Asarni eronlik mutafakkir Ali Shariatiy yozgan. Asarni konseptual maqsadi zamonaviy jamiyatda ayol shaxsiyati qanday boʻlishi kerak degan savolga javob berishdan iborat.

Shariatiy, kitobni avvalida an’anaviy jamiyatda ayolning siyrati qanday ekani va unga qarama qarshi tip sifatida gʻarbdan kirib keladigan ayollik modelini tahlil qiladi. Ikki model ham: an’anaviy ayol obrazi va zamonaviy ayol obrazi ham chinakam ayol shaxsiyatiga javob berolmasligini ta’kidlaydi.

Jamiyatda va tarixda ayollarni oʻrni, Yevropada ayol obrazini talqini, oila va nikoh bilan bogʻliq jamiyat qarashlari, diniy qarashlar, dunyoqarash va xalq tafakkuri, ziyolilar mas’uliyati haqida gaplar ketadi.

Kitobni ikkinchi qismida, Fotima tugʻilgan jamiyat, otalari bilan munosabatlari, turmushdagi hayotlari va soʻngida u kishi bilan bogʻliq voqealar yoritiladi. Tom ma’noda Fotimaning shaxsiyati qanday shakllangani voqealar xronikasida va Paygʻambar alayhissalomning tarbiya uslublarida tasvirlanadi.