаңызда Күләш Байсейітованың есімімен аталған қандай ғимараттар бар?

#Күнтізбе #Мереке #Ерекшекүн #Түркітарихы #Жануарлардықорғау #ХәрриПоттеркүні #Туғанкүндер #Танымалтұлғалар #КүләшБайсейітова #ДэвидБекхэм

💡💡💡💡💡💡💡

Мәселені дәрі ішу арқылы тұншықтырмаңыз. Оларды шешіңіз — Джим Керри

✔️ Джеймс Юджин Керри — канадалық әрі америкалық актер, әзілқой, сценарист және продюсер. Өнер иесі “Маска”, “Бэтмен мәңгілік”, “Эйс Вентура: Үй жануарларын іздестіру”, “Эйс Вентура: Табиғат шақырғанда”, “Өтірікші өтірікші”, “Құдіретті Брюс”, “Трумэн шоуы”, “Айдағы адам” фильмдерімен танымал. Ол комедия жанры бойынша АҚШ-та жоғары жалақы алатын актерлардың бірі. “Однажды укушенный” фильмінде алғашқы басты ролін сомдады. Керридің талантын сыншылар жоғары бағалады. Актер алты мәрте “Алтын глобус” номинациясын иеленді. Сонымен қатар BAFTA және басқа да бірқатар марапаттың иегері. БАҚ өкілдері Кэрридің мансап жолында ешқашан “Оскарға” ұсынылмағанын бірнеше рет атап өтті.

📌 Ендеше назарларыңызға өнер иесінің нақыл сөздерін ұсынамыз.

1️⃣ Менің өмірім емес, түсім қорқынышты.

2️⃣ Мәселелерді дәрі ішу арқылы тұншықтырмаңыз. Оларды шешіңіз.

3️⃣ Мен есімі ғасырлар бойы сақталатын ұлы актер болғым келді. Осы арқылы өзімді мақтан етемін деп ойладым. Бірақ қателесіппін. Айтарым, жай ғана өз-өзіңізбен болып үйреніңіз. Болды, басқа ештеңе қажет емеч.

4️⃣ Егер сіз арманыңыздан бас тартсаңыз, сізде басқа не қалады?

5️⃣ Жағдай шынымен нашарлап кетсе, тек күлу ғана қалады.

6️⃣ Егер дәл қазір әрекетсіз жүрсеңіз, онда сізде нақтылық жоқ немесе сіз бір нәрсеге өкінесіз.

7️⃣ Сіздің өміріңіздегі жағдайдың бәрі сіз арқылы емес, сіз үшін жасалады.

8️⃣ Жақсы жігіттер ең соңынан келеді.

9️⃣ Мен мына қағида бойынша өмір сүремін: «сену – өзіңе көз жеткізу – армандау».

🔟 Маған бұрын көзінде мұңы бар әйелдер ұнайтын. Мүмкін мен оларды бақытты еткім келген шығар.

1️⃣1️⃣ Менің өмірімнің негізгі ережелері қандай? Біріншіден, есіңізде болсын: «Өмірім біртүрлі өтіп жатыр, мен өзіме артылған міндетті дұрыс атқарып жатқан жоқпын» деген сезім мазалайтын болса, онда бәрі сізге аяғын сүртетін болады. Екіншіден, ешқашан өзіңізге тым салмақты қарамаңыз. Менің агентім және сенімді екі менеджерім The Cable Guy үшін қаламақы туралы келіссөз жүргізіп жатқанда - бұл менің үйімде болды. Біз екінші тараппен телефон арқылы динамик режимінде сөйлестік ...

1️⃣2️⃣ Мен сүйгім келеді және сүйемін. Оның қанша уақытқа созылатыны маңызды емес. Себебі бұл сезім ғасырлар бойы немесе бір сәттік болуы мүмкін.

