Бир эсласангиз Республикада пойтахтни Жиззаҳга кўчириш ҳақидаги таклиф анча-мунча фикрлар қўзғолонига сабаб бўлганди. Пойтахтни бошқа ерга кўчиришни афзаллик томонлари санаб ўтилган ва улар асосан газ, свет, сув ҳамда бошқа коммунал хизматлар. Ўшанда менда ундан ҳам яхши таклиф бор, деб ёзгандим. Ҳукуматга кўчманчи мақомини бериш керак. Ўзбекистондаги барча вилоят ва шаҳарларда кўчиб юраверади. Натижада ҳамма жойда бир ҳил конкуресния, соғлом рақобат, ўтроқ жойлардаги урбанизациялашув тенг бўларди. Масалан, ҳукумат офиси ўтов бўлади. Бир нечта вазирликлар катта-катта ғилдиракли ўтовларда кўчиб юришади. Бу, албатта ҳазил. Буларни ёзишимни сабаби ҳудди мана шу мавзу Нодар Думбадзенинг асарида келтирилган. Айнан ўзбеклар каби фикрлайдиган, мавзу қолиб тоғдан келиб, боғга кириб кетадиган одамлар, хақоратлар билан майнавозчилик қиладиган Гурия қишлоғи аҳолисида ўзимизни кўрамиз. Асар чисто юмор билан яхшилаб йўғрилган. Ўта жиддий чуқурлаштирилган фалсафалардан, абстракт оқимларга берилиб кетиб, чилла сақлаб файласуфликка даъвогарларга адабиётдаги бошқа бир прогрессив жанрга, бўрттирма, бачканалашиб қолган сатирадан ҳоли бўлган, комедия положенияга асосланган, турли ҳил характер, юмористик зернога асосланган ранг-баранг психологик портретларга бой бўлган асарни ўқиб мириқиб бир мазза қилиб олишларинг учун ўша саҳнани келтираман. Марҳамат, 😅

Асардан парча:

Колхоз идорасига ҳамма қишлок аҳли йиғилган. Қўнғироқнинг охирги чақируви янгради. Бувиси билан Зурико чопиб келиб жойлашди. Мажлис бошланди.

АЛФЕЗ: Гап бундай, ҳамқишлоғимиз Авксентийни раис қилиб сайлаганимизда, идора биносини бузиб ўз уйига яқинрок жойга кўчириб қуришни буюрган эди. Кейин, ўзларинг биласизлар, Кирилл раис қилиб сайланди-ю, идора яна янги жойга кўчиб ўтди. Ўтган йили идора Дмитрийнинг уйи олдида эди. Энди эса янги раисимиз Шалва идорани ўз уйига кўчиришни талаб қиляпти. Қани шу масалада нима дейсизлар? Аммо огоҳлантириб қўяй, ҳар бир сўзга чиқувчига узоғи билан 5 дақиқа вақт берилади. Бўлмаса баьзи бировларга сўз бердингми, тамом, тўхтатолмайсан…

ТРИФОН: Менда савол бор!

АЛФЕЗ: Хўш нима демоқчисан? Гапир, Трифон!

ТРИФОН: Ҳурматли Шалва нимани хоҳлайдилар, уйингизнинг олдига янги идора қурилсинми ёки эскисини бузиб, кўчириб борилсинми?

ШАЛВА: Трифон Сихарулидзе! Сен менинг жиғимга тегма, бўладиган гапни гапир, акс ҳолда мен сенга кўрсатиб қўяман! Идорани бузиб, менинг уйимни олдига бошқатдан тиклаш керак! Тушунарлими? Ахир бутун вақтим йўлга кетяптику! Эрталаб тонг коронғусида йулга чиқаман, кечга яқин идорага етиб бораман!

СИПИТО: Қадамингни каттароқ бос-да азизим, Шалва!

ШАЛВА: Ким айтди бу гапни?! Қани ўрнидан турсин! ў

АЛФЕЗ: Ўртоқлар бўладиган гапни гапиринглар! Яна кимда савол бор?

МАКАРИЙ ЦХОИДЗЕ: Менда! Мен ўтган йили колхозга Самтредиадан олиб келган зотдор бузоқ қани?

