💡📆📆📆📆📆 22 мамыр

👀22 мамырда Біріккен ұлттар ұйымының бастамасымен халықаралық биологиялық әртүрлілік күні аталып өтеді. Биоәртүрлілік - жер бетіндегі тіршіліктің алуан түрлілігін көрсетеді. Өсімдіктер өліп жатыр, жануарлар мен ормандар жер бетінен жоғалып жатыр. Мұның көп бөлігі адам әрекетінен туындап жатыр. Қазір Қазақстанның Қызыл кітабына 400-ге жуық өсімдік пен 130 жануар енгізілген.

Болашақ ұрпақ үшін табиғатымызды қорғайық!


🦷Бүгін тіс пастасы салынған сықпаның пайда болған күні. Ежелгі заманда адамзат негізінен тіс ұнтағын пайдаланды. Ал 1892 жылы 22 мамырда америкалық тіс дәрігері Вашингтон Шеффилд металл қорап түріндегі ыңғайлы пакетті ойлап тауып, тіс ұнтағын қолданыстан жойды. Әлеуметтанушылардың сауалнамаларына сәйкес, көптеген елде тіс пастасы мен щетка адамзаттың ең маңызды өнертабыстарының бірі болып саналады. Алайда мына жағдайды да ескеру керек. Себебі ауыз қуысынан шығатын жағымсыз иіс асқазан-ішек жолдарының жағдайына байланысты болады.

Сіз тіс пастасының қай түрін қолданасыз?


👤Бүгін детектив әуесқойлары Шерлок Холмс күнін атап өтеді. 22 мамырда Ирландиядан шыққан ағылшын жазушысы, осы тамаша кейіпкерді жасаушы Артур Конан Дойл (1859-1930) дүниеге келді. Дойлдың Шерлок Холмс туралы алғашқы әңгімесі тұңғыш рет 1887 жылы баспада пайда болды. Кейінгі әңгімелері қырық жыл бойы, автор қайтыс болғанға дейін жариялана берді. Дойл Шерлок Холмс туралы 60 әңгіме жазды.

Ал сізге Шерлок Холмс жайлы қай әңгіме ұнады?



👥22 мамыр — қос тұлғаның туған күні. Бүгін британдық супермодель әрі кино актрисасы Наоми Кэмпбелл 55 жас мерейтойын атап өтеді. Ол 15 жасынан бастап подиумға шығып, өнер көрсетті. Сондай-ақ Vogue және Time журналдарының мұқабаларына шыққан алғашқы қара нәсілді қыз атанды. Өнер иесі 20-дан астам фильмде ойнады. Сонымен қатар бүгін сербиялық теннисші, әлемнің бірінші ракеткасы Новак Джокович 37 жасқа толды. Теннисші 24 мәрте “Үлкен дулығаны” және 38 рет “Шебер” марапатын жеңіп алған үздіктердің бірі. Ол теннис тарихында 181 миллион доллардан астам жүлделі қаражатқа ие болып, бірінші орында тұр.

Сіз кімнің жанкүйерісіз: Новак Джокович әлде Рафаэль Надаль?

#Күнтізбе #Мереке #Ерекшекүн #Биологиялықәртүрлілік #Тіспастасы #ШерлокХолмс #Туғанкүндер #Танымаладамдар #НаомиКэмпбелл #НовакДжокович

💡💡💡💡💡💡💡

Кітап оқуға құлшынысты қалай арттырамыз? ТОП-8 кеңес

Кітап оқу – жай ғана уақыт өткізудің тәсілі емес. Ол – адам санасын шыңдайтын, ой-өрісін кеңейтетін, дүниетанымды тереңдететін маңызды үрдіс. Көпшілік кітап оқуды әдетке айналдырғысы келеді, алайда көбіне бастаған ісін соңына дейін жеткізе алмай жатады немесе оқығанын тез ұмытып қалады. Бұл – оқу дағдысының жүйесіздігінен.

Кітаптан шынайы пайда алу үшін арнайы әдіс пен тәртіп қажет. Назарларыңызға кітапты тиімді әрі қызығушылықпен оқу үшін көмектесетін 8 пайдалы кеңесті ұсынамыз:

1️⃣ Мақсат қойыңыз

Әр кітап – белгілі бір мақсатпен оқылуы тиіс. Сіз бұл кітапты не үшін қолға алдыңыз? Жеке дамуыңыз үшін бе, әлде жай демалу үшін бе? Егер білім алу үшін оқысаңыз – басты ойларды түртіп алып, конспект жасаңыз. Ал егер жан тыныштығын іздесеңіз, оқиғаның ағынымен еркін жүзіңіз.