#қазынакеңес #дәрі

💡📆📆📆📆📆 3 мамыр

👀3 мамырда түркі халықтарының ынтымақтастығы күні аталып өтеді. Бұл – түркі жұрты көп шоғырланған өңірлерде тойланатын маңызды күн. Мерекенің басты мақсаты – түркі халықтарының этникалық, мәдени және тілдік тамыры ортақ екенін ескере отырып, оларды бірлікке, өзара қолдауға және саяси тұтастыққа шақыру. Бүгінде Түркі мемлекеттері ұйымына Әзербайжан, Қазақстан, Қырғызстан, Түркия және Өзбекстан мүше болса, Венгрия мен Түрікменстан бақылаушы елдер ретінде тіркелген.



🌞Бүгін дүниежүзілік Күн күні аталып өтеді. Адамзатқа ең жақын жұлдыз – Күн Жер бетіндегі тіршілік атаулыға жарық пен жылу беретін қуат көзі. Бұл күннің мақсаты – жаңартылатын көздерді пайдалануға назар аудару және күн энергиясын пайдалану мүмкіндігін көрсету. Бүгінде Қазақстан осы технологияларды дамытуға көңіл бөлініп жатыр. Мәселен, 2020 жылы еліміздегі жаңартылатын энергия көздерінің жалпы энергетикалық балансқа қосқан үлесі 3 пайызды құрады. Ал 2050 жылға қарай бұл көрсеткішті 50 пайызға жеткізу көзделіп отыр.

Сіз аталған технологияны дамыту идеясын қолдайсыз ба?



📖3 мамырда Біріккен Ұлттар Ұйымы Дүниежүзілік баспасөз бостандығы күнін атап өтеді. Демократияның негізі – адамның қоғам мүшесі ретіндегі басты құқықтарын негізге алатын баспасөз және пікір бостандығы. Әрбір азамат өмір сүріп жатқан қоғамның жағдайын білуге ​​және кез келген ақпаратқа қол жеткізуге құқылы. 2023 жылы Қазақстан Дүниежүзілік сөз бостандығы индексінде Уганда мен Шри-Ланка арасында орналасқан 180 елдің ішінде 134-ші орынға ие болды.



📤Бүгін “спамның” пайда болғанына 47 жыл толды. 1978 жылы 3 мамырда DEC өз тұтынушыларына жаңа шағын компьютерлері туралы 400-ге жуық спам хабарламасын жолдаған. Қазір спаммен күресу мәселесі жаһандық сипатқа ие. Осы тұста, арнайы зерттеу орталықтары мен спамға қарсы халықаралық альянстар бар. Спаммен күресу және оны қорғау үшін мыңдаған нұсқаулық әзірленді. Себебі кейде хабарламаларда қауіпті вирустық сілтемелер болады. Әлемдегі ең ірі спам өндірушілер – АҚШ, Оңтүстік Корея және Қытай.

Ал сіз спам хабарламаларға қалай жауап бересіз?

#Күнтізбе #Мереке #ЕрекшеКүн #ТүркіХалықтары #Астрология #БаспасөзБостандығы #СпамнанҚорғану

💡🎟🎟🎟🎟🎟🎟🎟🎟🎟📆

Құрметті оқырман! #Үйдежатпа ұжымы арнайы сіздер үшін осы демалыс күндері Алматы мен Астана қалаларында тегін баруға болатын іс-шаралар топтамасын дайындады. Ал басқа қалалардан ақпарат болмағандықтан, сіз өз өңіріңізде болатын қызық көрмелер мен іс-шараларды пікірге жазып кете аласыз.

АЛМАТЫ:

🌿Баха Бүбіханова атындағы заманауи өнер байқауының финалистер көрмесі

Заманауи өнерге арналған бұл байқауға биыл 24 қаладан 124 суретшінің және 6 шығармашылық топтан барлығы 130 өтінім түскен. Солардың ішінен қазылар алқасы 10 үздік финалисті таңдап алды. Көрмеге қойылған жұмыстардың идеялық өзегі — болмыс пен қоғам құрылымын зерттеу. Бұл тақырыптар — суретші Баха Бүбіханованың шығармашылығында кеңінен көрініс тапқан терең дүниелер.

Байқау жеңімпазы 1 000 000 теңге көлеміндегі сыйақыны иеленіп, оның туындысы Қазақстандағы ең ауқымды өнер топтамаларының бірі — Әбілхан Қастеев атындағы Мемлекеттік өнер музейінің қорына қабылданады.

