​​Давоми:

Оптика асосчиси Ибн Хайсам (965-1051) “Тасвирлар китоби” номли илмий изланишлари билан Роджер Бекон (1214-1294), Кеплер (1571-1630) ва Леонардо да Винчи (1452-1519) каби олимлар фаолиятига сабабчи бўлган. Мазкур китоб 600 йил давомида илм-фан оламида асосий пойдевор ҳисобланган. Кўзгуларда ёруғликнинг акс этиш механизми “Ал-Хазин масаласи” дея унинг номи билан номлаган. (Европада Ибн Хайсамни шундай аташган).

Ибн Ғерарий (1100 йилда вафот этган) биринчи бўлиб токарлик асбобини қурган.

Ибн Фарнанес 880 йилда биринчи бўлиб аэропланга ўхшаш аппарат қурган. У ўз қурилмаси учун қалин мато ва қушларнинг патларидан фойдаланган. У маълум бир вақт мобайнида ҳавода учиб яна бир маромда қўнишга эришган. Ғарбда эса аэропландаги биринчи парвоз 1903 йилга келиб амалга оширилган.

Кимё соҳасида сўз кетганда, аввало, Жобир ибн Хайём эсга олинади. Унинг кимё соҳасида эришган ютуқлари Пристли (1733-1804) ва Мавуазень (1743-1794) эришган ютуқлардан анча каттадир. Жордано Бруни уни бутун жаҳон даҳолари қаторига қўшган. Жобир бир неча асрлар аввал барпо этган махсус лабораторияда амалга оширилган илмий тажрибалар натижасида кўпгина кислоталарни аниқлашга муваффақ бўлинган. Нафақат шифокор, балки кимёгар ҳам бўлган Розий сульфат кислотаси ва тоза спиртни ажрата олган. Башир исмли мусулмон олими европалик олим Брантдан аввал фосфорни аниқлашга муваффақ бўлган.

Порох ва замбаракдан ҳам биринчи бўлиб мусулмон олимлари фойдаланган. Пневмати замбарак Султон Маҳмуд (1432-1481)нинг ихтироси ҳисобланади.

Географияниниг фан сифатида шаклланишида ҳам мусулмонларнинг ўрни катта. Ернинг турли бурчакларини ўрганган Эвлия Челобий (1611-1682) ва қитъаларни айланиб чиққан Ибн Батута (1304-1639)нинг сафар битиклари бебаҳо тарихий ва географик хазина ҳисобланади. Кўп асрлар илгари Беруний Американинг мавжудлигини айтиб ўтган.

мусулмон денгизчи Ибн Мажид Идрисий (1100-1166) 850 йил аввал ҳозирги замонавий хариталарга яқин бўлган дунё географик харитаси тузилган.

Ўрта асрларда йирик ўсимликшунос ва доришунос сифатида машҳур бўлган Ибн Байтар (1190-1248) ўз китобида 1400 га яқин доривор ўсимлик ва гиёҳларни батафсил шарҳ қилган. Мазкур қўлланма бу соҳада асосий илмий манба сифатида хизмат қилган.

Дамирий (1349-1405) ўзининг “Хаятул-хаяван” номли китобида ҳайвонот оламининг табиати ҳақидаги аниқ маълумотлари билан зоологияни фан сифатида бойита олган.

Қоғоз ишлаб чиқариш бўйича биринчи фабрика Боғдодда Хорун ар-Рашид вазирининг ўғли Ибн Фазл томонидан 794 йилда қурилган. Шунга ўхшаш фабрикалар 800 йилда Мисрда ва 950 йилда Андалусия (Испания жануби)да ҳам қурилган. Европада бу турдаги фабрикалар анча кечроқ фаолият юрита бошлаган. Масалан, Византияда 1100 йилда, Сицилияда 1102 йилда, Германияда 1228 йилда, Англияда эса 1309 йилда.

