Men shunchaki seni yozdim. Buni hamma she'r deb oʻyladi)

💙Jamol Surayyo

Allaqachon tushdik asirga,
Qarshimizda alvon yalanglik.
Tongni kutib olaylik birga,
Shamollarni birga taraylik.

Gulirozlar qadalgan harir,
Soʻzonani eslatar shafaq.
Boʻlolmayin mushki anbarin,
Barmoqlarim sochingdan xafa.

Jonim, nega ma'yus yuzlaring,
Xanjar kabi sovuq ikki lab?
Alloh, Alloh, moviy koʻzlaring,
O, ularni boʻlmas tasvirlab!..

Ishon menga, oʻlimday haq rost Lahzalarga otash qalaylik.
Samo tushar, yogʻmurlar raqqos,
Qarshimizda alvon yalanglik.

Hali-zamon yoyar kun yoyin,
Bir subhki, hech bahosi yoʻq.
Tushunsang-chi, shoʻrlik dunyoning Bizdan boʻlak hech vaqosi yoʻq!
Bizdan boʻlak hech vaqosi yoʻq!

Tongni kutib olaylik birga,
Shamollarni birga taraylik...

💙Jontemir

Seni sevaman demadi, ammo maktubini shunday tugatdi:
"Qanotingdan oʻpib qolaman qalbim qushi"

🥥Kafka

- Sening qoladigan biror uying yo'qmi?
- Nega soʻrayapsan?
- Aqlimdan hech ketmayapsan-da)🐈‍⬛

Mendan shamol boʻlib ketmoq istaysan,
men toʻzon boʻlib
ketadurman sen bilan birga.

Maysa boʻlib ogʻushimdan yulqinasan,
qoʻyib yubormayman men zamin boʻlib.

Mendan ketmoq istaysan
yaproqlar boʻlib,
xazonrez qaytarib kelar bir kuni.

Mendan ketmoq istaysan
kabutar boʻlib,
lekin har qandayin parvoz yerda tugaydi.

Bugʻ boʻlib oʻrlaysan koʻklarga,
yomgʻir qilib qaytaradi tuproqqa bahor.

Yuzlarimga oyoq qoʻymoq istaysan.
Tuproqning yuzi yoʻq,
bor-yoʻgʻi — bagʻir.

💙Faxriyor

Kelguningga qadar xazonlar bilan dardlashib turaman 🍁

Balki avtobusda ketib boryapsan,
Balki metrodadir…
Tagʻin bilmadim.
Topganing dard boʻldi,
Dardlaring safsan,
Qoʻngʻiroq ham qilmadim.

Toshkent koʻchalarin erkalar yomgʻir,
Restoran.
Jaz tinglab, oʻqiyman kitob.
Balki ayni chogʻda ahvoling ogʻir
Yotgandirsan ijara uyingda betob.

Balki orzuyingdek
Balzak yashagan
Shaharlarda kezib yuribsan tanho.
Balki hamrohingdir hazon toʻshalgan
Oʻrdadagi biz sevgan anhor.

Esingdami?
Motsartni sevardim,
…bilganing Shopen.
Asabim buzishga ustayding.
Shahar aylanardik
Doʻkonlar “open”.

Baxtli boʻlishimizni istarding.
Sersavol qiz eding sersavol,
– Nega koʻp chekasiz?
– Qoshingiz qalin…
Hammasi tugagan,
Hammasi zavol…
U kunlar qaytmaydi ming yolvor, yalin.

Toshkent – katta shahar,
Bardoshday katta,
Baxtingni topasan…
Azizam… Tushun.
Kechir, oʻsha oqshom
Sen yomgʻirdan qochib kelgan bekatda
Avtobus kutib turganim uchun.

©️Jontemir

Men qalamning qulog'iga
sekin engashib, dedim:

"Agar, yana uning ismini yozsang,
men ham seni xafa qilaman.''

💙Jamol Surayyo

Sevgining matematikasi boshqacha. Ikkidan birni ayirsang, nol qoladi.

🥥Oʻzdemir Asaf

Gullar, suratidan farqliroq xushroʻy.
"Qoʻllarim qoʻlingga yetmagan",
Bu kuy...
Derazangning sovuq oynaklariga,
Sogʻinchlar sirgʻalar.
Asta qarab qoʻy!
Tund osmonning toleyi shu kun,
Bugun.
Ingradik.
Devordan siriqdi yoshi.
Bexabar muddatlar tanlading qancha?
Oʻyib boraverdi umrim naqqoshi.
Yoʻq, men sening istaklaringda hech kim,
Hech kim.
Hech daxl qilmadim!
Rahm qilmadim!
Oʻylamay deganim sari oʻylarim,
Qiqirlab kuldilar.
Yigʻladim...
Bas!
Bas!!!
Koʻzlaringning pinjida ogʻriq,
Gʻajir.
Xumori tutadi qorlarning,
Gʻajir.
Irmoqlar savdosi koʻchdi koʻnglimga,
Har tomon sochildim.
Terib ol, taqdir!

Derazangning sovuq oynaklariga,
Sogʻinchlar sirgʻalar.
Asta qarab qoʻy!

🥥Umida Nafas