$AMD hisobot natijalari

O‘tgan davr uchun
🟢 Kutilgan daromad: $9.67B vs. Haqiqatda: $10.27B
🟢 Kutilgan EPS: $1.319 vs. Haqiqatda: $1.53

Kelgusi davr uchun (guidance)
🟢Kutilayotgan daromad(choraklik): $9.44B vs Kompaniya kutilmasi: $9.8B
🟢Kutilayotgan EPS(choraklik) : $1.23 vs Kompaniya kutilmasi:$ 1.269

🟢Kutilayotgan daromad(yillik): $45.69B vs Kompaniya kutilmasi: $46.4B
🔴Kutilayotgan EPS(yillik): $6.69 vs Kompaniya kutilmasi: $6.59

Hisobot natijalari kutilgandan yaxshi, ammo bozor reaksiyasi salbiy bo'ldi. Natija e'lon qilingach, aksiya 20% atrofida pastladi. Buning asosiy sababi — investorlarning kutilmalari haddan tashqari yuqori bo‘lganidir. Nvdia bilan taqqoslanayotgan bu kompaniyadan investorlar kattaroq natija va kutilmalar kutishayotgan edi.
AMD o‘tmishda (4-chorakda) yaxshi natija ko‘rsatdi, lekin kelajak uchun bergan va'dasi investorlar kutgan 'kosmos' darajasida bo‘lmadi. Umumiy fundamental holat juda sog‘lom: yillik daromad 34% ga o‘sib, rekord $34.6 mlrd ni tashkil etdi. Hozirgi pasayishni fundamental muammo emas, balki bozordagi yuqori kutilmalarning korreksiyasi deb baholash mumkin.

📣 Finranks is now available in Uzbek and Russian languages!
You can now access the platform, explore stock research, and use all features in your preferred language.

🇺🇿Finranks endi o‘zbek va rus tillarida ham mavjud.

🇷🇺Finranks теперь доступен на узбекском и русском языках.


Sign up for free on Finranks.com and discover the true quality of any stock in minutes.

O'zbek tili uchun | Для русского языка

📊@Finranks

Grafikdagi manzaraga bir e'tibor bering-a, ServiceNow (NOW) aksiyasi atrofida juda qiziq vaziyat yuzaga kelgan. 📊

Tepadagi tasvirda kompaniyaning 2020-yildan 2024-yilgacha bo‘lgan davrdagi aql bovar qilmas yuksalishini yaqqol ko‘rib turibmiz. Bu davrda aksiya narxi +350% ga o‘sib, $225 dan yuqori cho‘qqiga chiqqan edi. Bunday kuchli o‘sish bejiz emasdi — SaaS, raqamli transformatsiya va ayniqsa, sun’iy intellektga (AI) bo‘lgan global talab hamda barqaror obuna modeli kompaniya qiymatini osmonga ko'targandi.

Lekin pastdagi grafik... u yerdagi holat butunlay boshqacha va kishini o'ylantirib qo'yadi. "Yaqin oylarda pasayishi (2025-2026)" deb nomlangan qismda ko'rinib turibdiki, aksiya narxi o'sha cho'qqidan deyarli teng yarmiga, ya'ni -50% ga qulagan. Hozirgi vaqtda narx $106.480 darajasiga tushib qolganini ko'rishimiz mumkin. Bu keskin burilish makroiqtisodiy bosimlar yoki investorlar kutgan natijalarning qayta baholanishi bilan bog‘liq bo‘lishi ehtimoli yuqori.

📉 Rasmga qarab, asosiy savol ochiq qolmoqda: Sizningcha, bu keskin pasayish — shunchaki vaqtinchalik tuzatishmi? Yoki bozor kompaniyaning haqiqiy qiymatini qayta aniqlayaptimi?