​​❗Ҳушхабар❗

Эсингизда бўлса, ислом оламидаги замондош олимларнинг машҳур асарларини таржима қилиш учун араб тилидан кўнгилли таржимонлар керак деб мурожаат қилган эдим. Аллоҳнинг марҳамати ила араб тилидан таржимонлар жамоаси шакллантирилди. Аллоҳ улардан ўзи рози бўлиб мукофотласин. Диний тафаккуримизни ислоҳ қилиш, турмушимизни яхшилаш учун аввал зеҳниятимизни тараққий эттириб олишимиз зарурат эканлиги ҳаммамизга аён. Ўртамиздаги тафриқа, радикаллик, ҳасад, шаклнинг қалбдан устун бўлиб кетиши, дин ва дунёни икки қутбга бўлиб юборганимиз каби иллатларни бартараф этиш учун замонамизнинг илғор фикрли олимларига юзланишимиз керак. Уммат ва миллат тараққий этиши учун ҳамма олим бўлиши шарт эмас, аммо ҳаммамиз олимларни ўқишимиз шарт. Биз дин борасидаги билимларимизни асосан Ўрта асрда яшаб ўтган олимларимизнинг фаҳмиятлати билан ўрганиб келамиз. Бундан ташқари замонамиз алломаларининг ҳам асарларини ўқишимиз лозим деб ўйлайман. Шайх Муҳаммад Ғаззолий, Шайх Муҳаммад Саид Рамазон Бутий, Рофеъий, Шайх Тақий Усмоний каби замонамизнинг йирик олимларининг асарлари билан деярли таниш эмасмиз. Диёримизда кўпинча мозийда яшаб ўтган олимларимизнинг машҳур асарларини таржима қилиш билан чекланиб қоляпмиз. Шайҳ Муҳаммад Содиқ раҳимаҳуллоҳнинг асарлари қаторида бошқа замондош олимларнинг ҳам асарларини ўқишимиз керак. Илк таржималаримиз мисрлик юрак шифокори, мутафаккир, фавқулодда ноёб истеъдод эгаси, ўзининг теран фикрлари билан дунёга танилган олим Доктор Мустафо Маҳмуднинг асарларидан бошладик. Жамоамиз икки гуруҳга бўлиниб «Қуръон сирлари» ва «Ислом нима?» асарларини таржимасини бошладик.
«Қуръон сирлари»да муаллиф Қуръоннинг айрим оятларидаги мўъжизалар устида фикр юритади, тааммулга ундайди, шариатнинг ҳикмати, қиёматнинг бор бўлишининг мантиқий ҳикмати, қўл кесилиши каби масалалар устида фикрлайди. «Ислом нима?» асарида эса динга бўлган муносабатларда шаклнинг устун бўлиб кетиши, қалб амалларининг иккинчи даражага тушиб қолмаслиги, балки ундан ҳам муҳим экани хусусида ёзади. Миллати ривожи учун эвазсиз хизмат қилаётган таржимонларни дуо қилиб қўясизлар деган умиддаман. Яна кўнгилли таржимонлар бўлса сафимизга қабул қиламиз. Бундан ташқари, химматли дўстларимиз чиқишса, уларни моддий рағбатлантириш ишларини ҳам йўлга қўярдик. Аллоҳ ишимизни ҳайрли қилсин.

👉 @umarhalil 👈

Доктор Мустафо Маҳмудни танимаганлар учун.

🎙 Омар Ҳалил

👉 @umarhalil 👈

Пешонада борини кўрамиз, тақдиринга нима битилган бўлса шуни яшаймиз деб, бандани ихтиёри ва сабабиятларни инкор қилиб яшайдиган инсон жабария тоифаси эътиқодидаги инсон ҳисобланади. Жабарийлар Аллоҳ нимани ёзган бўлса шундай яшашга мажбурмиз, тақдирда бандани ихтиёри йўқ. Яхши ишларни ҳам, ёмон ишларни ҳам Аллоҳ ўзи амалга оширади деб эътиқод қиладилар. Ёки бўлмаса яхши ишлар Аллоҳдан, ёмон ишлар бандадан дея эътиқод қилиб юрганлар қадарийлар тофиасига киради. Бундай тоифаларни Пайғамбаримиз алайҳиссалом лаънатлаганлар. Кимга шундай эътиқодий қараш сингиб қолган бўлса, дарҳол ўзини ўнглаб олсин. Аҳли сунна ва жамоанинг тақдир борасидаги ақидаси ҳақида Шайҳ Муҳаммад Содиқ Муҳаммад Юсуфнинг «Сунний ақидалар» ва «Ақидат-ут Таҳовия» асарларидан ортиқча савол қолдирмайдиган даражада батафсил ўрганиб оласиз.

