⚡️Ауғаныстан БАҚ-тары: Пәкістанға жасалған соққыдан жүздеген адам қаза тапты дейді.

Бірқатар ақпарат көздері Талибанның көсемі Хайбатулла Ахунзаданың бірнеше қолбасшысымен бірге қаза тапанын айтуда. Пәкістан ұшақтары Кабулға соққы жасау барысында көз жұмған дейді.

Ақпарат нақтылауды қажет етеді. Рас/өтірігі ресми айтылар.

⚡️Швецияның Мальмё портында француздың «Шарль де Голль» әуетасымалдаушы кемесіне Ресейдің дроны жақындап келіп, оны швед әскерлері атып құлатқан.

Дрон Эресун бұғазындағы ресейлік кемеден ұшырылған.

Орбанның жағдайы мәз емес!

Венгрияның бірнеше оппозициялық партиялары сәуірде өтетін сайлауға қатысудан бас тартты. Бұл қадам Виктор Орбанның басты қарсыласы Петер Мадьярдың «Тиса» партиясының позициясын нығайту үшін жасалып отыр.
Мадьяр қалған барлық оппозициялық топтарды жол беруге шақырып, тек біріккен фронт қана Орбанның 16 жылдық билігіне нүкте қоя алатынын алға тартуда.

Таңдау сәті

Екі аптадан кейін ел күткен елеулі оқиға болмақ. Қазақстан халқы жаңа конституцияға дауыс береді. Референдум нәтижесіне байланысты, елдегі саяси институттар түбегейлі өзгеруі мүмкін. Мемлекет маңызды шешімді қабылдау сәтінде халықтың пікірі мен үніне құлақ асады. Бұл референдум арқылы көрініс табуда. Соңғы 4 жылда елімізде үшінші референдум өтуде. Бұл билік тармағында шешім қабылдаудың түбегейлі өзгергенінің айқын көрінісі.

Енді халық тағы да маңызды шешім алдында тұр. Референдум. Жаңа конституцияны қабылдауға қатысты өз даусын береді.

Тәуелсіздігіміздің кешегісі мен бүгінінде мемлекет реформалар жүргізіп, қоғам соны сырттай бақылап отыратын кезеңдер болды. Сол секілді қоғам сол өзгерістердің тең авторына айналатын кездер де болды. Біз қазір дәл осындай кезеңде тұрмыз. Жаңа Конституцияның жобасы жарияланды, талқылау жалпыхалықтық деңгейге шықты және ел әрбір азаматтың өз сөзін айтуға құқығы бар сәтке таяп қалды.

Бұл жерде бір қарапайым нәрсені түсіну маңызды. Референдум сауалы әлдебір жекелеген баптың біреуге ұнауы немесе ұнамауы туралы емес. Ол — жаңа ережелер жүйесіне деген сенім туралы. Әрі әділдік пен дамуға деген сұранысқа, сондай-ақ цифрлық дәуірдің сын-қатерлеріне жауап беретін жаңартылған модель аясында өмір сүруге келісім беру туралы.

Сондықтан дауыс беруге қатысу — қорытынды хаттамадағы жай ғана «цифр» емес, бұл — қоғамның саяси кемелдігінің көрсеткіші. Қатысушылар саны неғұрлым көп болса, болашақ Конституцияның қоғамдық мандаты да соғұрлым берік болады. Халық неғұрлым белсенді атсалысса, «бұл шешімді кім қабылдады» деген күмән мен алыпқашпа әңгімелерге соғұрлым орын қалмайды.

Жобаны дайындау процесінің өзі оған қосымша легитимділік береді. Негізгі заңды талқылауға 130 адам қатысты: олардың қатарында сарапшылар қауымдастығы, ғылыми орта, қоғамдық ұйымдар мен азаматтық қоғам өкілдері бар. Сонымен қатар, «eGov» арқылы келіп түскен 10 мыңға жуық ұсыныс конституциялық реформаның жабық кабинеттерде емес, ауқымды қоғамдық диалог форматында қалыптасып жатқанын көрсетеді.