Өтетін орны: Aspan Gallery, Әл-Фараби даңғылы, 140
Күні: 3 және 4 мамыр, 11:00 – 19:00

🌝"Zat" көрмесі

“Zat” көрмесінде көрермен күнделікті тұрмыстағы заттардың мүлде басқа қырынан таныстырылуына куә болады.

Орналасқан жері: Efes Art Space, Желтоқсан даңғылы, 137
Күні: 3 және 4 мамыр, 10:00 – 19:00

🔥"Volcano" заманауи керамика көрмесі

Санкт-Петербургтен келген керамист-суретші Екатерина Тюмина бірнеше жыл бойы жанартаудың атқылау үдерісін зерттеп, осы тақырыпқа арналған жұмыстарын ұсынады. Табиғаттың бұл қуатты құбылысын – лаваның ағысы тудырған күш пен энергияны терең ұғынып, суретші оны өз бойынан өткізе отырып, көркем түрде бейнелеген.
Өтетін орны: «Өнер» арт-кеңістігі, Шевченко көшесі, 51
Күні: 3 мамыр, 10:00 – 19:00

💪"Ұлы Жеңіс – ерлікке құрмет, ұрпаққа өнеге” атты сурет және мүсін көрмесі

Бұл көрме – Ұлы Отан соғысының аяқталғанына 80 жыл толуына байланысты ұйымдастырылып отыр. Адамзат тарихындағы ең зұлмат соғыстың азабын тартқан, елі үшін жанын пида еткен боздақтарды еске алу — әр буынның парызы. Көрме — сол бір алмағайып кезеңнің елесінде қалған қайсарлықты, отансүйгіш рухты, ерлік пен азаттық жолындағы күрестің маңызын ұрпақ санасына сіңіруді мақсат етеді.

Өтетін орны: Almaty Gallery, Достық даңғылы, 44
Күні: 3 және 4 мамыр, 11:00 – 19:00

😻"Ancient Futures: мұраны, қолөнерді және экологияны зерттеу” көрмесі
⠀
Өтетін орны: Egin Art Space, Нұрмақов көшесі, 79
Күні: 3 және 4 мамыр, 12:00 – 17:00


👏"T1 / 2" саунд-арт инсталляциясы
⠀
“T1/2” — бұл Камилла Нарышева мен Вики Кларктың бірлескен жобасы, Семей ядролық сынақ полигонында жасалған далалық жазбаларға негізделген.

Өтетін орны: 101 Dump Gallery, Панфилов көшесі, 101, домофон 1
Күні: 3 және 4 мамыр, 14:00 – 22:00

👤Spring Art Fair көрмесі
⠀
Өтетін орны: Esentai Gallery, Әл-Фараби даңғылы, 77/8 (Esentai Mall, 3-қабат)
Күні: 3 және 4 мамыр, 10:00 – 20:00


АСТАНА:

👣“КЕРІСІНШЕ” көрмесі

Forte Kulanshi Art Space кеңістігінде өтетін “КЕРІСІНШЕ” атты көрме – екі түрлі мәдениет пен көркемдік көзқарастың тоғысқан тұсы.

Өтетін орны: Forte Kulanshi Art Space, Достық көшесі, 8/1
Күні: 3 және 4 мамыр, 10:00 - 20:00

👀SONS OF THE SHAMAN көрмесі

Нигериялық суретші Мосес Зибор мен қазақстандық суретші Сәулет Жәнібектің бұл көрмесі көрерменді руханият, дәстүр мен бірегейлік жайлы сұхбатқа шақыратын мәдениеттер арасындағы сапарға жетелейді.

Өтетін орны: LM Kulanshi Art, Hayat тұрғын үй кешені, Қасым Аманжолов көшесі, 22А
Күні: 3 және 4 мамыр, 10:00 - 16:00

Естеріңізге сала кетейік, арнамызда пікір жазып, белсенділік танытқан 5 оқырманға Қазақстанның кез келген қаласынан кино немесе театрға 2 билет (сеанс, күн мен уақытты таңдайсыз) сыйлаймыз немесе кітап сатып алу үшін 10 мың теңгелік сертификат табыстаймыз. Сондай-ақ айдың “ең үздік пікірі” номинациясы да бар. Пікірлер саны мен сапасы бойынша қорытынды әр айдың 1-інде шығарылады. Демалыс күндеріңіз сәтті өтсін!

