Ko‘zlaringga termulgim keldi,
Farqi yo‘qday, sezsang, sezmasang.
Qaysar xohish,
Buyuk andisha,
Ko‘nglim aro qiladilar jang…

Ko‘zlaringga termulgim keldi,
O‘rtaydi bir jununiy istak.
Qaro tunni yorib ko‘ksimga,
Tomib boshlar tuyg‘ular, chak-chak…

Ko‘zlaringga termulgim keldi,
O dunyosi buncha taloto‘p.
Yur…
Ko‘ngilga qochib ketamiz,
Va hech kimga sezdirmaymiz,
Xo‘p?!✨❤️

🖇Madina Muhammad

Har qandayin bahonalarga
O‘rganadi vaqt, umr va men.
Lekin seni ko‘rgim kelganda
Topolmayman hech qanday taskin.

Senga xabar yozaman yana
Ahvolingni bilgim keladi.
Va yashayman kunlarni sanab:
(keladi,
keladi,
keladi)

Sensizlikka ko‘nikish — bu g‘am,
Sensiz baxtli yasholmayman men.
Azob — uyga kiryotganimda
Ichkarida ko‘rinmasang sen.

🥥Nodira Nazar

Meni omadli odamman:
sog'inishni bilaman,
"oh" urishni bilaman
seni o‘ylab.
Ichim
qaynab yotar
sening olovli o'ylaringda.

Men omadli odamman:
Yuzlaringga oqqan
yoshingning ta'mi
lablarimda;
qo'llarimda
qo'llaringning tafti;
qulog'imda
hech kimga aytmagan
so'zlaring.

Bilaman,
umrim
umr bo'lmadi.

Ammo
men
juda omadli odamman –
chunki
mana shu yasholmagan umrimda
she'rlar yozganim-yozgan
seni o‘ylab.

🥥Usmon Azim

Viqorlisiz o‘zgalar bilan,
Mag‘rurlikning go‘zal arshida.
Ammo ma’yus tortasiz, erkam –
G‘ussalisiz mening qarshimda.

Bosh egasiz munglig‘ bir tarzda,
O‘ltirasiz unutib o‘zni.
Men bilan hech tushmaysiz bahsga –
Aytolmaysiz keskin bir so‘zni.

Umrim uzra uzun chaqinsiz,
O‘zi yonib – topgan qanoat.
Yuragimga juda yaqinsiz,
Hayotimdan olissiz faqat.

💙Usmon Azim

Ishqiy qissalarning barchasi roʻyo,
Menimcha, sevgi deb hech kim oʻlmagan.
Lekin yaralgandan beri bu dunyo
Seni sogʻinishdek azob boʻlmagan.

Soxta maddohlikning bari behuda,
Hamma ham gʻamingni koʻrmaydi baham.
Qoshingni chimirib qaraganingda
Yoqimli manglaying chiziqlari ham.

Qanchalar qadrdon bu yangi nigoh,
Koʻrdimmi – koʻksimga mehr toʻladi.
Ismingni xotirdan chiqarish gunoh,
Hatto suratingni sevsa boʻladi.

©️Jo'rabek Ramazon

Menga "ammo"lardan so’z aytma, jonim
Menga ilojsizlik bahsini qilma.
Bor bo'lsa o'rtada "ammo", "biroq"lar
Yaxshisi sevma!

©️

Seni sog'inmayman, 
Qalbim ro'zador...

©️

💗 language)

​​ismingni ismimning yonida yozdim,
yuzlarin berkitib kuldi tanosib.
oqligi yanayam oshdi qog‘ozning,
tunga oy,
suvga soy,
so‘zga kuy
va kiyimga tugma munosib.

kechaman. kunduzsan. sahar bu – visol.
tuproqman. ildizsan. ishqimiz – nihol.
yaqinman. olissan, shunga ehtimol
ismingni ismimning yonida yozdim.

xayolim havoda suzmaydi yengil,
na she’r bor, na ohang,
turar iymanib.
dastavval so‘z bo‘lgan,
so‘z beraman, kel,
qo‘shiqlar to‘qiysan qishda kiygani.

bu safar gullarni uzmayman, kechir,
izhorim zarqog‘oz ostida bo‘lmas.
bu gal may o‘rniga jasorat ichir,
qutilmas baloga qolay, qutilmas..

shamshirlar boshimga inmasmi ortiq?
bu achchiq firoqdan bezdim, sirasi –
jon shirin!
diydor-chi?
undan-da totlig‘!
hozircha nasibam — isming shirasi.

©️Shahriyor Shavkat