Nafsi buzuq erkakka satrdagi ayol ham fitna boʻlib koʻrinaveradi.

“Batahqiq, Kim nafsini poklasa, najot topur. Kim nafsini kirlasa noumid boʻlur”. (Shams surasi, 8-10 oyatlar)

👉 @umarhalil 👈

Qaysi oʻqishda ta’lim olishingni, qaysi kasbda ishlashingni, kimga uylanishingni hali ham oʻzing hal qilolmasang, demak ma’nan goʻdaksan. Bugun oʻz maqsadlari uchun kurashmagan odam, ertaga boshqalarning maqsadi bilan yashashiga toʻgʻri keladi. Boshqalarning aytgan kiyimini kiyadi, boshqalar tanlab bergani bilan turmush quradi, boshqalarning bosimiga qarab qaror chiqaradi, boshqalarning kayfiyatiga qarab muomala qilishni boshlaydi, boshqalar nima qilsa va qanday yashasa shunday umr kechirishga odatlanadi. Xullas, eng ulugʻ ne’mat - oʻzligini boshqalarning irodasiga topshiradi. Endi oʻsha boshqalar uning e’tiqodi va hayot yoʻliga aylanadi. Bu dunyoda nima qilib boʻlsa ham baxtli boʻlish emas, nima qilib boʻlsa ham oʻzligini saqlab qolish muhimroq hisoblanadi. Maqsadlar baxt keltirishi shart emas, asosiysi ular Allohni rozi qilish yoʻlida boʻlsa kifoya.

Omar Xalil

👉 @umarhalil 👈

Roʻmol ilm berishga va ilm olishga toʻsqinlik qilmaydi deb turli xil olimpiada gʻolibalari boʻlgan roʻmolli qizlarimizni koʻtar-koʻtar qilishayotganlarini toʻgʻri deb bilmayman. Maqsad ularni tabriklash boʻlsa, mustasno. Lekin, ta’lim muassasalarida roʻmolga boʻlgan ta’qiqlarga buni isbot qilishga urinish voqealik va siyosatni teran anglay bilmaslik yoki ommaviy fikrga qovushishdan boshqa narsa emas. Roʻmolni siyosat darajasida ta’qiqlanishi uni bilim olishga va bilim berishga xalaqit berishi iddaosi bilan ta’qiqlanmagan. Bu bilan goʻyoki, hukumat ta’lim uchun jon kuydirayotganini tan olishdek. Vazirlar mahkamasi chinakamiga ta’lim uchun qaygʻursa, roʻmolni aynan shu uchun ta’qiqlagan boʻlsa, nega unda oʻqituvchilar sifatli ta’lim berishi uchun ularning maoshlarini koʻtarmaydi, nima uchun hamma maktablarning sharoitini besh yulduzlik holga keltirmaydi, nega sotilib ketayotgan maktab hududlarini stadion, doʻkon, moykaga aylantirib olayotganlardan saqlab qolmayapti, nega darslarni tinimsiz buzib kiradigan turli xil komissiyalar, davomatchilarga ta’qiq bermayapti, nega ta’lim beradigan muallimlarning boʻynidagi bir vagon qogʻozbozliklarni ta’qiqlab, uni faqat dars ustida ishlaydigan mutaxassis boʻlishiga sharoit yaratmayapti? Chunki, gap ularning ta’lim uchun qaygʻurayotganida emas, ular xalqni mana shunday latta ustida qirpichoq boʻlib, mayda narsalar ichida choʻkib ketishini istashadi. Nahot shuni tushinish uchun chuqur bilim va fahm shart boʻlsa? Oʻzini musulmon sanagan odamning farosati shu oddiy haqiqatga yetmayaptimi? Bu roʻmolga boʻlgan ta’qiq ularning ta’limga qaygʻurayotganidan yoki bolalarning tabaqalanib qolmasligi tashvishidan qilinyapti deb oʻylagan odam sayoz fikrlayotgan odamdir. Maqsad doimgidek, siz va bizning shu mayda muammo ustida diqqatimizni band qilish va umrimizni zoye qilish.

Omar Xalil

👉 @umarhalil 👈

Seni tanimagan odamning sen haqingdagi yomon gaplarni tarqatib yurishiga javob qaytarib yurma. Agar gapi rost boʻlsa, oʻzingga dars. Agar yolgʻon boʻlsa, oʻziga kelgan har qanday ma’lumotni tekshirmaydigan nodonga javob berishga hojat qolmaydi.

Omar Xalil

👉 @umarhalil 👈

Dangasalik odamni qashshoq holga olib keladi, bolam deyish - bu ta’lim.
Dangasalik qilsang ertaga qashshoq boʻlasan, bolam deyish - bu tarbiya.
Dangasa boʻlsang anavi gadoylarga oʻxshab qolasan, bolam deyish - bu targʻibot.