СИПИТО: Раисимизнинг хотинлари туққанда суюнчисига сўйилиб кетган бечора…

ШАЛВА: Ким у иғвогарлик қилаётган? Тур-чи турқингни бир кўриб қўяй!

ИЛЛАРИОН: Менда таклиф бор. Мумкинми?

АЛФЕЗ: Илларионга сўз берилсин!

ИЛЛАРИОН: Ўртоқлар, бузоқнинг қаёққа гумдон бўлгани-ю, давлат қурилиш материаллари нима учун раиснинг уйига ишлатиб юборилганини ва колхоз виноси қандай қилиб раисимизнинг ҳумига қуйилиб қолганини ҳам сўраб-суриштириб ўтиришнинг нима кераги бор? Бундан нима фойда? Бошқа қишлоқликлар эшитгудек бўлишса, бизни масхара қилиб кулишади. Ўз айбимизни ўзимиз четга ёйиб ўтирмайлик…

ШАЛВА: Илларион Шеварнадзе! Сен ҳам тузуккина иғвогар экансанку а? Шошма, қилган тухматларинг учун жавоб берасан ҳали! Ҳозирча ўтир жойингга!

ИЛИКО: Одамни гапиргани қўясизларми ё йўқми? Ҳак гапни айтяпти, ахир!

ИЛЛАРИОН: Шунинг учун айтмоқчиманки, раиснинг талабини тескарисини бажариш керак: унинг уйини бузиб, идорага яқинроққа кўчириш керак!

АЛФЕЗ: Нималар деяпсан Илларион, у янги уйининг томини энди ёпди-ю, дарров бузиладими?

ИЛЛАРИОН: Бўлмаса бундай қиламиз: раисни идорага кўчириб келамизда, унинг уйини идора қиламиз.

давоми 👇👇👇

давоми:

ШАЛВА: Нима бало, эсингни едингми?! Менинг янги уйимни ўрнига чириган чордеворни тиқиштирмоқчимисанлар?!

ИЛЛАРИОН: Яна битта таклиф бор: раиснинг уйини бузиб идоранинг ҳовлисига қуриш керак. Кейин эса идорани бузиб, унинг уйининг ўрнига кўчириш керак!

ЎҚИТУВЧИ: Жамланувчи рақамларнинг ўрни алмашгани билан натижа ўзгармайди!

ИЛЛАРИОН: Ундай бўлса гапим тамом! Бошқа таклифим йук!

МАРГАРИТА ЧАНТУРИЯ: Менда таклиф бор! Эртага қишлоғимизга Тбилисидан артистлар келишяпти, лекин клуб қуриш учун ажратилган материалларни раиснинг уйига ишлатиб юборилгани учун концертни унинг уйида ўтказамиз…

ШАЛВА: Мен сени звено бошлиғи қилиб тайинлаганимда каллам қаёкда экана?

ЎҚИТУВЧИ: Менда савол бор! Раис мактаб ремонтини қачон бошламоқчи? Синф хоналари тўкилиб кетай деб турибди.

ИЛИКО: Менда яхши бир таклиф бор оғайнилар! Биз яна асосий масаладан, яьни идорани қаерга қуришдан чалғиб кетяпмиз.

ЎҚИТУВЧИ: Нимани таклиф қилмоқчисан?

ИЛИКО: Балки, идорани бузиб ўтирмасмиз? Унинг ўрнига ҳаммамиз пул тўплаб раисга мотоцикль сотиб олиб берсак яхшимасми?

ЛАДИКО СУХАРУЛИДЗЕ: Мутлақо! Нима, бизни бир балога гирифтор қилмоқчимисан? Ҳудо кўрсатмасин, мотоцикль ағдарилиб-нетиб кетса-чи? Яхшиси ҳар куни эрталаб раисникига 2 та полвон йигитни юбориш керак уни идорага опичлаб олиб келишсин!

ТРИФОН: Бошимизга чикиб олгани етмай, уни опичлаб ҳам олайликми энди?

ИЛИКО: Бўпти бўлмаса яна битта таклиф бор, Шофёримиз қаерда?

ШОФЁР: Шу ердаман Илико!

ИЛИКО: Хўш ишлар қалай машинанинг аҳволи-чи?

ШОФЁР: Раҳмат ёмонмас. Ўзингнинг аҳволинг қалай, соғлигинг дурустми?...

