Kun keladi har juma men uchun gul va kitob ko'tarib uyga qaytasan💓📚

Menga aytchi, qachon biz ham shu trendni qilamiz?💗🪐

Men na choy, na qahvaman. Men sen uchun faqat kasal bo’lganingda kerak bo’lguvchi, taxir dori suvidekman.Yoqimsiz, ammo davo yashirilgan.
Men xuddi qalin bir kitobning qirqinchi varaqalaridekman: aniq yodingda qololmaydigan, e’tiboringni muqaddima va xotimachalik tuta olmaydigan…
Men seni hayotingni sentabri, dekabri yoki marti emasman.Taqdir taqazosi ila meni avgustning so’nggi kunlari, noyabrning oxirgi kechalari, fevralning bahor ilinjida kutilayotgan xotima eshigida turgan sovuq kechalariman…
Shunday bo’ldiki, azizim, boshidagi yoki oxirgi nuqta emasman. Seni qaysidir xohishing tomon yetkazib qo’yuvchi va o’rtada lom-lim demay qolguvchiman.
Men tongda ortingdan quvguvchi, tunda esa g’oyib bo’lguvchi soyangdekman.
Men na oq, na qora, na rang-barangman.Men o’sha kulrang aralash, ko’rimsiz rangdekman. Eng qizig’i, sening rangli hayotingda umuman mavjud bo’lmagan va ehtiyojsiz — kulrang.
Men quyoshli yoki bulutli, qorli yoki yomg’irli havo emasdim. Men shovqinli va changli shamol edim, hamma sezib derazalarini berkitib oladigan.
Men na birinchi, na yettinchi osmonman.Men huddi uchinchi va to’rtinchi osmon o’rtasida arosatda qolgandekman.
Senga yorqinlari kerak bo’lganda, men xira oynadek bir burchakda turgandim.

Shuni anglaymanki, bir vujud bor. Arosatda qolganlarni qabul qila olguvchi.Ularni fahmlaguvchi…bir vujud bor. Sen zanjirning muhim qismiligingni his qildirguvchi.


©️nyctophilia

💙Sen eshitdingmi mening sukutlarimni?

💙Meni tushunishing kerak, chunki men kitob emasman, chunki men o'lgandan so'ng hech kim meni o'qimaydi, tirikligimdayoq tushunilishga majburman.

💙Menga qanchalar qiyinligini bilasanmi, Olrix? U'nga yozganlarimni U'ndan boshqa hamma o'qiyapti.

💙— Qo'limda emas, Olrix.
— Nima afandim?
— Qo'llari Olrix, qo'llari...

💙— Jon talashish qanday bo'lishini bilasanmi, Olrix?
— Yo'q afandim, qanday?
— Unga aytishga shu qadar so'z bo'la turib jim qolish, Olrix.

💙O'qigan satrlaring ta'siri ostidasan. Seni topdim.

💙— Va'da berdi, Olrij.
— Qanday va'da?
— Anjir gullaganda kelaman, dedi.
— Lekin afandim...
— Bilaman, Olrij, jim...

©️ Oʻgʻuz Atay (Tutunamayanlar)

Ismingni xotirdan chiqarish gunoh,
Hatto suratingni sevsa boʻladi💗

Sen pichoqsan, men oʻzimni doim oʻsha pichoq bilan teshdim..

©️Kafka

Ishqiy qissalarning barchasi roʻyo,
Menimcha, sevgi deb hech kim oʻlmagan.
Lekin yaralgandan beri bu dunyo
Seni sogʻinishdek azob boʻlmagan.

Soxta maddohlikning bari behuda,
Hamma ham gʻamingni koʻrmaydi baham.
Qoshingni chimirib qaraganingda
Yoqimli manglaying chiziqlari ham.

Qanchalar qadrdon bu yangi nigoh,
Koʻrdimmi – koʻksimga mehr toʻladi.
Ismingni xotirdan chiqarish gunoh,
Hatto suratingni sevsa boʻladi.