2️⃣ Оқу жоспарын құрыңыз

Басталған кітап аяқталмай қалмауы үшін өзіңізге ыңғайлы кесте жасаңыз. Мысалы, күн сайын 10-20 беттен оқу – үлкен нәтиженің бастауы. Аз көрінгенімен, жүйелі оқудың арқасында айына бірнеше кітапты игере аласыз.

3️⃣ Белсенді түрде оқыңыз

Мәтінді тек көзбен жүгіртіп шығу – ақпаратты үстірт қабылдауға әкеледі. Сол себепті саналы түрде, зейін қойып оқыңыз. Маңызды тұстарды маркермен белгілеңіз немесе түртіп алыңыз. Бұл – мазмұнды терең түсінуге көмектеседі.

4️⃣ Конспект жасаңыз

Кітаптағы маңызды ойларды қысқаша жазып отыру – оқығанды жақсы есте сақтаудың тиімді тәсілі. Дәптер, стикер немесе арнайы электронды қосымшалар арқылы өзіңіздің жеке кітапханалық жазбаларыңызды жасаңыз. Бұл – болашақта керекті ақпаратқа оңай қайта оралу мүмкіндігін береді.

5️⃣ Кітап жайлы ой бөлісіңіз

Оқығаныңызды басқалармен талқылау – кітап мазмұнын тереңірек ұғынуға, түрлі көзқарастарды тануға жол ашады. Достарыңызбен, әріптестеріңізбен немесе кітап клубтарында пікір алмасу – есте сақтау қабілетін арттырады әрі талдау дағдыңызды дамытады.

6️⃣ Түрлі жанрды таңдаңыз

Бір ғана бағыттағы кітаптарды ұзақ оқу зеріктіріп жіберуі мүмкін. Сондықтан жанрларды ауыстырып отырған жөн: көркем әдебиет, ғылыми-танымдық, мотивациялық, тарихи шығармалар — әрқайсысы өз алдына пайдалы. Бұл әртүрлі тақырыпта пікір айту қабілетіңізді де жетілдіреді.

7️⃣ Оқудан ләззат алыңыз

Оқуға қолайлы орта жасаңыз: жайлы орын, сүйікті сусыныңыз, тыныштық — бәрі кітаппен сапалы уақыт өткізуге көмектеседі. Оқу — міндет емес, рақат сыйлайтын сүйікті әдетке айналуы тиіс.

8️⃣ Білімді өмірде қолданыңыз

Оқығаныңыз тек қағаз бетінде қалмасын. Кітаптан алған білім мен идеяларды өмірде іске асырып көріңіз. Іс-әрекет арқылы алынған ақпарат әлдеқайда жақсы есте қалады, әрі өз дамуыңызды нақты сезіне бастайсыз.

📖✨ Кітап оқу – тұлғалық дамудың, ойлау қабілетін жетілдірудің, шығармашылық шабыттың және жаңа білімге жол ашудың ең сенімді жолы. Егер кітапты жүйелі, саналы түрде оқып, өмірде қолдана білсеңіз – бұл әдет өміріңіздің бір бөлшегіне айналады. Ендеше, кітаппен достасудан кеш қалмаңыз!

#кітап #қазынакеңес

💡📆📆📆📆📆 23 мамыр

💪Бүгін спорт сүйер қауым халықаралық күрес күнін атап өтеді. Аталған спорт түрі Ежелгі Грецияның өзінде Олимпиада ойындарының сәні болған. 1904 жылы 23 мамырда Венада күрестен бірінші әлем чемпионаты басталып, 2013 жылдан бері бұл күн ресми түрде тойланып келеді. Қазақстанда күрес - ұлттық спорт түрі. Осы сала бойынша спортшыларымыз әлемдік жарыстарда ұдайы жеңімпаз атанып, жүлделер иеленіп келеді.

Қазақтың қай балуанын білесіз?


🏥23 мамырда Біріккен Ұлттар Ұйымының бастамасымен халықаралық акушерлік жарақаттан алдын алу күні аталып өтеді. Бұл күн – халықаралық қауымдастықтың назарын босану кезінде туындайтын ауыр жарақаттардың бірі – акушерлік жыланкөзге аудартуға бағытталған. Патологиялық босану кезінде қынап пен тік ішектің арасындағы қабырға зақымданып, ректовагинальды жыланкөз пайда болуы мүмкін. Бұл денсаулыққа айтарлықтай зиян келтіріп, зәр және нәжіс ұстамау сынды күрделі мәселелерге әкеледі.
Проблеманың күрделене түсуіне әлеуметтік факторлар да әсер етеді: кедейлік, білім мен медициналық көмектің қолжетімсіздігі, әйелдердің репродуктивті денсаулығына деген немқұрайлылық және ерте жүктілік.

