​​Balki farishta ham asramas meni,
Yomonman-ku, balki urmas meni jin.
Lekin, iltimosim, hech qachon aytma,
Mensiz ham hayoting chiroyliligin.

Mensiz ham baxtiyor, shod yana xurram,
Koʻzingda quvonchlar bilan yashasang.
Mensiz ham xotiring boʻlsa agar jam,
Bogʻingda gullasa gullar turfa rang.

Mensiz ham har kuning oʻtsa osuda,
Mensiz ham baxtdan shod va mamnun kulsang.
Agarki, sen meni sogʻinsang juda,
Jannat chorlasa ham bormasman bilsang.

Sevmay qoldim dema, bu soʻzdan qaytgil,
Bilaman bu taqdir azalligini.
Faqat qandoq qilib tushunay aytgil,
Mensiz ham hayoting goʻzalligini.

©️Guljamol Asqarova

Men bir qobiqman.
Nada tan, nada jon?
Nahot sogʻinmayin qoʻydim ajabo!
Qay firqalar oʻchmish yodimdan.
Qay firqalar kelmish,
Marhabo!

Uzun edi mening ertagim.
Uzun...
Begonalik yengdi, yengdi, yorijon.
Mudroq koʻchalarning tinchini buzib,
Bir yurak ketyapti naqadar nimjon.

Aytar soʻzlariga oʻxshamas oʻzi,
Qaytar manzillarda yoʻl tugar xato.
Sen bilan muhabbat rasmini chizib,
Atadik bebaho!
Va yana rasvo.

Ha!
Ha, gʻururimning tole toboni
Sharafing taftida yonsak ne armon.
Men uni sogʻindim deya olmasam,
U meni sogʻindim demas hech qachon.

Men bir qobiqman.
Nada tan, nada jon?
Nahot sogʻinmayin qoʻydik ajabo!

Men bir qobiqman.
Nada tan, nada jon?
Nahot sogʻinmayin qoʻydim ajabo!
Qay firqalar oʻchmish yodimdan.
Qay firqalar kelmish,
Marhabo!

Uzun edi mening ertagim.
Uzun...
Begonalik yengdi, yengdi yorijon.
Mudroq koʻchalarning tinchini buzib,
Bir yurak ketyapti naqadar nimjon.

Aytar soʻzlariga oʻxshamas oʻzi,
Qaytar manzillarda yoʻl tugar xato.
Sen bilan muhabbat rasmini chizib,
Atadik bebaho!
Va yana rasvo.

Ha!
Ha, gʻururimning tole toboni
Sharafing taftida yonsak ne armon.
Men uni sogʻindim deya olmasam,
U meni sogʻindim demas hech qachon.

Men bir qobiqman.
Nada tan, nada jon?
Nahot sogʻinmayin qoʻydik ajabo!

©️Umida Nafas

Yomgʻirlar yogʻadi
sen bor shaharga,
Yoriqlardan bir-bir sakrab oʻtar tun.
Umringni tilaysan daqiqalarga,
Umring — taloshmi, ayt,
qismat — talotum?
Men esa umringda oliy yildirim,
Gumburlab-sumburlab, chaqnab oʻtarman.
Bor-u yo'q ishqimni senga bildirib,
Faqat anglamogʻing xohlab oʻtarman.

Yomg'irlar yog'adi
sen bor shaharga,
Ikkimiz boramiz — yomg'irlarga do'st.
Sevgilim, barisi ro'yo, ichikma,
Jonim, unutilar bari saharda.
Yomg'irga qo'shilib maydalanar so'z:
"Ijara uyingga borgin, kechikma..."

Panaga gizlanib jon saqlaydi, jon,
Yelkasi ivigan minglab halovat.
Odamlar o'zini urar bekatga,
Sen esa,
ketmaysan, sen esa faqat,
Ko'kka qo'ndirasan moviy ko'zingni —
Va ko'zimga boqib to'ymaysan mening.
Zaminga oqlikni tilanar osmon,
Yomg'irlar tinmaydi, tomchilar ming-ming,
Yig'ib ololmayman faqat o'zimni,
Yomg'irlar yog'adi
sen bor shaharga...

Seskanib qo'yadi mushtoq bag'irlar,
Yomg'irlar mavsumi...
Yanvar, fevral, mart.
Axir, sen bilmaysan, balki yomg'irlar —
Ko'chada unutib qoldirilgan dard.

Yomg'ir — baxt.
Baxt bizning yanoqdan o'pdi,
Yomg'irpo'sh ostida qiynalmas joning.
Sen bor shaharlarning yomg'iri ko'pmi,
Yomg'irlari ko'pmi
sen bor dunyoning?

©️Rahmat Bobojon

Masalan, agarda Sen ummon boʻlsang,
men daryo — vasling deb toshganim toshgan.
Masalan, agarda Sen osmon boʻlsang,
men bulut — bagʻringda shoshganim shoshgan.

Masalan, Sen olov boʻlsang agarda,
parvona misoli senga gushnaman.
Masalan, Sen yogʻmur boʻlsang agarda,
qaqragan zaminday senga tashnaman.

Masalan, Sen bibi Havo boʻlsang gar,
men senga ergashgan hazrati Odam.
Sen-la ikkilanmay tanovul qilgan
jannatdagi taqiq mevasini ham.

Masalan, Sen menga bir kalom bersang,
tilimdan tushmaydi ulugʻ kalimang.
Agarda sohilda intizor kutsang,
suv yuzidan borgan masrur valiyman.

Masalan, sen sukut saqlagin desang,
qoshingda million yil baliqday jimman.
Asli bitta ruhmiz ikki vujudda,
Sensiz men nimaman?
Sensiz men kimman?..

©️Orifjon Komil

Borolmayman, ishq qilingan oq,
Diydorlarda vido uxlaydi.
O'ksib-o'ksib har kecha uzoq
Tushlarimda bir qiz yig'laydi.

Idrokimda izg'ib yurar g'am,
O... qo'rqaman uxlab qolishdan.
Sho'rlik qizning ohlari har dam
Eshitilib turar bolishdan.

Kipriklarda qotadi orom,
Yuguraman zulmatlar aro.
Bilmam seni qanday haydasam
Tushlarimdan ey baxtiqaro?!

O... ko'nglimni kemirgan bu dard,
Birozgina olsa edi tin.
Olloh meni keyingi safar
Yuragimdan ayro yaratgin.

...Tushlarimda yashovchi qo'rqib
Men u qizga o'xshamaymanmi?
Ayt, taqdirga la'natlar o'qib
Tushlaringda yig'lamaymanmi?

⏺️Majnuna

U ketdi. Bogʼlarim shumshaydi gʼarib,
gʼunchalar tumtayib qaraydi menga.
“Ketmang”, deya oldim ayrilar chogʼi,
“Xayr!” deb boʼlmasdi hech qachon unga.

U ketdi, ketdi-yu, endi shum oʼylar
Sanchilaveradi misli qora oʼq:
Endi u hatto tushlarimga ham
Istasa kiradi, istamasa – yoʼq.🦋

©Аʼzam  Oʻktam

Go'zal bahona top, koʻrishaylik🦋