Ulug‘bek Inoyatov
✔
2.56K subscribers
1.47K photos
403 videos
1 file
1.22K links
O‘zbekiston Xalq demokratik partiyasi Markaziy Kengashi raisi

Oliy Majlis Qonunchilik palatasidagi O‘zbekiston XDP fraksiyasi rahbari
______

👉 Oʻzbekiston Xalq demokratik partiyasining rasmiy sahifasi:

https://t.me/UzbekistonXDP
Download Telegram
📍 Qoraqalpog‘istondagi o‘rganishlarimiz davom etmoqda.

Bugun Beruniy tumanidagi “Rayxon Apparel” tekstil fabrikasida bo‘lib, ishlab chiqarish jarayoni, yaratilgan mehnat sharoitlari va xotin-qizlar bandligini ta’minlash borasidagi ishlar bilan tanishdik.

Korxonada 450 nafar xotin-qiz mehnat qilmoqda. Zamonaviy texnologiyalar asosida ishlab chiqarilayotgan mahsulotlarning eksport qilinayotgani yangi ish o‘rinlari yaratish va oilalar farovonligini ta’minlashda ishlab chiqarishning muhim o‘rnini yana bir bor ko‘rsatadi.


Xotin-qizlar bilan ochiq muloqotda mehnat huquqlarini himoya qilish, ijtimoiy qo‘llab-quvvatlash va mavjud imkoniyatlardan samarali foydalanish masalalarini muhokama qildik. Partiyamiz uchun har bir fuqaroning barqaror daromad manbaiga ega bo‘lishi, ayniqsa xotin-qizlar bandligini ta’minlash ustuvor vazifalardan biri bo‘lib qoladi.

Shuningdek, Qoraqalpog‘iston Respublikasi Jo‘qorg‘i Kengesidagi fraksiyamiz, mahalliy Kengashlardagi deputatlik birlashmalari hamda partiyamizning hududiy tashkilotlari mutasaddilari bilan uchrashib, Saylovoldi dasturimiz ijrosi, fuqarolar murojaatlari bilan ishlash va deputatlik faoliyati samaradorligini oshirish masalalari yuzasidan fikr almashdik. Oldinda turgan muhim vazifalarni o‘zaro erkin muloqot asosida muhokama qildik.


Telegram | Facebook | Instagram
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍20👏7🔥2
📍 Bo‘zatov tumanidagi uchrashuvlarimiz davomida hududdagi ijtimoiy obyektlar faoliyati bilan tanishib, saylovchilar va mehnat jamoalari bilan ochiq muloqotlar o‘tkazdik.

Dastlab Bo‘zatov sanatoriyasida aholiga ko‘rsatilayotgan tibbiy xizmatlar sifati hamda yaratilgan sharoitlarni ko‘zdan kechirdik. Shundan so‘ng “BULTEX PRO” tekstil korxonasida bo‘lib, ishlab chiqarish jarayoni va ishchi-xodimlar uchun yaratilgan mehnat sharoitlari bilan tanishdik.

Korxonada, ayniqsa, xotin-qizlar bandligini ta’minlash, xavfsiz mehnat muhiti yaratish va doimiy ish o‘rinlarini ko‘paytirish borasidagi ishlar e’tibor markazida bo‘ldi. Partiyamiz uchun har bir fuqaroning barqaror daromad manbaiga ega bo‘lishi, ayniqsa xotin-qizlar bandligini ta’minlash ustuvor vazifalardan biri bo‘lib qoladi.


Shuningdek, “Qusxanatov” ovul fuqarolar yig‘inida mahalla faollari bilan uchrashib, fuqarolar murojaatlari bilan ishlash, aholi farovonligini oshirish hamda hududdagi ijtimoiy muammolarni hal etish masalalari yuzasidan fikr almashdik. Mahalla tizimi odamlarni o‘ylantirayotgan masalalarga o‘z vaqtida yechim topishda eng muhim bo‘g‘inlardan biri bo‘lishi kerak.