🐢23 мамыр — Дүниежүзілік тасбақалар күні. Олар жай қимылдайтын, бірақ сүйкімді жаратылыс. Адамдар арасында тасбақалар 300 жыл өмір сүреді деген аңыздар бар. Шындығында тасбақаның орташа өмір сүру ұзақтығы — кем дегенде 30 жыл, ал ең ұзағы — 130 жыл. Қазір тасбақалар толығымен жойылу алдында тұр. Бұған себеп — браконьерлер мен басқа жануарлардан төнетін қауіп. Сондықтан бұл күн – осы маңызды мәселеге қоғам назарын аудартуға бағытталған.


👥24 мамырда дүниеге келген танымал тұлғалар. 142 жыл бұрын америкалық актер, дыбыссыз кино дәуірінің ең жарық жұлдыздарының бірі Дуглас Фэрбенкс (1883-1939) дүниеге келді. Ол “Оскар” сыйлығын тапсыратын Кинематография өнері және ғылым академиясының негізін қалаушы әрі бірінші президенті. Сонымен қатар 101 жыл бұрын “Алтын адамды” тапқан қазақ археологы Кемал Ақышев (1924-2003) өмірге келді. Қазақ археологиялық мектебінің негізін қалаушылардың бірі 200-ден астам ғылыми еңбек пен 15 кітап жазды. Сондай-ақ дүниежүзілік маңызы бар Сарыарқаның тарихи ескерткіштері, Бесшатыр қорғандары, Отырар ескерткіштері туралы ғылыми мәліметтер жинаған. Оның есімі Қазақстанның Құрмет Алтын кітабына жазылған.

#Күнтізбе #мереке #ерекшедата #спорттықкүрес #әйелдерденсаулығы #жануарлардықорғау #туғанкүндер #танымалтұлғалар #киноөнеракадемиясы #КемальАкишев #Алтынадам

💡🎬🎬🎬🎬🎬🎬🎬🎬🎬🎞

🎬«Лило мен Стич» фантастикасы. Бұл – жүрек тебірентерлік әрі күлкілі хикая. Гавай аралында тұратын кішкентай қыз күтпеген жерден бөтен ғаламшарлықпен достасады. Сөйтіп, осы ерекше жаратылыс олардың бұзылған отбасын біріктіруге көмектеседі. Басты рөлдерде: Ханна Уоддингем, Тиа Каррере.
Трейлер мына жерде: https://www.youtube.com/watch?v=N6QG5tDUplU

🎬«Миссия невыполнима: Финальная расплата» боевигі. Итан Хант адамзат тағдырын шешетін жасанды интеллектті іздеп, қауіпті сапарға аттанады. Оның шешімі – бүкіл әлемнің болашағына ықпал етеді. Басты рөлдерде: Том Круз, Ванесса Кирби. Жас рейтингі: 16+
Трейлер мына жерде: https://www.youtube.com/watch?v=KvwLhlqDVfg

🎬«Джун и Джон» мелодрамасы. Сұрқай өмір сүріп жүрген Джон Джун есімді батыл қызбен танысып, екеуі бірге құштарлық пен қауіпке толы, махаббат пен еркіндікке жетелейтін шытырман оқиғаға жол тартады. Басты рөлдерде: Матильда Прайс, Люк Стэнтон Эдди. Жас рейтингі: 18+
Трейлер мына жерде: https://www.youtube.com/watch?v=3v2gety3yHk

🎬«Одержимые: Наследие дьявола» қорқынышты фильмі. Әкесі жұмбақ жағдайда көз жұмғаннан кейін, Грэм отбасылық фермаға оралады. Себебі оның інісі де сол кездегі қорқынышты белгілерді көре бастайды. Енді ол өз отбасы мен өз болашағын құтқару үшін күресуі тиіс. Басты рөлдерде: Кристиан Уиллис, Дирк Хантер. Жас рейтингі: 18+
Трейлер мына жерде: https://www.youtube.com/watch?v=CXYqTtHtMOM

🎬«Астрал: Долг крови» қорқынышты фильмі. Эрвина баласы мен ауыр науқастанған анасын асырау үшін зауытқа жұмысқа орналасады. Алайда көп ұзамай ол жерде ежелгі құрбандық рәсімі жасалатынын біледі. Енді ол өзін және жақындарын құтқару үшін бұл тылсым құпияны ашуы керек. Басты рөлдерде: Тускя Намя, Мұхаммед Хан. Жас рейтингі: 18+
Трейлер мына жерде: https://www.youtube.com/watch?v=01tZ6eNNwYU

🎬«Соловей против Муромца» шытырман оқиғалары. Қарақшы Бұлбұл батыр Илья Муромецті алдап, оның жасаған ерліктерін өзіне меншіктейді. Ажалсыз эликсирінің арқасында ол бүгінгі күнге дейін өмір сүріп, енді ежелгі қараңғы құдай Велесті тірілтпекші. Басты рөлдерде: Владимир Любимцев, Никита Ефремов.
Трейлер мына жерде: https://www.youtube.com/watch?v=FQuwEjbP8cs

