Fan va texnologiyalar universitetining ikki nafar talabasi Turkiyaning ijtimoiy va gumanitar fanlar sohasidagi nufuzli oliy ta’lim muassasalaridan biri — Ibn Haldun universitetida kuzgi semestr davomida tahsil oladi:

👩‍🎓 Saydaliyeva Mubina G‘olib qizi
Turizm va mehmondo‘stlik yo‘nalishi, 3-kurs, TM 2-24-guruh talabasi;

👩‍🎓 Jabborova Roziyabibi Jurabek qizi
Xorijiy til va adabiyoti yo‘nalishi, 4-kurs, 3/23-guruh talabasi.

💯 Talabalarimizga ajratilgan grant quyidagi xarajatlarni to‘liq qoplaydi:

✅ bir semestrlik ta’lim;
✅ yashash bilan bog‘liq xarajatlar;
✅ zamonaviy talabalar yotoqxonasida istiqomat qilish.

🏛 Nega aynan Ibn Haldun universiteti?

Ibn Haldun universiteti — tadqiqotga yo‘naltirilgan ta’lim tizimi, kuchli akademik tarkibi va xalqaro muhiti bilan ajralib turadigan nufuzli oliygohdir. Universitetda:

🌍 talabalar 73 mamlakat vakillaridan iborat;

👫 xalqaro talabalar ulushi 29 foizni tashkil etadi;

🇹🇷 🇺🇸 ta’lim turk va ingliz tillarida olib boriladi;

👨‍💼 har besh nafar talabaga bir nafar akademik to‘g‘ri keladi;

🥇 ta’lim dasturlari FIBAA xalqaro akkreditatsiyasi hamda YÖKAKning besh yillik to‘liq akkreditatsiyasiga ega.

👍 USAT delegatsiyasini Ibn Haldun universitetining o‘quv ishlari bo‘yicha prorektori Özcan Erkan Akgün, xalqaro hamkorlik bo‘limi boshlig‘i Selim Qorqmas hamda Yevroosiyo tadqiqotlar markazi rahbari kutib oldi.

Uchrashuv davomida talabalarimizning ta’lim olishi, xalqaro akademik muhitga moslashishi hamda ikki universitet o‘rtasidagi hamkorlikni yanada rivojlantirish masalalari muhokama qilindi.