Boylik : bu siz ko‘rmayotgan narsalar: Biz qimmat mashina va uylarni ko‘rib "bu odam boy" deymiz, lekin aslida ko‘rayotganimiz — sarflangan pullardir. Haqiqiy boylik (Wealth) — bu sarflanmagan daromad, ko‘z-ko‘z qilinmagan aktivlar. Boylikning asl maqsadi hashamat emas, balki erkinlikdir.

Eng katta dividend — bu Vaqt: Pul sizga berishi mumkin bo'lgan eng katta qiymat — bu "istagan paytingizda, istagan odamingiz bilan, istagan ishingizni qilish" imkoniyatidir. Moliyaviy mustaqillik aynan shu uchun kerak.

"Yetarli" nuqtasini bilish: Ko‘plab aqlli va boy insonlar o‘z "ishtahalarini" to‘xtata olmaganlari uchun boridan ham ayrilishgan. Moliyada eng qiyin ko‘nikma — "menga shu yetarli" deyishni bilishdir.

Ratsionallik vs Oqillik: Moliyaviy rejangiz matematik jihatdan 100% to‘g‘ri (ratsional) bo‘lishi shart emas. Asosiysi, u sizning tunda xotirjam uxlashingizni ta'minlaydigan darajada oqilona (reasonable) bo‘lsin. Agar strategiyangiz tinchingizni buzsa, unga uzoq vaqt amal qilolmaysiz.

Boy bo'lish uchun: Optimizm, tavakkalchilik va o'ziga ishonch kerak.

Boylikni saqlash uchun: Qo'rquv, kamtarlik va "ertaga hammasi ketib qolishi mumkin" degan paranoik ehtiyotkorlik kerak. Treyder sifatida shuni aytishim mumkinki, ko'pchilik pul topishni biladi, lekin uni saqlab qolish — butunlay boshqa san'at.

"Dumlar g'alaba qozonadi" (Tails, You Win) tamoyili: Investitsiyada har doim ham haq bo‘lish shart emas. Siz portfelingizdagi 50% g‘oyalarda xato qilishingiz mumkin, lekin bir nechta to‘g‘ri tanlangan "super-o‘sish" aksiyalari (dumlar) barcha zararlarni qoplab, umumiy natijani plyusga olib chiqadi. Muhimi — o‘sha omadli kun kelgunicha bozorda "tirik qolish"

"Xulosa qilib aytganda: Bozorda katta pul topish uchun daho bo‘lish shart emas, lekin o‘z nafsini va qo‘rquvini jilovlay oladigan intizomli inson bo‘lish shart. Bu kitob — o‘sha intizomning kalitidir. Tavsiya emas, talab darajasidagi kitob!"