#Алматыафишасы #Астанаафишасы #қайдабарукерек #тегін #көрмелер

💡🎞🎞🎞🎞🎞

Бүгінгі кино шолуымыз “Громовержцы” атты фильміне арналады

Жіберіп алмаңыз!

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау көрсетіңіз❤

https://youtube.com/shorts/e8Sa-g4J7Og

#Громовержцы #марвел #боевик #кино #үйдежатпа #фильм #кинообзор #фантастика

💡📆📆📆📆📆 4 мамыр

🌝1939 жылы 4 мамырда Қазақстан Композиторлар одағы құрылды. Оның бастамашылары қазақ музыкасының жеті атақты авторы — Латиф Хамиди, Евгений Брусиловский, Ахмет Жұбанов, Борис Ерзакович, Василий Великанов, Сергей Шабельский және Мұқан Төлебаев болды. Ұйымның негізгі міндеті Қазақстанның ұлттық, классикалық музыкалық өнерін насихаттау және үздік дәстүрлерді дамыту еді. Бүгінде оның мүшелігінде 124 композитор бар. Аталмыш одақтың арқасында “Қыз Жібек”, “Біржан – Сара”, “Алпамыс”, “Абылай хан” операсы, “Әлия” балеті және басқа да туындылар дүниеге келді.

Егер таныстарыңыздың арасында композиторлар болса, оларды мерекесімен құттықтап қойыңыз!

🔥4 мамыр — Халықаралық өрт сөндірушілер күні. Бұл — ең қауіпті әрі ең абыройлы мамандықтардың бірі. Әр күн сайын мыңдаған адам өз өмірін қатерге тігіп, өзгені құтқаруға күш салады. Олардың ерен еңбегі лайық бағаланып, құрметке ие болуы тиіс. Қазақстанда өрт сөндірушілер өз кәсіби мерекесін 17 сәуірде атап өтеді. Әрине, бұл еңбектің ескерусіз қалмағаны жөн. Дегенмен бұл игі мамандық иелерін Халықаралық мерекесімен тағы да құттықтауға болады!


✨4 мамырда фантастика жанрының әуесқойлары “Жұлдыздар соғысы” күнін атап өтеді. Оның негізін Джордж Лукас қалады. Мереке алғаш рет осы кинотуындыны жан-тәнімен сүйетін көрерменнің бастамасымен пайда болды. Бұл күн кездейсоқ таңдалған жоқ. Фильмдегі атақты тіркес — “May the Force be with you” (“Күш сенен таймасын”) — “May the 4th be with you” (“4 мамыр күні күш сізбен болсын”) деген сөз ойынына ұласқан.

Сізге “Жұлдыздар соғысының” қай кейіпкері ұнайды?


👥4 мамыр — әйгілі екі әйелдің туған күні. 96 жыл бұрын британдық актриса, модель, биші және гуманитарлық қызмет қайраткері Одри Хепбёрн (1929-1993) дүниеге келді. Өнер иесі киноиндустрия саласында сән эталонына айналып, америкалық кинематографияда ең ұлы актрисалар тізімінде үшінші орынға ие болды. “Оскар” және басқа да беделді марапаттардың иегері. Сондай-ақ бүгін қазақстандық скрипкашы, Қазақстанның еңбек сіңірген қайраткері, Монте-Карло халықаралық фестивалінің “Бірінші скрипка” дипломының лауреаты, Нью-Йорктегі джаз қауымдастығының мүшесі Жәмилә Серкебаева 55 жасқа толды. Ол этникалық және фольклорлық музыканы, классикалық, джаз, рок, кантри және попты шебер орындайды. Әлемге танымал көптеген өнерпазбен дуэт құрған. Франция, Америка, Бельгия, Ресей, Сингапур және басқа да елдерде гастрольдік сапармен өнер көрсеткен.