ИЛИКО: Сенда ортиқча 4 та ғилдирак топиладими?

ШОФЁР: Ғилдиракни нима қиласан?

ИЛИКО: Идорага ғилдирак ўрнатиб уни у ёқдан-бу ёққа, бу ёқдан-у ёққа ғилдиратиб юрамиз! (залда қаттиқ кулги кўтарилди)

ШАЛВА: Илико Чигогидзе! Шу гапларинг эсингда турсин, кейин пушаймон бўлмасанг бетимга туфур!

ИЛИКО: Майли азизим Шалва. Мен сендан: Мени хат ташувчи қил деб сўрасам, сен мени қоровулликка тайинладинг. Бир кўзим йуқлигини, инвалидлигимни кўра била туриб шундай қилдинг! Мени яна нима қилиб олардинг!

ШАЛВА: Сен ҳали раис ҳам бўлай дерсан? Шундайми?

ИЛИКО: Бўлсам-бўлавераман-да! Нима, мен колхоз материалларидан уй қуриб ололмасмидим? Ё менинг иштахам сеникидан камми?

АЛФЕЗ: Тинчланинглар булди! Мажлисимизни якунлаш керак! Хўш қандай қарорга келдик?

ЗУРИКО: Менга рухсат беринглар! Менда таклиф бор!

ҚЎШНИЛАР: Жим ўтир мишқи!

АЛФЕЗ: Майли гапирсин! Мажлиснинг ҳар бир иштирокчиси ўз фикрини айтишга ҳақли-да!

ҚЎШНИЛАР: Гапир зумраша, гапира қол!

ЗУРИКО: Менда таклиф бор. Модомики, бутун қишлоқ йиғилган экан ва мажлисимиз охирига етиб қолган экан, Бирор-бир қарорга келмасдан тарқалиб кетиш тўғримас-да, ахир!

ҚЎШНИЛАР: Бошимизни қотирма! Айтсанг айт тезроқ!

ЗУРИКО: Модомики, иш бундай тус олиб, биз бирор умумий қарорга келолмаётган эканмиз…

ҚЎШНИЛАР: Қисқароқ қил ярамас! Жонимиздан тўйдириб юбординг-ку!

ЗУРИКО: Мен раис ишдан олинсин ва ўрнига уйи идорага яқинроқ бошқа киши сайлансин, деб таклиф қиламан!

(ҳамма бир овоздан маьқуллаб таклиф қабул қилинди.Тарқалишди.)

Юқоридаги асардан парчанинг тўлиқ варианти. Ўқимаганлар мутолаа қилишлари учун.

@umarhalil

Бир соатдан сўнг Яратувчи ва борлиқ ҳақидаги аудиорисоланинг бомба қисмини қўяман! Мусулмон киши Аллоҳни ҳар томонлама таниши, ўзидаги мавҳум бўлиб турган саволларига жавоб излаши, нима учун яшаётгани ҳамда тириклик қандай жараёнда кечаётганини билиши керак. Оддий мусулмон ҳамма соҳада умумий тушунчага эга бўлиши, билимли ва ҳозиржавоб бўлиши керак. Биргаликда ўз устимизда ишлаб борамиз, биргаликда юксаламиз. Каналимнинг миссияси ҳам шундан иборат. Бу мақсад йигитларга ҳам, қизларга ҳам, чойхонада автомашиналарни нархини муҳокама қилиб ўтирган амаки ҳам, гапда фалончини келинини ғийбат қилиб ўтирган ҳолаларга ҳам қаратилган. Мен билан бирга бўлганларга Аллоҳ қодир қилганича илм улашаман ва албатта бир неча ойдан сўнг дунёқарашингиздаги юксалишни ўзингиз текшириб кўрасиз. Мен билан бирга бўлганларга чуқур миннатдорлик билдириб қоламан. Ўзингизни эҳтиёт қилинг )))