Нұргелді Әбдіғаниұлы, саясаттанушы

Қытай өз азаматтарына үндеу жасады!

Қытай билігі өз азаматтарына Иранға бармауға, Иранда жүрген азаматтарына елден дереу кетуге шақырды.

СОҒЫСТЫҢ СҰЛБАСЫ

1) Бүгін Израиль Әуе қорғаныс күштерінің қолбасшылығы әскери қызметке жүздеген резервшілерді шақырды.

2) Билік бомбадан қорғану орындар да ашты.

3) Американың Иранға соққы беру қаупіне байланысты Иерусалимдегі АҚШ елшілігі өз қызметкерлеріне Израильден кетуге болатынын хабарлады.

Пәкістан армиясы: “Операция жалғасуда. Талибанның 274 жауынгері қаза тапты. 400-ден астамы жарақат алды. Сонымен бірге 115 дана танк, зеңбірек, бронды көлік жойылды. Ауғанстанның 22 ауданына соққы жасадық. 83 позиция жойылды, 17 позицияны басып алдық”, - дейді.

Женевадағы келіссөздерден кейін: ҚХР ядролық келісім бойынша ұстанымының өзгермейтінін мәлімдеді!

Қытай СІМ-нің ресми өкілі Мао Нин Бейжіңнің АҚШ және Ресеймен ядролық қарусыздану бойынша үшжақты келіссөздерге қатысу мәселесіндегі ұстанымы өзгеріссіз қалатынын мәлімдеді. Оның айтуынша, ең ірі ядролық арсеналға ие Америка Құрама Штаттары «ядролық қарусыздану бойынша өзінің ерекше әрі бірінші кезектегі міндетін адал орындауы» тиіс.

Қазақстаны СІМ-і өз азаматтарына үндеу жасады!

Қазақстан СІМ-і өз азаматтарына Иранға бармауға, онда жүрген өз азаматтарына елден дереу кетуге шақырды.

Мемлекет басшысы Қасым-Жомарт Тоқаев Америка Құрама Штаттарының Қазақстан Республикасындағы елшісі Джули Стаффтты қабылдады!

Президент Қазақстан мен Американың жоғары деңгейдегі қарқынды саяси диалогы екіжақты және көпжақты форматтағы сан қырлы ынтымақтастықты нығайтуға септігін тигізіп келе жатқанына тоқталды.

Кездесу барысында сауда-экономика, инвестиция салаларындағы маңызды уағдаластықтарды жүзеге асыру барысы талқыланды. Нақты нәтижеге қол жеткізу үшін екі елдің салалық ведомстволары деңгейінде тығыз қарым-қатынасты жалғастыру қажеттігі айтылды.

Сонымен қатар Қасым-Жомарт Тоқаев пен Джули Стаффт Бейбітшілік кеңесі аясындағы ықпалдастық мәселелері жөнінде пікір алмасты.

Ақорда

ЗҰЛЫМДЫҚ

Бұл ЖИ жасаған видео емес. Бұл талқандалған Константиновка. Ресей әскері фосфорлы зымыран қолданған кездегі видео.

Бүгін Борис Немцов өлтірілген күн...

Тұп-тура 11 жыл бұрын Ресей оппозициясының ең көрнекті өкілі Борис Немцовты Кремльдің қақ алдында атып кеткен еді.

Борис Немцов, көптеген оппозиционерлер сияқты, Путиннің басқаруындағы Ресейдің болашағы туралы мәселені бірнеше рет көтеріп, ықтимал апаттар туралы ескерткен болатын.

Немцовтың ең танымал мәлімдемелерінің бірі — Украинадағы соғыстың тек Украина үшін ғана емес, Ресейдің өзі үшін де жойқын салдары болатыны туралы ескертуі еді. Ол Путиннің көрші елге қарсы бастаған агрессиясы Ресейдің халықаралық майданда оқшаулануына, экономикалық шығындарға және ішкі саяси жағдайдың ушығуына сөзсіз алып келетінін айтқан.