Bir marta koʻzimiz boʻldi roʻbaroʻ –
Fasllar chalkashib, aqldan  ozdi.
Goʻyoki  hayitlik olgan boladek
Bulutlar oʻzini  yoʻqotayozdi.

Nogahon tiriklik isini tuydim,
Umrim – lahzalarning qoʻlida qarta.
Yulduzlar suyunchi oladi Arshdan,
Meni oʻylasangiz agar bir marta.

Togʻlar termuladi chordana qurib,
Ularning taqdiri bogʻliqdir sizga.
Ming  yilga uzaydi dunyoning umri,
Bir marta sevaman deganingizga.

Ummonlar chayqalib oʻqiydi takbir,
Ming yilda tangrining bir koʻngli toʻldi.
Oling, shu dunyoni men sizga berdim,
Labingiz bir marta entiksa boʻldi...

💙Shuhrat Orif

Bizni qay shamollar etdi yuzma-yuz,
Qaysi sukutlar-la qildik ahd-paymon,
Rost bo'lsa, osmondan umidingni uz –
Lek yerda yashash ham bo'lmaydi oson!

Endi, o'zingniki emassan, essiz,
Sochdan tirnoq qadar ishqqa tovunsan.
"Yomonsiz", - deb yaxshi ko'rasan, so'zsiz,
She'rimni o'qiysan,
meni sog'insang.

Ayro bo'lmoqlikdan ayromiz, shoyad,
Shukrkim, toq dunda toq emasman men,
Sensiz baxtiqaro edim bag'oyat,
Va haliyam baxti
oq emasman men!

Hali ulguramiz yonib-kuyishga ,
Bedorlik baxtini ko'ramiz baham!
Haddim yo'q Xudodan ortiq suyishga,
Haqqim yo'q ortiqroq
suydirishga ham!
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ ㅤㅤ
©️Rashid Xo'jamov

Kechiraman...

Yolvorishing shartmas,
shartim tugagan...
Ar(a)zimni qarzday o‘chiraman men.
Osmonni o‘rtaga olib olma tan
Yerga qarasang ham kechiraman men.

Ko‘zyoshmi,
qo‘ysang-chi, kimga kerak u –
Dalli odamlarning suygan maslagi.
Yig‘lagimmas,
o‘shal esim yegan hu-uv
Kunlarni eslagim kelar, eslagim.

Ko‘ngil so‘rasang ham
kechiraman men.

Zikri ziyoratlar bo‘larmi qabul,
Toki qovushmasa ko‘ksimiz mulki.
Oy – yordan gumona bilan qolgan tul,
Uning nimasiga sig‘inish mumkin.

O‘lim tilasang ham kechiraman men.

Tushun, yoding tushib mening yodimga
Sindirar yettinchi ko‘kdagi kursim.
Chap yelkamda sening gar boshim tursa...
(Mayli, o‘ng yelkamda Tyan-shan tursin)

Kechir demasang ham
kechiraman men.

🥥Rashid Xo‘jamov

His love language🤍

Tushlarimga kirayapsan koʻp,
Shiringina joning omonmi?!
Unutdingmi, sogʻindingmi yo,
Seni yaxshi koʻrgan “yomonni”.

Tushlarimga kirayapsan koʻp,
Gapirmaysan, termulasan jim.
Muammolar yoʻqmi ishqilib,
Ranjitdimi yoki biron kim?!

Tushlarimga kirayapsan koʻp,
Kuni bilan oʻrtar xavotir.
Sendan biron habar bermaydi,
Tushlarimda siylagan taqdir!

Bilsang, seni sogʻinmay qoʻydim,
Yuragimni tosh qildi gʻurur!
Bu sevmayman degani emas....
Mayli...
Tushlarimga kirib tur!

Tushlarimga kirayapsan koʻp,
Shiringina joning omonmi?!
Unutdingmi, sogʻindingmi yo,
Seni yaxshi koʻrgan “yomonni”...

©️Malika Tavfiq

Oʻzing tushundingku)🫂🤍

Hayallab ketadi tashrifing
Ko'nglimga xavotir oralar.
Ortimga qaytaman umidsiz
Sen kelmas yo'llarni qoralab.

Xazonli bog'larni kezaman
Yaproqdek keladi qulagim.
Men sening qoshingga yetguncha
To'kilib ketadi yuragim.

Kelsayding xazonlar oralab
Hamonki yo'lingga maxtalman.
Qachondir qaytsang-u yo'q bo'lsam
Iltimos, hech qachon axtarma.

🥥Durdona Bahodirova

Kunduzlar kechaga aylanib qoldi,
Yana boshimizga yugurdi to'fon.
Sendan ayrildim-u...
Sen bilan qoldim –
Yomon.

Yomon!
Yashash mengzar bosinqirashga,
Ko'zingda yosh yo'qdir yig'lamoq bo'lsang.
Yurakni otsang-u qirg'in taloshga –
O'lsang.

