Qara oy toʻlibdi… sen ham oyga qara men ham qarayman. Bir-birimizni koʻramiz shunda…)🌑

Masofalar ahamiyatsizligini yana qanday isbotlash kerak?!

💚Men seni aqlim va yuragim bilan sevmadim.
Men seni ruhim bilan sevdim, sababi aqlim unutadi,yuragim esa to’xtab qoladi.

💛Ey Sevgilim!
Sen mening ich-ichimda qonab turgan yaramsan...
Agar Seni qanchalar sog‘inganimni bilganingda edi,
Yo‘qligingdan uyalar eding...

🩵Yo olib ket qolgan yarmimni,
Yo kel toʻldir, chala yarmimni!

🩷Sevgida ikkilanish bolmaydi, Unutma: yo bir martta qattiq sevasan yoki hech qachon sevolmaysan!

💚Ishqni til ila ta'rif etish naqadar go'zal, ammo tilga olinmagan ishq undan -da go'zal !

💛“Eshigingga keldim!
Va men “Men” boʻlishdan voz kechdim.
Yetarki, Sen:
— Kim U? — degin.
Kim boʻlishimni istasang, oʻsha boʻlgali keldim!..”

🩵Ey Sevgilim!
Quyosh ham mendan olisda, oy ham...
Ammo hech bir tongim quyoshsiz, hech bir kecham oysiz oʻtmaydi...
Xuddi qalbim, Sendan voz kecholmagani kabi...
Tasbeh donalari kabi tortdim, Seni...
Keladi, keladi, keladi, deya...

🩷Ey taqdiri taqdirimga yozilsin deya har kecha duo etgan sevgilim!
Qalbingni qalbimga koʻmmasdan, ruhimga Fotiha oʻqima.


💚Sen faqat sen emassan:
Mensan!
Menikisan!
Mendasan!


©️ Jaloliddin Rumiy

⏺️Men Kuz'ni qo‘msadim sendan-da qattiq...

***
⏺️Qalamga-da aytgim kelmas sening haqda

***
⏺️Bag‘ringga ko‘milib o‘lsam qaniydi...

***
⏺️Bilsang, jonim, har tunda seni
Kiprigimda uxlayman quchib.

©️Samo

Qay bir kun, qay kecha yangragan ingroq
qay umid, qay orzu zavoli edi.
Tushlarga almashgan umrimni illo,
seni tush koʻrganda qoʻlingga berdim.

Ista tutash qilgin uni umringga,
daraxtdek unaman, yaproq kabi moʻl.
Ista koʻkka otgin, ista uloqtir.
Shunchalar olis boʻl, yetib boʻlmas qoʻl.

Kelma, tashrifingdan shod boʻlgum, ammo
ortiq toqat yoʻqdur yoʻqotishlikka.
Yaxshisi shunchaki tanishlar boʻlib,
boramiz sayrga yoki tushlikka.

Chalgʻitmoq boʻlaman sezmagin deya,
qisilgan barmoqlar, titragan tizzam.
manaman degan ham, yori yonida,
shunday kalovlanib qolar, azizam.

Sen mayin kulasan labing uchida,
yanogʻingdan ikki atirgul unib.
Soʻngra gap boshlaysan, mayin ovozda,
tomogʻingni qirib, tagʻin yutunib.

- “Kitob oʻqiysizmi” ? - soʻzing boʻlaman,
-“Oʻzbek yoki jahon adabitoti ?
Dostayevskiyning shoh asari-yu,
Pushkin sheʼrlarimi, Remark hayoti”?

Koʻzlaring chiroqdek ketadi chaqnab,
mamnundek etasan, soʻzingni davom.
Suhbat choʻziladi klassik asar,
Balzak realizmi, Lermontov tomon.

Atrofni shom qoplar, parvo qilmaymiz,
“Kelaqol”- deguncha onang, sim qoqib.
Ketasan, koʻrishmoq vaʼdasin berib,
sovgʻa qilgan kitobim, bagʻringga bosib.

Men esa kutaman, seni shu ondan
yoʻlingga koʻzlarim ipini osib.

©️Mizantrop

Men sizni shunchaki ayadim,
Ayamoqchi boʻlib oʻzimni
(Sizni koʻrganida mabodo
Qanday yumar edim koʻzimni?!)

Men sizni shunchaki ayadim,
Atayin bormadim, atayin
(Sizga koʻproq yoqaman debman,
Odamlikdan ketganim sayin).

Men sizni shunchaki ayadim,
Aytmadim holingiz yoqishin
(Daryosizlarning daryosida
Osonroq boʻlsin deb oqishim...)

Men sizni shunchaki ayadim,
Tangri meni ayaganidek
(Quchogʻimni otgandim oʻtga,
Quchogʻini ochdi moviy Erk!)

Men sizni shunchaki ayadim,
Har tun ismim shivirlagan bogʻ!
(Sizdan uzoq yurdim, shunchaki
Dunyo yashasin deb uzoqroq!)

©️Shuhrat  Orif

Qaniydi bizning ham qanotlarimiz boʻlsa❤️)

Qavs bog’lariga tun tushayotir,
Yurakni bir sog’inch o’rtadi yomon.
Hech kimga bildirmay, uning yoniga
Borgim kelayapti, Xudojon!

“Tush” deysan,
"Tush” emas,
Tushgin, deyaqol.
Jannat ko’klaridan tushib kelayin.
Umrining har daqiqasiga
Ishqimni, ko’nglimni qo’shib kelayin.

Yoki olib ketay arshi a’lomga,
Yo qolayin uning qoshida omon.
Qayda qilsang, qilgin,
ne qilsang qilgin,
Meni undan mahrum etma, Xudojon!

Men uning hammadan yashirgan siri,
Jon ichida joni bo’lgim kelyapti.
Lablarining qaynoq haroratidan
O’lgim,
O’lgim,
O’lgim kelyapti!..

Dunyo o’z karvonin tortib ketayotir,
Men uning qoshiga yetaman qachon?
Menga farishtalik taxtini emas,
Bir ayol baxtini bergin, Xudojon!

Bilmaysan,
Men uning qonida oqdim,
Yillarning eng nurli xayoli bo’lib
Izn ber, qolayin shu lahza haqqi,
Uning, faqat uning haloli bo’lib.
Dunyoning eng baxtli ayoli bo’lib!

Qavs bog’lariga tun tushayotir,
Dilni bir xavotir ezdi ko’p yomon.
Agar u tush bo’lsa ming yildan beri
Kimga asrayapsan meni, Xudojon!

Kimga asraganding meni, Xudojon?!.

©️Zebo Mirzo