Birinchisi, tushuncha beradi va bu maktabga xos. Ikkinchisi, islohga chaqiradi va bu oilaga xos. Uchinchisi, tabaqalash va oʻzaro nafratni hosil qiladi va bu siyosatga xos.

Farzandingizga avvalo siz mudarrissiz. Uni toʻgʻri shakllantirishda sizning uslubingiz katta roʻl oʻynaydi.

Omar Xalil

👉 @umarhalil 👈

Omar Xalil bilan intervyu

Omar Xalilning hayotiy shiori va ta’sirlantiradigan iborasi haqida

👉 @umarhalil 👈

👉 @umarhalil 👈

Jamiyatga katta foydasi tekkan yoki tegayotgan odamlarning bir-ikki xatosi uchun ularni oʻzidan kechib yuborish, qoralash va loy chaplashni oʻrniga ularning ayblaridan kechishni ham oʻrgan. Yoʻqsa oʻzingni ham xatolaring tufayli axlatga otishlariga munosib ekaningni unutma!

Omar Xalil

👉 @umarhalil 👈

“Kim ikki ayoli boʻla turib, biriga qarab birini tashlab qoʻysa, u er qiyomatda yarmi shol holatda tiriladi”.

Rosululloh sollallohu alayhi va sallam

👉 @umarhalil 👈

Agar erkakni hamiyat, mardlik, himmat va oriyat tark etsa, u “erkak”laqabli munofiqqa evriladi. Jamiyatdagi erkaklik qanchalik toza boʻlsa, bunday nasli buzilganlarni erkaklarning oʻzi tozalaydi. Aksincha, boʻlib bular omonlikda yashab yursa va qizlarimiz shundaylarni qoʻliga qoʻsh qoʻllab berilsa, demak erkaklik sha’nimiz jiddiy tanazzulda ekanidan dalolat.

👉 @umarhalil 👈

Hazrati Muso alayhissalom Alloh taologa men seni qayerdan izlayin deb soʻraganida, Robbul Izza meni qalbi siniqlar huzurida topasan deb javob bergandi.

👉 @umarhalil 👈

“Kim oʻzi yaxshi koʻrgan narsasini birodariga ham ilinmaguncha komil moʻmin boʻla olmaydi”.

Nabiy sollallohu alayhi va sallam

👉 @umarhalil 👈

Bugungi musulmon shaxsiyatining global muammosi iste’molchi individga aylanib borayotganidir. U Qu’ron oʻqiydi, hadis oʻqiydi, shariatga amal qilishga harakat qiladi, ma’ruzalarni bosib tinglaydi, diniy bahslarda faol boʻladi, din gʻamida yashayotgandek hisoblaydi oʻzini. Lekin, birortasi uning boʻgʻzi va xotirasidan nariga oʻtmaydi. Ilohiy ishtiyoq qalbiga kirmaydi. Allohni qalbiga jo qilolmay, hayot oqimida faqat shakl-shamoyilga oʻralashib yuraveradi.

Ushbu audiokitobimiz Allohni izlab safarga chiqqan va bu yoʻlda nimalarni kashf qilgani, nimalarni anglab yetgani haqidagi ajib taassurotlarni boʻlishib boradigan yigitning kechirganlari hikoya qilinadi. Shoyad, Ma’rifatullohni qidirib yurgan bandalar uchun foydali boʻlsa, kaminani ham qiyomatda shu insonni ham menga foydasi tekkan deb Allohning rahmatiga sazovor qilsangiz boshim osmonga yetadi.

👉 @umarhalil 👈

Alloh bilan oʻzimni oʻrtamdagi norozilikni Robbim kechirishi mumkin. Lekin, banda bilan oʻrtamizdagi norozilikni oʻsha bandaning oʻziga qoldiradi. U xohlasa kechadi, xohlamasa yoq. Alloh esa uning xohishiga qarab menga hukm oʻqiydi. Endi jamiyatimizda bir birimizni norozi qilib yashayotganimizga boqaman. Bir birini haqqini yegan, bir biriga zulm qilgan, bir biriga xiyonat qilgan odamlar; qanchalab kelinlarni xor qilgan qaynonalar, qanchalab qaynonalarni oyoq osti qilgan kelinlar, qanchalab xotinlarni azoblagan erkaklar, qanchalab erlarni kuydirgan ayollar, qanchalab ota-onalarni qiynagan farzandlar, qanchalab farzandlarni bebaxt qilgan ota-onalar, qanchalab bir birini itargan jigarlar, qanchalab bir birini sotgan doʻstlar, qanchalab bir birovoni xonavayron qilgan qoʻshnilar. Bu ketishda hammamiz oxiratga nafaqat gunoxlar karvoni bilan, balki bir birimizga boʻlgan alam va nafrat bilan ham ketamiz. Natijada qiyomatda hammamiz bir birimizni doʻzahga tiqib yuborishga shay turamiz.

