🤝 USAT va Erasmus+ o'rtasida hamkorlik

Erasmus+ Milliy ofisi loyiha menejeri Mahmudjon Utkurov USAT rahbariyati bilan rasmiy uchrashuv o‘tkazdi.

📌 Mazkur uchrashuv davomida Erasmus+ dasturi doirasidagi ICM (International Credit Mobility), Jean Monnet hamda CBHE (Capacity Building in Higher Education) loyihalari haqida batafsil va atroflicha ma’lumotlar berildi. Ushbu loyihalarning universitetlar uchun yaratayotgan imkoniyatlari, xalqaro hamkorlikni rivojlantirishdagi o‘rni alohida ta’kidlandi.

💬 Shuningdek, tomonlar USATning Erasmus+ loyihalarida ishtirokini kengaytirish, professor-o‘qituvchilar va talabalar uchun akademik mobillik imkoniyatlarini oshirish masalalarini muhokama qildilar.

🚀 Uchrashuv yakunida kelasi yildan boshlab Universitetimizning ushbu loyihalarda faol ishtirok etishi bo‘yicha o‘zaro kelishuvga erishildi.

👉 Xalqaro grantlar, tanlovlar va imkoniyatlardan birinchilardan bo‘lib xabardor bo‘lish uchun kanalimizga a’zo bo‘ling:
🔗 https://t.me/usatxalqaro_aloqalar

👍 USAT Kengashining 2025-yildagi yakuniy yig‘ilishi: Kelgusi rejalar va ilmiy yutuqlar

Bugun, 29-dekabr kuni Fan va texnologiyalar universitetida Kengashning joriy yildagi so‘nggi yig‘ilishi bo‘lib o‘tdi. Yig‘ilishda universitet hayoti va kelajagi uchun muhim masalalar muhokama qilindi.

📋 Kun tartibidagi asosiy masalalar:

🔹Universitetdagi vakant lavozimlar (kafedra mudiri, professor, dotsent va o‘qituvchilar) uchun nomzodlar tanlovini o‘tkazish;

🔹2026-yilda o‘tkazilishi rejalashtirilgan konferensiyalar va talabalar olimpiadasini yuqori saviyada tashkil etish;

🔹Pedagogika kafedrasining yillik hisoboti.

🎉 Yig‘ilishning eng quvonchli qismi — e’tirof va tabriklar bo‘ldi:

Kengash a’zolari va rektor Anvar Xamdamov hamkasblarimizni erishgan yuksak ilmiy natijalari bilan qutladilar:

✅ Naimjon Xojiqulov (Ijtimoiy fanlar kafedrasi katta o‘qituvchisi) — Ijtimoiy falsafa ixtisosligi bo‘yicha falsafa doktori (PhD) dissertatsiyasini muvaffaqiyatli himoya qilgani bilan;

✅ Sadriddin Komolov (Iqtisodiyot kafedrasi katta o‘qituvchisi) — Iqtisodiyot fanlari bo‘yicha falsafa doktori (PhD) ilmiy darajasini olgani bilan;

✅ Gulchehra Ibragimova (Iqtisodiyot kafedrasi katta o‘qituvchisi) — “Menejment” ixtisosligi bo‘yicha dotsent ilmiy unvoni berilgani bilan.

📸 Yig‘ilish so‘ngida Kengash a’zolari esdalik uchun suratga tushishdi.

@usatuzb