🎙 Илёс Юнусий

👉 @umarhalil 👈

Ҳокимият вакиллари абсурд даражада фикрлаши яхшилик аломати эмас. Ўтган йили ЭКО партия АЕСни қўллаб қувватлаган бўлса, бу сафар Миллий тикланиш, эътибор беринг «МИЛЛИЙ ТИКЛАНИШ» партияси лидери Алишер ака Қодиров юртимизда босқинчиларга ёдгорлик ўрнатилишини тарихий ибрат ўлароқ оқлаб юбордилар. Оддий мантиқни ишлатиб кўринг, ҳовлингизга бир газанда келиб уйингизни талон-тарож қилди, онангизни зўрлади, отангизни ўллдирди. Вақт ўтиб уйингизни бир чеккасига ўша бузғунчига ёдгорлик ўрнатиб қўйдингиз. Болангиз келиб, «Дада, бу ҳашаматли мармар ҳайкал кимники?» деб сўраса, сиз: «Бу уйимизни талон-тарож қилган, бувингни зўрлаган, бобонгни ўлдирган одамники. Биз бу ҳайкалга қараб ибрат олишимиз керак. Бу одамга ўхшаб қолмаслик учун. Уни эҳтиёт қил, мармарга кўп пул сарфлаганман» деб жавоб беради.

👉 @umarhalil 👈

​​Янги жамоа!

Ҳурматли, обуначилар! Хабарингиз бор, араб тилидан таржимонлар жамоасини шакллантириб замонамизнинг катта олимларининг исломга бағишланган энг машҳур асарлари таржмисани ўз она тилимизга ўгиришни бошладик. Энди эса бу жамоа билан параллел равишда инглиз тилидан кўнгилли таржимонлар жамоасини шакллантирмоқчимиз. Мақсадимиз, илм-фан оламидаги исломга бағишлаб ёзилган ғарблик олимларнинг асарларини таржима қилиб ўрганиш. Булардан ягона мақсад эса, Ўрта асрларда «Шарқ ренессанси» деган иборани эшитган бўлсангиз керак. Яъни, Шарқда, хусусан мусулмон мамлакатларида илм-фан тараққий этган. Бу даврда, Фаробий, Ибн Сино, Киндий, Беруний, Тусий каби мусулмон олимлари фанда кўплаб тажриба ва кашфиётларни амалга оширган. Буларнинг ягона омили жаҳон ҳамжамияти билан алоқада бўлиш. Бошқа мамлакат олимлари, эътиқоди қандай бўлишидан қатъий назар асарларири таржима қилиб уларни ўрганиш, таҳлил ва тадқиқ қилиш билан шуғилланишган. Жуда катта баҳс-мунозаралар бўлган. Тараққиёт ана шундай илмий мужодалалар билан бўлади. Ундан кейинги даврларда эса муҳофазакорлик (консеоватив) позициясига ўтиб олинди, бошқа ажнабий олимларнинг асарларини таржима қилиш, ўқиб-ўрганиш таъқиқланди, эътиқоди ўзгача бўлган олимларнинг асарларини таржима қилиб тадқиқ қилиш қораланди. Буни ўқима ақиданг бузилиб қолади, бу кофир, дея такфирбозлик бўлиб кетди. Мусулмон жамияти ўзини ўзи дунёдан узиб қўйди, моддий оламни англаш ва уни ўрганиш тўхтади, асосан ахлоқ ва гуноҳ билан боғлиқ масалалар билан чекланиб ўралашиб қолинди. Жадидлар таъбири билан айтгандек, ўз қобиғимизга ўралиб ичимиздан чиридик. Биз икки катта жиҳатимизни бой бердик. Ғарб жамиятининг индустриал тараққиёти даврида дин ва дунё ажратиб ташланди. Жумладан, давлат бошқа, дин бошқа деб ажратилди. Ҳолбуки, дин бу шу дунёда қайси жабҳа бўлмасин одамларнинг дастури эди. Секуляризм деган қараш кўзойнаги остида, давлат бошқа нарса, дин бошқа нарса дея диндан давлатни ажратиб олинди. Замонавий ахборот асрида эса энди илм-фан бошқа, дин бошқа деб диндан моддийликни суғириб олинди. Дин икки катта устунини йўқотди. Уни биргина устуни қолди бу - ахлоқ. Ҳатто, ХХ аср психологиясидаги инқилоб шу бўлдики, ахлоқ диндан эмас деган назарий қараш майдонга ташланди. Дин сўнги устунидан ҳам айрилди. Бироқ, икки жаҳон уришлари ва Америка прагматизми ҳамда ёввойи капитализми одамларни ахлоқий инқирозини бошлаб берди. Ҳозир ҳам АҚШ цинизмдан азият чекмоқда. Шарқ олами эса, коммунизм остида таназзулга учраб, подага айланиб қолди. Инсоният ахлоқни диндан ҳоли ўлароқ кўра олмаслигини англади. Натижада дин бир устунини қайтариб олди. Энди эса моддий устуни бўлмиш эмпирик илм-фанни ўзига қайтариши керак. Ҳар бир жамият ўзининг миқёсида қиладиган иш бу. Биз ҳам кўнгилли инглиз тилини биладиган миллатдошларимизни ушбу мақсад остида бирлашишга чақирамиз. Ўзимиздан келажак авлод учун илм мерос қолдириш учун. Агар кўнгиллилар бўлса шахсийга мурожаат қилишлари мумкин.

