Men seni jim sevishni tanladim..
Sababi, sukut ichida rad etilishni topmadim..

Men seni yolg’izlikda sevishni tanladim..
Sababi, yolg’izlikda mendan boshqasi senga ega chiqolmas ekan.

Men seni uzoqdan ardoqlashni tanladim..
Sababi, masofada men og’riqdan himoyalanar ekanman...

Men sendan shamol ila bo’sa olmoq istadim…
Sababi, shamol boʻsasi meni lablarimdan mayinroq ekan,

Men seni tushlarimda tutib qolishni tanladim…
Sababi tushlarimda sen hech qachon ketmaysan, yo’q bo’lmaysan, tugamaysan…

©️Rumiy

umid qilamanki, qaysidir hayotimizda
tish tozalagichlarimiz bitta stakanda turadi,
javonimizdagi iforlar bir-biriga singib ketadi.
birgalikda devorlarimiz rangi haqida bosh qotiramiz.
soatni roʼparasiga qaysi rasmni ilish haqida tortishamiz.

umid qilamanki, qaysidir hayotimizda
har shanba yangi sayohatlar tashkillashtiramiz,
oqshom mahali esa
mitti uyimizda, kamin oldida qahva ichib oʼtiramiz.
axir yetadi-ku, ikkimiz uchun bitta ulkan chemodon,
javonda esa suratlarimiz bilan toʼlgan fotoalbom.

umid qilamanki, qaysidir hayotimizda
kichkina farzandlarimiz boʼladi.
sening erkatoy qizing va jigarrang koʼzli oʼgʼlim.
qizalogʼimiz pushti velosiped haqida orzu qilsa,
oʼgʼlimiz havorang vertolyotni sevadi.

ota-onalarimiz hecham keksaymaydilar,
va oqshomlari biz bilan komediya tomosha qiladilar.

ammo hammasidan ham koʼproq umid qilamanki,
qaysidir boshqa hayotimizda
bir-birimizni mahkam tutamiz va hech qachon qoʼyib yubormaymiz.


©️Shabnam

Seni kutishga bir umr atadim.
Kutilganligingdan xabaring bormi?

⏺️Mahliyo Karimova

Aynan shunday! Sen bilan "Qayerga?" deb savol bermay, dunyoning narigi chekkasiga ham borishga tayyorman:)💜

Ruh faqat oʻziga oʻxshagan ruhni uchratganidagina biz bilan, aqlimiz, oʻlchovlarimiz bilan hisob-kitob qilib oʻtirmay uygʻonadi. Oʻsha lahzadan eʼtiboran chin maʼnoda yashashni — ruhimiz bilan yashashni boshlaymiz. Oʻshanda barcha ikkilanishlar tortinchoqliklar ojiz qoladi, ruhlar bir-biri bilan quchoqlashish uchun hamma narsani yanchib oʻtib, bir-biriga talpinib chopadi.

⏺️Moʻyna mantoli madonna.

Sen bir kitob bo'lsang,
men bor varaqlar —
yopib bo'lmaydigan qatlari titrar...
Qochishlar, kutishlar, topib olishlar
Bosma harflarga solib qo‘yilgan.

Sen bir kitob bo'lgin,
imlosi ishqdan
Imzosi — ismim-u, ibtidosi men,
Intihosin "biz"li ertaklar quchgan...
Ko'zimning yoshiga yuvib o'qirdim —
Sen bir kitob bo'lgin,
muhabbat yozsin,
Muharrir baxt bo'lsin, muqovang yulduz...
(Sog'inchlar rangidan chimdimlab olib
Biz bor jumlalarning ostlariga chiz!)

Agar kitob bo'lsang, umrimni ol-u
Xatcho'plik dasturin topshir qo'liga —
(Baxt bor joylariga avaylab solib)
Har kecha shu joydan o'qiyversin tun...
(Chunki umrim xatcho'p — senga qorishiq)


Sen bir kitob bo'l-u, yolg'iz o'tinchim:
"Birovning kitobi" bo'lmagin faqat.
(Baxt ham ololmasmish o'qib turishga)
Sen bir kitob bo'lgin...

⏺️Shohsanam Iskandarova

Shu postning izohiga oʻziz yoqtirgan birorta iqtibosmi yoki sheʼrdan parchami qoldiring.

Oʻqib mazza qilaylik😊

Sen o'zingni kim deb o'ylading?
Bor yo'g'i har narsamsan.

©️O'zdemir Asaf

Dengizni koʻrmagan yelkanlar haqqi,
Balki uchrasharmiz kemalar misol!?

💙Palang