ҲИММАТ — БУЮК НАТИЖАЛАРНИНГ СИРИ
​Кўпчилик инсонлар муваффақиятни истеъдодда, қулай шароитда ёки моддий имкониятда деб ўйлайди. Аслида эса буюк натижаларнинг ортида кўпинча баланд ҳиммат, сабр ва давомий меҳнат туради.
​Ўзбекистонда ҳужрада илм олаётган кезларимизда бир воқеага гувоҳ бўлганман.
​Бир йигит илм талаб қилиб келди ва устозимизга:
​— "Мен ўқийман, қори бўламан!" — деди.
​Устозимиз:
​— "Ҳозир ҳужрамизда бўш жой йўқ," — дедилар.
​Шунда у йигитнинг жавоби барчамизни ҳайратда қолдирди:
​— "Тик туришга жой бўлса ҳам кифоя. Мен илм олишдан тўхтамайман."
​Субҳаналлоҳ!
​Бу оддий гап эмас эди. Бу — қалбдаги ёнаётган ҳимматнинг ифодаси эди.
​Устозимиз унинг самимияти ва қатъиятини кўриб, бир иложини қилиб ҳужрага қабул қилдилар.
​Орадан йиллар ўтди...
​Айнан ўша йигит ҳужрамиздаги энг чиройли тиловат қиладиган, энг пухта ўқийдиган қорилардан бири бўлиб етишди.
​Аллоҳ унга истеъдодидан олдин ҳимматининг баракасини берди.
​Қуръон нимани ўргатади?
​Аллоҳ таоло марҳамат қилади:
​«﴿وَأَنْ لَيْسَ لِلْإِنْسَانِ إِلَّا مَا سَعَى﴾
​"Инсон учун фақат ўзи қилган саъй-ҳаракатигина бордир."
(Нажм, 39).»
​Яна шундай дейди:
​«﴿وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ﴾
​"Бизнинг йўлимизда жидду жаҳд қилганларни албатта Ўз йўлларимизга ҳидоят қиламиз. Албатта, Аллоҳ эзгу амал қилувчилар билан биргадир."
(Анкабут, 69).»
​Диққат қилинг!
​Аллоҳ аввал ҳаракатни, кейин эса ҳидоят ва муваффақиятни зикр қилди.
​Расулуллоҳ ﷺ нимага тарғиб қилганлар?
​Расулуллоҳ ﷺ шундай дедилар:
​««احْرِصْ عَلَى مَا يَنْفَعُكَ، وَاسْتَعِنْ بِاللَّهِ، وَلَا تَعْجِزْ»»
​«"Сенга фойда берадиган нарсага астойдил интил, Аллоҳдан ёрдам сўра ва ожизлик қилма."
​(Саҳиҳ Муслим).»
​Бу ҳадисда учта буюк қоида жамланган:
​фойдали нарсага куч билан интилиш;
​Аллоҳга таваккал қилиш;
​дангасалик ва ожизликка таслим бўлмаслик.

Саҳобаларнинг ҳиммати
​Абу Ҳурайра розияллоҳу анҳу Расулуллоҳ ﷺ билан узоқ яшамаганлар. Шунга қарамай, вақтнинг ҳар лаҳзасини илм учун сарфладилар. Натижада минглаб ҳадисларни ёдлаб, умматга етказдилар ва энг кўп ҳадис ривоят қилган саҳоба бўлдилар.
​Абдуллоҳ ибн Аббос розияллоҳу анҳу ёш бўлишларига қарамай, Расулуллоҳ ﷺнинг дуоларига сазовор бўлдилар. У зот кечалари саҳобаларнинг эшиклари олдида кутиб, илм ўрганар, иссиқ ва чангга сабр қилар эдилар. Кейинчалик эса "Қуръон таржимони" ва умматнинг энг буюк фақиҳларидан бири бўлдилар.
​Ҳеч бири қулай шароит кутмади.
Улар имконият яратишди, баҳона эмас.
​Ўзингиздан сўранг...
​Илм олишга нима тўсқинлик қиляпти?
Жой йўқми?
Пул камми?
Вақт етмаяптими?
Ёки асл муаммо ҳимматнинг пастлиги эмасми?
​Кўпинча инсонни имконият эмас, балки ўзининг кичик мақсади тўхтатади.
Баланд ҳимматли инсон эса йўл топади.
​Хулоса
​Агар Аллоҳ учун илм олишни, Қуръон ёдлашни, ибодатни кўпайтиришни ёки умматга фойдали бўлишни ният қилсангиз, мақсадингизни кичик қилманг.
​Аллоҳ учун катта ният қилинг.
Катта ҳиммат билан ҳаракат қилинг.
​Сабаби, Аллоҳ ҳеч қачон самимий меҳнатни зое қилмайди.
Бугун бир қадам ташласангиз, эртага Аллоҳ сизни ўзингиз тасаввур ҳам қилмаган манзилга етказиши мумкин.
​Ҳиммат қанчалик баланд бўлса, Аллоҳнинг тавфиқи ва баракаси ҳам шунчалик улуғ бўлади, иншааллоҳ.

🔵@ummulquroo

📖 Bu kitob yo foydamizga yoki zararimizga hujjat

📱@ummulquroo

📖6-дарс:
Балиқ учун сув қандай аҳамиятли бўлса, қалб учун зикр ҳам ана шундай муҳимдир!
•••┄┄┄༻❅༺┄┄┄•••

🔵@ummulquroo

Ortga qaytmas umr, yohud hali ham kech emas

Qurʼon yodlamoqchi boʻlganlar oʻqib olishi kerak boʻlgan kichkina kitobcha...

Ilm olmoqchi boʻlganlar ham bu qissa sohibidan ibrat olishga haqli

🔵@ummulquroo

Баъзида инсон Аллоҳни зикр қилади, лекин кўзлари намланмайди, Қуръон ўқийди лекин таслим бўлмайди, хутба тинглайди лекин ичи жимирламайди. Бундай чоғларда у кўпроқ истиғфор айтиши лозим, чунки истиғфор қалбни тозалайди ва гуноҳларни ўчиради.

❤️ Шайх Сулаймон Улвон

✅@ummulquroo

📕 Yod olish uchun Muddassir surasi

🎙️Ustoza: Asma Huda

📍@ummulquroo

ح ع MAHRAJI

HALQUM O‘RTASI LISANUL - MIZMAR MINTAQASI

📱@ummulquroo