©️Jo'rabek Ramazon

Yana tun, yana qayg'u
Va yana sen mening ichimdasan, bilasanmi?

Sen ichimda bo'lganingda, qayg'u ham go'zal...❤️‍🩹

Seni desam men, aqldan ozaverdim,
Xatlar yozdim, har kun sheʼrlar qoʻsha-qoʻsha.
Bitta javob kelmasa ham, yozaverdim,
Sen oʻshami, ishqilib ?
Men oʻsha-oʻsha.

Oʻlmayapman, oʻlar holda boʻlsam hamki,
Kelmasmiding, mabodo men oʻlsam hamki?
Bilmaysan-da, seni shunday qumsaymanki…
Yuragim ham tugay dedi joʻsha-joʻsha.

Tamom boʻldim.
Tamom nima, bilasanmi?
“Boʻm-boʻsh ikki tomon” nima, bilasanmi,
Yomon!
Oʻzi yomon nima, bilasanmi?
Toqatim toq, iztirobim qoʻsha-qoʻsha.

Bir kelsang-chi!?
Yigʻlasangchi boshim silab,
Yigʻlasangchi yuzimdagi yoshim silab?!
Yo shivirla mayin-mayin, qoshim silab
“Mayli ,toʻyib bi-i-ir yigʻlab ol, boʻsha, boʻsha!..”

Tamom boʻldim.
Tamom nima, bilasanmi!?..

©️Azizbek Hakimov

Seni sevaman!
Senga aytilishi kerak boʻlgan sen va menga oid bundan boshqa soʻzim yoʻq.

©️ Nozim Hikmat

Koʻp yurakchaga arziydi💜

Ehtimol...

Ehtimol,
So‘zlardan afzaldir sukut,
Ehtimol, aslida, jim turmoq foyda.
Kechir!
Eng yaxshisi...
Barini unut.
Dilni qiynamoqlik, bunda befoyda.

Mayli-da,
Ko‘ngilga bo‘lmasin malol,
Olmagin yurakka yaqin, gaplarim.
Kulaver!
Mayliga...
Endi bemalol.
Endi, menga oshno, qayg‘u-dardlarim.

Indama,
Bir safar qilmaylik urush.
Bir gal, tinch qo‘yaylik arazlarni ham
Qo‘yaver,
Indama,
Foyda jim turish.
Sukut yengadi-da g‘arazlarni ham.

Istama,
Izlama, endi men – menmas.
Soxtaday tuyulib ketmoqda so‘zim.
Tushun,
Men boshqaman,
Birgina senmas,
Tanimay qolyapman o‘zimni - o‘zim,

Ehtimol,
So‘zlardan afzaldir
Sukut!

⏺️B. Abbosov

Har doim oʻzing boʻl. Sen — seni anglaganga moʻjizasan💫

Biz bir dunyoda yolgʻizmiz. Toki qalblarimiz uchrashguniga qadar.💗

Sen — qafas, ichingga qamalgan dunyo,
Men — qushman ichingda senga ichikkan.
Qanotim ostida kalit bor,
ammo
chiqib ketolmayman eshikdan.
Men — bandi.
Hech qachon hech kim tutmagan!
Haydama...
Yaxshisi, boshimga dor tik.
Tashqarida sen yoʻq —
Tashqari tuman,
Meni oʻldiradi bunday ozodlik.
Qara, koʻzlarimdan tomyapti shabnam,
Yuragi nam tortib ketganlar kammi?
Iltimos...
Haydama...
Gar qanot yozsam,
Sochilib ketaman.
Achinmaysanmi?

Uchmayman!!!

©️Bashorat Otajonova

Menga kitob sovgʻa qilishga bahona izlab yurganlar boʻlsa, bugun kitobxonlar kuni ekan. Uyalmay joʻnatishlariz mumkin😊

Goʻzal narsalar ham bor bu hayotda:

Choy va kitoblar kabi,
Yomgʻir kabi,
Sen kabi...💜