Fikrlaringizni kutib qolaman 👇

↗️ @upliftuz

$VRT hisobot natijalari

O‘tgan davr uchun
🟡 Kutilgan daromad: $2.88B vs. Haqiqatda: $2.88B
🟢 Kutilgan EPS: $1.29 vs. Haqiqatda: $1.36

Kelgusi davr uchun (guidance)
🟢 Kutilayotgan daromad (yillik): $12.45B vs. Kompaniya kutilmasi: $13.5B
🟢 Kutilayotgan EPS (yillik): $5.33 vs. Kompaniya kutilmasi: $6.02

🎤 Mening xulosam:

Hisobot natijalari ijobiy chiqdi. Ayniqsa, kelgusi chorak va yil uchun kutilmalari bozor kutilmalaridan ham kuchliroq berildi. Daromad o'sishini +25% da saqlab qolgan; sof foyda marjalari yanada yaxshilangan. Kompaniyaning mahsulot/xizmatlariga talab yuqoriligi saqlangan holda fundamental holati ijobiy bo'lib qolmoqda. Yuqori o'sish sabab aksiyaning baholanish ko'rsatkichlari qimmatlashmoqda. Aksiyani sotib olgan investorlar foyda va target narxlarni tekshirib qo'yish tavsiya qilinadi. Kecha aksiya +24% o'sdi.

Aksiyaning to'liq ko'rsatkichlarini Finranks saytida ko'ring:
👉 https://finranks.com/uz/stock/VRT/summary

Boylar qayerlarga investitsiya qiladi?
— Top 3 turini videoda bilib oling.

↗️ @upliftuz

Yakshanba kuni uchun kino tavsiya: "Moneyball" (2011)

Nega aynan buni ko‘rish kerak?

Chunki film resurslar cheklangan sharoitda qanday yutish mumkinligini ko‘rsatib beradi. Syujet bo‘yicha jamoada pul yo‘q, yulduz o‘yinchilarni sotib olishga byudjet yetmaydi. Xo‘sh, menejer nima qiladi? U hissiyotlarni yig‘ishtirib, matematika va statistikaga tayanadi.

Bozorda hamma "yaltiroq" va qimmat o‘yinchilar (aksiyalar) ortidan quvayotganda, bosh qahramon ko‘pchilik nazarga ilmaydigan, lekin "undervalued" (haqqoniy bahosi berilmagan) aktivlarni yig‘ib, chempion jamoa tuzadi.

Filmning asosiy messaji bizning soha uchun dolzarb:
Odamlar (yoki bozor) ko‘pincha adashadi. Hamma qarayotgan joyda imkoniyat kam bo‘ladi. Haqiqiy daromad — his-tuyg‘u bilan emas, sovuqqon tahlil bilan topilgan, boshqalar payqamagan "imkoniyat"larda yotadi.

Kino uchun havolani izohda qoldirdik.
Dam olish kuningiz mazmunli o‘tsin.

↗️ @upliftuz

Treyding sohasiga qiziqib yurgan barchaga Kun.uz tomonidan chiqarilgan ushbu videoni ko'rishni tavsiya qilaman.

Balandparvoz va'dalarga aldanib qolmang~

Videoni ko'rish uchun havola:
https://youtu.be/VDR90fmqqDY

↗️ @upliftuz

📊 Fyucherslar harakati

Seshanba kuni AQSh fond bozorlari fyucherslari pasayish bilan savdoni boshladi. S&P 500 fyucherslari 0,42% ga tushdi, Nasdaq-100 0,75% ga kamaydi. Dow Jones Industrial Average fyucherslari esa 133 punkt yoki 0,27% yo‘qotdi. Dushanba kuni bozorlar President’s Day munosabati bilan yopiq edi.

📉 Ketma-ket salbiy haftalar

Wall Street so‘nggi ikki haftani pasayish bilan yakunladi. O‘tgan hafta S&P 500 va Dow Jones Industrial Average 1% dan ortiq pasaydi. Texnologiyalarga boy Nasdaq Composite esa 2% dan ko‘proq yo‘qotdi. Nasdaq ketma-ket beshinchi haftani minusda yopib, 2022 yildan beri eng uzun pasayish seriyasini qayd etdi.

