ЖЕҢІЛІС…

Зеленский:

— Мен Путин үшінші дүниежүзілік соғысты бастап қойды деп есептеймін. Мәселе тек оның қанша аумақты басып алатынында және оны қалай тоқтатуға болатынында... Ресей әлемге басқа өмір салтын таңғысы келеді және адамдардың өздері таңдаған өмірін өзгерткісі келеді.

Донбасстың берілуі Путинді қанағаттандыра ма? Әлбетте жоқ. Оған үзіліс керек, ол күш жинап алған бойда — Еуропаға шабуылдайды. Бұған 3 жылдан 5 жылға дейін уақыт кетуі мүмкін дейді, ал меніңше, ол 2 жылда күшін жинап алады. Оның соғысты жалғастырғысы келетіні — факт!

Меніңше, бүгін Путинді тоқтату және оған Украинаны басып алуға жол бермеу — бүкіл әлем үшін жеңіс. Ол соғыстың тоқтағанын қаламайды. Бірақ қаламайды деген оны жасамайды дегенді білдірмейді. Құдай сәтін салсын. Құдай қаласа, біз жеңіске жетеміз!, - деді.

Буданов:

— Мәскеу БҰҰ Жарғысы мен халықаралық келісімдерді бұза отырып, әлемдік тәртіп пен халықаралық институттардың қауқарын сынап жатыр. Ресей Украинаға қарсы ұзақ соғысуда, өйткені тәуелсіз Украина Кремльдің империялық жоспарларына тосқауыл қойып келеді, - деді.

Залужный:

— Бізде, украиндарда, таңдау жоқ. Не жоқ боламыз, не аман қаламыз. Тірі қалудың формуласы қарапайым: күресуді жалғастырамыз, экономиканы нығайтып, бірлікті сақтаймыз, - дейді.

2022 жылдың 24 ақпаны. Әлемдік тізімде екінші тұрған әскер өзінен әлденеше кіші Украинаға соғыс ашып, танауы тасқа тигелі тұп-тура 4 жыл. Осы уақыт ішінде Ресей көптеген стратегиялық жеңілістерге ұшырады!

Өзгесін айтпағанда, осы төрт жылда Ресей Донбассты толық басып ала алған жоқ! Майдан даласында тасбақа жүріспен жылжып, әр бір киллометр үшін жүздеген, мыңдаған сарбазын құрбан етуде.

CSIS есептеулері бойынша, өткен жылы Ресей Бас штабының генералдары Украина аумағының тек 0,8%-ын (4 831 шаршы шақырым) бақылауға ала алған. Сонымен қатар, 2022 жылдың ақпан айынан бастап Ресей әскері 1,2 миллион шығынға ұшыраған, оның ішінде 325 мың адам қаза тапқан. Бұл Кеңес армиясының Ауғанстандағы шығындарынан 17 есе, екі шешен соғысы кезіндегі шығындардан 11 есе және 1945 жылдан бері болған барлық соғыстардан бес есе көп.

Осы төрт жылда Ресей өзінің бүтіндей облысынан айырылып қала жаздады. Курскі тұп-тура 1,6 жыл Украина әскерінің бақылауында болып, ақыры Ресей Солтүстік Корейден көмек сұрауға, сарбаз алдыруға мәжбүр болды. КХДР-дан зымыран, Ираннан дрон сұрап, алақан жайды.

Өз ішінде бірнеше дүркін мобилизация жариялады. Түрме-түрмелерден сарбаз іздеп тентіреді. Жеке әскери компанияларға жалынды. Аннан-мұннан барған-келген мигранттарға пұл төлеп, әскер толтыруға тырысты.

Экономикасы қап-қап, дөге-дөге санкциялар арқалап, қазаны ортайды, қалтасы сөгілді. Әуедегі жағдайы нашарлады. Ұщақ сатып ала алмай, бар ұшағын жөндей алмай, авиаканнибализмді бастан өткеруде. Жерде де жағдайы оңбады. Жанама санкциялар жан-жақтан құрсап, МӨЗ-дері шет-шетінен өртеніп, мұнай мен газ аққан құбырлары бірте-бірте бітеліп жатыр. Теңіздің де толқыны қатты. Мұнай тиеген танкерлер топырлап тұтқындалып жатыр…

Қысқасы: Ресейдің Украинаға қарсы бұл соғысының басты философиясы Украина жерін жаулап алу ғана емес еді. Басты философиясы - Украинада билік алмастырып, Беларусь секілді қолбала билік орнату еді. Украинаны өз ықпалына мықтап қарату еді. Украинаны Қара теңізге шығу жолынан айыру еді. Онан соң Молдоваға ауыз салу, Приднестровьедегі әскерін арттырып, Кишиневті тырп еткізбеу еді. НАТО-ға тойтарыс беріп, шекарадан алыстату еді. Балтық елдеріне айбатын көрсетіп жату еді. Жалпы алғанда КСРО 2 дейтін алып арман еді.