#жаңафильмдер #аптаныңпремьералары #аптаныңпостері #Қазақстанкинотеатрлары #ЛиломенСтич #Миссияневыполнима

💡📆📆📆📆📆 24 мамыр

🌝Бүгін — Дүниежүзілік бейнеойындар күні. 1972 жылы 24 мамырда теледидарға жалғап, үйде қолдануға болатын алғашқы Magnavox Odyssey ойын приставкасы таныстырылды. Бұл оқиға бейнеойындар дәуірінің бастамасы болды. Бүгінде бұл ойын түрінің миллиондаған жанкүйері бар. Бейнеойындар нарығының айналымы 1 миллиард долларды құрайды. Ал әлем чемпионаттарындағы жүлде қоры ондаған миллион доллардан асады. Қазіргі таңда көптеген елде киберспорт қауымдастығы бой көтеріп үлгерді. Оның ішінде Қазақстан да бар.

Егер сіз киберспортқа қызығушылық танытсаңыз,комментарийге жаза кетіңіз. Алдағы уақытта осы жайлы ақпаратты толығырақ тарқатып айтамыз.



👀24 мамыр — Дүниежүзілік шизофрениямен күрес күні. Ғалымдар оның пайда болуын генетикалық бейімділікпен, ми жарақатымен және стресспен байланыстырады. Өкінішке қарай, әлемде жыл сайын психикалық аурулар саны артып келеді. Бүгінде Қазақстанда 300 мыңнан астам азамат психиатриялық науқастардың есебінде тұр. Олардың көпшілігі шизофрениямен ауырады. Бұл күннің мақсаты — шизофрения мәселесіне назар аудару және олардың қоғамға бейімделуіне қолдау көрсету.

🗣1956 жылы 24 мамырда Швейцарияда әлемдегі ең танымал бірінші музыкалық "Евровидение" ән байқауы өтті. Швейцарияда бастау алған бұл музыкалық жарыс бүгінде әлемдегі ең танымал шоу бағдарламалардың біріне айналды. Қазір байқаудың теледидар арқылы көрермені 600 миллион адамға дейін жетеді. Байқауға тек Еуропа елдері ғана емес, басқа құрлықтардағы елдер де қатысады. Дәл осы сахна арқылы ABBA, Шыңғысхан, Селин Дион сынды жұлдыздар танымал болды.

Жарыстағы жеңіс саны бойынша рекорд орнатқан мемлекеттер — Ирландия мен Швеция. Олардың әрқайсына 7 жеңістен тиесілі.

Биылғы “Евровидение” жеңімпазы кім екенін білесіз бе?


👥24 мамыр — қос тұлғаның туған күні. Бүгін ауыр атлетикадан төрт дүркін әлем чемпионы Илья Ильин 37 жасқа толды. Ол екі салмақ дәрежесінде төрт мәрте әлемдік рекорд орнатқан. 2008 және 2012 жылдары Олимпиада ойындарында алтын жүлдеге ие болды. Бірақ допинг қолданғаны үшін марапаттарынан айырылды. Сонымен қатар бүгін әнші әрі композитор Димаш Құдайберген 31 жасын атап өтеді. Өнер иесі — “Жас қанат - 2012” және “Славян базары - 2015” музыкалық байқауларының жеңімпазы. Қытайдағы танымал “Singer” шоуының және америкалық The World's Best таланттар шоуының қатысушысы. Сондай-ақ көптеген музыкалық марапаттардың иегері. Димаштың әндерін әлем халқы сүйіп тыңдайды. Сондықтан оның жан-жақта көрермендері бар әрі Қазақстанның негізгі визит картасы екені жасырын емес.

Сізге Димаштың қай әні ұнайды?

#Күнтізбе #Мереке #Ерекшекүн #Бейнеойындаркүні #Психикалықаурулар #Еуровидениебайқауы #Туғанкүндер #Танымаладамдар #ИльяИльин #ДимашҚұдайберген

💡🎟🎟🎟🎟🎟🎟🎟🎟🎟📆

Құрметті оқырман! #Үйдежатпа ұжымы арнайы сіздер үшін осы демалыс күндері Алматы, Астана және Шымкент қалаларында тегін баруға болатын іс-шаралар топтамасын дайындады. Ал басқа қалалардан ақпарат болмағандықтан, сіз өз өңіріңізде болатын қызық көрмелер мен іс-шараларды пікірге жазып кете аласыз.

