❔Sea Breeze: ekologik xulosa bor, ochiq qolgan masalalar ham

Chorvoqdagi Sea Breeze loyihasi 2026-yil 10-sentabrda ijobiy ekologik xulosa oldi. Xulosada qirg‘oq chizig‘ining 100 metrini qurilishdan xoli saqlash, oqava suvlarni tozalash quvvatini oshirish, qimmatli daraxtlarni himoya qilish kabi talablar belgilangan.

Shu bilan birga, loyiha bo‘yicha bir qator ekologik xavotirlar mavjud:

• Loyiha umumiy 557 gektar hududni qamrab olsa-da, dastlabki bosqichda 180 gektar hudud baholangan. Yuqoridagi yonbag‘irlardagi ko‘chki, eroziya va sel xavfining loyihaga ta’siri qanday hisoblangan?

• Chorvoq suv ombori sathi o‘zgarib turadi. Suv sathining ko‘tarilishi va pasayishi qirg‘oq, yonbag‘irlar hamda yangi qurilmalarga qanday ta’sir qilishi doimiy kuzatiladimi?

• Qurilish davrida yuzlab ishchilar bo‘ladi. Oqava suvlarni tozalash tizimi eng yuqori yuklama paytida ham yetarli bo‘ladimi?

• Ekspluatatsiya davrida katta miqdordagi suv kerak bo‘ladi. Quruq yillarda kurortning suv talabi Chorvoq havzasiga qanday ta’sir qiladi?

• Hududning 60,6 foizi ko‘kalamzorlashtirilishi aytilmoqda. Ammo manzarali daraxt ekish tabiiy ekotizimni to‘liq almashtira olmaydi. Tabiiy o‘simliklar va hayvonlar yashash muhiti qanday saqlanib qoladi?

• Qurilish davrida transport, texnika, chang va shovqin mahalliy tabiat hamda aholi uchun qanday yuklama yaratadi?

⚠️Chorvoq nafaqat kurort quriladigan hudud, balki katta suv havzasi va tabiiy ekotizim. Shuning uchun loyihaning iqtisodiy foydasi bilan bir qatorda, uning uzoq muddatli ekologik ta’siri ham ochiq ko‘rsatilishi muhim.

Telegram Instagram

10-oktyabr
📍Buloqsuv
Hiking\Plogging\Urug’ ekish

😀Soy bo'ylab sayr qilamiz, yo'l-yo'lakay chiqindi yig'amiz va daraxt urug’larini ekamiz.

- Qiyinlik darajasi: oson
- Yurish masofasi: umumiy 5 km
- Ko’tarilish balandligi: 300 metr
- Yigʻilish joyi: Salar stansiyasi (Pushkin metro)
- Yig’ilish vaqti: 8:30
- Qaytish vaqti: 14:15

🌻Narxi: 100.000 so'm
O'z ichiga quyidagilarni oladi:
- elektrichka (30ming so'm bir tomonga)
- sertifikatga ega gid xizmati

🖐🏻Roʻyxatdan oʻtish uchun:
+998931711207
Telegram         

❓Ekofaol Aruna Ortaevaning 15 sutkalik ma’muriy qamoq jazosi tugadi, ammo uning o‘zi qayerda?

15 sutka qamoq jazosi tugagach, “ÖK” nashri Ortaeva bilan bog‘lanishga uringan, biroq u javob bermagan. 29 avgustdan beri uning ijtimoiy tarmoqlarida ham faollik kuzatilmagan. Shu tufayli tahririyat Qozog‘iston Ichki ishlar vazirligiga rasmiy so‘rov yuborgan.

🔴Ortaeva qachon amalda ozod qilingan?
🔴Hozir u qayerda va qanday maqomda?
🔴Uni hibsga olish qonuniyligi tekshirilganmi?
🔴U e’lon qilgan audioyozuvlarning haqiqiyligi tekshirilmoqdami?
🔴Uning hibsga olinishida audioyozuvlarning aloqasi bormi?

Ichki ishlar vazirligi javobida 29-avgust kuni unga organ xodimining qonuniy talabini bajarmaslikka tegishli moddasi bo‘yicha bayonnoma tuzilganini bildirgan. Jazo muddati tugagach, Ortayeva ozod qilingani, politsiya xodimlarining harakatlari qonuniy deb topilganini ma’lum qilgan. Ammo, vazirlik asosiy savollarga javob bermagan.

Tahririyat vazirlikning javobini to‘liq bo‘lmagan va rasmiyatchilik uchun berilgan munosabat deb baholab, unga nisbatan shikoyat tayyorlagan.