👉 @umarhalil 👈

Бирлашишга ҳайвонлардан мастер-класс

Ажрашган қиз ота уйига қайтиб борса, у ердаги келинга бу ёқмайди. Худди, ота уйи келинники-ю, қиз эгаллаб олаяётганек. Аслида эса, ота уйида қизнинг ҳам ҳаққи бор. Балки келинникидан ҳам кўпдир.

Агар ота тирик бўлса, уй отаники, ўлган бўлса қизнинг меросдан улуши бўлади. Келиннинг эса тўғридан-тўғри меросга ҳаққи йўқ. Афсус, кўпчилик буни билмайди-да!

Аллоҳ таоло Нисо сурасида марҳамат қилади:

«Эй иймон келтирганлар! Бир-бирларингизнинг молларингизни ботил йўл билан еманг» (29-оят).
«Ким буни тажовузкорлик ва зулм ила қилса, албатта, уни оловга киритиб, куйдирурмиз. Бу эса Аллоҳга осондир» (30-оят).

Меросдаги қизнинг ҳаққидан қўрқинг!
Қизнинг ҳаққидан қўрқинг!
Оловга киришдан қўрқинг!

© Саид Комил

Inson dunyoni o‘zgartirishi (buzishi) haqida qisqa metrajli multiplikatsiya.

By Steve Cutts

Мантиқий давоми:

2020 йилда...

By Steve Cutts

Агар аёл киши ғазабга минса, чорак чиройини, ярим аёллигини ва бутун муҳаббатини йўқотади.

© Нажиб Маҳфуз

Турмуши бузилган қиз...

Кузатишларим бўйича, кўп ҳолларда оилани бузилишида аёллар сабабчи эканини гувоҳи бўлдим. Хусусан, қайнона ёки куёвнинг опа-сингиллари томонидан келинга асоссиз, ноҳақдан сурункасига душманлик қилиш, ҳасад, кетковлаш каби ишлари куёв ва келин ўртасидаги низога олиб келмоқда. Эркак аёлни тушиниб яшаётган бир пайтда, аёл ўзи каби аёлни тушинмаслиги, унга зуғум қилишини тушинолмадим.

👉 @umarhalil 👈

✍ Синфдошларим
🎙 Омар Халил

Сизлар билан болалик, яъни мактаб даврига саёҳат қиламиз. Биринчи севги, биринчи дўстлик, биринчи муаллим, кўп нарсаларнинг биринчи дебочаси, синфдошларим!