Осылардың бірде-біреуі орындалған жоқ! Бұл Ресейдің басты стратегиялық жеңілісі емей не енді?!

Бейбітшілік кеңесі ресми сайтын іске қосты...

Бейбітшілік кеңесі boardofpeace.org ресми сайтын таныстырды. Онда ұйымның негізін қалаушы 26 мемлекет (соның ішінде Әзербайжан да бар) туралы ақпарат пен ұйымның негізгі принциптері жарияланған.

Платформада келесі маңызды материалдар орналастырылған:

Кеңес Хартиясы;

Газа секторында бейбітшілік орнату жоспары;

Өткізілген кездесулердің құжаттары;

Кеңес мүшелері мен Газа бойынша Басқарма туралы мәліметтер.

Сайт ұйым қызметінің ашықтығын көрсетуге және ресми материалдарға еркін қол жеткізуді қамтамасыз етуге арналған платформа ретінде таныстырылды.

Ресей енді бүйдеп сайрауда...

Ресейдің Сыртқы барлау қызметі: «Лондон мен Париж Киевті ядролық бомбамен қаруландыруға дайындалып жатыр. Олардың элиталары жеңіліспен келісуге дайын емес. Украинаны «вундерваффемен» (ғажайып қарумен) қамтамасыз ету керек деп есептейді. Олар егер Киевтің иелігінде атомдық немесе тым болмағанда «лас бомба» болса, соғыс қимылдарын аяқтаудың неғұрлым тиімді шарттарына мүмкіндік туады деп есептейді», - деп мәлімдеді.

Ал Ресей Думасының спикері Володин: «Украинаға ядролық қару беру – қылмыс. Оның соңы ядролық соғыс болады. Сондықтан, Париж бен Лондонның бұл ойын мүлде болдырмау керек. Бұндай қадамға Мәскеу бірден қарсы әрекетететін болады», - деп ойбайлауда.

Бұл лапылдап жанып жатқан - Татарстандағы мұнай айдайтын станция.

«Калейкино» станциясы «Дружба» құбыр желісіндегі маңызды логистикалық нүктелердің бірі саналады. Дәл осы жерден Батыс Сібір мен Поволжьеден мұнай экспортталады.

Бұл Украинаның кезекті дәл соққысының салдары...

Bloomberg: Майдандағы орасан зор адам шығыны Ресейге ауқымды шабуыл жасауға кедергі боп тұр!

Батыс барлауының мәліметінше, ұрыс даласындағы Ресейдің адам шығыны үш ай бойы шамамен 30 000-35 000 адамнан асып жығылып тұр.

Мәскеу нақты сандарды ашып айтпайды, бірақ, үқымбат жалақысы бар келісімшарттар арқылы әскер толтыру мен шетелдік жалдамалы әскерге көбірек басымдық берілуде. Қазір шамамен 17 000 КХДР сарбазы бары және Үндістан, Пәкістан, Непал, Куба, Нигерия және Сенегалдан келген жалдамалы сарбаздарға сенім артылуда.

Дмитрий Медведев бүйдейді:

Франция мен Британияның Киевке ядролық технологияларды беру ниеті туралы СІБ (СВР) ақпараты жағдайды түбегейлі өзгертеді. Бұл жерде мәселе Ядролық қаруды таратпау туралы шарттың (ЯҚТШ) немесе халықаралық құқықтағы басқа да дүниелердің бұзылуында емес. Бұл — соғысып жатқан елге ядролық қаруды тікелей беру деген сөз.

Оқиға осылай өрбитін болса, Ресейдің Украинадағы елімізге қауіп төндіретін нысандар бойынша кез келген, соның ішінде стратегиялық емес ядролық қаруды қолдануына тура келетініне ешқандай күмән болмауы тиіс. Ал қажет болған жағдайда — Ресеймен ядролық қақтығысқа сыбайлас болып отырған жеткізуші елдерге де соққы беріледі.

Ресей президентінің баспасөз хатшысы Песков та осы тақырыпта сөйлеп:

- Лондон мен Париждің Киевке ядролық қаруды немесе "лас бомбаны" беруге ниетті деген ақпарат бізді алаңдатады. Біз алда болатын үшжақты келіссөздерде сөзсіз, бұл мәселені көлденеңінен қоятын боламыз, - дейді.

Қазақстанның экспорттық түсімінің тең жартысы мұнай мен мұнай өнімдеріне тиесілі!

