Tushunmaydiganlardan koʻra tushunishni istamaydiganlar koʻp aziyat berishadi. Boshqalarga nisbatan adolatli boʻlish uchun munosabatimiz hasad, kibr va shaxvatdan holi boʻlishi kerak. Mudom kimgadir qalbimizda bu illatlarni saqlab kelarkanmiz, ularni hech qachon tushunmaymiz, toʻgʻrirogʻi tushunishni istamaymiz.

👉 @umarhalil 👈

Hali koʻpchilikning ichidagi oʻchib qolgan choʻgʻni olovga aylantirib ketishiga ishonaman…

👉 @umarhalil 👈

Odamlarga yaxshilik qilib yashang. Umrni ezgulikka sarflab yashagan odam yutadi. Vafotingizdan keyin ham qoladigan narsa qilgan yaxshiligingiz. Odamlar ham ortingizdan yaxshiligingizni eslab xotirlashadi, duo qilishadi. Ohiratda ham yaxshiliklaringiz evaziga ajr olasiz. Hayotning ratsional yechimi shu.

👉 @umarhalil 👈

Har bir boshlanishning tugash vaqti, har bir porlashning botish vaqti, har bir tugʻilganning oʻlish vaqti, har bir sabrning toʻlish vaqti, har bir bardoshning sinish vaqti, har bir chiroyning soʻlish vaqti, har bir kuchning zaiflashuv vaqti, har bir qudratning soʻnish vaqti, hatto har bir muhabbatning, har bir maslakning poyoni bor. Biz fursatlar oraligʻida yashaymiz. Mana shu fursatni ikki tanlovi bor: yo Alloh buyurgandek yashash va unga taslimiyat bilan egilish, yo oʻzim xohlagandek yashash.

Men bu fursatning sinovlaridan faqatgina Robbimga chekinaman!

👉 @umarhalil 👈

Islom iroda qilgan ayolning hayot vazifasi, avvalo oila xizmati, farzand tarbiyasi va erni rozi qilishdir. Qachonki, ayolning miyasi koʻchadagi hayotga oshufta va biznes xonim boʻlishga havasmand boʻlgan kundan boshlab oila xizmati qullik, farzand tarbiyasi malol va erga itoat qilish xorlik boʻlib koʻrina boshlaydi.

👉 @umarhalil 👈

Bir insonning hayoti davomida bir qancha muhabbatlar kelib ketadi. Ammo ularning orasida betakrorigina hayoting mazmunini oʻzgartiradi. Agar sevganingdan keyin uni emas, oʻzingni oʻzgarayotganingni his qila boshlasang, darhaqiqat muhabbatga kirishibsan. Chunki, sevilish ne’mat boʻlsa, sevish esa kamolot beligisi. Shuni yodingda tut, sevilish emas, aynan sevishgina odamni oʻzgartiradi.

👉 @umarhalil 👈

Metroda chas-pik vaqtida hamma vagon tiqilinch boʻladi. Bu barchaga oydin va oddiy aksioma. Vagonni ayol va erkaklar uchun alohida qilishga qarshi boʻlish kerakmas deb oʻylayman. Tiqilinch vaziyatda nafsni tiyish, jazoni kuchaytirish, ma’naviyatli erkak siymosini yaratish kabi takliflar behuda ish. Chunki, tiqilinchda eng odobli erkak ham qapishib ketishga majbur boʻladi. Istak va vaziyatni oʻrtasidagi ziddiyat mana shu yerda. Metrodagi biz koʻrayotgan nohush vaziyatlar ham ayni tiqilinch paytda sodir boʻlyapti. Vagonni alohidalash, tiqilinch paytda buzuqilarning vaziyatni suiste’mol qilishiga imkoniyat qoldirmaydi.

👉 @umarhalil 👈

Rashk - bu koʼngil mulkining himoyasidir. Oʼziga tegishli koʼngildan ayrilib qolish xavfidan muhofaza qilish chorasidir. Rashk qilayotgan inson hech istisnosiz malomat qilinmasligi kerak. Chunki u oʼz muhabbati uchun kurashmoqda. Faqat birgina oʼrinda rashk fojeaga yetaklaydi. Qachonki, rashkka badgumonlik qoʼshilib qolsa, u endi koʼngildagi muhabbat mulkini muhofaza qilmaydi, balki oʼz mulkini yakson qilib, muhabbatini oʼldiradi.

Nabiy alayhissalom rashkni iymondan dedilar, yomon gumonni esa iymondan ayiradi deya ogohlantirdilar. Buni amalda aralashtirib yuborayotganlar esa har doim oʼzlariga ham, yaqinlariga ham aziyat berib qoʼyayotganlari bor gap.

👉 @umarhalil 👈

Iqtibos

“Alloh rozi bo'lsin sizdan. Alloh ilmingizni ziyoda qilsin. Har bir beti manfaatga to'la kitob uchun rahmat. Judayam manfaatli kitob ekan. Eng sevimli kitobimga aylandi. Huddi hozirgi vaqtdagi hamma muammolarning yechimi shu kitobda jamlangandek go'yo, har bir mavzuni judayam go'zal tarzda yoritib berilgan Kitobni har bir betidan o'zim uchun foyda oldim Kitobni tugashini istamadim Shu qadar yaxshi korib o'qiganimdan kitob qanday tugaganini sezmay qolibman”.

