✨Дунё яратилибди-ки, ҳар нарсанинг ўз нисбати бор:

Туйғулар ҳам ёнма-ён юришади:

Муҳаббат ва хиёнат!
Садокат ва нафрат!
Яхши ва ёмон!
Қиммат ва арзон!
Зулмат ва ёруғлик!

...Одамлардан кўп умидвор бўлавермаслик керак...

Агар кимдир кўнглингизни оғритиб кетса-ю, сиз уни кечира олсангиз, унга қилинган энг улуғ садақанинг эгаси бўласиз...

https://t.me/Umr_Daftarim_uz

✨ Аллоҳим!

​🤲 Менга ёмон ният билан яқинлашган кишини ўз тузоғига ўзини туширгин. Кўзи мени кўрмасин, қулоғи мени эшитмасин, тили мени эсламасин. Менга зарар етказмоқчи бўлганнинг ҳисобини Ўзинг буз, қилган режасини ўзига қарши қайтар, ёмонлиги менга етиб келмасдан уни ўз ниятининг қоронғулигида қолдир. Мени ҳасадгўйнинг ҳасадидан, кин сақловчининг кинидан, фурсат пойловчининг ёмонлигидан асрагин.

​🤍 Қалбимга ҳузур, йўлимга омонлик бер. Мени одамларнинг эмас, Ўзингнинг паноҳингга топшираман. Менга яхшилик истовчиларга ҳам, ёмонлик истовчиларга ҳам Ўз адолатинг билан муомала қилгин.

​🕊 Менга ҳеч кимга ёмонлик тиламасдан яшашни насиб эт. Кўнглимни оғритганларни Сизга ҳавола қиламан, кўнглимни фақат Сизга боғлайман. Чунки энг мустаҳкам паноҳ, энг улуғ хавфсизлик Ўзингизсан, Аллоҳим!

https://t.me/Umr_Daftarim_uz

***

Аҳмад ибн Ҳанбал раҳимаҳуллоҳдан сўрашди:

— Қандай қилиб одамларнинг гап-сўзидан омон қолиш мумкин?
Жавоб бердилар:
— Уларга берасану олмайсан. Сенга озор беришса, чидайсан аммо сен уларга озор бермайсан. Ишлари тушиб келса, йўқ демай бажариб берасан, лекин уларга ҳеч хизмат айтмайсан.

Ҳалиги киши — Ҳазрат, ахир бу жуда ҳам қийин-ку?- деган эди,
— Кошки эди шундай қилиб ҳам улардан қутила олсанг! - дедилар, имоми Аҳмад раҳимаҳуллоҳ.

https://t.me/Umr_Daftarim_uz

***

Биз дунёга бошқаларнинг меҳрини қозониш, махлуқотларни яхши кўриш, яратилганларга шафқат, муҳаббат кўрсатиш учун келдик.

Юнус Эмро

https://t.me/Umr_Daftarim_uz

***

Энг қийинчилик онлари берилган сўз ~ энг катта имкониятларга эга бўлинган пайтларда мақбул кўрилади.

Аҳмад Лутфий Қозончи. "Саодат асри қиссалари" дан.

https://t.me/Umr_Daftarim_uz

ҲАЁТИЙ ВОҚЕА

Унинг ишлари бирданига орқага кетди. Кечагина катта даромад кўриб юрган тадбиркор эди. Энди эса қай ишга қўл урмасин, фақат қарзлари кўпайяпти. Бир ёқда ҳақдорлар қарзларини қистаб қўйишмайди. Ўзини тўрт томонга ургани билан, натижа йўқ. Худди барча нажот йўллари беркилгандек…

Шундай ўйлардан мияси ғовлаб, хиёбон четидаги ўриндиққа оғир чўкди. Лўқиллаб оғриётган бошини эгганча яна изтиробли хаёлларга берилди. Кимнингдир нигоҳини ҳис қилиб, бошини кўтарганида ёнида бир қарияни кўрди: «Жуда ғамгин кўринасан. Бошингга қандайдир ташвиш тушгани аҳволингдан маълум. Балки дардингни менга айтарсан…»

Негадир у ҳамма дардларини шу қарияга айтгиси келди, айтди ҳам. Сўзларини бўлмай эшитиб турган қария ниҳоятда хотиржамлик билан: «Сенга ёрдам беришим мумкин», деди ва ёнидан чек дафтарини чиқариб ёзди: «Бу пул сенга. Роппа-роса бир йилдан кейин шу ерда кўришамиз ва қарзингни қайтарасан». Шундай дея тезлик билан кўздан узоқлашди.

Қария кетганидан кейин қўлидаги чекка қараган қаҳрамонимизнинг кўзлари яшнаб кетди – роппа-роса 500 минг доллар. Имзо эса Жон Рокфеллерга, яъни замонасининг энг бой одамига тегишли! «Бу пул билан ҳамма қарзларимдан қутулишим мумкин», деб ўйлади у. Лекин негадир бу қимматли чекни бузгиси келмади, авайлаб сейфга солди. Ўзида ишлашга олдингидан ҳам кўпроқ иштиёқ туғилганини ҳис қилди ва айни ғайрат билан ишга киришди. Катта-кичик демай барча ишларини йўлга қўя бошлади, янги режалар тузди ва шу асосда аста-секин барчаси яхши томонга ўзгара бошлади. Шу тарзда бир неча ой ўтгач, қарзларидан батамом халос бўлди, ишлари аввалгидан ҳам гуркираб кетди…

Келишилган бир йил ўтди. У қўлида бузилмаган чек билан таниш хиёбонга йўл олди. Айтилган соатда ўзи томон тез одимлар билан келаётган қарияни кўрди. Миннатдорчилик билан чекни қайтариб, қўлга киритган ютуқлари ҳақида ҳаяжон билан гап бошлади. Шу пайт ёнларига югурганча бир ҳамшира келди ва қариянинг қўлидан тутди:

– Топа олмайманми деб қўрққандим, яхшики узоққа кетиб қолмабсиз. Кейин унга қаради ва хижолатомуз деди: «Сиз, албатта, унинг ёлғонига ишонмагандирсиз. Бу жанобга қариялар уйидан қочиб, шу хиёбонга келиш, кўринган одамга ўзини Жон Рокфеллер деб таништиришни одат қилиб олган…»

Қаҳрамонимиз нима дейишини билмай, узоқлашиб бораётган қария ва ҳамширанинг ортидан ҳайрон қараб қолди. Демак, йил бўйи ишонган, кўнглини тўлдириб илхомлантирган, уни янги чўққилар сари етаклаган 500 минг доллар асли йўқ нарсамиди? Унда эришган ютуқларига асос нима эди?! Унинг ҳаётига таъсир қилган нарса унга билдирилган  ИШОНЧ эди.

Кимдандир ёрдам кутиб ўтириш ярамайди... Атрофда рухлантирувчи мўжизалар хам кўп, уларни кўра билинг...


https://t.me/Umr_Daftarim_uz