Аллоҳга шукур, юртимизда аҳолини динга қайтиши ва имкон доирасида диний қоидаларга риоя қилиш иродаси шаклланиб боряпти. Лекин, Совет даври ва мустақилликдан кейинги 25 йиллик динга бўлган репрессия ва босим ўзбекларни диндан узоқ ушлаб туриш мақсадида олиб борилгани, вақт ўтиб жамиятда исломофобиянинг палак отишига шароит яратиб берди. Бугунги кунда, хусусан, ёш қизларнинг рўмол ёки ҳижоб ўрашига ота ва онадан қаршилик ёҳуд мактаб ҳамда ўқишдан бўлган ғайриҳуқуқий босим оқибатида қизларимизнинг зиддият-аросатда қолаётгани, аёлларнинг эндигина сатри авратга риоя қилиши натижасида ишлаётган ишхоналарида келишмовчилик чиқиб, ишдан кетишларига мажбур бўлишлари ҳолати кўпайиб бормоқда. Мени назаримда, кўп бўлмаса ҳам ёш йигитларни ислом динига рағбати уйғониб, дўстлари доирасини (кругини) ўзгартириши, аввалги ҳаёт тарзини кескин исломга риоя қилиш орқали ўзгартириши айрим исломофобияга чалинган ота-оналар, яқинлар томонидан тазйиқ ва босимларга учрашига сабаб бўляпти. Хулоса қилиб айтганда, айрим аёл-қизларимиз ва ёш йигитларимиз шариатга риоя қиламан деб, оилалари ҳамда ишхоналари билан муаммога дуч келиб ечим тополмай қийналишяпти.

Шу масала юзасидан тез кунда Азон кафеда устоз Мубашшир Аҳмад иштирокларида исломофобиядан азият чекаётган, динига риоя қилиш борасида оиласи ва ишхонаси билан қарама қарши муаммога дуч келиб қийналаётган ёшларга муаммони ҳал қилиш, муроса қила олиш, исломофобияни енгиш борасида амалий тавсиялар, йўл-йўриқлар ўргатиладиган семинар-тренинг ташкиллаш режамиз бор.

Кимда ким шундай муаммога учраётган бўлса, менинг аккаунтимга @omar_xalil алоқага чиқинг ёки шундай танишларингиз бўлса уларга далолат қилиб қўйинг.

👉 @umarhalil 👈

Каналимда «Авлиё қайнона», «Солиҳа истаб», «Умму Гулсум», «Имрон», «Севгилисига етишган Умар» каби катта ҳажмли ҳикояларни тақдим қилиб келдим. Орада бир муддат узилиш бўлди. Кўпчилик ихлосмандларимиз шу каби янги ҳикояларни кутиб яшашди. Иншааллоҳ, бугун вақт қилиб ярим тунгача янги ҳикояни тақдим қиламан.

Мени кутинглар...

👉 @umarhalil 👈

#ПРЕМЬЕРА

Аллоҳга ошиқ бандалар

🎙 Омар Халил
✍ Хуршида Хуррамова

👉 @umarhalil 👈

Тўғри нарсадан хато фойдаланишнинг оқибати, нотўғри нарсадан устамонлик билан фойдаланишдан кўра оғирроқ бўлар экан.

Ҳалол ниятларингни, қалбингда зиғирча маразлик аралаштирмасдан қилмоқчи бўласан, ниятим эзгу деб ўйлаб, одамларни мени тўғри тушинади, деб соддалик-ла ошкор қиласан. Оқибатда, одамлар кўтара олмайдиган жойда ошкор қилганинг учун ҳам тўғри ишни нотўғрига тушириб, ўзингни ҳам, уларни ҳам гуноҳга ботирасан. Сен тўғрига путур етказганинг учун, улар эса тўғрини инкор қилгани учун гуноҳда шерикка айланасан. Синовлар даврида кутилмаган жойингдан мусибат келаверади. Қаерга қадам ташлама, қайси томонга қарама, қайси сўзни ишлатма, ҳатто нафас олишингда ҳам хатоликка йўл қўяётгандек ҳис қилаверасан ўзингни. Эзгу мақсадда мустаҳкам туриш қўлда чўғ ушлаб туришдек машаққатли иш. Танлаган йўлинг тўғрилиги исботланмагунча атрофингдагиларга хатокор ва муваффақиятсиз бўлиб кўринаверасан. Агар йўл тўғри бўлса Ўзи ярлақайди. Хато бўлса жазоси ҳам ўз бўйнингда. Энг асосийси оилангдан асло кечма!

👉 @umarhalil 👈