АЛМАТЫ:

🤩“Baqsylyq” көрмесі

Бұл көрмеде көрермен Қазақстанның заманауи өнер өкілдерінің туындылары арқылы Орталық Азия халықтарының қазіргі мәдени мұрасының шаманизм ұғымымен тарихи-әлеуметтік байланысын тамашалайды. Сонымен қатар қонақтарды тосын әрі әсерлі өнер туындылары күтеді. Олардың қатарында XVIII ғасырдан бастау алатын көне зергерлік әшекейлер сынды түрлі мәдени артефактілер де бар.

Өтетін орны: Egin Art Space, Нұрмақов көшесі, 79-үй.
Күні: 24 және 25 мамыр, 12:00 – 17:00

😚Евгений Фридлиннің «Көлеңкелер ойыны» атты жеке көрмесі

Бұл — жарық пен көлеңке, күн мен түн, жалпақтық пен мозаика арасындағы шекараны зерттеген импрессионистің тың жобасы, көркемдік тәжірибесі. Әрбір туынды — нәзік сезім мен терең ойдың жемісі. Еуропалық пейзаждар бір сәтте-ақ Алматы мен оның маңайындағы таныс мекендерге ұласып, павлодарлық ескі үйлер мен Жерорта теңізі тақырыбындағы қиялға толы көріністерге жалғасады. Көрменің әр қадамы — жаңа сезім мен эстетикалық ләззаттың көрінісі.

Өтетін орны: Ular Gallery, Панфилов көшесі, 92
Күні: 24 мамыр, 12:00-18:00

🥳“Нүкте мен Сызық” көрмесі

Бұл — ұстаз бен шәкірттің, Арыстанбек Шалбаев пен Айша Бақтығұлованың арасында өрбіген шығармашылық диалог. Мұндағы абстракт өнер пішін туралы емес, ішкі күй туралы сыр шертеді. Авторлардың туындылары — ақылмен емес, жүрекпен сезінуге шақыратын, әлемді эмоция арқылы бейнелейтін шығармалар. Нүкте мен сызықтың үйлесімі — түйсік пен қабылдаудың өзіндік тіліне айналған көркем әлем.

Өтетін орны: Efes Art Space, Желтоқсан даңғылы, 137
Күні: 24 және 25 мамыр, 10:00 – 19:00

👥Баха Бүбіханова атындағы заманауи өнер байқауының финалистер көрмесі

Заманауи өнерге арналған бұл байқауға биыл 24 қаладан 124 суретшінің және 6 шығармашылық топтан барлығы 130 өтінім түскен. Солардың ішінен қазылар алқасы 10 үздік финалисті таңдап алды. Көрмеге қойылған жұмыстардың идеялық өзегі — болмыс пен қоғам құрылымын зерттеу. Бұл тақырыптар — суретші Баха Бүбіханованың шығармашылығында кеңінен көрініс тапқан терең дүниелер. Байқау жеңімпазы 1 000 000 теңге көлеміндегі сыйақыны иеленіп, оның туындысы Қазақстандағы ең ауқымды өнер топтамаларының бірі — Әбілхан Қастеев атындағы Мемлекеттік өнер музейінің қорына қабылданады.

Өтетін орны: Aspan Gallery, Әл-Фараби даңғылы, 140
Күні: 24 және 25 мамыр, 11:00 – 19:00


АСТАНА:

🤩“Magic All Around – күнделікті өмірдегі сиқырлы ойлау” көрмесі

Бұл көрме – сиқырлы ойлаудың визуалды мысалдарын ұсынатын ерекше жоба. Астрологияға сенім, бал ашу, тұмарлар, ырымдар мен көз тию сынды ғылыми негізі жоқ, бірақ өмірімізде кең таралған құбылыстар осы тақырыптың өзегіне айналған. Туындылар әртүрлі техникада жасалған: кескіндеме, графика, жасанды интеллект көмегімен жасалған суреттер, фотосуреттер, тоқыма өнері, инсталляциялар мен мультимедиялық жобалар.

Көрмеге Астана, Алматы, Қарағанды, Қостанай, Павлодар қалаларынан, сондай-ақ Грузия, Ресей және Израиль елдерінен кәсіби және жас суретшілер қатысқан.

Өтетін орны: Chili Grill, Желтоқсан көшесі, 2Т
Күні: 24 және 25 мамыр, 13:00 — 03:00

Естеріңізге сала кетейік, арнамызда пікір жазып, белсенділік танытқан 5 оқырманға Қазақстанның кез келген қаласынан кино немесе театрға 2 билет (сеанс, күн мен уақытты таңдайсыз) сыйлаймыз немесе кітап сатып алу үшін 10 мың теңгелік сертификат табыстаймыз. Сондай-ақ айдың “ең үздік пікірі” номинациясы да бар. Пікірлер саны мен сапасы бойынша қорытынды әр айдың 1-інде шығарылады. Демалыс күндеріңіз сәтті өтсін!

