~ Sen meni topishing kerak, men seni topishim. Baxt bizni qidirmaydi ham...)

olam nima?
bir nafas xavo,
ikki xovuch tuproq,
bir tomchi ko‘z yosh
mening dunyom qora, tor, sovuq
ammo
sen unda nagaxon porlagan quyosh

sen jannat.
poyingga etgum sajdalar
ishqingda yonmoqqa mahkum,
mamnunman
sen nursan,
eltasan baxtdan mujdalar
men sening soyangda zarra uchqunman

men yo‘qlik ichinda topgan borlig‘im,
ul yolg‘on dunyoda xaqiqat yolg‘iz.
sen ishqsan,
dunyosan.
ammo, o‘zim kim?
men charos ko‘zingga betob,
oshiq qiz.

©O‘ktamoy

Archani bezatayotgan paytim narvondan yiqilsam, tutib qolasanmi?

Sening uying mening yuragimda...

Siz ertaga kelasiz,
Ammo
Ertaga men o'lgan bo'laman...

"Qayerdan bilay..
Sen kitoblarni judayam yaxshi ko'raman deganing uchun men ham kitobchi bo'ldim..."

- deydigan biri boʻlsin hayotingizda.

Tashqarida yomg‘ir,
Yuragimda hasrat,
Xotiramda sen…
Uchovingiz bir onda qanday yog‘yapsiz?!
Tushunmay qoldim…

©Jamol Surayyo

Ko‘zlarimni emas, yuragimni berib turaymi?
"Seni" his qilishing uchun..?

© Zarnigor Xursandovna

"...Meni ikkiga boʻlsalar, yarmim senda qolsin..."

Sen qahva ichasan oyna yonida,
Men unsiz chekaman senga termulib...

©Jontemir

U har kuni limon choy uchun kiradigan qahvaxonaga,
men qaymoqli, ikki hissa shakarli qahva uchun kiraman.

U o‘tirgan o‘rindiqda o‘tiraman, u qaragan tomonga qarayman...
Uning xayollarini surmoqchi bo‘lsam kerak, shu yo‘l bilan.

U limon choy ishishni kanda qilmaydi, men esa qahva.

Umuman olganda, bizni hech narsa bog‘lab turmaydi.

Bitta qahvaxona,
kesishadigan bitta yo‘lak,
termulganimiz bitta tomon demasa, hech narsa bog‘lab turmaydi bizni.

Shunchaki,
bizning odatlarimiz boshqa,
u saharda limon choy ichadi,
men esa tushlikda qahva...

U ketadi...
Men kelaman...

Uning bo‘yi,
uning tabassumlari
o‘rnashib qolgan qahvaxonaga.

U dunyodan bexabar,
U mendan bexabar.

Agar...
agar bir kuni,
U bilan limon choy ichgani kelsam,
u o‘tiradigani emas,
ro‘parasidagi o‘rindiqqa cho‘k tushsam,
tasavvurimda qad rostlab,
o‘rnashib bo‘lgan yuzlariga,
qosh-u ko‘zlariga termulsam,
qo‘llaridan tutsam...
nima bo‘larkin..?

Vaqt to‘xtab qoladimikin?
U xayratdan lol bo‘lar-u,
O‘zini o‘nglay olarmikin..?

Tushlar, o‘nglar, xayollar... barchasi qaymoqli qahva bilan boshlanib
va yana u bilan tugaydi...

©Zarnigor Xursandovna

"yaxshiman" deganimda hech boʻlmasa sen ishonma...

Birgina soʻz joʻnat,
Bir dona soʻz yoz,
" Salom" mi, "qalaysan" ,
"Tinchmi,", deb qoʻygin.

Yo bitta nuqtani qoʻygin joʻnatib.
Sendan kelsa oʻsha tinish belgisi,
Qalbimga umidni qoʻyar oʻrnatib.

Birgina soʻz bilan hayotga qaytar,
Goʻyo nafas bergin bitta soʻz ila.
Men esa tunlari to tongga qadar,
Xudoga yolvoray umringni tilab.

Koʻnglingni ber menga,
Koʻnglingni faqat,
Osmonni, bahorni, gullarni emas.
Sensizlik jabriga giriftor etib,
Umidim soʻngiga eltib qoʻyma, bas!

Yomgʻirni sevaman, tongni, shafaqni,
Quyoshni oʻynayman yoqib- oʻchirib,
Oʻsha hammasidan judo boʻlsam ham,
Oʻzingni oʻzimdan ketma koʻchirib!

Jimliklar jariga joylama jonim,
Xabar joʻnatib qoʻy undov toʻldirib.
Yonimda yoʻgʻingga koʻnaman ammo,
Yodingda yoʻqligim qoʻyar oʻldirib..

Malika Tavfiq

Seni topgunga qadar,
Qanday yashadim men?
Nahot yashadim?

© Rauf Parfi

Bilasanmi, aynan shu onda men qandaydir xotirjamlik, samimiyat va baxt hissini tuyaman. Negaki, barcha goʻzalliklar: sen va cheksiz dengiz, moviy osmon qarshimda boʻlasiz...

"Ikki bekatmiz" sen bilan,
kelganlarni kutib olib,
ketganlarni kuzatadigan.
Minglarcha insonlar kelib ketadi,
minglarcha avtobuslar ham.
Sen termulgan yomg‘irga,
men ham ko‘z tutaman!
Ivib qolmasin uchun,
yomg‘irlarda, insonlarni
quchog‘imga berkitaman.
Har yili bahorda,
gullarning safsar urishi-yu,
qishda muz qoplashigacha
birga kuzatamiz.
Sen va menda kuzatmoqlik bor,
jamlanmoqlik yo‘q.
Sen va menda ichikmoqlik bor,
lek kelmoqlik va ketmoqlik yo‘q!
Qiziq-a,
shunday ulkan shaharda,
minglab insonlar,
minglab ulovlar
"Meni senga elta olmasa?"

©Zarnigor Xursandovna

" Qoʻl uzata olmaganim, ismini bilmaganim va suhbat qura olmaganimsan..."