Сіз қазақ скрипкашыларының арасынан кімді танисыз?


#Күнтізбе #Мереке #ЕрекшеКүн #ҚазақстанКомпозиторлары #ЖұлдыздарСоғысы #ӨртсөндірушіКүні #ТуғанКүндер #ТанымалАдамдар #ОдриХепбёрн #ЖәмилаСерікбаева

💡🎞🎞🎞🎞🎞

Бүгінгі кино шолуымыз “Желаяқ” атты мультфильміне арналады

Жіберіп алмаңыз!

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау көрсетіңіз❤

https://youtube.com/shorts/FAMzlO7srO4

#Желаяқ #мультфильм #анимация #кино #үйдежатпа #супергерой #кинообзор #приключения

💡💫💫💫💫💫💫💫

5–11 мамырға арналған апталық қаржылай жұлдыз жорамал

♈️Осы аптадағы қаржылай жағдайыңыз қуаттауға қойылған телефонға ұқсайды: бәрі дұрыс секілді, бірақ жұмсай бастаған сәтте-ақ “қуаты” тез таусылады. Сол себепті ақшаны қажетсіз дүниелерге жұмсамай, оймен әрекет етіңіз. Айталық, жұмыртқа пісіретін функциясы бар телефон қабын сатып алудың қажеті шамалы.

♉️Осы аптада әмияныңыздың сәл жеңілдегенін байқайсыз. Уайымға салынбаңыз — көктем келгенде ақша да саяхаттағысы келеді. Бәлкім, олар бір сәтке шет ел асып кеткен шығар, бірақ аптаның соңына дейін қайта оралуын қадағалаңыз.

♊️Егіздер үшін бұл апта – қаржылай тұрғыдан шарықтау мен құлдырауға толы, нағыз америкалық әткеншек секілді. Кіріс те болуы мүмкін, шығын да. Қалт-құлт еткен сәттерде байыппен әрекет етіңіз — белдікті бекем буыңыз! Ескі дүниелеріңізді сатып қосымша пайда табуға болады. Бірақ ескі ойыншықтарыңызды сатпас бұрын ойланыңыз — олар сізге естелік, ал өзгеге тек қажетсіз дүние ғана.

♋️Бұл аптада қаржылай тұрақтылыққа қол жеткізудің амалын қарастырған жөн. Үйге бір бөлме гүлін алып келіңіз — ол сізге ұқыптылық пен үнемшілдікті еске салып тұрады. Егер сол гүлді суаруды ұмытсаңыз, сіздің де қаржыңыз “қурап” қалуы мүмкін.

♌️Арыстандар, бұл аптада өзіңіздің қаржылай зеректігіңізді көрсетуге мүмкіндік тумақ. Дегенмен тым шабытпен кетпеңіз! Бар байлығыңызды 90-жылдардағы CD-дискілерге инвестициялаудың қажеті жоқ. Одан да өзіңізге қуаныш сыйлайтын, жүрекке жақын дүние алыңыз — мысалы, жаңа тәж.

♍️Бикештер, бұл аптада қаржылай істерде белсенділігіңіз артып, биіктен көрінесіз. Жоспарлау қабілетіңіз артық шығыннан аман сақтайды. , кейде өзіңізді қуантудан да қашпаңыз — шын мәнінде пайдалы, жүрекке жылу сыйлайтын жақсы тағамға ақша жұмсаған әлдеқайда орындырақ. Ал “ақылды” гаджеттерге келсек, олардың біразы сөреде шаң басып қалуы мүмкін.

♎️Таразылар, осы аптада сізге маңызды қаржылай шешім қабылдауға тура келеді. Ең бастысы – тепе-теңдік! Егер банк шотыңыздағы баланс тоңазытқышыңыздағы өнімдермен сай келмесе, қай тұста үнемдеуге болатынын ойланған жөн. Ақылға салсаңыз, бәрін үйлестіруге болады.

♏️Сарышаяндар, апта барысында ақшаға келгенде аса мұқият болыңыз. Қаражатыңыз сүйікті тіскебасарларыңыздай – әп-сәтте жоқ болып кетуі мүмкін. Әсіресе “табыстың оңай жолы” деген жарнамаларға елігіп қалмаңыз — олар сіздің бюджетіңізге жасалған тұзақ болуы ықтимал.