#Алматыафишасы #Астанаафишасы #қайдабарукерек #тегін #көрмелер

💡🎞🎞🎞🎞🎞

Бүгінгі кино шолуымыз “Лило мен Стич” атты фильміне арналады

Жіберіп алмаңыз!

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау көрсетіңіз❤

https://youtube.com/shorts/_5v5dAlksDo

#лилоистич #лиломенстич #мультфильм #фильм #кинообзор #киношолу

💡📆📆📆📆📆 25 мамыр

🤩Бүгін — Халықаралық жоғалып кеткен балалар күні. Иә, қандай да бір отбасы мүшесінің із-түссіз жоғалуы — жақындары үшін қайғылы жағдай. Соның ішінде баланың ғайып болуы — ең үлкен қасірет. 1979 жылы 25 мамырда алты жасар америкалық мектеп оқушысы Эвиан Пэйтес үйіне қайтар жолда жоғалып кетті. Оны табу мүмкін болмады. 4 жыл өткеннен кейін Америка Құрама Штаттарының Президенті бұл күнді 1997 жылдан бастап халықаралық деңгейде атап өтуді ұсынады. Осылайша “25 мамыр - жоғалған балалардың ұлттық күні” деп жарияланды. Әлемде миллиондаған бала белгісіз себеппен жоғалып жатыр. Өкініштісі, жыл сайын олардың саны артып келеді. Іздеу статистикасы бойынша Қазақстанда жыл сайын 250-ге жуық бала жоғалады екен.

Өзіңізге және балаларыңызға абай болыңыз!


😻Мамыр айының соңғы жексенбісінде — Қазақстан химия өнеркәсібі қызметкерлерінің күні аталып өтеді. Химиялық білімді дұрыс әрі тиімді пайдалану — адамзатқа бүгінгі күннің ең өзекті мәселелерін шешуге көмектеседі. Атап айтқанда, азық-түлік қауіпсіздігі, энергия тапшылығы мен экологиялық тепе-теңдікті сақтау осы саланың жетістіктерімен тығыз байланысты. Бұл кәсіби мереке – технологтар мен инженерлерді, экологтар мен ғалымдарды, зерттеушілер мен фармацевтерді, радиохимиктерді, жалпы, бар өмірін химия мен химия өнеркәсібіне арнаған жандарды біріктіретін ерекше күн.

Егер айналаңызда химия саласында еңбек етіп жүрген таныстарыңыз болса – мерекемен құттықтауды ұмытпаңыз!


👀25 мамыр — Дүниежүзілік қалқанша безі күні. Бұл мүше гормоналды тепе-теңдікті сақтап, зат алмасуды реттейді. Сонымен қатар жүйке жасушаларының қалыптасуына қатысады. Бүгінде жер бетіндегі халықтың 10 пайыздан астамы қалқанша безі ауруларына шалдыққан, бірақ көпшілігі бұл туралы тіпті білмейді де. Бұл аурулардың басым бөлігі ағзадағы йод жетіспеушігімен тікелей байланысты. Сондықтан күнделікті өмірде белгілі бір мөлшерде йодты (150-200 мг) қабылдау арқылы аталған аурудан алдын алуға болады.

Дұрыс тамақтаныңыз, белсенді өмір салтын ұстаныңыз және деніңіз сау болсын!



👥25 мамырда өмірге келген атақты тұлғалар. Бүгін ирландиялық актер Киллиан Мерфи 49 жасқа толды. Мансап жолында ол 50-ден астам фильмде ойнады. Оның ішінде “Оппенгеймер”, “Острые козырьки”, “Темный рыцарь” және “Начало” фильмдерін ерекше атап өтуге болады. Өнер иесі көптеген кәсіби марапаттың иегері. Сонымен қатар бүгін қазақ әншісі Луина да 38 жасқа қадам басты. Луина Каринбаеваның мансабы 2010 жылы X Factor музыкалық таланттар байқауынан басталды. Содан бері ол көптеген кәсіби марапаттарға ие болып, ал бейнебаяндары миллиондаған қаралым жинап келеді. People Awards 2019 жүлдесіне сай, ол “ең көрікті әнші” атанды.

Луинаның қай әні ұнайды?

#Күнтізбе #Мереке #Ерекшекүн #жоғалғанбалалар #химияөнеркәсібі #қалқаншабезі #Туғанкүндер #Танымалтұлғалар #КиллианМерфи #Луина

💡🎞🎞🎞🎞🎞

Бүгінгі кино шолуымыз “Миссия невыполнима: Финальная расплата” атты фильміне арналады

Жіберіп алмаңыз!