Ұлттық статистика бюросының мәліметінше, 2025 жылы Қазақстан шетелге құны 39,916 млрд доллар болатын мұнай мен мұнай өнімдерін (ЕЭҚ ТН ВЭД 2709) экспорттаған.

Бұл сома республиканың осы кезеңдегі жалпы экспорттық түсімінің 50,5%-ын құрайды. Естеріңізге сала кетейік, 2025 жылы Қазақстан жалпы сомасы 79,041 млрд долларға түрлі өнімдер экспорттаған болатын.

Бұған дейін LogiStan 2025 жылы Қазақстаннан шетелге 76 млн тонна мұнай жеткізілгені туралы жазған еді. Экспорт ең белсенді жүргізілген елдер:

Италияға — 28,9 млн тонна (–5,9%)

Нидерландыға — 10,6 млн тонна (+37,6%)

Францияға — 5,6 млн тонна (+5,6%)

Румынияға — 5,3 млн тонна (+17,8%)

Қорғаныс министрі Федоров Украинаның соғыстағы мақсаттарын жариялады!

Әуені жабу. Мақсат — әуе қауіптерінің 100%-ын нақты уақыт режимінде анықтау және зымырандар мен дрондардың кем дегенде 95%-ын атып түсіру. Қазірдің өзінде көпдеңгейлі «кіші» ӘШҚ (Әуе шабуылына қарсы қорғаныс) жүйесін құру және ұстап алғыш құрылғыларды масштабтау жұмыстары басталды.

Жауды жерде, теңізде және киберкеңістікте тоқтату. Жау Украина жерінің әрбір километрі үшін құн төлейді. Донецк облысында әр 1 км²-ге 156 сарбаздан келеді. Мақсат — әр км² үшін 200-ден астам басқыншының көзін жою. Бұл — одан әрі ілгерілеу мүмкін болмайтын шығын деңгейі.

Ресейді экономикалық ресурстарынан айыру. Ол үшін: санкцияларды күшейту, серіктестермен үйлесімді жұмыс, «көлеңкелі флотқа» қарсы іс-қимыл стратегиясы және теңіздегі бірлескен әрекеттер қажет. Ресей бюджетінің тапшылығы тарихтағы ең ірі көрсеткішке жетуі тиіс.

Федоровтың пікірінше, бұл мақсаттарға жету үшін мыналар қажет:

Серіктестік. Осы жылы халықаралық көмектің рекордтық көлеміне қол жеткізу үшін ынтымақтастықты нығайту. Бұл қаражат дрондар сатып алуға, әскерилерге тұрақты төлем жасауға, ӘШҚ-ны күшейтуге және қорғаныс жүйесінің басқа да қажеттіліктеріне жұмсалады.

Технологиялық басымдық. Әрбір технологиялық циклде жаудан кем дегенде 10 қадам алда болу. Инновациялар соғысында көшбасшылықты сақтап қалу.

Соғыс математикасы. DELTA арқылы «єБалів» жүйесінің көмегімен ұрыс даласынан сапалы мәліметтер алу мүмкін болды. «Келесі қадам — деректерді шешуші күшке айналдыру. Көбірек көру. Жылдамырақ ойлау. Дәлірек соққы беру. Әрбір шешім түйсікке емес, сапалы деректерге негізделуі тиіс», — деп атап өтті министр.

Бұл суреттегі адам - Михаил Альбертұлы Федоров деген жігіт. Украинаның Қорғаныс министрі.

1991 жылғы жігіт. Жасы 35-те.

Осы жасында әлемдік әскери рейтингте екінші сатыда тұрған, ядролық держава саналатын Ресейге қарсы майдандағы басты күрескерлердің бірі боп жүр.

Бұл жігіт ІТ маманы. Украинаның цифрлық трансформация министрі болған, Инвестиция, білім саласын дамыту және ғылым мен технологияға жауапты вице-премьер болған.

Осы жігіт әлгінде қасқайып тұрып: "Біз қазір майдан шебінде айына 30-35 мың жауды жайратып сап жатырмыз. Мақсатты меземіз осы санды айына 50 мыңға жеткізу", - деді ғой.

"Соғыс даласында ең әуелі дұрыс мақсаттар қою керек. Ол жоқ болса жүйе зардап шегеді. Сондықтан менеджмент нақты мақсаттарға қол жеткізуге қабілетті адамдардың айналасында құрылуы керек", - деді.

ЕО Венгрияның ветосына қарамай, ақыры Украинаға 90 млрд еуро несие бөлетін болды!

Құжатқа қол қойылды. Ал Европарламент президенті Метсола бұл қаражаттың мемқызметті қолдауға, қорғанысты қолдауға, қауіпсіздік секторын қолдауға жұмсалатынын айтты.