🤖 AI bilan bog‘liq xavotirlar

Bozordagi asosiy bosim sun’iy intellekt (AI) tufayli yuzaga kelayotgan “disruption” xavotirlaridan kelmoqda. Investorlar AI ko‘chmas mulk, logistika va moliyaviy xizmatlar kabi an’anaviy tarmoqlarga bosim o‘tkazishi mumkinligini hisobga olmoqda. Morgan Stanley vakili Daniel Skelly bozor kayfiyatini “disruption hysteria” deb baholadi va hozircha bu omil ustunlik qilayotganini ta’kidladi.

📈 Inflyatsiya va Fed kutilmalari

Juma kuni e’lon qilingan CPI inflyatsiya ko‘rsatkichi iqtisodchilar kutganidan yumshoqroq chiqdi. Shunga qaramay, bozorlar bu ma’lumotni yetarlicha ijobiy qabul qilmadi. Endi investorlar juma kuni chiqadigan PCE hisobotiga hamda chorshanba kungi FOMC yig‘ilishi bayonnomalariga e’tibor qaratmoqda.

🏢 Korporativ hisobotlar diqqat markazida

Hafta davomida bir qator yirik kompaniyalar moliyaviy natijalarini e’lon qiladi. Palo Alto Networks seshanba kuni savdodan so‘ng hisobot beradi. Shuningdek, DoorDash, Walmart va Wayfair ham o‘z natijalarini taqdim etadi.

Investor uchun xulosa

Bozor qisqa muddatda yuqori volatillik bosqichiga kirgan. AI bilan bog‘liq baholar va inflyatsiya dinamikasi indekslar yo‘nalishiga ta’sir ko‘rsatmoqda. Investorlar uchun riskni boshqarish, sektorlar bo‘yicha diversifikatsiya va fundamental ko‘rsatkichlarga tayanish muhim ahamiyat kasb etmoqda.

📊 JAHON Insights

⚠️ To'g'risini aytaylik: Siz treyder bo'la olmaysiz! (Ehtimol...)
Hamma reklama qilayotgan chiroyli grafiklar, plyusga kirgan bitimlar va "sohil bo'yida noutbuk bilan ishlash" — bu faqat tanganing bir tomoni.

Lekin 90% odamlar treydingda bor pulini yutqazib chiqib ketishadi. Nega? Chunki treyding — bu "oson pul" emas, bu oson pul topishning eng qiyin yo'li.

Agar sizda quyidagi 3 ta belgi bo'lsa, yaxshisi treydingni hoziroq tashlang:

1. "Sehrli tugma" qidirayotgan bo'lsangiz
Agar siz bitta indikator yoki kimdir beradigan "100%lik signal" orqali boyib ketaman deb o'ylasangiz — adashasiz. Bozor dangasalarni va birovning aqli bilan ish qiladiganlarni yoqtirmaydi. Pulini shunchaki tortib oladi.

2. Oxirgi pulingizga yoki qarzga savdo qilmoqchi bo'lsangiz
"Shu pulni tikaman, ikki barobar qilib qarzimni uzaman" degan hayol — bankrotlikka birinchi qadam. Treydingda emotsiya (qo'rquv) bilan qaror qabul qilgan odam har doim yutqazadi.

3. Intizom va tartib siz uchun begona bo'lsa
Treyding — bu har kuni bir xil tartibda, his-tuyg'ularni chetga surib ishlash demakdir. Agar siz tahlil qilishni zerikarli deb bilsangiz, xatolar ustida ishlamasangiz va savdo rejasiga amal qilish o'rniga "ko'nglim sezyapti" deb bitimga kirsangiz — bu treyding emas, o'yin. Tartibsizlik bor joyda daromad bo'lmaydi.

Xulosa: Treyding — bu intizom, sovuqqonlik va tinimsiz mehnat. Agar siz qiyinchilikka, uyqusiz tunlarga va o'z ustingizda ishlashga tayyor bo'lsangizgina, sizda 10% lik muvaffaqiyatli treyderlar qatoriga kirish imkoni bor.

Siz qaysi tarafdasiz? "Oson pul" qidiruvchimi yoki haqiqiy mehnatga tayyor professional? 👇

↗️ @upliftuz