🟦🟦🟦 | #Ustozga_ehtirom

🇺🇿🇺🇿🇺🇿 Urganch davlat pedagogika institutida bir guruh professor-o‘qituvchilar taqdirlandilar!

1-oktabr — O‘qituvchi va murabbiylar kuni munosabati bilan Urganch davlat pedagogika institutida ta’lim-tarbiya va ilm-fan rivojiga munosib hissa qo‘shib kelayotgan fidoyi ustozlarni e’tirof etishga bag‘ishlangan tadbir tashkil etildi.

Unda institutda samarali faoliyat yuritib, yosh avlodga puxta ta’lim berish, yuqori malakali kadrlar tayyorlash hamda ilmiy salohiyatni yuksaltirish yo‘lida mehnat qilayotgan bir guruh professor-o‘qituvchilar munosib taqdirlandilar.

Tadbirda institut rektori v.b. Diyorjon Abdullayev so‘zga chiqib, ustoz va murabbiylarni kasb bayrami bilan samimiy muborakbod etdi hamda ularning ta’lim sifati va yoshlar tarbiyasidagi fidokorona mehnatini alohida e’tirof etdi.

Shundan so‘ng, fidoyi ustozlarga “Oliy ta’lim a’lochisi”, “Xalq ta’limi a’lochisi” ko‘krak nishonlari hamda “Tashakkurnoma”lar tantanali ravishda topshirildi.

Barcha Ustozlarimizni samimiy muborakbod etamiz hamda yangidan-yangi zafarlar tilab qolamiz!

©️Urganch davlat pedagogika instituti matbuot xizmati
🌐Sayt✅Telegram💬Facebook🌐Instagram📹YouTube