مو كُل خِلاف سياسي يصير سبب حتىٰ ينطي الناس الحق يطعنون بعرض غيرهم ، "نطيتوا عرضكُم للايراني" "نطيتوا عرضكُم للافغاني" "ابن المتعة" "ابن جهاد النكاح" إلخ... ، الخِلاف بالرأي وارد ، والمواقف السياسية تختلف ، بس الأعراض مو ساحة مَعركة ولا ورقة مُساومة ، الي يدخُل بعرض الناس حتىٰ يسقطهٰم، ترىٰ هو أعلن إفلاسه قبل لا يتكلم، لأن العاقل يناقش الفكر ويواجه الحُجة بالحُجة ، مو بالسّب والشتم والقذف والطعن والتشهير ، الأعراض كرامة ، والكرامة أكبر من كل منصب وكل حزب وكُل زعامة وكُل طائفة ، السياسة تنتهي، والسُلطة تروح وتجي ويتغير النِظام ، بس سُمعة الإنسان إذا انجرحت ما تنجبُر ، الطعن بالعرض ما يُرفعك ، بالعكس ينزل قيمتَك ويخليك أرخص من أي خِلاف فـ لا تفرح إذا غلبت خصمك بهيج أسلوب ، لأنك مو غلبت بالحُجة ، انت بس انكشفت للناس "تربيتك واخلاقك والبيئة التي تنتمي إليها".

-احمد الربيعي⭐️