Telegram Instagram

🍂 Kuzgi barglar — chiqindi emas, tabiatning tabiiy resursi

Kuz kelishi bilan ko‘chalarda to‘kilgan barglarni yig‘ishtirib tashlash odatiy hol. Ammo tabiat uchun bu barglar oddiy chiqindi emas. Ular tuproq ekotizimining muhim qismidir.


To‘kilgan barglar tuproq yuzasida tabiiy qoplam hosil qilib, namlikni saqlaydi va tuproqni qurib ketishdan himoya qiladi.

🪱 Barglar orasida chuvalchanglar, qo‘ng‘izlar va boshqa mayda jonivorlar yashaydi. Ular parchalangach, tuproqqa organik moddalar va oziqa elementlarini qaytaradi.

🍄 Zamburug‘lar va mikroorganizmlar esa barglarning parchalanishida muhim rol o‘ynaydi.

🧹Demak, hovlingiz yoki bog‘ingizdagi har bir bargni darhol supurib tashlash shart emas. Daraxt tagida yoki gulzorning bir qismida barglarni qoldirish orqali siz kichik tabiiy ekotizimni saqlab qolishingiz mumkin.

Telegram Instagram

🚫 Qozog‘istonda Isroilning Mekorot kompaniyasiga qarshi petitsiya tarqaldi

Qozog‘iston internetida Isroil davlati Mekorot kompaniyasining suv loyihalarida ishtirok etishiga qarshi petitsiya paydo bo‘ldi. DalaNews va Shyndyk.kz nashrlarining xabar berishicha, “Отстоим водную независимость Казахстана” (“Qozog‘istonning suv mustaqilligini himoya qilaylik”) nomli petitsiya rasmiy ePetition platformasiga joylashtirilgan. U dastlabki 50 imzoni yig‘ib, davlat moderatsiyasiga yuborilgan. Muallif xorijiy kompaniya texnologiya, raqamli tizimlar va texnik xizmat orqali strategik suv resurslariga qaramlik yuzaga kelishi mumkinligidan xavotir bildirgan. Ijtimoiy tarmoqlarda bu mavzu keng muhokama qilinmoqda.

Ma’lumot o‘rnida, Mekorot — Isroilning davlat milliy suv kompaniyasi.

Telegram Instagram

⚡️ Samarqandga AQSh davlat kotibi va 100 dan ortiq kompaniya kelmoqda

Soʻnggi kunlarda ijtimoiy tarmoqlarda AQSh Davlat kotibi Marko Rubio oktyabr oʻrtalarida 100 dan ortiq amerikalik biznes vakillari bilan Samarqandga tashrif buyurishi va C5+1 formatida uchrashuv oʻtkazishi haqida xabarlar keng tarqalmoqda. Xoʻsh, ushbu tarixiy tashrif ortida qanday iqtisodiy va resurs manfaatlari yotibdi?

📌 Xitoy dunyo boʻyicha kamyob metallarni qayta ishlashning taxminan 85–90% qismini nazorat qiladi. AQSh va Oʻzbekiston oʻrtasida bu sohada hamkorlik memorandumlari imzolangan. Vashington uchun Markaziy Osiyo Xitoy monopoliyasiga qarshi strategik resurs alternatividir.

📌 Oʻzbekiston 8,5 milliard dollarga 22 ta Boeing Dreamliner samolyotiga buyurtma berdi. AQSh hukumatining ta'kidlashicha, bu taxminan 35 mingta amerikalik ish oʻrnini qoʻllab-quvvatlaydi.

📌 Oʻzbekiston Amerika kompaniyalaridan kichik modulli atom elektr stansiyalarini sotib olishi mumkin. Bu masala hozirda oʻrganish va muzokaralar bosqichida.

📌 1974-yildan beri saqlanib qolayotgan Jackson-Vanik savdo cheklovi AQSh va Markaziy Osiyo oʻrtasidagi savdoni qiyinlashtirib kelmoqda. Rubio va bir qator amerikalik siyosatchilar buni bekor qilish vaqti kelganini taʼkidlamoqda.

Telegram Instagram

♻️💃🏻O’z chiqindingizni o’zingiz saralang!

Telegram Instagram

🐢😩“Qoraqamish qush bozori”da O‘zbekiston Respublikasining Qizil kitobiga kiritilgan cho‘l toshbaqalari sotilmoqda.
Kichkina qafasda 10 ga yaqin katta toshbaqa bir-birining ustiga chiqib yotibdi. Ularning orasida juda kichkina toshbaqa bolalari ham bor.