Telegram | Facebook | Instagram
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍21👏4🔥3🎉2
Bugun bo‘lib o‘tgan fraksiya yig‘ilishida yo‘l harakati xavfsizligini kuchaytirish, intellektual mulk sohasini takomillashtirish hamda O‘zbekistonning BMTning mediatsiya bo‘yicha xalqaro konvensiyasiga qo‘shilishi bilan bog‘liq qonun loyihalarini muhokama qildik.

Yo‘l harakati xavfsizligiga oid qonun loyihasi yuzasidan deputatlarimiz bir qator muhim masalalarni ko‘tardi. Qonun normalarini amaliyotga joriy etishda xalqaro tajribani hisobga olish, xavfsiz yo‘l infratuzilmasini rivojlantirish, yo‘l belgilari va texnik vositalarning samarali ishlashini ta’minlash bo‘yicha o‘z taklif va mulohazalarini bildirdi. Muhimi, ma’muriy huquqbuzarlik sodir etgan shaxsning oilasi normal turmush kechirishi uchun zarur bo‘lgan yagona transport vositasini vaqtincha olib qo‘ymaslik haqidagi norma partiyamizning ijtimoiy adolat tamoyillariga mos ekani alohida ta’kidlandi. Muhokamalar yakunida qonun loyihasi birinchi o‘qishda ma’qullandi.


Shuningdek, fraksiyamiz a’zolarining 29–31-iyul kunlari hududlarda saylovchilar bilan o‘tkazgan uchrashuvlari, ijtimoiy obyektlarni o‘rganish natijalari ham muhokama qilindi. Fuqarolar tomonidan ko‘tarilgan dolzarb masalalar va ularning yechimiga qaratilgan amaliy takliflar yuzasidan fikr almashib, deputatlar oldidagi navbatdagi vazifalarni belgilab oldik.

Telegram | Facebook | Instagram
👍20👏4🔥1
This media is not supported in your browser
VIEW IN TELEGRAM
#Bu_muhim

Uy-joy sotib olmoqchimisiz? Endi mablag‘ingiz himoyasi kafolatlanadi.

Facebook | Youtube | Instagram | X
👍23🔥4👏3
#Rasmiy_bayonot

❗️ Insonning sha’ni, qadr-qimmati va shaxsiy hayoti daxlsizdir

So‘nggi kunlarda hududlarda ayrim mahalliy hokimliklar, mas’ul tashkilotlar va mahalla fuqarolar yig‘inlari mutasaddilari tomonidan fuqarolarning uy-joylarini obodonlashtirish yuzasidan xonadonlarga kirib, turli talablar qo‘yilayotgani keng muhokamalarga sabab bo‘lmoqda.

☝️ Ayniqsa, fuqarolarning sha’ni va qadr-qimmati, shaxsiy hayoti hamda uy-joy daxlsizligi kabi konstitutsiyaviy huquqlariga raxna solinayotgani, qandaydir talablar bajarilmagan taqdirda xonadonlarga “Uyatli xonadon”, mahallalarga esa “Sharmandali mahalla” kabi tamg‘alar o‘rnatilishi haqidagi xabarlar yurtdoshlarimizda e’tirozlarni keltirib chiqarmoqda.


🟣 Xalq demokratik partiyasi bunday xatti-harakatlar Konstitutsiyada belgilangan huquqlar va kafolatlarga mos kelmaydi, deb hisoblaydi va quyidagilarni ma’lum qiladi.

🟣 Birinchidan, yurt obodligi – Vatanni asrash, toza tutish va obodonlashtirish demakdir. Albatta, xonadonlarni, ko‘cha va mahallalarni obod qilish ezgu tashabbus, bu har bir fuqaroning ijtimoiy mas’uliyatidir. Biroq, bu ezgu tashabbusni amalga oshirish shaxsiy namuna, ijtimoiy hamkorlik, qonun va inson qadriga hurmat hamda amaliy yordam ko‘rsatish, qo‘llab-quvvatlash asosida tashkil etilishi maqsadga muvofiq.