O'lsang!...
Shunday o'lsang..
Shu qadar o'lsang,
Dunyoda qolmasa bir tola sezging.
...Faqat bosh tortsa bas seni ko'mishdan
Sevging.

🥥Usmon Azim

🥥Faqat
chidolmaysan
sendan boshqa birov
koʻngil qoʻysa
sen suygan yorga.

🥥Bahorga aylantir qishni ham, axir,
Bahor emasmidi biz kutgan fasl?!

🥥Seni qanday sevib qoldim,
Xudo haqqi, bilganim yo‘q!


🥥Nay bir qamish, navosiz qolsa,
Yashash ham dard, davosiz qolsa.
Ketmagil, men – Odam, sen – Havo,
Odam o‘lar havosiz qolsa.


🥥Ming yilkim,
Inondim
Bitta ertakka.
Ming yilkim
Soʻrayman
Axtarib taskin:
–Kelarsiz?
–Borarman!
–Qachon?
–Ertaga!
...ammo ertasi yoʻq
bugunlarimning...

©️Mansur Jumayev

She'rlarning eng kulminatsion nuqtalarini topib joyladim.

Qiziqqan inson qayerdan boʻlmasin topib, oʻqishiga ishonchim komil🍃

Bizlar uchrashmagan edik hech qachon,
Nechun qayta-qayta ayrilaverdik?

©️

Ezilib-ezilib yomg'irlar yog'di,
Ezilib-ezilib ado bo'ldi jon.
Kechani gohida chaqmoqlar yoqdi,
Gohida "oh" urding – o'rtandi jahon.

Umring qorong'u ko'chalarida
Muhabbat-u nafrat horg'in kezindi.
Bahorning yomg'irli kechalarida
Ezildi... ezildi... yurak ezildi.

Taqdirning beomon shiddat yomg'iri
Aytar vidomizni aytdi tonggacha.
Endi bu yomg'irning yo'qdir oxiri –
Ezilib yig'laydi so'nggi ongacha.

So‘z kimga keradir? Lab ochmagin! Jim.
Taqdir so'zga loyiq qoldirmadi sir –
Men ham yomg'ir kabi bir yog'ib o'tdim,
Sen ham yomg'ir kabi yig'lab o'tding bir...

🥥Usmon Azim

Ошиқмиз. Эмасмиз ёш-қари.
Мен ҳаддан ташқари севаман сени,
Сен мени севмайсан ҳаддан ташқари.

©️

Seni uchratsam,
Kulib yuboraman deb oʻylagandim,
Nega kulish esimga tushmayapti?

Seni uchratsam,
Yigʻlasam kerak deb oʻylagandim.
Nega endi turibman?
Nega yuragim muzlagan?

Seni uchratsam,
Yer tortish kuchini yoʻqotadi, deb oʻylagandim.
Nega yer qaʼriga
tortmoqda
meni?

Seni uchratsam,
Uchib ketaman deb oʻylagandim.
Qayga uchay? Osmon negadir
oyogʻimning ostida
chil - parchin.

Seni uchratsam,
Aqldan ozaman deb oʻylagandim -
nega aqlim bunchalar joyida?
Beharakat -
qilt etmaydi...

Menga nima boʻlgan?..
Men kimman?
Yo sen boshqamisan?
Yo odamni tashlab ketsa,
roʻy beradimi
shunday hol?

©️Usmon Azim

OSIY

Falsafa toʻqiysan har kuni yangi,
Qasamlar ichasan, tavba-tazarru.
Koʻkka yalinasan hislaring gangib:
“Etaging ochilmay turib tozar, ruh!”

Yomgʻirlar oʻtadi zoringni yuvmay,
Badtar hayajoning yondirar taqiq.
Joninga joylashdim izingdan quvmay,
Haydasang — Sanʼonman, oʻldirsang — shahid.

Chirqirab koʻzimdan izlaysan najot,
Oʻpasan va yana tavba-yu qasam...
Kechir, istagingni keltirmam bajo,
Oʻzimga tegadi ishqni qargʻasam.

Qayga ham qocharding, bu qismat — qamal,
Qalbing qutqarolmas dev, uchar gilam.
Dunyo koʻtarolmas gunohing sabab,
Xudo urib qoʻygan seni men bilan.

🥥Jontemir

Xayrlashmoq kerak sen bilan,
Ko’ngillarni uzmoqlik kerak.
Kechmoq kerak g’arib umiddan,
Dunyomizni buzmoqlik kerak.

Boshqalarga bermoqlik kerak,
Kuzgi oqshom charchoqlarini.
Endi ma’yus termoqlik kerak,
Sevgimizning aldoqlarini.

Bizga do’zax va’dalar etib,
Tepamizdan jim boqar xudo.
Seni saqlay, sevgidan ketib,
Ishqda qolib, sen bo’lma ado.

Muncha shirin bu kuz oqshomi
Labingdagi charchoq kalomlar:
– Men do’zaxdan qo’rqmayman, jonim,
Do’zaxdaman allaqachonlar...

©️Usmon Azim