Qizil kitobga kiritilgan hayvonlar umuman bozorga qanday qilib kelib qoldi? Va nega ularni sotishga ruxsat berilmoqda?

Mas’ul tashkilotlardan ularni noqonuniy sotayotgan va sharoitlarsiz saqlayotgan shaxslarga nisbatan qonuniy choralar ko‘rishni so‘rayman.
Agar siz ham bozorda toshbaqalarni ko‘rgan bo‘lsangiz, xalqnazorati.uz sayti orqali ariza yuboring.
Foto va videolarni dalil sifatida ilova qilishni unutmang.

😀Buxorolik obunachilarim bormi?)

31-oktyabr kuni Buxoroda “Yashil uyim” ekologik ilmiy-ommabop festivalimni o‘tkazmoqchiman. Menga yordam kerak:

— Festival o‘tkazish uchun mos joy: ochiq yoki yopiq maydonlar, ta’lim markazlari, kreativ maskanlar va boshqa variantlar;
— Ovoz kuchaytirgich, mikrofon, kolonka va boshqa apparaturalarni qayerdan ijaraga olish mumkin?
— Ekologik yarmarkamizda qatnashishi mumkin bo‘lgan mahalliy ekologik bizneslar bormi?
— Hamkorlik qilishni istaydigan robototexnika, texnika va aniq fanlarga ixtisoslashgan o‘quv markazlari bormi?

Agar sizda mos joy, kontakt yoki hamkorlik qilishni istasangiz, iltimos, aloqaga chiqing:
https://t.me/urikguli

Daraxtlar yo‘q — yomg‘ir yo‘q. Hamma narsa shunchaki oddiy🌳🌧

Biz o‘rmonlarni kesamiz, daryolar quriydi, tuproq qurib yoriladi, keyin esa osmonga qarab, yomg‘ir nega yog‘maganiga hayron bo‘lamiz.

Daraxtlar shunchaki barg yozib, ko‘zimizni quvnatish uchun turgani yo‘q. Ular namlik ajratadi, yer yuzasini sovutadi, tuproqni yemirilishdan asraydi, yer osti suvlari zaxirasini boyitadi va suvning tabiatda aylanishini ta’minlashga yordam beradi.

O‘rmonni yo‘q qilganingizda tabiat qasos olib o‘tirmaydi.U shunchaki biz o‘rganib qolgan ne’matlarini berishni to‘xtatadi, xolos.

Yomg‘ir yog‘ishini xohlaysizmi? Daraxtlarni asrang!

Telegram Instagram

🌍 Dunyo boʻylab Z-avlod isyoni: Yoshlar nega koʻchaga chiqmoqda?

Ayni kunlarda dunyo boʻylab yuzlab ommaviy e'tiroz namoyishlari boʻlib oʻtmoqda. Turli mamlakatlar, turli shaharlar... Lekin muammo va talab bitta: yoshlar izdan chiqayotgan kelajak hamda befarq boshqaruvga qarshi bosh koʻtarmoqda.

📌 Asosiy oʻchoqlar:

🇫🇷 Fransiya: Talabalar uchinchi haftadan beri namoyishda. Sababi — nurab borayotgan ta’lim tizimi, past maoshlar va xaroba maktablar. Bir kunda 250 mingdan ortiq odam koʻchaga chiqqan.

🇪🇸 Ispaniya: Uy-joy inqirozi. 87 yoshli kampirning zoʻrlik bilan uyidan haydalishi va tez orada vafot etishi butun mamlakatni oyoqqa turgʻazdi. Noyabrdan yalpi ish tashlash e’lon qilindi.

🇧🇷 Braziliya: Talabalar avtoritar tuzumning qarama-qarshiligiga va sobiq prezident merosiga qarshi Rio-de-Janeyro koʻchalarini egalladi.

🇨🇱 Chili: Hukumat ta’lim va sogʻliqni saqlash budjetini keskin qisqartirganiga javoban talabalar va ishchilar birga namoyishga chiqdi.

🇮🇳 Hindiston: "Z-avlod suvaraklar harakati" (Gen Z cockroach movement). Saylovchilar roʻyxatidan 130 mln ism oʻchirilgani ortidan yoshlar saylov shaffofligini talab qilmoqda.

💡 Bu shunchaki tasodifiy e’tirozlar emas. Z-avlod dunyoning parchalanib borayotganini shunchaki kuzatishdan charchadi. Ular oʻz kelajagini talab qilmoqda.

Telegram Instagram