♐️Мергендер, бұл аптада сүйікті ісіңізден табыс табуға тамаша мүмкіндік туады! Өз қабілетіңізді немесе хоббиіңізді ақшалай пайдаға айналдыруға тырысыңыз. Әсіресе, сапарлардан алған әсеріңізді өзгелермен бөлісіп, блог жүргізуді бастасаңыз — соның өзі үлкен мүмкіндіктерге жол ашпақ.

♑️Тауешкілер, сіздің қаржылық аптаңыз жақсы кітап іспетті өтеді – аздап интрига, бірақ көбі пайдалы мәліметке толы. Ұсақ-түйекке алаңдамай, кеңірек ойлауға тырысыңыз. Егер бір досыңыз “керемет” жобасына ақша сұраса, алдымен оның сізге Лондондағы көпірді сатып жібермегеніне көз жеткізіңіз.

♒️Суқұйғыштар, осы аптада қаржылық мәселелерде шығармашылық қабілетіңіз жарқырайды. Бәлкім, үнемдеудің тосын тәсілін табарсыз — мысалы, ескі газеттерден өзіндік бюджет жоспарын жасап көру. Тек бір нәрсені есте сақтаңыз: креативтілік тамаша қасиет, бірақ арманның арты шындыққа соқпай кетпеуі керек. Шындықпен санасуды ұмытпаңыз.

♓️Балықтар, бұл аптада байлыққа қатысты армандарыңыз орындалуы мүмкін, бірақ тек бір шартпен: бар ақшаңызды лотерея билеттеріне шашып жібермесеңіз. Оның орнына өз дарыныңызға инвестиция құйыңыз — бұл әлдеқайда сенімді әрі пайдалы жол. Есіңізде болсын: 1000 теңгенің 10 пайызы – 0 теңгенің 100 пайызынан әлдеқайда жақсы.

Аптаңыз сәтті өтсін әрі қаржыңыз еселене берсін!

Есіңізде болсын, жұлдыз жорамал ойын-сауық және кеңес беру мақсатында жасалады. Қаржылай шешімдерді ақылға салып, нақты жағдайларға байланысты қабылдағаныңыз жөн.

#Жұлдызжорамал #Апталықжұлдызжорамал #Қаржы #Болжамдар

💡📆📆📆📆📆 5 мамыр

🙏1918 жылы 5 мамырда Омбыда қазақ жастарының жалпы құрылтайы өз жұмысын бастады. Съезд делегаттарының қатарында М.Әуезов, М.Жұмабаев, С.Сәдуақасов, С.Сейфуллин, М.Сейітов, А.Байгелдин, Ғ.Досумбекова және тағы басқа қазақ халқының белгілі қайраткерлері болды. Съезд нәтижесінде “Жас азамат” ұйымы құрылды. Оның мақсаты – Алаш республикасының мүддесін қорғау және ұлттық сананы көтеру үшін барлық өңірден жастарды біріктіру болды. 1920 жылы “Алаш Орда” партиясы таратылғаннан кейін Кеңес өкіметі тарапынан “Жас азамат” ұйымы да жұмысын тоқтатты.

💪5 мамыр – Халықаралық мүгедектер құқығын қорғау күні. Дүниежүзілік денсаулық сақтау ұйымының мәліметі бойынша, әлемде денсаулығында қандай да бір шектеуі бар адамдар саны 1 миллиардтан асады. Бұл жалпы халықтың шамамен 15%-ын құрайды. Ал олардың 100 миллионға жуығы — балалар. Халықтың қартаюына және созылмалы аурулардың көп таралуына байланысты аталған көрсеткіш жыл сайын тұрақты түрде өсіп жатыр. Қазақстанда 700 мыңнан астам мүмкіндігі шектеулі жан тұрады, оның 100 мыңы — 18 жасқа дейінгі балалар.


