Birinchi marta sen bilan futbol koʻraman, qachondir...

Yomgir yogʻsa
sizni oʻylayman,
Oʻylarimga
tashvishlar qoʻshib.
Sovqotsangiz
uni qoʻymayman,
Mayli meni
qoʻying urishib.

Yomgʻir yogʻsa
sizni oʻylayman,
Oʻylarimning
osmonin ochib.
Va yomgʻirdan
boʻlib panada,
Biz ketamiz
berkinib, qochib.

Yomgir yogʻsa
sizni oʻylayman,
Yuragim duk
etaverasiz.
Yomgʻirpoʻshda
qaramasdan jim,
Siz ohista
ketaverasiz.

Yomgir yogʻsa
sizni oʻylayman,
Oʻylarimning
cheki yoʻq biroq.
Qadam tashlab
yetolmayapman,
Yomgʻir sizdan 
etyapti yiroq.

Yomgʻir yogʻsa
sizni oʻylayman,
Xohi tanish
begona biling.
Iltimosim-
oʻylarim haqqi,
Oʻzingizni
ehtiyot qiling.!

Yomgʻir yogʻsa
sizni oʻylayman...

© Zohid Oston

Eng muhimi tabassumlarimga aldanmasliging kerak.

Ko‘zlaringga termulgim keldi,
O dunyosi buncha taloto‘p.
Yur…
Ko‘ngilga qochib ketamiz,
Va hech kimga sezdirmaymiz,
Xo‘p?!

©Madina Muhammad