👉 @umarhalil 👈

Бизга жазо тайин бўлса ҳам нима учун гуноҳ ва жиноят қилаверамиз? Одамлар нима учун бошқаларнинг ҳаққини ейишдан тўхтамаяпти, зино қилишдан тўхтамаяпти, ўғирлик қилишдан, зулм қилишдан, ноҳақликлардан тинмаяпти? Аллоҳ гуноҳлар учун жазо тайин қилганини ҳамма инсонлар билади-ку, нега ундай тийилишмайди? Давлатда қонунлар бузилишига жазо бўлса ҳам, нега одамлар қонунни бузаверади? Нега одамларда жазоланишга бўлган қўрқув йўқ? Шу каби саволлар кўпчиликни ўйга толдирган бўлса керак. Шу ҳақдаги мулоҳазаларимни ўртоқлашмоқчиман. Бунга асосий сабаб жазони муқаррар эмаслигидир. Масалан, пора авж олган давлатда турли жиноятлар амалга ошиши ортади. Чунки, тайин қилинган жазони пора билан йўққа чиқариш имконияти бор. Диний гуноҳларда эса тавбанинг борлиги, жумладан насроний динига эътиқод қиладиган одамларда ҳам гарчи ўз роббисини таниса ҳам, баданига хоч туширилган татиуровкалар чиздириб диндорлик деталларини ўзида жамласа ҳам жиноят қилаверишига сабаб уларда индулгенсия - гуноҳларга каффорат қилиш ричаги борлиги. Ислом динида ҳам гуноҳларни ювиб олиш учун тавба деган имконият бор. Мана шу уч омил: пора, индулгенсия ва тавба одамларни гуноҳлар такрор қилишга журъат топилишига таъсир этади. Юқоридаги уч омилнинг сўнгиси, яъни тавба инсониятга Яратган томонидан берилган улкан имконият. Инсон адашади, хато қилади, билмаган ҳолатда гуноҳ қилади. Мана шу камчиликни ҳисобга олган Парвардигор бандалари учун тавба деган имкониятни берган. Лекин, бунинг ўз шартларини ҳам жорий қилган. Тавбадан мурод, қилинган гуноҳдан чин қалбдан пушаймон бўлиб уни бошқа қайтармасликка Аллоҳнинг ҳузурида сўз бериш демакдир. Бироқ, инсонлар буни истеъмол қилишади. Гуноҳларни қайталанишига сабаб тавбани қайта-қайта қилиб Аллоҳ яна кечираверади деб ўйлаш. Шу ўйни борлиги одамларни гуноҳ қилишда бардавом қилади. Бу жазони ўзи учун муқаррар эмаслигини англатиб туради. Пайғамбарлар тарихига назар солсак, қавмларга келган оммавий жазоларни гувоҳи бўламиз. Нух алайҳиссалом ўз қавмига қарата Аллоҳга ширк келтирмаслик, бутларга сиғинмасликни тарғиб қилди. Одамлар гапига кирмади. Натижада уларни ёппасига сув босди. Бу жазонинг муқаррарлиги. Мусо алайҳиссалом Бани Исроилни қулликдан қутқариш баробарида илоҳликни даъво қилган тоғут Фиъавнни куфрга кетмаслигини, банда сифатида Аллоҳга қуллик қилишини, атрофидагиларни уни Ҳудо деб сиғинмасликка чақирди. Фиръавн кўнмади. Оқибатда Миср 7 балоси келди. Бу жазонинг муқаррарлиги. Лут алайҳиссалом ўз қави гомосексуализм билан шуғилланиш каби разолатга ботганда, уларни бу жирканч иллатдан қайтишга даъват қилди. Қавм кўнмади. Натижада омматан уларни ер ютди. Жазо муқаррар бўлди. Вақти келиб Аллоҳ ўзининг пайғомини Муҳаммад соллаллоҳу алайҳи васалламда тўхтатди. Энди янги пайғамбар келмайди. Энди огоҳлантирувчи, жазони муқаррар эканини айтиб турувчи расул йўқ. Авваллари одамларни насли, турмуши тўғри йўлда кетишини таъминлаш учун уларни ҳидоятга чақирувчи, ҳаётнинг тўғри йўлини ўзанга солиш учун масъул пайғамбарлар юборилар эди. Бу йўлдан озганларга эса жазо муқаррарлиги таъкадланарди. Сабаби, инсоният келажаги соғломликда бардавом бўлиши учун. Аллоҳ бу миссияни Муҳаммад алайҳиссаломда тўхтади ва сўнги сўз Қуръони Каримни нозил қилди ва унга Фурқон, яъни ҳақ ва ботилни ажратувчи дея ном берди. Энди пайғамбар келмайди, энди жазолар шунга мувофиқ ўша заҳоти муқаррар эмас, энди Нуҳ қавми каби бутларга сиғинганларга, буддистларга, ҳиндуийларга тўфон муқаррар эмас, Фиръавн каби тоғутларга, замонавий диктаторларга, Сталин, Гитлер ҳамда Шимолий Кореянинг диктатор раҳбарлари династиясига, аҳолисининг шахсга сиғинишларига қарши Мисрнинг 7 балоси келмайди. Дунё бўйлаб баччабозлик қилаётганларга, гомосексуласитларнинг ҳуқуқини химоя қиладиган ташкилотларга, икки эркак ва икки аёлнинг ўзаро никоҳини қонуний қилиб берганларни Лут қавми каби ер ютиши муқаррар эмас.

