Алматы облысында мешіт ұстазы жасөспірімдерді ұрған

Алматы облысында мешіт ұстазы жасөспірімдерге күш қолданған. Әлеуметтік желіде тараған видеодан кейін ол қызметінен босатылды

Толығырақ осы сілтемеде.

Тоқаев Қазақстан соттарында ауқымды кадрлық өзгерістер жасады

Қасым-Жомарт Тоқаев сот жүйесіндегі бірқатар тағайындау және қызметтен босатулар туралы жарлыққа қол қойды. Кадрлық өзгерістер Қазақстан бойынша ондаған судья мен сот басшысын қамтыды. Бірнеше судья Сот жюриінің шешімімен, тағы екі адам оларға қатысты айыптау үкімдері заңды күшіне енгеннен кейін қызметінен айырылды

Толығырақ осы сілтемеде.

Қазақстанға 12-сынып қажет пе: сарапшы даулы реформа туралы пікір білдірді

Сарапшы Ғазиз Әбішев Қазақстандағы 12 жылдық мектеп біліміне қатысты пікірталасқа қатысты ойын айтты. Оның пікірінше, Қазақстан бұл мәселеге бәрібір оралуға мәжбүр болады. Ал 12 жылдық жүйемен жұмыс істеуге дайын мектептерді бірыңғай стандартқа күштеп сәйкестендірудің қажеті жоқ.

Толығырақ осы сілтемеде.

Доллар екі күндік өсімнен кейін арзандады

6 қазанда Қазақстан қор биржасында (KASE) доллар 2,62 теңге арзандады. Орташа бағам 452,74 теңгеге дейін төмендеді. Еуро, рубль және юань да арзандады

Толығырақ осы сілтемеде.

Әлеуметтік жәрдемақы кімдерге көбірек беріледі? Қаржы министрлігі жаңа тәртіпті түсіндірді

Салық кодексіне енгізілетін түзетулерді талқылауға арналған дөңгелек үстел барысында қаржы вице-министрі Ержан Біржанов әлеуметтік жәрдемақыларды есептеудің жаңа тәртібіне қатысты пікір білдірді

Толығырақ осы сілтемеде.

Астанада тұрғын үй ауласында бес көлік өртенді: бір адамды 50% күйік шалған

Астанадағы Safar Jayik тұрғын үй кешенінің ауласында таңғы сағат 06:00 шамасында бес автокөлік өртеніп кетті. Оқиға салдарынан бір адам жарақат алып, ауруханаға жеткізілген деп хабарлайды Ulysmedia.kz.

Көлік иелерінің айтуынша, өрт алдымен Volkswagen Passat автокөлігінен басталған. Алдын ала мәлімет бойынша, көлік қашықтан автозапуск арқылы іске қосылып, қараусыз қалған. Кейін көлік алға жылжып, алдында тұрған Hyundai Elantra автокөлігіне соғылған. Осыдан соң Passat-тан түтін шығып, өрт басталған.

Сол маңда тұрған көліктерге жалын қатты желдің әсерінен тез тараған.

Өрт кезінде Hyundai Elantra көлігінің иесі өзіне тиесілі екінші көлігін де қауіпсіз жерге алып шығуға тырысқан. Алайда ол жол-көлік оқиғасына ұшырап, денесін күйдіріп алған. Бұл туралы көлік иесінің інісі Ілияс Дулатов айтып берді.

«Таңғы 5:50 шамасында сигнализация ойнайды. Одан кейін біз далаға шыққан кезде өрт жанып жатыр, машиналар жанып жатыр. Сол кезде біздің бірінші тұрған Hyundai Elantra көлігіміздің артқы жағы жанып кеткен. Оны құтқара алмағанымыздан, екінші көлігіміз осы қатардың бойында тұрғандықтан, оны құтқарам деп ағам машинаны оталдырып, шыққан кезде Lexus автокөлігіне соғылып, өрт арасынан атып шығып, өзінің денесін күйдіріп алды. Қолы, аяғы, бет-әлпеті, шашы 50 пайыз жарақат алды. Қазір ауыр жағдайда дейді», — деді Ілияс Дулатов.

Оның айтуынша, өрт сөндірушілер оқиға орнына шамамен жеті минут ішінде келген. Алайда қатты желдің салдарынан жалын қысқа уақытта бірнеше көлікке тараған.

Ілияс Дулатовтың сөзінше, оқиғадан кейін құқық қорғау органдары оқиға орнына келгенімен, көлік иелеріне жағдайдың қалай өрбігені және әрі қарай қандай әрекет жасау керектігі туралы нақты ақпарат берілмеген.

«Олар бәрі келді. Бірақ нақты ақпарат ешкім берген жоқ. Мен: “Нөмірлеріңізді беріңіз, қай жерге, кімге хабарласу керек?” дедім. Ешқандай мағлұмат жоқ. Әлі күнге дейін. Тек өрт сөндіру органында жұмыс істейтін бір кісі маған хабарын айтып, қалай істеу керек екенін түсіндірді. Бірақ мен заявление жаза алмаймын. Себебі мен көліктің иесі емеспін. Құжат бойынша оның иесі — ағам», — деді ол.

Оның айтуынша, өртенген көліктердің екеуі де несиеге алынған және олардың қарызы әлі толық өтелмеген. Оның сөзінше, мұндай жағдайда сақтандыру мәселесі де көлік иелері үшін өзекті болып отыр.

Оқиғаның нақты себептері, өрттің шығуына не себеп болғаны және көлік иелеріне келтірілген шығын көлемі әзірге белгісіз.

Ulysmedia.kz аталған оқиғаға қатысты Астана қаласының полиция департаментіне сауал жолдады. Редакция ресми жауап түскен жағдайда оны жариялайды.

https://t.me/ulysmedia

Астанада бес көліктің қалай түгі қалмай өртеніп кетті: мән-жай

Астанадағы Safar Jayik тұрғын үй кешенінің ауласында кеше, 6 қазанда таңғы сағат 06:00 шамасында бес автокөлік өртеніп кетті. Оқиға салдарынан бір адам жарақат алып, ауруханаға жеткізілген деп хабарлайды

Толығырақ осы сілтемеде.

Үсік, көктайғақ, тұман: 7 қазанда ауа райы қандай болады

Синоптиктер Қазақстандағы ауа райына қатысты болжамын жариялады

Толығырақ осы сілтемеде.

Украинадағы соғыс аяқталуға жақын қалды – Трамп

АҚШ Украинадағы жағдайды реттеу бойынша жұмысты жалғастырып жатыр

Толығырақ осы сілтемеде.