Alloh yuzimizni yorugʻ qilsin, maqsadlarimizga muyassar qilsin.

👉 @umarhalil 👈

Inson qozonni ovqat pishirish, kapgirni ovqatni kavlab solishga xoslab yasagan. Kapgir oʼzida ovqat pishirishni, qozon esa kapgirni kavlashni daʼvo qilsa bu - LGBT deyiladi.

👉 @umarhalil 👈

“Senga qaraganimdagi tabassumim ajri senga boʻlsin”.

Shaxsiyatdagi muvaffaqiyatingiz odamlar sizga qaraganda nafrati va asabi buziladiagan illatlardan qutulish, ular qaraganda esa tabassum va hush kayfiyat ulashadigan sifatlarni jamlashingizda amalga oshadi.

👉 @umarhalil 👈

📣 TAQDIMOT

Iyun oyida respublika bo’ylab “Jur’at” kitobi taqdimoti va bir nechta mashxurlar bilan davra suxbati qilishni rejaladik. 8-dan 10-iyungacha vodiy safariga chiqamiz.

Dastlab 8-iyun kuni soat 14:00 da Qo’qon shahri “Yuksalish” liderlar akademiyasiga barcha Farg’ona viloyati ahlini taklif qilamiz.

9-iyun Andijon, 10-iyun esa Namangan shaharlariga boramiz. Ushbu shaharlardagi uchrashuv joylari va vaqtini tez kunda e’lon qilib boramiz.

👉 @umarhalil 👈

Farqimiz shundaki, men sen bilan birga boʻlish uchun har qanday muammoga tayyorman, sen esa har qanday muammodan qutulish uchun mendan kechishga tayyorsan.

👉 @umarhalil 👈

Hayot oʻzi shunaqa ekan…

Mehribon boʻlasan, lekin itoatsizlik qilishadi, zolim boʻlasan, ammo itoat qilishadi. Sahiy boʻlasan, lekin nonkoʻrlik qilishadi, ziqna boʻlasan, ammo qanoat qilishadi. Kechirimli boʻlasan, lekin isyon qilishadi, gina saqlaysan, ammo murosali boʻlishadi. Hurmat qilasan, lekin qadrlashmaydi, xor qilasan, ammo izzat qilishadi. Chin dildan gapirasan, lekin ishonishmaydi, munofiqlik qilasan, ammo senga ishonishadi. Fido qilasan, lekin sezilmaysan, riyo qilasan, ammo olqish olasan. Jon kuydirasan, lekin qiziqtirmaysan, taqdirlariga tupurasan, ammo diqqat markazlarida boʻlasan. Halol boʻlasan, lekin bezovta boʻlishadi, harom yurasan, ammo hotirjam boʻlishadi.

Quyosh qaytadan porlashi uchun, avval botishi lozim ekan.

👉 @umarhalil 👈

Stressga tushishning klassik sxemasi mavjud. Ya’ni, eskicha hayotdan zerikkansiz, ammo yangicha yashashga esa jur’atingiz yetmaydi.

Shu mavzuda bepul webinarga roʻyxatdan oʻtib tomosha qiling. Keyin istasangiz oʻqiysiz, istasangiz webinarni oʻzi kifoya qiladi.

👉 https://bit.ly/462pumP 👈

Qoʻqondagi uchrashuvimiz zoʻr tempda oʻtdi. Kelganlarga minnatdorchiligimizni izhor qilib qolamiz. Endi ertaga Andijon tomon yoʻl olamiz. Butun Andijon ahlini 9-iyun soat 14:00 da “Insan” biznes akademiyasi tadbirlar zalida kutib qolamiz.
Manzil: “Eshon ota” majmuasi
Moʻljal: “Devonaboy” masjidi atrofida.

Taqdimotda “Jur’at” kitobini muallif Omar Xalilning dasthati bilan olib ketish imkoningiz boʻladi.

👉 @umarhalil 👈

Yoʻgʻon choʻzilib, ingichka uziladigan, bardoshing sinaladigan vaziyat kelganda, shu gaplar qoʻlingdan mahkam tutadi!

Agar Alloh seni mol-dunyodan qisganini, ustingda balo va musibatlarni koʻpaytirganini koʻrsang, bilgilki, sen Uning huzurida azizsan. Uning huzurida darajang bor, seni avliyo va asfiyolari yoʻlida yurgʻizib qoʻygandir. U seni koʻrib turgan.

Alloh taoloning: "Robbingning hukmiga sabr qil, albatta sen koʻz oʻngimizdasan. Va qoyim boʻlgan paytingda Robbingni hamdi bilan poklagin", deganini eshitmaganmisan?

Imom Abu Homid Gʻazzoliy

👉 @umarhalil 👈

Shu kungacha “Jur’at” kitobini kimlar oʻqib menga yozgan boʻlsa, barchalarining hayotlari oʻzgarishni boshlaganini va jur’at paydo boʻlganini aytib rahmat aytishdi. Bizning yoʻl - jur’atlilar yoʻli!

👉 @umarhalil 👈