5-Қисм

Атеизм ва креационизм ўртасидаги асосий фарқ шундаки, атеизм оламдаги барча унсурларни мавжуд бўлишида ва ҳодиса-жараёнларнинг амалга ошувида эҳтимоллар назариясига суянади. Яъни, ҳар бир нарсани ортида тасодифни қидиради. Креационизм эса коинотдаги барча нарсалар ҳамда воқеа-ҳодисаларни ортида ташқи таъсир кучни қидиради. У ҳеч бир жараён режасиз амалга ошолмайди; хоҳ режали, хоҳ режасиз бўлсин ҳар бир амалиётни ортида, албатта “онгли” таъсир этувчи куч туради деб ҳисоблайди. Мисол учун: тартиб билан терилган шахмат доначаларини кўрган атеист бу доначаларни тартиб билан терилишида нечи миллиард уринишда тушиши эҳтимолини қидиради. Креационист эса доначаларни тартибли туришида ақлли одамнинг қўли бор деб ҳисоблайди. Хулоса шуки, Яратувчини фақат тўпланган эмпирик билимларни холис ва оқилона тасарруф этиш орқали мантиқ ва қалб билан топилади. Юқоридаги аудиорисола айнан шу хусусда боради.

@umarhalil

#БАХТ

Болалар орасида бўлганимда ўзимни дунёдаги энг бахтли одам деб биламан.

© Маҳатма Ганди

@umarhalil

#АЖИБ

• Одамлар икки севишган қалбни ажратишга, тўсқинлик қилишга доим тайёр.
• Икки адоватли инсонларни яраштиришга, бирлаштиришга тоқати йўқ.

@umarhalil

Каналимиздан бир муштарийимиз Моҳир Заинни ушбу қўшиғини улашишимни сўрагандилар. Сизлар билан баҳам кўрдик )

@umarhalil

Kun qahramonlari

Mana O‘zbekning haqiqiy qahramonlari. Ular bugunning chinakam matonat timsollaridir. Men bilan siz uyda o‘tirib virus yuqmasmikan deb qancha xavotirlanmoqdamiz, endi bularning holatini tasavvur qilavering. Ular jonini xavfga qo‘yib koronavirus yuqqan bemorlar bilan ushbu jangda kurashmoqdalar.

Ular bugun o‘zlarining ilk yetti qaldirg‘ochlarini uchirma qilishdi. Qanday quvonchli xabar 😊! Pandemiya o‘tganidan so‘ng bularning har biriga "O‘zbekiston iftixori" faxriy unvoni va bittadan malibu bersak arziydi.

👉 @hujayrauz 👈

​​Фожеа ёҳуд вайронагарчилик ҳақида бир қиссада жуда яхши таъриф берилган. Қиссадаги профессор Преображенскийнинг қуйидаги фикри кўпроқ диққатимизни тортади.

Иқтибос:
«Вайронагарчилик дедингиз, хўш, нима бу ўзи? Эгри ҳасса тутган кампирми? ё таёғи билан барча ойналарни синдириб, ҳамма чироқларни ўчириб кетаётган ялмоғизми? Сиз нимани назарда тутаяпсиз ўзи? — ғазаб билан сўради.
— Агар мен операция қилиш ўрнига, уйимда хор билан қўшиқ айта бошласам, мана буни вайронагарчилик деса бўлади. Агар мен ҳожатхонага кирсам-у, маъзур тутасиз, унитазга эмас, ёнига ўтирсам, Зина ва Дарья Петровна ҳам айнан шундай қилсалар, мана буни — вайронагарчилик дейиш мумкин. Бинобарин вайронагарчилик ҳожатхонада эмас, каллаларда юз беради. Шунинг учун йўғон овозли бу ашулабозлар «вайронагарчилик йўқолсин!», деб қичқирганларида, менинг кулгим қистайди»
Иқтибос тугади. Кўриб турганингиздек, профессор ҳақиқий вайронагарчиликни нима эканига таъриф бермоқда. Асл фожеа бир касбни олиб бошқа ишга бош суқишда, билмаган нарсасига аралашишда, билими йўқ соҳанинг курсисига ўтиришида. Юридика олийгоҳини тугатган одам саҳнада қўшиқчилик қилса, актёрлик маҳорати мактабини олган кадр бозорда пайпоқ сотса, бозорга чиқадиган чайқовчи кинода рол ўйнаса, мактабни коридорда битирган пулдор «Истиқлол»да концерт берса, кеча тўйларда отарчилик қилиб юрган одамни, бугун имомликка сайлаб қўйишса, педколлежни битирган талаба театрда иш бошласа ўша соҳалардаги профессионализм йўқолади. Албатта, нюанслар ҳам бор. Ҳудо берган таланти бор-у, лекин бошқа соҳадан туриб ҳам севимли ишини қилаётганлар бундан мустасно. Умумий олиб айтганда жамиятни бузилишига жуда катта таъсир этадиган омил бу. Асарда бир профессор кўчадаги дайди ит устида оламшумул тажриба ўтказади. Унга одам миясини трансплантация қилади. Ёзувчи бу билан пролетариат диктатурасини, Коммунизмнинг «Совет одами» ғоясини бадиий прототипини яратади. Профессорнинг тақдира нима кечгани, итнинг оқибати нима бўлганини эса ўзингиз ўқиб оласиз энди 🤓