Omar Xalil

👉 @umarhalil 👈

#YUMOR

Ayol kishining qalbi uyga oʻxshaydi. Unga kirgan odam bir umr yashaydi. Erkak kishining qalbi esa karvonsaroyga oʻxshaydi. Toʻgʻri kelgani kirib chiqib ketaveradi. Shuning uchun ayol sadoqat timsoli, erkak esa bagʻrikenglik timsoli boʻlib qoladi. 😁

Omar Xalil

👉 @umarhalil 👈

#YANGILIK

Bugun sizlarni xushnud qiladigan yaxshi xabarimni e’lon qilish fursati keldi. Tez kunda ovozlashtirilayotgan yangi audiokitobni taqdim etishni boshlaymiz. Ushbu asar qahramoni mening sevimli kumirim, hazratim Abu Bakr Siddiq boʻladilar. Ushbu ishga homiylik qilayotgan, oʻzidan sadaqayi joriya qoldiraroyatgan, ilmni qoʻllab quvvatlab tarixda iz qoldirayotgan birodarimizni ham duolaringizda eslab qoʻyishingizni iltimos qilardik. Va mana shunday ilmga sarmoya qiladigan joʻmard millatdoshlarimiz koʻpayishini tilab qolamiz.

👉 @umarhalil 👈

Meni bir narsa oʻylantiradi 🤔

Nima uchun shirin va yoqimli hidlar havoda koʻp turmaydi. Atrofdan tez tarqalib ketadi.
Lekin, sassiq va achqimtil hidlar havoda koʻp saqlanib turadi. Hatto bir necha kun ketmaydi.

Masalan, uyimiz binosidagi liftga necha marta tushgan boʻlsa yoqimli hidlar qaytib kelgunimcha uzogʻi bilan 2 soatdan keyin yoʻq boʻladi. Bir kuni kimdir achigan qaymoq bilan liftga kirgan ekan. Sassigʻi 3 kun turdi va chiqqan odamni azobladi. Nega shunaqa a? 😁

👉 @umarhalil 👈

​​Men falastinliklarning vatanparvarligiga qoyil qolaman. Yarim asrdan ziyoda vaqt davomida Isroilning bosqinchiligiga qarshi kurashdan toʻxtamaydi. Yarim asrlik zoʻriqish, mislsiz talofotlar, yoʻqotishlar, qurbonlar, qashshoqlikka qaramay falastinliklar oʻz yerlari va muqaddasotlari uchun kurashdan aslo toʻxtagan va magʻlubiyatni boʻyniga olgan emas.

Qaniydi oʻzbeklarda ham mana shunday joʻmard vatanparvarlik boʻlsa, mana shunday metin iroda boʻlsa. Bir oʻzbek Putin bizni boqadi desa, biri biz Rossiya panohiga kirishimiz kerak deydi. Biri Xitoyning kirib kelishidan xavfsirasa, biri Xitoyning kelishidan faqat manfaat borligini ustun koʻradi. Biri esa bizni taqdirimiz umuman qiziqtirmagan AQSHni yoʻlchi yulduz deb biladi.

Bundan ikki yilcha avval Kamolon mahallasidagi rus bosqinchilarining xotirasiga oʻrnatilgan chesovnikni hukumatimiz ta’mirlab berganida bu xalqning tuki qimirlamagandi. Holbuki, oʻsha askarlar Toshkent ximoyasiga chiqqan bizning otalarimiz va onalarmizni oʻldirgan edi.

Suratda kuni kecha Gʻazo sektoridan Isroilga javoban otilgan raketa hujumlari va Isroilning temir gumbazining samodagi koʻrinishi aks etgan.

Yaqinda Koreya kinoijodkorlari tomonidan ishlangan “Men taxi haydovchisiman” deb nomlangan filmni koʻrib tugatdim. Unda Gvanjou xalqining harbiy diktaturaga qarshi qoʻzgʻoloni aks etadi. Shu epizodda bir namoyishchi bolaning gapi yodimda qoldi.

“Umrim oxirigacha birovning irodasiga qul boʻlib yashagandan koʻra, bir kun oʻz irodam bilan halok boʻlganim afzal”

Falastin xalqiga xayr va ofiyat tilayman. Xulosani oʻzingizga qoldiraman.

👉 @umarhalil 👈

Bolaligim oʻsgan mahallada suv artezianlari koʻchalarda aqlimni taniganimdan beri oqib yotadi. Aslida undan ham avval mavjud boʻlgan. Oʻzim bilganim chorak asrdan beri oqib yotgan chuchuk suvning qanchasi shunchaki ariqqa oqqani va shunchaki tomorqalarga ishlatilgani tasavvur qilishga ham qoʻrqaman. Dunyoda suv tanqisligini bilganimdan keyin oʻsha artezianlarni yoʻl-yoʻlakay oʻchirib yuradigan boʻlgandim. Lekin, koʻpchilikning bunga befarqligi koʻngilni tashvishga solaverardi. Bugun oʻsha tashvishlar jiddiy havotirga ham olib kelibdi.

👉 @umarhalil 👈