🟣 Ikkinchidan, mahallalar, qolaversa, xonadonlar obodligi yo‘llar, ichimlik suvi, elektr va gaz ta’minoti, muhandislik kommunikatsiyalari, chiqindilarni o‘z vaqtida olib chiqib ketish kabi vazifalar samarali bajarilishi bilan bog‘liqdir. Bu borada mahalliy hokimliklar va boshqa mutasaddi tashkilotlar qonuniy majburiyatini o‘z vaqtida va sifatli bajarishi zarur.

O‘z hududida davlat tashkilotlari tomonidan amaliy g‘amxo‘rlik va real o‘zgarishlarni ko‘rgan yurtdoshlarimizda xonadonlar va atrof-muhitni obod qilishga intilish o‘z-o‘zidan kuchayishiga ishonchimiz komil.

🟣 Uchinchidan, insonning sha’ni va qadr-qimmatini kamsitish, qonunlarda nazarda tutilmagan ma’muriy choralar qo‘llashga urinish demokratik huquqiy davlat boshqaruvi tamoyillariga ziddir.

🟣 To‘rtinchidan, fuqarolar huquqlari, erkinliklari va qonuniy manfaatlarining ustuvorligini ta’minlash hamda fuqarolar bilan muloqotda har bir mutasaddi odob-axloq qoidalariga rioya qilishi lozim.


📌 Xalq demokratik partiyasi mutasaddilarni aholi bilan muloqotda shaxsning qadr-qimmati, sha’ni va obro‘sini kamsitish kabi noqonuniy usullardan butunlay voz kechib, qonun ustuvorligi, inson qadri, ijtimoiy tenglik va ijtimoiy sheriklik tamoyillariga amal qilishga chaqiradi.

Facebook | Youtube | Instagram | X
Please open Telegram to view this post
VIEW IN TELEGRAM
👏17👍12🔥5
#Munozara_klubi

Partiyamizning press-klubi keng jamoatchilik vakillari, vazirlik-idoralar mas’ullari va mutaxassislar bilan dolzarb ijtimoiy masalalarni har tomonlama muhokama qilishda muhim siyosiy platformaga aylanib bormoqda.

Bu galgi sessiyada fuqarolarning, ayniqsa, partiyamiz elektorati vakillarining kundalik turmushiga bevosita ta’sir qiladigan masala – ko‘p kvartirali uylarni boshqarish bilan bog‘liq muammolar haqida munozara yuritilgan.

“O‘zbekiston 24” telekanalida efir vaqti 19:15 larda, barchani ko‘rishga taklif qilamiz.

“O‘zbekiston 24” telekanaliga samarali hamkorlik uchun minnatdorlik bildiramiz.

Facebook | Youtube | Instagram | X
👍16👏6🎉3🔥2
#Munosabat

O‘zbekiston Prezidentining tadbirkorlar va iqtisodiyotning real sektori vakillari bilan muntazam ravishda o‘tkazib kelayotgan ochiq muloqotlari mamlakatimizda biznes muhitini maqbullashtirish va ishchanlik faolligini oshirishda qudratli katalizator vazifasini o‘tamoqda. Davlat va biznes o‘rtasidagi bunday konstruktiv muloqot tadbirkorlik subyektlarining huquqiy hamda iqtisodiy kafolatlarini mustahkamlab, investitsion muhit jozibadorligini oshirmoqda.
 
