#TANLOV
#MUNOZARA

✨ Mustaqil fikr, kuchli mantiq va ishonchli nutq — munozaraning asosiy kuchi!

Joriy yilning 7-oktabr kuni oliy ta’lim tashkilotlari talaba-yoshlari o‘rtasida an’anaviy jamoaviy “Munozara” respublika turnirining 2-hududiy saralash bosqichi bo‘lib o‘tdi.

Yoshlarning mustaqil fikrlashi, mantiqiy tahlil qilishi, notiqlik mahoratini rivojlantirishi hamda o‘z nuqtayi nazarini dalillar asosida himoya qila olishiga xizmat qiluvchi ushbu intellektual bellashuvda Fan va Texnologiyalar universiteti talabalari ham faol ishtirok etdilar.

👩‍💼 Universitetimiz sharafini munosib himoya qilgan talabalarimiz:
🔹 Xojaqulova Nargiza — Turizm va mehmondo‘stlik yo‘nalishi, 1/25-guruh;
🔹 Mirxamidova Farangiz — Xorijiy til va adabiyoti yo‘nalishi, 5/25-guruh;
🔹 Turobova Mashhuraxon Yorqinjon qizi — Xorijiy til va adabiyoti yo‘nalishi, 4/25-guruh.

🥉 Quvonarlisi, Fan va Texnologiyalar universiteti jamoasi 22 ta oliy ta’lim muassasasi orasida faxrli 3-o‘rinni egalladi!

👏 Talabalarimizni ushbu munosib natija bilan tabriklaymiz! Kelgusidagi intellektual bellashuvlarda ham ularga ulkan zafarlar tilaymiz!

Instagram | Facebook | Youtube | Sayt | Lokatsiya

#Tibbiy_psixologik_immunitet
#Davra_suhbati

⁉️ Yoshlar orasida tibbiy va psixologik immunitetni qanday shakllantirish mumkin?

Joriy yilning 6-oktabr kuni universitetimizda Toshkent davlat tibbiyot universiteti “Asab kasalliklari, tibbiyot psixologiyasi va psixoterapiya” kafedrasi professori, Fransiya Psixomotor oliy instituti faxriy professori Zarifboy Ibodullayev bilan mazmunli davra suhbati bo‘lib o‘tdi.

🎙 Suhbat davomida bugungi yoshlar duch kelayotgan dolzarb muammolar — depressiya, maqsadsizlik, stress hamda turli giyohvandlik vositalariga ruju qo‘yish kabi holatlar va ularga qarshi tibbiy-psixologik immunitetni shakllantirish masalalari muhokama qilindi.

Shuningdek, ruhiy zo‘riqish va psixologik bosimlarni yengishda sog‘lom fikrlash, to‘g‘ri kun tartibi va faol hayot tarzining ahamiyati haqida qimmatli tavsiyalar berildi.

🎤 Tadbir yakunida talabalarimiz o‘zlarini qiziqtirgan savollar bilan murojaat qilib, mutaxassisdan batafsil javob va tavsiyalar oldilar.

💬 Sog‘lom ruhiyat — sog‘lom kelajak poydevori!

Instagram | Facebook | Youtube | Sayt | Lokatsiya

👍 Fan va texnologiyalar universiteti yoshlar yetakchisi respublika forumida ishtirok etmoqda!

Joriy yilning 9–11-oktabr kunlari Toshkent viloyatining Bo‘stonliq tumanidagi Yoshlar oromgohida o‘tkazilayotgan “Oliy ta’lim yoshlar yetakchilari forumi — 2026” da Fan va texnologiyalar universiteti yoshlar yetakchisi, rektorning yoshlar masalalari bo‘yicha maslahatchisi talabamiz Jalilov Abdulbosid ham ishtirok etmoqda.

📌 Forum doirasida oliy ta’lim muassasalari yoshlar yetakchilari o‘rtasida tajriba almashish, yangi tashabbuslarni ilgari surish, yoshlar bilan ishlash samaradorligini oshirish hamda istiqbolli loyihalarni amalga oshirish masalalari muhokama qilinmoqda.

💫 Mazkur forum yoshlar yetakchilari uchun yangi bilim va tajribalarni o‘zlashtirish, respublika miqyosida hamkorlik aloqalarini mustahkamlash hamda talaba-yoshlar uchun yangi imkoniyatlar yaratishga xizmat qiladi.

Instagram | Facebook | Youtube | Sayt | Lokatsiya