Koshkiydi sozingda tor boʻlsaydim men,
Goʻzal ohanglarni yangratmoq boʻlib.
Har gal barmoqlaring tekkizganda sen,
Yonardim, titrardim quvonchga to'lib.

©️Shekspir

Nogoh salqin keldi avgust so‘ngida,
Yomg‘ir yog‘ib o‘tdi bugun ertalab.
Ertalab -  sabrning ko‘zi o‘ngida –
Men sening ismingni aytdim erkalab.

Nogahon o‘zgarish etdimi ta’sir,
Yo salqin xotirang yetdi – bilmadim:
Ko‘nglimni ertalab etmadim tahrir -
Erkalab ismingni aytdim. Yig‘ladim.

Tushundim - taqdiring ishin yuritgan 
Beyurak royishlar haqlidir, haqli.
O‘yladim: - Albatta, meni unutgan! -
Albatta, baxtlidir! Albatta, baxtli!

Asli bu mung nechun? Taqdir hal bo‘lgan.
Umrdan necha kun qoldi? Bilmadim.
Sensiz o‘lmog‘imga qismatim ko‘ngan...       
Baribir yig‘ladim.

💙Usmon Azim

Yana ketding,
Istadim shuni.
Yana so'ldi ko'ksimdagi gul.
Bo'lmas axir meni tushunib!
Xayr endi.
Xayr, omon bo'l..

Balki nasib emas har kimga
Sevilmoqlik bunchalar toza.
Yuzim bosdim yam-yashil chimga,
Shudring bo'ldi,
Yig'ladim rosa...

Menga shunday baxtni berdingki,
Endi tinmas ko'zimda navo —
Sen shunchalar yaxshi edingki!
Ko'rolmadim
O'zimni ravo...

©️Muruvvat Gʻafforova

hatto kuz ham keldi, bir sen kelmading)🌷

"Xudo haqqi sevdim!
Xudo haqqi... kam,
Uni deb qanchalar to'kilgan bo'lsam!"

©️Zebo Mirzo

Yuragim siniq,
hadikda.
uradi, sanchadi — ogʻriqli.
xavotir olyapman negadir
kelmasang, ne boʻlar, Keraklim?!

©️qushcha)

"Seni sevaman", deganimda muhabbat haqida emas, boshqachasiga nafas ololmasligim haqida gapirayotgan boʻlaman)

©️Romen Gari

​​Hadik

G'ijmlangan qog'oz,  sen turarsan jim,
Osilgan qovog'ing  to'sar ko'zingni.
Yuragimni qiyma  qilging  kelar-u,
Lek, arang turasan  bosib  o'zingni.

Ichingda  uvillab  ketar  qahraton,
Ichingdan  to'kilib  ketar  ko'zlarim.
Senga  og'ir  botgan  deyman, hoynahoy,
Seni tanimasdan  yozgan  she'rlarim.

Kim uchun,
Ne uchun?...
So'rar  nigohing,
Men  esa  qarshingda  turib bemalol,
G'ijim  qog'ozlarni  yig'ishtiraman,
G'ijim  hislaringga  uraman  dazmol.

Asta  jilmayaman  senga suyanib,
Aytaman,  sen uchun  bor xonumonim.
Seni  tanimasdan , hatto,  ilgari,
Men  faqat  sen  uchun  yozganman , jonim.

©️Ruxsora