Sen borsan.
Bir kunim jannat
Bir kun jahannam.
Bir lahzam farah,
Ming lahzam osiy.

Sen borsan.
Yelkang baland togʻ —
Zabt qilgim kelar butun umrga.
Koʻksingga bosh qoʻymoq
Goʻzal riyozat.
Lainning Xudoga sevgisi misol
Hech kimga bergim kelmaydi
Tuygʻularingni.
Quvgʻinga uchrayman shu uchun balki
bir kuni
nigohlaringdan.

Peshonam — otash, qismatim misol,
Peshonam — gʻadir-budur,
Tekislagim kelar lablaring bilan.
Koʻzimni yumaman, muhabbatingdek
Tilsimga aylanar koʻzlarim ichi.

Boʻgʻzimni qonatar har kecha,
"Kel" degan xanjar,
Yutaman, sengacha bormasin deya —
Qoʻrqaman, lahzada qoʻpguvchi qiyomatlardan.
Soʻng...
Titrayman har saboh
alamli koʻz yosh ichida -
Nega kelmading?

Sen borsan:
Har kun jahannam,
Har kunim jannat.
Meni sekin-sekin,
Lahzama-lahza
Maydalayotganin sezaman
Bu ogʻir qismat.
Yelkam yara boʻlgan,
Barmoqlarim ham.
Davosi oʻlim.
Sochlarimga osilgan
Gunoh la'natin
Yashirish uchun
Koʻzimni yumaman...
Koʻrmaysan sen ham...

Ammo baribir, sen borsan!
Qachondir ketsang,
Hech qachon kirmagan eshiging
ochiq qolar.
Ichkaridan uchib chiqqan qush
Bir kun tushlaringga kirishi uchun.

©️Feruza Xayrullayeva

Sen faqatgina eng sevgan insonim emassan. Sen eng sevgan makonim, eng sevgan vaqtim va men eng sevgan tuyg'usan.🤩

menga dardlar tila
baxt tilama qo‘y
og‘riqlar jonimni o‘rtasin doim
ostonam ostidan nari ketmay o‘y
do‘zaxga aylansin mayli dunyoim
toki... hech unutib qo‘ymayin seni

menga dardlar tila
baxt tilama qo‘y
seningsiz kulishga menda yo‘q xohish
bo‘g‘zimga qadalgan so‘zlarim haqqi
qo‘limdan kelmaydi ortiq yozg‘irish

menga dardlar tila
baxt tilama qo‘y
ichimdan quyilib kelmasin yig‘i
kutganim — bir sening siniq nigohing
og‘irlik qiladi undan ortig‘i

menga dardlar tila
baxt tilama qo‘y
qarg‘ishday tuyular boshqani sevish
qismatim chizig‘in chizolmayman yo‘q
kunlarim yemirar bariga ko‘nish

menga dardlar tila
baxt tilama qo‘y
toki.. hech unutib qo‘ymayin seni.

©️Salimjon qizi

Qaysi qo'shiqni eshitsam, go'yoki biz uchun aytilgandek..🦋

​​Bir kishi bilan turmush qurayotganda u bilan butun umr suhbat qura olamanmi, deb oʻylang, suhbat abadiy, qolgan bari oʻtkinchi...

©️Nitshe

Nega sevishimni
so'rama mendan.
Sen she'rsan go'yo –
husning ortaverar
yolg'on qo'shilsa.

©️Shams Langarudiy

Hamon bir to‘xtamga kela olmayman –
Bahsdan iboratdek qismatim mangu.
Men seni mukammal seva olmayman,
Men Xudomasman-ku, Xudomasman-ku!

G‘arq bo‘lgan kemalar, vayron saroylar,
Toptalgan bog‘lar hech shovqin qilmagay.
Shundoq jim nuraydi motamsarolar
Va taqdirni mayda talqin qilmagay.

Endi tushundingmi: shu ulg‘aygan ong,
Shu uyg‘oq qalbimga mangu bahssan-ku
Namuncha o‘zingga muhtoj qilmasang,
Sen Xudomassan-ku, Xudomassan-ku!

©️Nosirjon Joʻrayev

Sen bilan tanishish yangi bir qo'shiq kashf etmoq kabi edi..🐾

yaxshiyamki xayollar bor,
boʻlmasa seni bu qadar uzoq masofadan
qanday quchardim...

©️Jamol Surayo

— Go‘yoki u ham meni sevarmish, Olrij.
Shunday degandi, afandim.
— Yolg‘on ekan, Olrij.
U sizga yolg‘on gapirmadi, afandim, siz unga ishondingiz...

©️Oʻgʻuz Atay

Havas qiladigan yagona insoning o'zing bo'lmaguncha harakatdan to'xtama..🤍

Ismingni aytaman titrar lablarim,
Chunki sen so'zlarimga sig'maydigan darajada go'zalsan.
Ko'zlaring…
Tun ham havas qiladigan o'sha chuqur go'zallik
Va men unda yo'qolishni taqdir deb bilgan bir yo'lovchi.

Qo'llaring bag'rimda isinar ekan
Tomirlarimni olov, nafasimni bo'ron qoplaydi
Har bir harakating gunohning eng shirin ibodati,
Va bu ibodat faqat sen bilan bo'lishini xohlayman (gunoh bizniki bo'lsin)

Sochlaring yelkamga tushar ekan
Dunyolar tiz cho'kadi, vaqt jim bo'ladi.
Faqat sen va men qolamiz,
Bir-birining nafasida cho'kayotgan ikki oshiq.

Lablaring labimni zabt etar ekan
Vaqt to'xtaydi, soniyalar bizga bo'yin egadi
Barmoqlaring jismimda olovdan xarita chizar ekan
Ruhimning eng yashirin eshiklarini ochadi.

Kel…
Meni o'zingga rom et
Toki yulduzlar ishqimizga guvoh bo'lishsin.

©️A.

Qizig‘i yo‘q, o‘shal lahzada,
Yo‘llarimni to‘solmas hech kim.
Nahot shuni anglamoq mushkul,
Sizni ko‘rgim kelyapti, ko‘rgim!🌟

©️Malika Tavfiq

Bir sog‘inch
bostirib kirar xonangga,
Yashirgan surating
o‘parsan hirssiz.
Sevgingga qarshilik qilgan onangga
Ilk daf’a qaraysan yotdek, mehrsiz...

Kechqurun
pardangni tortgan nasimdan
Qo‘rqasan, keldi, deb
o‘ylaysan kimdir.
Qo‘llaring qaltirar qarimasingdan,
Og‘riqlar sezasan yuzingni chimdib.

Unutmoq
istaysan hech kimlar qadar,
Ko‘rasan o‘limga
qayta bosh suqib...
Kezganim yetmasmi shuncha darbadar,
Qaygayam borardim yodingdan chiqib?!

©️Humoyun Fattoh