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау көрсетіңіз❤

https://youtube.com/shorts/5NsEr4RqWtg

#МиссияневыполнимаФинальнаярасплата #боевик #приключения #кино #үйдежатпа #фильм #кинообзор #томкруз

💡💫💫💫💫💫💫💫

26 мамыр мен 1 маусым аралығына арналған қаржылай жұлдыз жорамал

♈️Тоқты, сіз – тез байып кетудің жолын бірінші болып іздейтін, алаңсыз әрекетке бейім жансыз. Бірақ бұл апта – асығатын емес, сабыр сақтайтын кезең. Жұлдыздар сізге: “Сәл кідір, бәрін есепте!” – дейді. Жаңа инвестжобаларға кірісудің орнына, бар қаржыңызды сақтап қалу амалын қарастырыңыз. Бәлкім, дәл осы үнем – болашақтағы берекенің кілті болар.

♉️Торпақ, сіздің сән-салтанатқа деген сүйіспеншілігіңізді күллі ғалам біледі. Алайда бұл апта – тәбетті тия тұратын кезең. Тағы бір брендтік бұйымға ақша шашпас бұрын, ойланыңыз: “Мына қаржыны жинап қойсам, жүрегім тыныш, ұйқым тынық болмас па еді?” – деп.

♊️Егіздер, сіздің табыс табу тәсілдеріңіз де сан қырлы. Бірақ бұл аптада жұлдыздар: “Бәріне бірдей үлгерем деп шашырама!” – деп ескертеді. Бір-екі нақты бағытқа назар салып, шындап кіріскен жөн. Әйтпесе, “екі қоянды қуып, екеуінен де айырылып” қалуыңыз мүмкін.

♋️Шаян, сіз – отбасының жанашырысыз, қолы ашық жандардың бірісіз. Бірақ осы аптада сақ болыңыз: сіздің кеңпейілдігіңізді біреулер пайдаланып кетпесін. «Міндетті түрде қайтарам» деп келген алыс туысқа ақшаны бере салмас бұрын, ойланыңыз. Мүмкін ол туыс емес, жай ғана шебер актер шығар?

♌️Арыстан, сіз қай жерде жүрсеңіз де көзге түсіп, жарқырап тұрғанды жақсы көресіз. Бірақ бұл аптада қаржыңызды сырт көз үшін шашуға асықпаңыз. Нағыз арыстан – ақшасын орнымен жұмсап, ертеңін бүгіннен ойлайтын, инвестициямен дос жан екенін ұмытпаңыз.

♍️Бикеш, сіздің есеп-қисапқа жүйріктігіңіз – ерекше қабілет. Алайда осы аптада шамадан тыс есепке батып кетпеңіз. Кейде ұсақ-түйек шығындарда логика емес, ішкі түйсікке сенім арту да маңызды. Өзіңізге бір қуаныш сыйлап, жан рахатын да естен шығармаңыз.

♎️Таразы, сіздің әділдік пен тепе-теңдікті жақсы көретініңіз рас. Бірақ дәл осы апта – өз мүддеңізді қорғауға тиіс кез. Жалақыңызға, жұмыс шарттарына қатысты мәселені ашық айтудан қорықпаңыз. Қаржылық тепе-теңдік – әділ келіссөзден басталады.

♏️Сарышаян, сіз – ақша ағынын ішінен көре алатын рентген-көзді жандардың бірісіз. Сізге көрінбейтін дүние – өзгеге тіптен ұғынықсыз. Осы аптада жұлдыздар тереңге бойлап, үміт артқан жобаларыңызды қайта қазбалай қарауға кеңес береді. Бәлкім, ол жерде тек ақша емес, қаржылай қазына жасырынған болар?

♐️Мерген, сізге еркіндік пен күтпеген оқиғалар ұнайтыны секілді, қаржы саласында да тосын бұрылыстардан тайсалмайсыз. Бұл аптада күтпеген шығындар болуы мүмкін, бірақ бойыңыздағы үміт пен сенімді жоғалтпаңыз. Әр қаржылық сәтсіздік – ертеңгі табыстың сабағы, тәжірибеңізді кейін ақшамен өлшейтін күн де келеді.

♑️Тауешкі, сіз алдағы күнге жоспар құрып, болашағыңызды нақты бағдарлап үйренгенсіз. Бұл аптада ұзақмерзімді қаржылай мақсаттарыңызды қайта қарап шығыңыз. Уақыт өзгереді, армандар да соған сай түрленеді. Жаңа түзетулер сіздің арман-мақсаттарыңызды қолжетімді ете түседі.

♒️Суқұйғыш, сіздің тың идеяларыңыз ешкімге ұқсамайды, ал табыс табу тәсілі – шын мәнінде бірегей. Осы апта – тосын ойларыңызды жүзеге асырып көруге таптырмас сәт. Ешкім сенбейтін бастамалардан-ақ табыс тауып кетуіңіз ғажап емес. Мүмкін дәл сіздің “біртүрлі” ойыңыз – болашақтың миллиардтық жобасы шығар?

