Agar sening shaxsiy sahifang boʻlsa, birinchi "❤️" ni Oʻzim bosaman. Doim!

Hayotning har dami omonat
derlar,
Vaqtning yo'lagidan tutib ol meni.
Ertaga ko'zimni ochmasman balki ,
Bugun imkoning bor - sevib qol meni.

Hozir keraksan de, unut ertani,
Hatto nafasingda kuyga sol meni.
Kerakmas ertaga ash'or bitmog'ing,
Bugun imkoning bor - sevib qol meni.

Seni ko'rgim bor de, men yo'lga chiqay,
Sog'inchning yo'lida kutib tol meni.
Ertaga ko'changdan o'tmasman balki,
Bugun imkoning bor - sevib qol meni.

Berkinmachoq o'ynar taqdir biz bilan,
Bugun xushyorroq bo'l, sezib qol meni,
Yo'qsa, butun umr berkinib o'tgum,
Bugun imkoning bor - sevib qol meni.

©Abduvoris Alijonov.

Sening mendan boshqa hammalaring bor,
Mening sendan boshqa yo'qdir hech kimim!

©Matnazar Abdulhakim

Chap koʻksimning ichida sening ovozingni eshitsa, qanot qoqib uchadigan qushlar bor.

Ichimdagi qushlarning oʻsha parvozini bir koʻrsayding.

Sen kutasan kimni, qayerdan...
Kelaman deb qildimi vaʼda?

©Zulfiya

Hozir derazani ochsam-u seni kutsam.
Sen kelsang…
Bo‘ldi-da, endi, kelaqol.
Hech nima so‘ramasang,
Hech nima gapirmasang.
Jim tursam…
Jim tursang…
Jim tursak…

©Jamol Surayyo

Qachon ko‘zlaringga sulton bo‘laman?
Qayerda joningga tutashgan yo‘lak?
Ko‘changni qidirib nima qilaman,
Menga yuragingning manzili kerak!

©Behzod Fazliddin

Hamma narsaning yakuni bor-ku, toʻgʻrimi!?
Sensizlikningchi, poyoni bormi uning ham?

​​Sevgiga kerakmas, tilla-yu zarlar
Bitta soyabon-u, yomgʻir boʻlsa bas
Sen soyabon olgin soʻnggi chaqangga
Bizga “Biz”dan boshqa narsa kerakmas...

Men seni sevamanmi? Bilmayman.
Sen mangulik nafassan —
"Bilmayman" degan.

© Rauf Parfi

​​Ketasanmi endi...
Ketmay qo’ya qol,
Ketsang, bu dunyoga sig’maydi dardim.
Bu ro’yi zaminda qo’zg’atib shamol,
Ketmasang bo’lardi...
Axir, shom ham tushdi.
Yo’llar qoraydi,
Bulut bor.
Yomg’ir ham qoladi boshlab.
To’xta! Yo sen bilan men ham boraymi -
Bu dunyoni batamom tashlab?...

©Xosiyat Rustamova

Menkuya kutaveraman seni. Biroq sen qoʻrqmaysanmi kechikishdan?

Agar aytilmagan hislar uzoq yashasa, roziman, sevishingni aytma menga. Lekin uzoq sev meni. Hech boʻlmasa umringning oxirigacha...

Qaniydi sen bilan qo‘shni bo‘lsaydik..
Har derazadan qaraganimda seni ko‘rsaydim...

Uilyam Shekspir:
"Kutish jahannamdir", - dedi va oxiriga shuni ilova qilib qoʻydi:

"Baribir kutaveraman seni".

​​Bilasanmi, men — qushman. Faqat parvoz uchun, erk uchun yaratilgan qush. Oddiy qush emasman: yovvoyi va qaysar qushman. Qafaslar, taqiqlar va chegaralar men uchun emas. Shunchaki sev meni. Shartlarsiz va chegaralarsiz.
Meni qafasda saqlab boʻlmaydi. Meni qafasga solishni istaydiganlar, ovlash xohishidagilar sensiz ham yetarlicha. Sen ulardan boʻlma xoʻpmi? Qanotlarim yaralanganda ucholmay qolsam, tirgak boʻl menga, ularni davola, xonishlarimni eshitguvchi boʻl. Meni ozodlikka qoʻy, ishonch bilan, muhabbat bilan. Shunday ishonch boʻlsinki, seni tark etmasligimga, sevishimga boʻlgan ishonch boʻlsin.

Ammo, meni qafasga soladigan boʻlsang, qanotlarim shikastlansa ham, oʻzimga zarar yetkazib boʻlsa ham oʻsha qafasdan chiqaman baribir. Yoki oʻsha qafasda bir nafas ham yashay olmayman. Nafas koʻp boʻladi, ammo menga havo yetmaydi tushunyapsanmi?

Men - qushman...

Ne qorlar, ne qishlar ko'rmadi bu shahar...
Faqat seni ko'rolmadi men bilan birga...

Doʻstlik chegarasidan sevgi tomon qadam bosmaslik kerak. Oqibatda ham doʻstidan, ham sevgilisidan judo boʻladi inson...

​​UCHOQDA

Yaqin qoldi - Yurak - betizgin -
Tursang boʻldi ozgina kutib.
Borayapman men ham, Azizim,
Nafasimni ichimga yutib.

Koʻk - besarhad, Dunyo juda keng,
Eshitilmas yurakning zarbi.
Talpinaman yerda faqat Sen -
Koʻkda esa faqat Men kabi.

©Xosiyat RUSTAMOVA

- Sen bir qatra koʻz yoshday
yodimda qolgansan –
bu yosh
koʻnglimdadir –
oqib tushmas...

© Usmon Azim