☝️ Ijtimoiy-iqtisodiy nuqtai nazardan, tadbirkorlik, ishlab chiqarish va xizmat ko‘rsatish sohalarining jadal rivojlanishi makroiqtisodiy ko‘rsatkichlar yoki yalpi hududiy mahsulot o‘sishini ta’minlabgina qolmay, fundamental ijtimoiy vazifalarni samarali hal etadi. Eng asosiy va ezgu maqsad aholi bandligini ta’minlash, kambag‘allik omillarini qisqartirish hamda barqaror daromad manbalarini shakllantirish hisoblanadi. Mehnat bozori va xususiy sektor integratsiyasi oilalarning moliyaviy mustaqilligini ta’minlab, ijtimoiy barqarorlikning eng mustahkam kafolatiga aylanadi.

 
📍 Xorazmda bo‘lib o‘tgan bu galgi ochiq muloqotda ham juda muhim masalalar muhokama etildi, ishlab chiqarish va xizmat ko‘rsatishni rivojlantirish bo‘yicha yangi tashabbuslar ilgari surilib, dolzarb vazifalar belgilandi.
 
🟣 Partiyamizning siyosiy g‘oyalariga muvofiq, biznesda ijtimoiy mas’uliyat bo‘lishi prinsipial ahamiyatga ega. Shu ma’noda muloqotda har bir loyihaning samarasi faqat texnologiyaga emas, uni ishlata oladigan malakali kadrlarga bog‘liqligiga e’tibor qaratildi. Har yili 50 milliard dollarlik yuqori texnologik investitsiya loyihalari amalga oshirilayotgani qayd etilib, ularda kadr tayyorlash komponenti bo‘lishi shartligi ta’kidlandi. Texnikum tashkil qiladigan yoki davlat texnikumini olib, xalqaro standart asosida kadr tayyorlaydigan tadbirkorlarning xarajatlari solig‘idan chegirib berilishi, shu tizim orqali 1 million yoshlarni zamonaviy kasblarga o‘rgatib, yuqori daromadli ishlarga joylashtirish maqsad qilingani bildirildi.

 
Ishonamizki, bu galgi muloqotda ilgari surilgan tashabbuslar ro‘yobga chiqishi nafaqat iqtisodiyotimizni yuksaltirishga, asosiysi, xalqimizning turmush farovonligini yanada oshirishga qo‘shimcha sharoit va imkoniyat yaratadi.
 
Telegram | Facebook | Instagram
Please open Telegram to view this post
VIEW IN TELEGRAM
👍16👏4🔥3🎉2
Fraksiyamizning bugungi yig‘ilishida “O‘zbekiston – 2030” strategiyasini “Mahallani rivojlantirish va jamiyatni yuksaltirish yili”da amalga oshirishga oid davlat dasturining 2026-yil I yarim yilligidagi ijrosi muhokama qilindi.
 
Hisobotda bandlik va kambag‘allikni qisqartirish bo‘yicha qator raqamlar keltirildi. Jumladan, 506 ming aholi doimiy ishga joylashtirilgani, 2 million 616 ming aholining daromadlari oshirilgani hamda 546 ming norasmiy bandlik legallashtirilgani qayd etildi.

 
☝️ Fraksiya a’zolari masalaga, avvalo, O‘zXDP elektorati manfaatlari nuqtai nazaridan yondashdi.
 
Ish o‘rinlari soni emas, ularning barqarorligi va kafolatlangan daromad keltirishi muhim. Shu bois deputatlar hisobotdagi raqamlarning amaliy natijasi, band qilingan fuqarolarning qancha qismi doimiy va rasmiy ish bilan ta’minlangani, ularning qayta ishsiz qolmasligi qanday nazorat qilinayotgani haqida savollar berdi.
 
❗️ Ayniqsa, nogironligi bo‘lgan shaxslar bandligi, mahallalarda bandlikni ta’minlash bo‘yicha ko‘rsatkichlarning asosliligi va statistik ma’lumotlarning o‘zaro mutanosibligi masalalariga e’tibor qaratildi.
 
📌 Bizningcha, har bir raqam ortida inson taqdiri va uning real daromadi turadi. Shuning uchun hisobotlarda keltiriladigan ko‘rsatkichlar aniq, asosli va hayotdagi natijalar bilan tasdiqlangan bo‘lishi kerak.