👀5 мамыр — Халықаралық акушерлер күні. Баланың дүниеге келуі барлық уақытта маңызды болғандықтан, бұл кәсіптің пайда болу тарихы ерте заманнан басталады. Мамандықтың маңыздылығын асыра бағалау өте қиын. Өйткені ананың және сәбиінің денсаулығы мен өмірін сақтап қалу, акушердің практикалық тәжірибесі және кәсіби дағдыларына байланысты.

Егер таныс акушерлер болса, кәсіби мерекесімен құттықтап қойыңыз!

👥5 мамырда өмірге келген қазақтың атақты тұлғалары. 129 жыл бұрын театр және кино актері, Қазақстанның халық әртісі Сералы Қожамқұлов (1896-1979) дүниеге келді. Қазақтың тұңғыш кино актері – кәсіби ұлттық театр өнерінің негізін қалаушылардың бірі. Мансап жолында 20-дан астам фильмге түсті. Сонымен қатар бүгін көпшілік үшін талғампаздық пен нәзіктіктің эталонына айналған актриса, тележүргізуші және модель Әсел Сағатова 40 жасқа толды. Көптеген кәсіби және мемлекеттік марапттың иегері 20-дан астам фильмде басты рөлді сомдаған. Сонымен қатар екі баланың анасы әлеуметтік желідегі парақшасын белсенді түрде жүргізеді.

Сізге қай қазақ актрисасы ұнайды?

#Күнтізбе #Мереке #Ерекшекүн #Қазақтардыңқұрылтайы #Мүгедектердіңқұқығы #Акушерлеркүні #Туғанкүндер #Танымалтұлғалар #СералыҚожамқұлов #ӘселСағатова

💡💡💡💡💡💡💡

Google Calendar қосымшасы арқылы уақытты қалай дұрыс жоспарлауға болады?

📌 Google Calendar — әлем бойынша ең танымал және тегін жоспарлау құралдарының бірі. Оның артықшылықтары:

🟢 Тегін әрі қолжетімді: Android, iOS, компьютер — бәріне оңай бейімделеді.
🟢 Қарапайым әрі ыңғайлы: Интерфейсі түсінікті, технологиясымен таныс емес адамдарға да үйрену қиындық тудырмайды.
🟢 Еске салғыш функциясы: Кездесу, тапсырма, туған күн — бәріне уақыт қойып, хабарлама аласыз.
🟢 Күнделікті, апталық, айлық жоспарлар: Уақытыңызды визуалды түрде бақылап, алдағы күндерге дайын боласыз.

Google Calendar-ды тиімді пайдалану жолдары:

1️⃣ Таңғы 5 минуттық жоспарлау

Телефоныңызды ашқан сәтте ең алдымен Google Calendar қосымшасына “Бүгін не істеймін?” деген сұраққа жауап жазыңыз.

2️⃣ Уақытты блоктарға бөліңіз

Бұл тәсіл time-blocking деп аталады. Мысалы:

• 09:00–10:00 — Жұмысқа кірісу, пошта тексеру
• 10:00–12:00 — Шығармашылық тапсырма
• 12:00–13:00 — “Түскі ас пен серуен

Осылайша ойыңызды шашыратпай, бір нәрсеге шоғырлануды арттырасыз.

3️⃣ Күн сайын өзіңізге де уақыт арнаңыз

Кемі 30 минутты өзіңізге арнаңыж: кітап оқу, тынығу, дұға ету, серуендеу.

4️⃣ Апта соңында өзіңізге есеп беріңіз

Өткен күндерге көз жүгіртіп, қайда көп уақыт жұмсағаныңызды, нені елеусіз қалдырғаныңызды бағамдаңыз. Бұл – өзіңізді тәрбиелеудің, дамытудың ең тиімді тәсілдерінің бірі.

‼️ Қорытынды

Уақыт — сіздің ең үлкен капиталыңыз. Оны басқара білген адам өмірін де, арманын да басқара алады. Google Calendar — тек уақытты жоспарлауға үйретіп қана қоймай, өз-өзіңізбен келісім жасауға мүмкіндік береді. Ендеше, уақытымызды – қадірлейік, өзімізді – құрметтейік.

#қазынакеңес #гугл #лайфхак