♓️Балықтар, сіздің ең мықты қаруыңыз – жүрек түбіндегі түйсік. Бұл аптада ішкі дауысыңызды тыңдаңыз – ол сізді жаңылыстырмайды. Егер бір ұсыныс тым жақсы көрінсе, онда оған күмәнмен қарауға тұрарлық. Есіңізде болсын: шын пайда – сенімді жолда.

Қаржылай аптаңыз сәтті өтсін! Табысыңыз еселене берсін!

Есіңізде болсын, жұлдыз жорамал ойын-сауық және кеңес беру мақсатында жасалады. Қаржылай шешімдерді ақылға салып, нақты жағдайларға байланысты қабылдағаныңыз жөн.

#Жұлдызжорамал #Апталықжорамал #Қаржы #Болжамдар

💡📆📆📆📆📆 26 мамыр

👤1856 жылы 26 мамырда Шоқан Уәлиханов “Көкетай ханның асы” аңызының бір бөлігін қағазға түсірді. Бұл күн “Манас” эпосының алғашқы жазбасы ретінде тарихқа енді. Ғалым эпосқа “Манас” – көне даладағы “Илиада” секілді, қырғыздың мифтері мен аңыздарының энциклопедиясы. Қазіргі уақытта “Манас” эпосы ЮНЕСКО-ның адамзаттың материалдық емес мәдени мұрасы жауһарларының тізіміне, сондай-ақ әлемдегі ең көлемді эпопея ретінде Гиннестің рекордтар кітабына енгізілген. “Манас” эпосын дамытуға жазушы Мұхтар Әуезов пен академик Әлкей Марғұлан да үлес қосты.

🗣26 мамыр — Дүниежүзілік қызғылт шашты адамдар күні. Жер бетінде адамдардың небәрі 1–2%-ында ақшыл, секпіл басқан тері, мыс түстес, қызғылт-сары немесе ашық қоңыр шаш болады. Бұл фенотип өкілдері, әдетте, күн сәулесі аз түсетін аймақтарда жиі кездеседі. Қазақтар арасында да қызыл шашты жандар кездеседі. Тарихтағы ең танымал қызыл шашты тұлғалар қатарында Шыңғыс хан, Христофор Колумб, Леонардо да Винчи мен Джордж Вашингтонның есімі аталады.

Сіздің ойыңызша ерте заманда қазақтардың көк көзді, аққұба болғаны рас па?


👀Бүгін фантастика жанрын сүйетіндер үшін ерекше күн – Дүниежүзілік Дракула күні.
1897 жылдың 26 мамырында Брэм Стокердің әлемдегі ең қанқұйлы құбыжықтардың бірі туралы қорқынышты романы жарық көрді. Дракуланың образын жазуға шабыт берген тұлға – қазіргі Румыния аумағындағы Валахия билеушісі Влад III Басараб. Оны “Цепеш” деп атаған – румын тілінен аударғанда “қазық” деген мағынаны білдіреді. Тарихи деректерге сүйенсек, ол билігі кезінде шамамен 100 мың адамды қазыққа отырғызып өлтірген.
Дракуланың бейнесі сан мәрте фильмдер мен көркем туындыларда көрініс тапқан.

Ал сізге вампирлер туралы қандай фильм ұнайды?

👥26 мамыр — қос тұлғаның туған күні. 97 жыл бұрын “Өлім дәрігері” деген атпен танымал америкалық дәрігер Джек Кеворкиан (1928-2011) дүниеге келді. Ол науқастарға улы дәрі-дәрмек беріп, олардың өлуіне себепші болатын “өзін-өзі өлтіру машинасын” құрастырды. Оны өзіне қол жұмсағысы келетін 130-дан астам науқас қолданды. Алайда оның идеясын дәрігерлер мен билік өкілдері айыптап, медициналық лицензиясынан айырады. Осылайша ол “адам өлтірді” деген айып арқалады. Содан соң бас бостандығынан айырылып, абақтыға қамалды. Сонымен қатар бүгін кино және театр саханасында талай рөлді сомдаған Қазақстанның еңбек сіңірген әртісі Айдос Бектемір 75 жас мерейтойын атап өтеді. Оны “Ағайынды” сериалындағы Ерсайна ретінде танитын шығарсыз. Актердың қатысуымен өткен соңғы туынды – “Құнанбай”. Өнер иесі кәсіби және мемлекеттік сыйлықтардың иегері.

#Күнтізбе #Мереке #Ерекшекүн #Манасжыры #ШоқанУәлиханов #қызылшаштыадамдар #графДракула #Туғанкүндер #Танымалтұлғалар #ДәрігерӨлім #АйдосБектемір