 
🟣 Yig‘ilish yakunida Hukumat hisoboti fraksiya a’zolari tomonidan O‘zXDP elektorati manfaatlari va partiyaning dasturiy g‘oyalaridan kelib chiqib qo‘llab-quvvatlandi.

Telegram | Facebook | Instagram
Please open Telegram to view this post
VIEW IN TELEGRAM
👍20🔥2👏2
#Munosabat

Hamjihat xalqimizning muhtasham bayrami
 
Mustaqillik xalqimizning jipsligi va hamjihatligini yanada oshiradigan eng ulug‘, eng aziz bayramga aylanganiga kechagi tantanalarda yana bir bor guvoh bo‘ldik. Bayram dasturidagi ulug‘vor va jo‘shqin chiqishlar g‘urur va iftixorni oshirdi. “Yangi Toshkent” hududida qad rostlagan muhtasham maydonda yangragan tarixiy fikr va yangi tashabbuslar xalqimiz kuch-qudrati, bunyodkorlik salohiyatining hayotiy namoyoni bo‘ldi.
 
Prezidentning Mustaqilligimiz 35 yillik ayyomidagi nutqi bayram tabrigigina emas, yaqin yillar uchun hayotiy dastur bo‘ldi. Nutqda odamlarning roziligi, kuchli ijtimoiy himoya va inson qadri eng oliy o‘ringa qo‘yildi. Bu O‘zbekiston Xalq demokratik partiyasining bosh maqsadi bo‘lgan ijtimoiy himoya va barqarorlik, tenglik tamoyillari bugun mamlakatimizda davlat siyosatining bosh mezonlaridan biriga aylanganini yana bir bor qat’iy isbotladi.
 
Eng muhimi, kelgusi o‘n yillikda xalqimiz hayotini tubdan yaxshilaydigan 7 ta milliy dastur haqida e’lon qilindi. Ushbu dasturlar partiyamiz elektorati va g‘oyalariga ayni muvofiq keladi.
 
Birinchidan, xalqimizning sog‘lom bo‘lishi va tibbiy sug‘urtani har bir xonadonga kiritish dasturi partiyamiz yillar davomida kurashib kelayotgan «har bir inson uchun sifatli va bepul tibbiyot» tamoyilini hayotimizga izchil olib kiradi.
 
Ikkinchidan, mahallani jamiyat taraqqiyotining asosiy buyurtmachisiga aylantirish tashabbusi mahalliy budjet va loyihalarni yuqoridan emas, aynan oddiy odamlar, ehtiyojmand oilalarning ehtiyojlaridan kelib chiqib taqsimlash imkonini beradi. Bu biz himoya qilayotgan ijtimoiy tenglik, shuningdek, davlatning xalqimiz oldidagi mas’uliyatini yanada oshirish g‘oyalari ro‘yobining asl ifodasi bo‘ladi.
 
Davlat rahbari 2030 yilgacha yalpi ichki mahsulot hajmini 300 milliard dollarga yetkazish, aholi jon boshiga to‘g‘ri keladigan daromadni 10 ming dollardan oshirish, sanoatda 2 millionta yuqori daromadli ish o‘rni yaratish vazifasini qo‘ydi.
 
Bu raqamlar ortida yuz minglab oilalarning farovonligi, yoshlarimizning munosib ish bilan ta’minlanishi turibdi. Iqtisodiy o‘sish bilan birga ijtimoiy uy-joylar qurilishi va ijtimoiy xizmatlar sifatining oshirilishi Xalq demokratik partiyasi a’zolari va xayrixohlari faol qo‘llab-quvvatlaydigan katta qadamdir.
 