​​Давоми:

Пайғамбарлик тугаши билан, муқаррар жазо ҳам тўхтади. Ҳозирги табиий офатлар, вируслар тарқалиши, сув тошқини, тўфон, ёнғин инсонни табиатга аралашуви ва табиий жараёнлардан иборат. Буни Аллоҳ юборган бало деб талқин қилиш, унининг Одиллик сифатига путур етказиб қўйиши мумкин. Чунки, қадимда баччабозларни ер ютган бўлса ҳозиргилари дунё фароғатида жазосиз яшаб юрсаю, бир томондан мусулмон бўла туриб Аллоҳдан узоқлашгани учун хослаб офат юборилиши Аллоҳнинг адолати бўлмайди. Агар хоссатан офат юбориладиган бўлса, энг аввал, Аллоҳни икор қилганларга, Унга катта ширк келтирганларга, баччабозларга келган бўларди. Чунки, тарихий жараён шуни исбот этади. Ҳозирги техноген офатлар инсон омили туфайли бўлаётганини тушинишимиз, у айнан ўзимизнинг қинғирлигимиз сабабли юзага чиққан фожеа эканини тан олишимиз керак. Зеро, Қуръон ҳақ ва ботилни белгилаб бўлган. Фақат икки йўл қолди: Ҳақ йўли ва ботил йўл. Гуноҳлар йиғилиб энди энг сўнги жазо Қиёматни муқаррар қилиб кетаверади. Гуноҳ ва маъсият қанча кўпайгани сари Қиёмат муқаррар бўлиб бораверади. Қилинган гуноҳ ишга ҳозирнинг ўзида жазо муқаррар эмас, фақат Қиёмат соатида муқаррардир. Инсониятнинг гуноҳларда бардавом бўлишига сабаб ҳам шунда. Шунинг учун уни жазога тортилишидан қўрқув йўқ. Балки, оламда тақдир (ўлчов) қилинган нарсадардан ўзига муаммо орттиргандагина кўзи очилади. Масалан, Сардобадаги тўғонни мустаҳкам қуришда ишлатиладиган материаллар энг сифатли, босимга, шамолга ва бошқа зарбаларга чидамли бўлса, сув тошқинини олдини олиш қадарини таъминлайди. Аксинча бўлиб, қурилиш материалларига кетадиган маблағни ўзаро суистеъмол қилиб, қолган пулга арзон материал ишлатса, у тўғонга бардош беролмаслик қадарини тақозо қилади. Қадардан мурод ўлчовдир. Бу ўлчовларни Аллоҳ белгилаб қўйган. Қайси ўлчовга амал қилсанг, шу ўлчовнинг натижаси рўй беради. Буни яхшилаб англаб олиш лозим. Бўлмаса шамолни, булутни, қуёшни айблаб юраверишади.

«Аллоҳ кўриб турибди» деган иймон кетгани учун ўрнига «Оммавий ахборот воситалари»ни жорий қилишга тўғри келган.

Барча ОАВ ҳодимларига куч-ғайрат, шижоат ва энг муҳими «Аллоҳ бизни кўриб турибди» деган иймонни тилайман.

Одамлар Аллоҳни кўриб турганини тан олса, ёмонликни ўзида назорат қилади. Акси бўлса, бошқалар назорат қилишига тўғри келади.

👉 @umarhalil 👈

ВАФО

Ҳодий Ҳамшарий 16 йил олдин Исроил мустамлакачилари томонидан қамоққа олинган фаластинлик. Унинг қаллиғи (улар фақат унаштирилган холос) шу давр мобайнида уни интизорлик билан кутди. Нафақат кутди, балки асирлар учун ажратилган нафақани йиғиб, ер сотиб олди ва унга ўзлари яшашлари учун уй қурди.

Бу сурат Ҳодий қамоқдан чиққан куни олинган.

👉 @umarhalil 👈

Кун,узчилар Сардобадаги фожеавий манзарадан видеолавҳа тайёрлабди.

Ўзбекистонда ҳам шундай ҳолатлар бўлиши ҳеч ҳаёлимизга ҳам келмаганди

👉 @umarhalil 👈