«Таҳлил» кўрсатуви

Миллатнинг асл қаҳрамонлари кимлар эди? 2-қисм

@umarhalil

Рус адабиётининг йирик намоёндаси Михаил Булгаковнинг энг машхур асарларидан бири «Итюрак» қиссаси. Ўқинг, таҳлил қилинг ва дунёқарашингизни бир поғона кўтаринг.

@umarhalil

#Мазлумлик

• Улар одамдек туғилиб, одамдек яшолмаётганлардир.

@umarhalil

Ўз умр йўлдошининг камчиликларини бировларга ёмонлаб, ўз жуфтига эса бошқаларни ўзидан
афзаллигини юзига айтадиган одам ғирт бефаросат одамдир!

@umarhalil

Шу гап кетганда доим Жан Батист Мольернинг «Зўраки Табиб» комедиясидаги бир саҳнаси ёдимга тушаверади. Сганарел пёниста ҳар куни ичиб келиб уйда жанжал қилади. Уйидаги ҳамма нарсасини, эр-хотин ётоғини ҳам сотиб ичиб юборади. Бир куни хотини Мартина эрининг алкашлигидан нолиб жанжал қилади. Даҳанаки жанг авжига чиққанидан охири Сганарел хотинини уришни бошлайди. Шовқинни эшитган қўшниси Робер югуриб чиқиб Мартинани химоя қилиш мақсадида Сганарелга дашном бера бошлайди. Шунда Мартина қандай йўл тутган деб ўйлайсиз? Ҳар куни уйидаги пайпоғигача сотиб ичиб юбрадиган эрини қўшилиб ёмонлади деб ўйлайсизми? Йўқ, ундай бўлмайди. Шунда Мартина қўшнисига қарата:
- Агар буни ўзим хоҳлаган бўлсамчи? Сизни нима ишингиз бор? Ўзимни эрим, хоҳлаган пайтим уради! Сиз эса бурнингизни тиқманг, деб эрини ёнини олиб, бошқани олдида изза бўлишини олдини олади. Бу комедия. Лекин, ибрат бўладиган жиҳати шундаки, Мартина фаросатли иш тутди. Ички зиддиятни ташқи зиддиятга айланишини олдини олди. Биздаги баъзи оилаларда эса ички ишлар ва зиддиятларни оғиздан оғизга кўчиришади. Кимни оиласида қанақа жанжал бўлаётганини ҳамма билади. Чунки, оила сири деган пардани йиртиб кўчага ўзлари гап чиқаришади. Бу энг катта фаросатсизлик. Агар оилангдаги низоларни ўзинг бировга айтмасанг, кўчадаги одамлар сени оилангдагини ўзидан ўзи билолмайди.

«Таҳлил» кўрсатуви

Миллатнинг ҳақиқий ва сохта қаҳрамонлари кимлар эди?

3-қисм

@umarhalil

Сени қайтишинг учун уринишмаяптими, демак, кетганинга афсус қилмайсан.

@umarhalil

Фазодаги мувозанат, сайёралар интервали, ўлчам ва массаларнинг мутаносиб келиши ҳаётнинг мавжуд бўлишида энг муҳим омиллар. Буларни эшитиб Аллоҳнинг қудратига қойил қолаверасиз.

🎧 қулоқчинда (наушник) эшитиш тавсия этилади ✅

👉 @umarhalil 👈

Одамни ўзига тортадиган ҳам, ўзидан бездирадиган ҳам - МУОМАЛА!

👉 @umarhalil 👈