«Yagona Vatan, yagona xalq bo‘lib, yangi hayot va kelajak yaratamiz!», degan ezgu g‘oya atrofida yurtdoshlarimiz, xalqimiz jips ekan, ham iqtisodiy, ham ijtimoiy, kerak bo‘lsa, ham siyosiy jihatdan ertaga, albatta, yanada qudratliroq bo‘lamiz. Parlamentdagi va mahalliy Kengashlardagi deputatlarimiz, faollar va fidoyilarimiz bilan birga xalqimiz manfaatlarini himoya qilish yo‘lida sidqidildan xizmat qilishga tayyormiz.

Telegram | Facebook | Instagram
👍17👏4🎉3🔥1
#Mustaqillik_35
#Tabrik

🎉 O‘zbekiston Respublikasi davlat mustaqilligining 35 yilligi muborak bo‘lsin!

Telegram | Facebook | Instagram
Please open Telegram to view this post
VIEW IN TELEGRAM
👏14👍9🎉3🔥1
This media is not supported in your browser
VIEW IN TELEGRAM
#Mustaqillik_35
#Munosabat

🗣️ Ta’lim sohasida Milliy dastur qabul qilinib, unga asosan uzoq qishloq hududlarida ham 6 yoshli bolalarni maktabga tayyorlov guruhlariga to‘liq qamrab olinishi taklif qilindi


Telegram | Facebook | Instagram
Please open Telegram to view this post
VIEW IN TELEGRAM
👍20🔥5👏4🎉2
#Tabrik

🎉 Yangi o‘quv yili bilan qutlaymiz!

Bugun yurtimizda Yangi o‘quv yili ko‘tarinki kayfiyat bilan boshlandi. Respublika bo‘yicha 11 ming 178 umumta’lim maktabida Bilimlar kuniga bag‘ishlangan tantanali tadbirlar o‘tkazildi. Ularda jami 5,8 million nafar o‘quvchi, jumladan, birinchi sinfga qadam qo‘ygan bolalarning ota-onalari birgalikda ishtirok etdi.

Yanada quvonarlisi, joriy yilda birinchi sinfga 800 ming nafardan ortiq o‘quvchi qadam qo‘ydi.


❗️ Qadrli ustoz va murabbiylar, aziz o‘quvchi va talabalar!

🟣 Sizlarni, sizlar orqali butun xalqimizni jonajon Vatanimiz mustaqilligining qutlug‘ ayyomi hamda qalblarimizga cheksiz quvonch va yangi orzu-umidlar bag‘ishlab kirib kelgan qutlug‘ va mas’uliyatli davr — Bilimlar kuni va yangi o‘quv yili boshlanishi bilan O‘zbekiston Xalq demokratik partiyasi nomidan chin qalbdan muborakbod etaman.

Yangi o‘quv yilini Yangi O‘zbekistonni barpo etish yo‘lidagi ulug‘vor qadamlar va xalqimizning ijtimoiy farovonligini yuksaltirishga qaratilgan strategik o‘zgarishlar muhitida kutib olayapmiz.

🟣 Xalq demokratik partiyasi inson kapitalini rivojlantirishni, har bir fuqaro uchun sifatli va bepul ta’lim olish imkoniyatini yaratishni ijtimoiy davlatning eng ustuvor vazifasi, deb biladi. Ta’limga kiritilgan investitsiya jamiyatning kelajagiga, uning barqaror taraqqiyotiga qo‘yilgan eng mustahkam poydevordir.


Bugun faqatgina chuqur bilim, zamonaviy kasb-hunar va yuksak intellektual salohiyatga ega bo‘lgan yoshlargina hayotda o‘z munosib o‘rnini topa oladi. Aziz o‘g‘il-qizlarimiz yangi o‘quv yilida utsozlarini, ota-onalarini quvontiradigan yutuq va natijalarga erishishiga tilakdoshmiz!

❗️ Yangi o‘quv yili qutlug‘ va sermahsul bo‘lsin!

Telegram | Facebook | Instagram
Please open Telegram to view this post
VIEW IN TELEGRAM
👍17👏2🎉2